Season Fashion 2026: ಪಂಜಾಬಿ ಸೂಟ್ನೊಂದಿಗೆ ಬೆರೆತ ಬಾಂದನಿ ವಿನ್ಯಾಸ
ಇದೀಗ ಪಂಜಾಬಿ ಸೂಟ್ನಲ್ಲಿ ಬಾಂದನಿ ವಿನ್ಯಾಸ ಬೆರೆತಿದೆ. ಇದಕ್ಕೆ ಪೂರಕ ಎಂಬಂತೆ, ನಟಿ ಸರ್ಗುನ್ ಮೆಹ್ತಾ ಧರಿಸಿದ್ದ ವೈಬ್ರೆಂಟ್ ಪಿಂಕ್ ಕಲರ್ನ ಈ ಉಡುಗೆ ಫ್ಯಾಷನ್ಲೋಕದಲ್ಲಿ ವೈರಲ್ ಆಗಿದೆ. ಇದ್ಯಾವ ಬಗೆಯ ಔಟ್ಫಿಟ್? ಇಲ್ಲಿದೆ ಡಿಟೇಲ್ಸ್.
ಚಿತ್ರಗಳು: ಸರ್ಗುನ್ ಮೆಹ್ತಾ, ನಟಿ -
ಪಂಜಾಬಿ ಸೂಟ್ನಲ್ಲಿ ಇದೀಗ ಬಾಂದನಿ ವಿನ್ಯಾಸ ಬೆರೆತಿದೆ. ಹೊಸ ಲುಕ್ನಲ್ಲಿ ಹಾಗೂ ವೈಬ್ರೆಂಟ್ ಕಲರ್ನಲ್ಲಿ ಕಾಣಿಸಿಕೊಂಡು ಟ್ರೆಂಡಿಯಾಗಿವೆ.
ಬಾಂದನಿಯೊಂದಿಗೆ ಬೆರೆತ ಪಂಜಾಬಿ ಸೂಟ್
ಹೌದು, ಇದೀಗ ಪಂಜಾಬಿ ಸಲ್ವಾರ್ ಸೂಟ್ನಲ್ಲಿ ಟಿಪಿಕಲ್ ಬಾಂದನಿ ವಿನ್ಯಾಸದವು ಟ್ರೆಂಡಿಯಾಗಿದೆ. ನೋಡಲು ಅತ್ಯಾಕರ್ಷಕವಾಗಿ ಕಾಣಿಸುವ ಈ ಬಾಂದನಿ ವಿನ್ಯಾಸ ದ ಪಂಜಾಬಿ ಸೂಟ್ಗಳು ನೋಡಲು ತಕ್ಷಣಕ್ಕೆ ಕೋ ಆರ್ಡ್ ಸೆಟ್ಗಳಂತೆ ಕಾಣಿಸುತ್ತಿವೆ.
ಸರ್ಗುನ್ ಮೆಹ್ತಾ ಧರಿಸಿದ್ಧ ಬಾಂದನಿ ಪಂಜಾಬಿ ಸೂಟ್
ಇವೆಂಟ್ವೊಂದರಲ್ಲಿ ನಟಿ ಸರ್ಗುನ್ ಮೆಹ್ತಾ ಧರಿಸಿದ್ದ, ರಾಹುಲ್ ಕಪೂರ್ ಡಿಸೈನ್ನ ಪಿಂಕ್ ಪಂಜಾಬಿ ಸಲ್ವಾರ್ ಸೂಟ್ ಯಾವ ಮಟ್ಟಿಗೆ ಸಲ್ವಾರ್ ಪ್ರಿಯರನ್ನು ಆಕರ್ಷಿಸಿದೆ ಎಂದರೇ, ಎಥ್ನಿಕ್ ಲುಕ್ ಬಯಸುವವರೆಲ್ಲರೂ ಈ ಔಟ್ಫಿಟ್ಗೆ ಮಾರುಹೋಗಲಾರಂಭಿಸಿದ್ದಾರೆ. ಪರಿಣಾಮ, ಆನ್ಲೈನ್ ಶಾಪ್ಗಳಲ್ಲಿ ಬೇಡಿಕೆ ಹೆಚ್ಚಾಗಿದೆ.
ಬಾಂದನಿ ಪಂಜಾಬಿ ಸೂಟ್ ವಿಶೇಷತೆ
ಮೂಲತಃ ಪಂಜಾಬಿನ ಟ್ರೆಡಿಷನಲ್ ಸೂಟ್ನಲ್ಲಿ ಸೇರುವ ಪಂಜಾಬಿ ಸೂಟ್ ತ್ರೀ ಪೀಸ್ ಉಡುಗೆಯಾಗಿದೆ. ಕುರ್ತಾ, ದುಪಟ್ಟಾ ಹಾಗೂ ದೊಗಲೆಯಾಗಿರುವ ಪ್ಯಾಂಟ್ ಹೊಂದಿರುತ್ತವೆ. ಇದೀಗ ಕಂಪ್ಲೀಟ್ ವಿಭಿನ್ನ ಲುಕ್ ನೀಡುವಂತಹ ಬಾಂದನಿ ಟೈ & ಡೈ ವಿನ್ಯಾಸದೊಂದಿಗೆ ಬೆರೆತು ಬಾಂದನಿ ಪಂಜಾಬಿ ಸೂಟ್ ಎಂದೆನಿಸಿಕೊಂಡಿವೆ ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.
ವೈಬ್ರೆಂಟ್ ಕಲರ್ಸ್ ಕಮಾಲ್
ಪಂಜಾಬಿ ಸೂಟ್ನಲ್ಲಿ ಇದೀಗ ವೈಬ್ರೆಂಟ್ ಪಿಂಕ್, ಯೆಲ್ಲೋ, ಹಸಿರು, ನೀಲಿ ಸೇರಿದಂತೆ ಸಾಕಷ್ಟು ಕಲರ್ಗಳು ಒಂದಾಗಿವೆ. ಉಡುಗೆಯನ್ನು ಹೈಲೈಟ್ ಮಾಡುತ್ತಿವೆ.