Star Jewel Fashion 2026: ನಟಿ ಸುರಭಿ ಧರಿಸಿದ ವಿಭಿನ್ನ ಟ್ರೆಡಿಷನಲ್ ಆಭರಣಗಳಿವು!
Surbhi Jyoti: ಹಿಂದಿ ಟೆಲಿವಿಷನ್ ಲೋಕದ ಖ್ಯಾತ ನಟಿ ಸುರಭಿ ಜ್ಯೋತಿ ಧರಿಸಿರುವ ಟ್ರೆಡಿಷನಲ್ ಜ್ಯುವೆಲರಿಗಳು ಇದೀಗ ಆಭರಣ ಪ್ರಿಯರನ್ನು ಸೆಳೆದಿವೆ. ಈ ವಿಭಿನ್ನ ಅಪರೂಪದ ಜ್ಯುವೆಲರಿಗಳ್ಯಾವುವು? ಅವುಗಳ ವಿಶೇಷತೆಯೇನು? ಈ ಕುರಿತ ಡಿಟೇಲ್ಸ್ ಇಲ್ಲಿದೆ.
ಚಿತ್ರಗಳು: ಸುರಭಿ ಜ್ಯೋತಿ, ನಟಿ -
ನಟಿ ಸುರಭಿ ಜ್ಯೋತಿ ಧರಿಸಿರುವ ಟ್ರೆಡಿಷನಲ್ ಅಪರೂಪದ ಜ್ಯುವೆಲರಿಗಳು ಇದೀಗ ಆಭರಣ ಪ್ರಿಯರನ್ನು ಸೆಳೆದಿವೆ. ಹೌದು, ಸಾಮಾನ್ಯ ಡಿಸೈನ್ನವಲ್ಲದ ಈ ಟ್ರೆಡಿಷನಲ್ ಜ್ಯುವೆಲರಿಗಳು ಸುರಭಿ ಜ್ಯೋತಿಯ ಕಿವಿ ಹಾಗೂ ಕೈಗಳನ್ನು ಅಲಂಕರಿಸಿವೆ. ನೋಡಲು ಅತ್ಯಾಕರ್ಷಕವಾಗಿವೆ.
ಸುರಭಿ ಫ್ಯಾಷನ್ ಲವ್
ಟೆಲಿವಿಷನ್ ಲೋಕದಲ್ಲಿ ಸಾಕಷ್ಟು ಹೆಸರು ಮಾಡಿರುವ ನಟಿ ಸುರಭಿ ಜ್ಯೋತಿ ಇದೀಗ ಪ್ರೆಗ್ನೆಂಟ್ ಕೂಡ. ಈ ಹಿಂದೆ ತಮ್ಮ ಬೇಬಿ ಬಂಪನ್ನು ಬಿಂದಾಸ್ ಆಗಿ ತೋರಿಸುತ್ತಿದ್ದವರು ಇದೀಗ ಜ್ಯುವೆಲರಿಗಳನ್ನು ಧರಿಸಿ ಪೋಸ್ ನೀಡಿದ್ದಾರೆ. ಅಲ್ಲದೇ ಒಂದಿಷ್ಟು ಟ್ರೆಡಿಷನಲ್ ಔಟ್ಫಿಟ್ಗಳಲ್ಲೂ ಕಾಣಿಸಿಕೊಳ್ಳಲಾರಂಭಿಸಿದ್ದಾರೆ. ಆದರೆ, ಇದೀಗ ಸುರಭಿ ಧರಿಸಿರುವ ಜ್ಯುವೆಲರಿಗಳು ಇದ್ದಕ್ಕಿದ್ದಂತೆ ಬೇಡಿಕೆ ಪಡೆದುಕೊಂಡಿವೆ. ಡಿಫರೆಂಟ್ ಲುಕ್ಕಾಗಿ ಧರಿಸುವವರು ಆನ್ಲೈನ್ನಲ್ಲಿ ಇವುಗಳನ್ನು ತಡಕಾಡತೊಡಗಿದ್ದಾರೆ ಎಂದಿದ್ದಾರೆ ಫ್ಯಾಷನ್ ಜ್ಯುವೆಲ್ ಡಿಸೈನರ್ಸ್.
ಸುರಭಿ ಧರಿಸಿದ ಕಾಶ್ಮೀರಿ ಇಯರಿಂಗ್ಸ್
ಕಿವಿಯಿಂದ ಭುಜದವರೆಗೂ ತಾಗುವ ಉದ್ದನೆಯ ಗುಂಗ್ರು ಗಳನ್ನು ಹೊಂದಿರುವ ಕಾಶ್ಮೀರಿ ಮಹಿಳೆಯರು ಧರಿಸುವ ಸಾಂಪ್ರದಾಯಿಕ ಹ್ಯಾಂಗಿಂಗ್ಸ್ ಅಥವಾ ಬಿಗ್ ಇಯರಿಂಗ್ಸ್ಗಳಿವು. ಎಮರಾಲ್ಡ್ ಸ್ಟೋನ್ ಸ್ಟಡ್ಸ್ ಜತೆಗೆ ಇರುವಂತಹ ಬಿಗ್ ಜುಮ್ಕಾ ಜತೆಗೆ ಸಾಲು ಸಾಲು ಗುಂಗರುಗಳಿರುವಂತಹ ಹ್ಯಾಂಗಿಂಗ್ಸ್ ಎಂದರೂ ಅತಿಶಯೋಕ್ತಿಯಾಗದು. ಇದುವರೆಗೂ ಅಷ್ಟಾಗಿ ಲೈಮ್ಲೈಟ್ನಲ್ಲಿ ಇಲ್ಲದ ಈ ಬಗೆಯ ಹ್ಯಾಂಗಿಂಗ್ಸ್ ಇತ್ತೀಚೆಗೆ ನಟಿಯರ ಸ್ಟೈಲ್ ಸ್ಟೇಟ್ಮೆಂಟ್ಗೆ ಸೇರಿಕೊಂಡು, ಇತ್ತೀಚೆಗೆ ಇತರೇ ರಾಜ್ಯದ ಮಹಿಳೆಯರಿಗೂ ಪರಿಚಿತಗೊಂಡಿವೆ ಎನ್ನುತ್ತಾರೆ ಜ್ಯುವೆಲ್ ಡಿಸೈನರ್ ರಾಕೇಶ್.
ಸುರಭಿ ಧರಿಸಿದ ಚಾಂದ್ ಹಾಥ್ಪೂಲ್
ಅರ್ಧ ಚಂದ್ರದ ಡಿಸೈನ್ ಒಟ್ಟೊಟ್ಟಿಗೆ ಜೋಡಿಸಿದಂತಿರುವ ಬ್ರೆಸ್ಲೇಟ್ ಜತೆಗೆ ಪ್ರತಿ ಬೆರಳಿಗೂ ಕನೆಕ್ಟ್ ಆಗಿರುವ ಗುಂಗ್ರುಗಳಿರುವ ಅಂದರೆ ಗೆಜ್ಜೆಗಳಿರುವ ಕೈಗಳಿಗೆ ಹಾಕುವ ಹಾಥ್ ಚೈನ್ ಇದು. ಇದನ್ನು ಹಾಥ್ ಫೂಲ್ ಕೂಡ ಎನ್ನಲಾಗುತ್ತದೆ. ರಂಜಾನ್ ಹಬ್ಬದ ಸೀಸನ್ನಲ್ಲಿ ಇವು ಟ್ರೆಂಡಿಯಾಗುತ್ತವೆ. ಇದೇ ಸಮಯದಲ್ಲಿ ಸುರಭಿ ಧರಿಸಿರುವುದು ಸಾಕಷ್ಟು ಹುಡುಗಿಯರಿಗೆ ಪ್ರಿಯವಾಗಿದೆ ಎನ್ನುತ್ತಾರೆ ಫ್ಯಾಷನ್ ವಿಮರ್ಶಕರು.
ಒಟ್ಟಾರೆ, ಸುರಭಿ ತಮ್ಮ ಬೇಬಿ ಬಂಪ್ ಮಾತ್ರವಲ್ಲ, ತಾವು ಧರಿಸಿರುವ ಟ್ರೆಡಿಷನಲ್ ಆಭರಣಗಳನ್ನು ಪ್ರಮೋಟ್ ಮಾಡಿರುವುದರಿಂದ ಈ ಟ್ರೆಡಿಷನಲ್ ಆಭರಣಗಳಿಗೆ ಬೇಡಿಕೆ ಸೃಷ್ಟಿಯಾಗಿದೆ ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.
