ಬೆಂಗಳೂರು: ಆಚಾರ್ಯ ಚಾಣಕ್ಯರು(Chanakya) ತಮ್ಮ ನೀತಿ ಶಾಸ್ತ್ರದಲ್ಲಿ (chanakya Niti) ಜೀ ವನವನ್ನು ಸರಿಯಾದ ದಿಕ್ಕಿನಲ್ಲಿ ನಡೆಸಲು ಅನೇಕ ಮಹತ್ವದ ಉಪದೇಶಗಳನ್ನು ನೀಡಿದ್ದಾರೆ. ಅವರು ಹೇಳಿರುವ ನಾನಾ ವಿಚಾರಗಳು ಇಂದು ಕೂಡ ಜನರಿಗೆ ದಾರಿ ತೋರಿಸುತ್ತಿವೆ. ಚಾಣಕ್ಯರ ನೀತಿಯ ಪ್ರಕಾರ ನಡೆದುಕೊಂಡವರು ಜೀವನದಲ್ಲಿ ಯಾವುದೇ ಅಡೆತಡೆಗಳಿಗೆ ಒಳಗಾಗದೇ ಯಶಸ್ಸಿನ ದಾರಿಯನ್ನು ಕಂಡುಕೊಳ್ಳುತ್ತಾರೆ. ಚಾಣಕ್ಯ ಮಹಾರಾಜರ ಪ್ರಕಾರ, ಕೆಲವು ತಪ್ಪು ಹವ್ಯಾಸಗಳು ವ್ಯಕ್ತಿಯನ್ನು ವೈಫಲ್ಯದತ್ತ ನೂಕಬಹುದು. ಆದ್ದರಿಂದ ಅವುಗಳ ಬಗ್ಗೆ ಜಾಗೃತರಾಗುವುದು ಅಗತ್ಯ.
ಚಾಣಕ್ಯರ ಪ್ರಕಾರ, ಶಾಂತಿಯುತ ಮನಸ್ಸು ಯಶಸ್ಸಿಗೆ ಮೊದಲ ಹೆಜ್ಜೆ. ಸಹನೆಯಿಂದ ವರ್ತಿಸುವ ವ್ಯಕ್ತಿ ಜೀವನದ ಸಂಕಷ್ಟಗಳನ್ನು ಸುಲಭವಾಗಿ ಎದುರಿಸುತ್ತಾನೆ. ಸದಾ ಗದ್ದಲ, ಜಗಳ, ಅಶಾಂತಿಯಿಂದ ಜೀವನ ನಡೆಸುತ್ತಿರುವ ವ್ಯಕ್ತಿ ತನ್ನ ಬದುಕಿನಲ್ಲಿ ಸೋಲನ್ನು ಅನುಭವಿಸುತ್ತಾನೆ.
ಅದೇ ರೀತಿ, ನಿತ್ಯಪೂಜೆ ಮತ್ತು ಭಕ್ತಿ ಜೀವನದಲ್ಲಿ ಸಕಾರಾತ್ಮಕ ಶಕ್ತಿಯನ್ನು ತರಲು ಸಹಾಯ ಮಾಡುತ್ತದೆ ಎಂದು ಚಾಣಕ್ಯರು ಹೇಳಿದ್ದಾರೆ. ಮನೆಯಲ್ಲಿ ಸಕಾರಾತ್ಮಕತೆ ಇದ್ದಲ್ಲಿ ಸಮಸ್ಯೆಗಳು ದೂರವಾಗುತ್ತವೆ ಮತ್ತು ಎಂತಹ ಕಷ್ಟ ಕಾರ್ಪಣ್ಯಗಳು, ತೊಂದರೆಗಳು ನಿವಾರಣೆಗೊಳ್ಳುತ್ತವೆ.
ಚಾಣಕ್ಯರ ಮತ್ತೊಂದು ಮುಖ್ಯ ತತ್ವವೆಂದರೆ ಹಿರಿಯರಿಗೆ ಗೌರವ ಕೊಡುವುದು ಹಾಗೂ ಕಿರಿಯರೊಂದಿಗೆ ಸ್ನೇಹ ಮತ್ತು ಪ್ರೀತಿಯಿಂದ ನಡೆದುಕೊಳ್ಳುವುದು. ಹಿರಿಯರನ್ನು ಗೌರವಿಸದ, ಅವರ ಮಾತನ್ನು ಲೆಕ್ಕಿಸದ ವ್ಯಕ್ತಿ ಜೀವನದಲ್ಲಿ ಅನೇಕ ಅಡೆತಡೆಗಳನ್ನು ಎದುರಿಸಬೇಕಾಗುತ್ತದೆ. ಗೌರವ ಮತ್ತು ಪ್ರೀತಿ ಯಾವಾಗಲೂ ಯಶಸ್ಸಿನ ಬಾಗಿಲು ತೆರೆಯುವ ಗುಣಗಳು ಎಂದು ಅವರು ಹೇಳಿದ್ದಾರೆ.
ಸಾಡೇಸಾತಿ ಶನಿ ದೋಷದಿಂದ ಸಂಕಷ್ಟಕ್ಕೆ ಸಿಲುಕಿದ್ದೀರಾ..?; ಹಾಗಾದ್ರೆ ಈ ವಸ್ತುಗಳನ್ನು ದಾನ ಮಾಡಿ
ಚಾಣಕ್ಯರ ನೀತಿ ಶಾಸ್ತ್ರದಲ್ಲಿ ಸ್ವಚ್ಛತೆಗೂ ಬಹಳ ಪ್ರಾಮುಖ್ಯತೆಯನ್ನು ನೀಡಲಾಗಿದ್ದು, ಅಸ್ವಚ್ಛತೆ ತುಂಬಿಕೊಂಡಿರುವ ಮನೆಯಲ್ಲಿ ನಕಾರಾತ್ಮಕ ಶಕ್ತಿ ಆವಾಹನೆ ಆಗುತ್ತದೆ. ಇದರಿಂದ ಸಕಾರಾತ್ಮಕ ಶಕ್ತಿ ಹಾಗೂ ಸಂಪತ್ತು ವೃದ್ಧಿಸಲು ಅಡೆತಡೆಯಾಗುತ್ತದೆ. ಸ್ವಚ್ಛತೆ ಇದ್ದಲ್ಲಿ ಮನೆಗೆ ಲಕ್ಷ್ಮಿ ಕೃಪೆ ನೆಲೆಸುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಆಚಾರ್ಯ ಚಾಣಕ್ಯರನ್ನು ಮಹಾನ್ ದಾರ್ಶನಿಕ ಮತ್ತು ರಾಜಕಾರಣಿ ಎಂದೇ ಗುರುತಿಸಲಾಗಿದೆ. ಅವರ ನೀತಿಗಳು ಇಂದಿಗೂ ಅನೇಕರ ಜೀವನಕ್ಕೆ ಮಾರ್ಗದರ್ಶನ ನೀಡುತ್ತಿವೆ. ಚಾಣಕ್ಯರ ಉಪದೇಶಗಳನ್ನು ಅಳವಡಿಸಿಕೊಂಡವರು ಜೀವನದಲ್ಲಿ ಶಿಸ್ತು, ಬುದ್ಧಿವಂತಿಕೆ ಮತ್ತು ಯಶಸ್ಸನ್ನು ಗಳಿಸುತ್ತಾರೆ.
ಇನ್ನು ಆಚಾರ್ಯ ಚಾಣಕ್ಯರ ಪ್ರಕಾರ, ಸಮಯವೇ ಜೀವನದ ಅಮೂಲ್ಯ ಸಂಪತ್ತು. ಅವರು ಹೇಳುವಂತೆ, “ಹಣ ಕಳೆದುಹೋದರೆ ಮತ್ತೆ ಗಳಿಸಬಹುದು, ಆದರೆ ಸಮಯ ಕಳೆದುಹೋದರೆ ಅದು ಎಂದಿಗೂ ಮರಳಿ ಬರುವುದಿಲ್ಲ.” ಆದ್ದರಿಂದ ಸಮಯವನ್ನು ಸಮರ್ಥವಾಗಿ ಬಳಸುವ ನಿಶ್ಚಯವನ್ನು ಮಾಡಬೇಕು. ದಿನಚರಿಯನ್ನು ರೂಪಿಸಿ, ಗುರಿಗೆ ಆದ್ಯತೆ ನೀಡಿದರೆ ಯಶಸ್ಸು ನಿಮ್ಮನ್ನು ಅನುಸರಿಸುತ್ತದೆ.
ಆಚಾರ್ಯ ಚಾಣಕ್ಯರು ಹೇಳುವಂತೆ, ತಮ್ಮ ಗುರಿಯನ್ನು ಸ್ಪಷ್ಟವಾಗಿ ತಿಳಿದಿರುವವರು, ಜೀವನದಲ್ಲಿ ಎದುರಾಗುವ ದೊಡ್ಡ ಸಂಕಷ್ಟಗಳನ್ನೂ ದೈರ್ಯದಿಂದ ಎದುರಿಸಿ, ಅದರೊಳಗೇ ಹೊಸ ಮಾರ್ಗವನ್ನು ಕಂಡುಕೊಳ್ಳುತ್ತಾರೆ. ಹಾಗಾಗಿ ಯಶಸ್ಸು ಸಾಧಿಸಬೇಕಾದರೆ ಗುರಿಗಳು ಸ್ಪಷ್ಟವಾಗಿ ಇರಬೇಕು. ಅವನ್ನು ಸಾಧಿಸಲು ಒಂದು ಯೋಜನೆಯನ್ನು ಸಿದ್ಧಪಡಿಸಿ, ಅದನ್ನು ಸಾಧಿಸಲು ಪ್ರತಿದಿನ ಅದಕ್ಕಾಗಿ ಸತತ ಪ್ರಯತ್ನ ಪಡಬೇಕು. ನಡುವೆ ಯಾವ ಅಡೆತಡೆ ಬಂದರೂ ಹಿಂತಿರುಗದೇ, ನಿಮ್ಮ ಗುರಿಯತ್ತ ಸ್ಥಿರವಾಗಿ ಸಾಗುವುದು ಅತ್ಯಂತ ಮಹತ್ವದ್ದು ಎಂಬುದನ್ನು ಚಾಣಕ್ಯರು ಹೇಳುತ್ತಾರೆ.