Astro Tips: ಸಾಡೇಸಾತಿ ಶನಿ ದೋಷದಿಂದ ಸಂಕಷ್ಟಕ್ಕೆ ಸಿಲುಕಿದ್ದೀರಾ..?; ಹಾಗಾದ್ರೆ ಈ ವಸ್ತುಗಳನ್ನು ದಾನ ಮಾಡಿ

ಬೆಂಗಳೂರು: ಶನಿದೇವನು (Shani Deva) ನ್ಯಾಯದ ಗುರುತ್ವ ಹೊಂದಿರುವ ದೇವರು. ಒಳ್ಳೆಯ ಕೆಲಸ(Good Works) ಮಾಡುವವರಿಗೆ ಆತನು ಉತ್ತಮ ಫಲ (Good Result) ನೀಡುವುದರ ಜೊತೆಗೆ, ತನ್ನ ಅನುಗ್ರಹವನ್ನು ಕರುಣಿಸುತ್ತಾನೆ. ಹಾಗೇ ಅನ್ಯಾಯ ಮಾರ್ಗದಲ್ಲಿ ನಡೆದು, ಕಪಟ ಬುದ್ದಿ ಇರುವವರನ್ನು ಆತ ಶಿಕ್ಷಿಸಲಿದ್ದು, ಅಂತವರು ಜೀವನದಲ್ಲಿ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸುವಂತಹ ಸ್ಥಿತಿಯನ್ನು ನಿರ್ಮಾಣ ಮಾಡುತ್ತಾನೆ. ಹಾಗಾಗಿ ಶನಿ ದೇವನ ವಕ್ರ ದೃಷ್ಟಿಗೆ ನೀವು ಗುರಿಯಾಗುವುದನ್ನು ತಪ್ಪಿಸಬೇಕೆಂದಿದ್ದರೆ ಅದಷ್ಟು ನಿಮ್ಮನ್ನು ಒಳ್ಳೆಯ ಕೆಲಸಗಳಲ್ಲಿ ಹಾಗೂ ಯಾರಿಗೂ ಕೆಡಕನ್ನು ಬಯಿಸಬೇಡಿ. ಇಷ್ಟು ಮಾಡಿದ್ದರೆ ಶನಿ ದೇವ ನಿಮ್ಮ ಮೇಲೆ ಆತನ ಅನುಗ್ರಹ ಪ್ರಾಪ್ತಿ ಮಾಡಲಿದ್ದು, ನಿಮಗೆ ಎಂತಹ ಕಷ್ಟಗಳನ್ನು ಎದುರಿಸುವ ಶಕ್ತಿ ನೀಡುತ್ತಾನೆ. ಅದರಲ್ಲೂ ಶನಿವಾರದ ದಿನದಂದು ಶನಿದೇವರನ್ನು ಪೂಜಿಸಲು ಅತ್ಯುತ್ತಮ ಶುಭ ದಿನವೆಂದು ಜ್ಯೋತಿಷ್ಯ ಶಾಸ್ತ್ರದಲ್ಲಿ(Astro Tips) ಹೇಳಲಾಗಿದ್ದು, ಆತನ ಆರಾಧಿಸುವುದರ ಜೊತೆ ಕೆಲ ಮಂತ್ರ ಪಠಣ ಹಾಗೂ ಕೆಲ ನಿಯಮಗಳನ್ನು ಅನುಸರಿಸಿದ್ದರೆ ನಿಮ್ಮ ಸಕಲ ಇಷ್ಟಾರ್ಥಗಳು ಈಡೇರುವುದು.

ಅದರಲ್ಲೂ ಸಾಡೇಸಾತಿ ಶನಿ ದೋಷ ಇದ್ದವರು ಶನಿವಾರ ನಿಯಮಿಯವಾಗಿ ಶನಿ ದೇವರಿಗೆ ಪ್ರಿಯವಾದ ವಸ್ತುಗಳನ್ನು ಆತನಿಗೆ ಆರ್ಪಿಸಿ, ಕೆಲ ವಸ್ತುಗಳನ್ನು ದಾನ ಮಾಡುವುದರಿಂದ ನಿಮ್ಮ ಜೀವನದಲ್ಲಿ ಎದುರಾಗುವ ಅಡಚಣೆಗಳು ಕಡಿಮೆ ಆಗಲಿದ್ದು, ಶನಿದೋಷವನ್ನು ನಿವಾರಿಸಲು ಶನಿವಾರದಂದು ಶನಿದೇವರ ಪೂಜೆ, ಪ್ರಾರ್ಥನೆ ಮತ್ತು ದಾನಧರ್ಮ ಮಾಡುವುದು ಬಹಳ ಪರಿಣಾಮಕಾರಿಯಾಗಿದೆ.

ಶನಿವಾರದಂದು ಶನಿಗೆ ಪ್ರಿಯವಾದ ವಸ್ತುಗಳನ್ನು ದಾನ ಮಾಡುವುದರಿಂದ ದೇವರು ಸಂತೋಷಪಡುತ್ತಾನೆ, ಮತ್ತು ಶನಿದೋಷದಿಂದ ಉಂಟಾಗುವ ಬಾಧೆಗಳನ್ನು ತಗ್ಗಿಸಲು ಆಶೀರ್ವಾದವನ್ನು ನೀಡುತ್ತಾನೆ. ಹಾಗಾದ್ರೆ ಬನ್ನಿ ಶನಿವಾರ ಏನೆಲ್ಲಾ ಕ್ರಮ ಅನುಸರಿಸಬೇಕು..?ಆದರಿಂದಾಗುವ ಪ್ರಯೋಜನಗಳೇನು ಎಂಬಿತ್ಯಾದಿ ಮಾಹಿತಿಯನ್ನು ತಿಳಿದುಕೊಳ್ಳೋಣ.

ಈ ಸುದ್ದಿಯನ್ನು ಓದಿ: Vastu Tips: ನಿಮ್ಮ ಮನೆಯಲ್ಲಿ ಸಂಪತ್ತು ಹೆಚ್ಚಾಗಬೇಕಾ? ಈ ಒಂದು ಗಿಡ ನೆಡಿ ಸಾಕು!

ಯಾವ ರೀತಿ ಪೂಜೆ ಮಾಡಬೇಕು?

ಶನಿವಾರದಂದ ಶನಿ ದೇವನನ್ನು ಪೂಜಿಸಲು ಇಚ್ಛಿಸುವವರು ಬಹಳ ಶ್ರದ್ಧೆ-ಭಕ್ತಿಯಿಂದ ಪೂಜೆ ಶಿಸ್ತಿನೊಂದಿಗೆ ನೆರವೇರಿಸುವುದು ಮುಖ್ಯ. ಈ ದಿನ ಸೂರ್ಯೋದಯಕ್ಕೂ ಮುಂಚೆಯೇ ಎದ್ದು ದೈನಂದಿನ ನಿತ್ಯ ಕರ್ಮಗಳನ್ನು ಮುಗಿಸಿ ಸ್ನಾನ ಮಾಡಬೇಕು. ನಂತರ ಶನಿ ದೇವರಿಗೆ ಪ್ರಿಯವಾದ ಕಪ್ಪು ಬಣ್ಣದ ಉಡುಪನ್ನು ಧರಿಸಬೇಕು. ಶನಿ ದೇವರ ಫೋಟೋವನ್ನು ಸ್ವಚ್ಛಗೊಳಿಸಿ ಅದಕ್ಕೆ ಪುಷ್ಪಗಳನ್ನಿಟ್ಟು ಅಲಂಕಾರಿಸಬೇಕು.

ಈ ದಿನ ದೀಪ ಹಚ್ಚಲು ಎಳ್ಳೆಣ್ಣೆ ಬಳಸುವುದು ಶ್ರೇಯಸ್ಕರವಾಗಿದ್ದು, ಇದರಿಂದ ನಿಮ್ಮ ಪೂರ್ವ ಜನ್ಮದ ಕರ್ಮಗಳು ನಿವಾರಣೆಯಾಗುತ್ತದೆ. ಹಾಗಾಗಿ ಶನಿವಾರ ಶನಿ ದೇವನ ಪೂಜೆ ಮಾಡುವಾಗ ಎಳ್ಳೆಣ್ಣೆ ಬಳಸಿ ದೀಪ ಹಚ್ಚಿ, ಅದು ಇಡೀ ದಿನ ಆರದಂತೆ ನೋಡಿಕೊಳ್ಳಬೇಕು.

ಪೂಜೆಯ ಸಂದರ್ಭ ಹೂವುಗಳು, ಕಪ್ಪು ಎಳ್ಳು, ಶನಿಗೆ ಸಮರ್ಪಿಸಬೇಕು. ಪೂಜೆಯ ನಂತರ ಶನಿದೇವರ ಮಂತ್ರಗಳನ್ನು ಜಪಿಸಿ, ಶನಿವಾರದ ವ್ರತಕಥೆಯನ್ನು ಓದಿದರೆ ಈ ವಿಧಿಯು ಸಂಪೂರ್ಣಗೊಳ್ಳುತ್ತದೆ.

ಈ ವಸ್ತುಗಳನ್ನು ದಾನ ಮಾಡಿ

ಇನ್ನು ಈಗಾಲೇ ಹೇಳಿದಂತೆ ಶನಿದೇವನಿಗೆ ಕಪ್ಪು ಬಣ್ಣ ತುಂಬಾ ಇಷ್ಟವಾಗಿದ್ದು, ಇಂದು ಬಡವರಿಗೆ - ಹಿಂದುಳಿದ ವರ್ಗದವರಿಗೆ ಕಪ್ಪು ಬಣ್ಣದ ವಸ್ತುಗಳನ್ನು ದಾನ ಮಾಡುವುದರಿಂದ ಶುಭ ಫಲಗಳನ್ನು ಪಡೆಯಬಹುದು. ಅಲ್ಲದೆ ಈ ದಿನ ಕಪ್ಪು ಬಣ್ಣದ ವಸ್ತುಗಳನ್ನು ದಾನ ಮಾಡಿದರೆ ಶನಿದೇವನ ವಿಶೇಷ ಅನುಗ್ರಹ ದೊರೆಯುತ್ತದೆ ಎಂಬ ನಂಬಿಕೆಯೂ ಇದೆ. ಇದಲ್ಲದೇ ಸಾಡೇ ಸತಿ ಮುಗಿಯುವವರೆಗೂ ಈ ರೀತಿ ಮಾಡುವುದರಿಂದ ಲಾಭವಾಗುತ್ತದೆ. ಶನಿವಾರದಂದು ಕಪ್ಪು ಬಟ್ಟೆ, ಕಪ್ಪು ಉದ್ದು ಅಥವಾ ಕಪ್ಪು ಎಳ್ಳನ್ನು ಹಾಗೂ ಕಬ್ಬಿಣ ಜೊತೆಗೆ ಸಾಸಿವೆ ಎಣ್ಣೆಯನ್ನು ದಾನ ಮಾಡಿದ್ದರೆ ಅಶುಭ ಫಲಗಳು ಕಡಿಮೆಯಾಗಿ ನಿಮ್ಮನ್ನು ಯಶಸ್ಸಿನ ಹಾದಿಯಲ್ಲಿ ಕೊಂಡೊಯ್ಯುತ್ತದೆ.