ನವದೆಹಲಿ: ಭಾರತ ವಿರುದ್ಧದ 2025ರ ಏಷ್ಯಾ ಕಪ್ (Asia Cup 2025) ಟೂರ್ನಿಯ ಪಂದ್ಯದ ವೇಳೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಮತ್ತು ಐಸಿಸಿ ನಡುವೆ ವಿವಾದ ಭುಗಿಲೆದ್ದಿತು. ಪಂದ್ಯದ ರೆಫರಿ ಆಂಡಿ ಪೈಕ್ರಾಫ್ಟ್ (Andy PyCroft) ಅವರು ಪಾಕಿಸ್ತಾನ ನಾಯಕ ಸಲ್ಮಾನ್ ಅಲಿ ಆಘಾ ಅವರು ಸೂರ್ಯಕುಮಾರ್ ಯಾದವ್ (Suryakumar yadav) ಅವರೊಂದಿಗೆ ಕೈಕುಲುಕುವುದನ್ನು ನಿಷೇಧಿಸಿದ್ದರು ಎಂದು ಪಿಸಿಬಿ ಆರೋಪ ಮಾಡಿತ್ತು. ಸೆಪ್ಟೆಂಬರ್ 14 ರಂದು ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದ ಟಾಸ್ ಸಮಯದಲ್ಲಿ ಈ ಘಟನೆ ಸಂಭವಿಸಿತ್ತು. ನಂತರ ಆಂಡಿ ಪೈಕ್ರಾಫ್ಟ್ ಅವರನ್ನು ಇನ್ನುಳಿದ ಪಂದ್ಯಗಳಿಂದ ತೆಗೆದುಹಾಕದಿದ್ದರೆ ಟೂರ್ನಿಯಿಂದ ಹಿಂದೆ ಸರಿಯುವುದಾಗಿ ಪಿಸಿಬಿ ಬೆದರಿಕೆ ಹಾಕಿತು. ಐಸಿಸಿ ಇದಕ್ಕೆ ಗಮನ ಕೊಡಲಿಲ್ಲ. ಯುಎಇ ವಿರುದ್ಧದ ಪಂದ್ಯಕ್ಕೂ ಮುನ್ನ ಪಾಕಿಸ್ತಾನ ಸಾಕಷ್ಟು ಹೈಡ್ರಾಮಾ ಮಾಡಿತ್ತು. ಇದರಿಂದ ಪಂದ್ಯವನ್ನು ನಿಗದಿತ ಸಮಯಕ್ಕೆ ಆರಂಭಿಸಲು ಸಾಧ್ಯವಾಗಿರಲಿಲ್ಲ.
ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ಈ ವರ್ತನೆಯನ್ನು ಬ್ಯಾಟಿಂಗ್‌ ದಿಗ್ಗಜ ಸುನೀಲ್ ಗವಾಸ್ಕರ್ ಟೀಕಿಸಿದ್ದಾರೆ. ಪಿಸಿಬಿಯ ಈ ವರ್ತನೆ ಸರಿಯಲ್ಲ. ಭವಿಷ್ಯದಲ್ಲಿ ಯಾವುದೇ ತಂಡವು ಈ ರೀತಿ ಆಟವನ್ನು ಅಡ್ಡಿಪಡಿಸುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಪಿಸಿಬಿ ಐಸಿಸಿ ಮೇಲೆ ಒತ್ತಡ ಹೇರಲು ಪ್ರಯತ್ನಿಸಿದ ರೀತಿ ಆಟದ ಮನೋಭಾವಕ್ಕೆ ವಿರುದ್ಧವಾಗಿದೆ. ಪಿಸಿಬಿಯ ಈ ಮನೋಭಾವವನ್ನು ಗವಾಸ್ಕರ್ ತೀವ್ರವಾಗಿ ಖಂಡಿಸಿದ್ದಾರೆ. ಆಟವನ್ನು ಯಾವಾಗಲೂ ಆಟದ ಉತ್ಸಾಹದಲ್ಲಿ ಆಡಬೇಕು ಎಂದು ತಿಳಿಸಿದ್ದಾರೆ.
IND vs PAK: 'ಎಲ್' ಕೈ ಸನ್ನೆಯಿಂದ ಸಂಭ್ರಮಿಸಲು ಕಾರಣ ಬಹಿರಂಗಪಡಿಸಿದ ಅಭಿಷೇಕ್ ಶರ್ಮಾ!
"ಪಂದ್ಯವನ್ನು ನಿಲ್ಲಿಸಿ ಒಂದು ಗಂಟೆ ವಿಳಂಬವಾಗಿ ಆರಂಭಿಸಿದ್ದು ಹೆಚ್ಚು ಕಿರಿಕಿರಿ ಉಂಟುಮಾಡಿತು. ಪಿಸಿಬಿ, ಪಂದ್ಯದ ರೆಫರಿ ಆಂಡಿ ಪೈಕ್ರಾಫ್ಟ್‌ಗೆ ಯಾವುದೇ ಆಕ್ಷೇಪಗಳಿದ್ದರೆ ಭಾರತ ವಿರುದ್ಧದ ಸೋಲಿನ ನಂತರ ಮತ್ತು ಯುಎಇ ವಿರುದ್ಧದ ಪಂದ್ಯಕ್ಕೂ ಎರಡು ದಿನಗಳ ಮುನ್ನ ದೂರು ನೀಡಲು ಅವರಿಗೆ ಅವಕಾಶವಿತ್ತು," ಎಂದು ಭಾರತದ ಮಾಜಿ ನಾಯಕ ಸುನೀಲ್ ಗವಾಸ್ಕರ್ ಸ್ಪೋರ್ಟ್ಸ್‌ಸ್ಟಾರ್‌ನಲ್ಲಿ ಬರೆದಿರುವ ತನ್ನ ಅಂಕಣದಲ್ಲಿ ತಿಳಿಸಿದ್ದಾರೆ.
IND vs PAK: ʻಆಂಡಿ ಪೈಕ್ರಾಫ್ಟ್ ಸ್ಕೂಲ್‌ ಟೀಚರ್‌ ಅಲ್ಲʼ-ಪಾಕಿಸ್ತಾನವನ್ನು ಟೀಕಿಸಿದ ಆರ್‌ ಅಶ್ವಿನ್‌!
"ಎಲ್ಲರನ್ನೂ ಸಸ್ಪೆನ್ಸ್‌ನಲ್ಲಿ ಇರಿಸಿ ಮತ್ತು ಟಾಸ್ ತನಕ ಮೈದಾನಕ್ಕೆ ಬಾರದೆ, ಅವರು ಆಟವನ್ನು ಒತ್ತೆಯಾಳುಗಳಾಗಿ ಇಟ್ಟುಕೊಂಡರು. ಮ್ಯಾಚ್ ರೆಫರಿಯಿಂದ ಕ್ಷಮೆಯಾಚನೆ ಪಡೆಯಲು ಮಾತುಕತೆ ನಡೆಯುತ್ತಿರುವಾಗ ಆಟದ ಆರಂಭವನ್ನು ಒಂದು ಗಂಟೆ ವಿಳಂಬ ಮಾಡಿದ್ದಕ್ಕೆ ಯಾವುದೇ ಕ್ಷಮೆ ಇಲ್ಲ. ಇದಕ್ಕೆ ಯಾವುದೇ ನಿಯಮಗಳಿಂದ ಅನುಮತಿ ಇಲ್ಲ. ನಂತರ ಐಸಿಸಿ ಯಾವುದೇ ಕ್ಷಮೆಯಾಚನೆ ಮಾಡಿಲ್ಲ ಎಂದು ಹೇಳಿದೆ. ಆದರೆ ಪಿಸಿಬಿ ಕ್ಷಮೆಯಾಚನೆ ಸ್ವೀಕರಿಸಿದೆ ಮತ್ತು ಆದ್ದರಿಂದ ಆಡಲು ಒಪ್ಪಿಕೊಂಡಿದೆ ಎಂದು ಹೇಳಿತ್ತು," ಸುನೀಲ್ ಗವಾಸ್ಕರ್ ಆರೋಪ ಮಾಡಿದ್ದಾರೆ.