Who is Onkar Tarmale? ಎಸ್ಆರ್ಎಚ್ ಆಟಗಾರನ ಕೈ ಹಿಡಿದ ಮಹಿಳಾ ಸ್ವ ಸಹಾಯ ಸಂಘ 3 ಲಕ್ಷ ರು ಸಾಲ!
Who is Onkar Tarmale?: ಡಿಸೆಂಬರ್ 16 ರಂದು ಅಬುಧಾಬಿಯಲ್ಲಿ ನಡೆದಿದ್ದ 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಮಿನಿ ಹರಾಜಿನಲ್ಲಿ ಮಹಾರಾಷ್ಟ್ರದ ಯುವ ಆಟಗಾರ ಓಂಕಾರ್ ತರ್ಮಲೆ ಅವರನ್ನು ಮೂಲ ಬೆಲೆ 30 ಲಕ್ಷ ರು. ಗಳಿಗೆ ಸನ್ರೈಸರ್ಸ್ ಹೈದರಾಬಾದ್ ತಂಡ ಖರೀದಿಸಿತ್ತು. ಅಂದ ಹಾಗೆ ಓಂಕಾರ್ ತರ್ಮಲೆ ಅವರ ಬಗ್ಗೆ ಆಸಕ್ತದಾಯಕ ಸಂಗತಿಗಳನ್ನು ಇಲ್ಲಿ ವಿವರಿಸಲಾಗಿದೆ.
ಎಸ್ಆರ್ಎಚ್ ಆಟಗಾರನಿಗೆ 3 ಲಕ್ಷ ರು ಸಾಲಿ ನೀಡಿದ್ದ ಮಹಿಳಾ ಸಂಘ. -
ನವದೆಹಲಿ: ಒಬ್ಬ ವ್ಯಕ್ತಿಯ ಯಶಸ್ಸಿನ ಹಿಂದೆ ಒಬ್ಬ ಮಹಿಳೆ ಇರುತ್ತಾರೆಂದು ಎಲ್ಲರೂ ನಂಬುತ್ತಾರೆ. ಆದರೆ, 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2026 Mini Auction) ಟೂರ್ನಿಯ ಮಿನಿ ಹರಾಜಿನಲ್ಲಿ 30 ಲಕ್ಷ ರು ಮೂಲ ಬೆಲೆಗೆ ಸನ್ರೈಸರ್ಸ್ ಹೈದರಾಬಾದ್ (SRH) ಖರೀದಿಸಿದ ಓಂಕಾರ್ ತರ್ಮಲೆ (Onkar Tarmale) ಅವರ ಕಥೆ ಸಂಪೂರ್ಣ ವಿಭಿನ್ನವಾಗಿದೆ. ಓಂಕಾರ್ ಅವರು ಕ್ರಿಕೆಟ್ಗಾಗಿ ತ್ರಿಪುರಕ್ಕೆ ತೆರಳುವ ಸಲುವಾಗಿ 3 ಲಕ್ಷ ರು ಸಾಲ ನೀಡಿದ ಮಹಿಳೆಯರ ಗುಂಪಿದೆ. ಥಾಣೆಯ ಶಹಾಪುರದ ಶೇರ್ ಎಂಬ ಸಣ್ಣ ಹಳ್ಳಿಯ ಯುವ ಕ್ರಿಕೆಟಿಗ ಓಂಕಾರ್ ಅವರನ್ನು 2026ರ ಐಪಿಎಲ್ ಮಿನಿ ಹರಾಜಿನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಖರೀದಿಸಿರುವುದರಿಂದ, ಈ ಆರ್ಥಿಕ ಸಹಾಯವು ಈಗ ಬಹು ಪಟ್ಟು ಪ್ರತಿಫಲವನ್ನು ನೀಡಿದೆ.
ಓಂಕಾರ್ ಅವರ ತಂದೆ ತುಕಾರಾಂ ತರ್ಮಲೆ, ತಮ್ಮ ಪುತ್ರ ಕ್ರಿಕೆಟ್ನಲ್ಲಿ ದೊಡ್ಡದಾಗುವುದನ್ನು ನೋಡಲು ಇಡೀ ಕುಟುಂಬ ಮತ್ತು ಪರದೆಯ ಹಿಂದಿನಿಂದ ಅವರನ್ನು ಹುರಿದುಂಬಿಸುತ್ತಿದ್ದ ಜನರು ಎದುರಿಸಿದ್ದ ಕಠಿಣ ಪರಿಶ್ರಮವನ್ನು ಬಹಿರಂಗಪಡಿಸಿದ್ದಾರೆ. ಓಂಕಾರ್ ತರ್ಮಲೆ ಅವರ ಹೆಸರು ವೇಗದ ಬೌಲರ್ಗಳ ಸುತ್ತಿನಲ್ಲಿ ಬಂದಿತು ಮತ್ತು ಎಸ್ಆರ್ಎಚ್ ಸಹ-ಮಾಲೀಕ ಕಾವ್ಯ ಮಾರನ್ ಸರಿಯಾದ ಸಮಯದಲ್ಲಿ ಮೂಲ ಬೆಲೆ 30 ಲಕ್ಷ ರು.ಗಳಿಗೆ ಖರೀದಿಸಿದರು. ಇದು ಕುಟುಂಬವನ್ನು ಸಂತೋಷ ಮತ್ತು ಸಂಭ್ರಮಾಚರಣೆಯಲ್ಲಿ ಮುಳುಗಿಸಿತು.
IPL 2026 Auction: 25.20 ಕೋಟಿ ರು ಪಡೆದ ಬೆನ್ನಲ್ಲೆ ಕೆಕೆಆರ್ಗೆ ನಿರಾಶೆ ಮೂಡಿಸಿದ ಕ್ಯಾಮೆರಾನ್ ಗ್ರೀನ್!
ಮಹಿಳಾ ಸ್ವಸಹಾಯ ಸಂಘದಿಂದ 3 ಲಕ್ಷ ರು ಸಾಲ
"ಅವರ ಎಲ್ಲೆಡೆ ಕ್ರಿಕೆಟ್ ಆಡುತ್ತಿದ್ದ ಮತ್ತು ದೆಹಲಿಗೂ ಹೋಗುತ್ತಿದ್ದರು. ನನ್ನ ಆರ್ಥಿಕ ಸ್ಥಿತಿ ಹದಗೆಟ್ಟಿತ್ತು, ಆದರೆ ನಾನು ಓಂಕರ್ನನ್ನು ತ್ರಿಪುರಾಗೆ ಕಳುಹಿಸಬೇಕಾಯಿತು. ಕಾಕತಾಳೀಯವಾಗಿ, ಸ್ವಸಹಾಯ ಗುಂಪನ್ನು ಹೊಂದಿದ್ದ ಸ್ಥಳೀಯ ಮಹಿಳೆಯರನ್ನು ನನಗೆ 3 ಲಕ್ಷ ರೂಪಾಯಿಗಳನ್ನು ನೀಡುವಂತೆ ಕೇಳಿದೆ ಮತ್ತು ಆ ಹಣದಿಂದ ನಾವು ಓಂಕರ್ನನ್ನು ಕಳುಹಿಸಲು ಸಾಧ್ಯವಾಯಿತು. ಅಲ್ಲಿ, ಅವರು ಉನ್ನತ ಮಟ್ಟದ ಪ್ರದರ್ಶನ ನೀಡಿದರು, ಆದ್ದರಿಂದ ತ್ರಿಪುರಾದ ತರಬೇತುದಾರರು ನಾನು ಓಂಕರ್ನನ್ನು ಅವರಿಗೆ ಹಸ್ತಾಂತರಿಸಬಹುದೇ ಎಂದು ಕೇಳಿದ್ದರು. ಆದರೆ, ನಾನು ಸ್ಪಷ್ಟವಾಗಿ 'ಇಲ್ಲ' ಎಂದು ಹೇಳಿದ್ದೆ," ಎಂದು ತುಕಾರಾಂ ವೈರಲ್ ವೈರಲ್ ಆಗಿರುವ ವಿಡಿಯೊದಲ್ಲಿ ಹೇಳಿದ್ದಾರೆ.
From a ₹3-lakh loan to the IPL spotlight - this is Onkar Tarmale’s story.
— Vinod Lion 🛞 (@vinodfex) December 17, 2025
Who is Onkar Tarmale, the fast bowler picked by @SunRisers?
He comes from Shere, a tiny village in Shahapur, Maharashtra,where dreams are nurtured with grit, not privilege.
To keep his son’s dream… pic.twitter.com/HwELJ9G2Qc
"ಕಲ್ಯಾಣ್ನಲ್ಲಿರುವ ನನಗೆ ತಿಳಿದಿರುವ ಸ್ಥಳೀಯ ತರಬೇತುದಾರರನ್ನು ಮಾತನಾಡಿಸಿದ್ದೆ. ನನ್ನ ಮಗನಿಗೆ ಕ್ರಿಕೆಟ್ನಲ್ಲಿ ದೊಡ್ಡ ಸಾಧನೆ ಮಾಡಲು ಧೈರ್ಯವಿದೆ ಎಂದು ಅವರು ನನಗೆ ಹೇಳಿದ್ದರು. ನಂತರ ಅವರು (ಓಂಕಾರ್) ಮುಂಬೈಗೆ ಹೋಗಿ ತ್ರಿಪುರಾದಿಂದ ಹಿಂತಿರುಗುತ್ತಿದ್ದ. ಆದರೆ ಮಹಾರಾಷ್ಟ್ರ ಪ್ರೀಮಿಯರ್ ಲೀಗ್ ಆಡಲು ಅವರು ವಿಮಾನ ಹತ್ತಿದ್ದ ಮತ್ತು ಅಲ್ಲಿಯೇ ಅವರ ವೃತ್ತಿಜೀವನ ನಿಜವಾಗಿಯೂ ಉತ್ತುಂಗಕ್ಕೇರಿತು," ಎಂದು ತುಕಾರಾಂ ಹೇಳಿದರು.
IPL 2026: ಕೊಹ್ಲಿ-ಸಾಲ್ಟ್ ಓಪನರ್ಸ್; ಹರಾಜಿನ ಬಳಿಕ ಆರ್ಸಿಬಿ ತಂಡದ ಬಲಿಷ್ಠ ಪ್ಲೇಯಿಂಗ್ XI
ಕೋಚ್ ಹೇಳದ್ದ ಮಾತನ್ನು ರಿವೀಲ್ ಮಾಡಿದ ತುಕಾರಾಂ
"ಅವರು ಕ್ರಿಕೆಟ್ಗಾಗಿ ತುಂಬಾ ಶ್ರಮಿಸಿದ್ದಾರೆ. ನಿನ್ನ ಮಗ ನಾವು ಕಷ್ಟಪಟ್ಟು ಮಾಡಿದಷ್ಟು ಕೆಲಸ ಮಾಡಬೇಕಾಗಿಲ್ಲ, ಆದ್ದರಿಂದ ನೀನು ನಿನ್ನ ವೃತ್ತಿಜೀವನದ ಮೇಲೆ ಹೆಚ್ಚು ಗಮನಹರಿಸಬೇಕು ಎಂದು ನಾನು ಯಾವಾಗಲೂ ಅವರಿಗೆ ಸಲಹೆ ನೀಡುತ್ತಿದ್ದೆ ಎಂದು ಅವರ ಕೋಚ್ ಹೇಳಿದದ್ರು. ಇಂದು, ಓಂಕಾರ್ ನಮ್ಮ ಎಲ್ಲಾ ತ್ಯಾಗ ಮತ್ತು ಕಠಿಣ ಪರಿಶ್ರಮಕ್ಕೆ ಪ್ರತಿಫಲ ನೀಡಿದ್ದಾರೆ, ಆದ್ದರಿಂದ ನಾನು ತುಂಬಾ ಸಂತೋಷವಾಗಿದ್ದೇನೆ. ನಾನು ಹೇಳಲು ಬಯಸುವುದು ಇಷ್ಟೇ" ಎಂದು ತಂದೆ ಮಾತು ಮುಗಿಸಿದರು.