ಕುಲ್ದೀಪ್‌ ಯಾದವ್‌ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿರುವ ವಂಶಿಕಾ ಚಡ್ಡಾ ಯಾರು?

ನವದೆಹಲಿ: ಭಾರತದ ಕ್ರಿಕೆಟ್‌ ತಂಡದ ಕುಲ್‌ದೀಪ್ ಯಾದವ್ (Kuldeep Yadav) ತಮ್ಮ ದೀರ್ಘಕಾಲದ ಗೆಳತಿ ವಂಶಿಕಾ ಚಡ್ಡಾ (Vanshika Chadda) ಅವರನ್ನು ಮಾರ್ಚ್ 14ರಂದು ಉತ್ತರಾಖಂಡದ ಮಸ್ಸೂರಿಯಲ್ಲಿ ವಿವಾಹವಾಗಲು ಸಜ್ಜಾಗಿದ್ದಾರೆ. ಈ ಸ್ಟಾರ್ ಕ್ರಿಕೆಟಿಗನ ಮದುವೆ ಸಾಕಷ್ಟು ಗಮನ ಸೆಳೆಯುತ್ತಿದ್ದರೂ, ವಧು ವಂಶಿಕಾ ಚಡ್ಡಾ ಅವರ ಹಿನ್ನೆಲೆಯ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿಯೂ ಜನರಲ್ಲಿ ಹೆಚ್ಚಾಗಿದೆ. ಕುಲ್ದೀಪ್ ಯಾದವ್ ಮತ್ತು ವಂಶಿಕಾ ಚಡ್ಡಾ ಬಾಲ್ಯದಿಂದಲೇ ಒಬ್ಬರಿಗೊಬ್ಬರು ಪರಿಚಯವಾಗಿದ್ದು, ಅವರ ನಡುವೆ ಹತ್ತಿರದ ಸಂಬಂಧ ಇತ್ತು. ಇಬ್ಬರೂ ಕಾನ್ಪುರ ಮೂಲದವರಾಗಿದ್ದು, ಸ್ನೇಹವು ನಂತರ ಪ್ರೀತಿಗೆ ತಿರುಗಿ ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ.

ವಂಶಿಕಾ ಚಡ್ಡಾ ಕಾನ್ಪುರದ ಶ್ಯಾಮ್ ನಗರದವರು. ಆದರೆ ಕುಲ್‌ದೀಪ್ ಯಾದವ್ ಲಾಲ್ ಬಂಗ್ಲಾ ಪ್ರದೇಶದವರು. ಕಾಲಕ್ರಮೇಣ ಅವರ ಸ್ನೇಹ ಗಾಢವಾದ ಪ್ರೀತಿಯ ಸಂಬಂಧವಾಗಿ ಮಾರ್ಪಟ್ಟಿತು. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕುಲ್‌ದೀಪ್ ಪ್ರಸಿದ್ಧಿಯಾಗಿದ್ದರೂ, ವಂಶಿಕಾ ಚಡ್ಡಾ ಟೀಮ್‌ ಇಂಡಿಯಾ ಸ್ಪಿನ್ನರ್‌ನ ಹೆಸರಿನ ಮೂಲಕ ಸಾರ್ವಜನಿಕವಾಗಿ ಉಲ್ಲೇಖಿಸಿದೆ ಸಾಮಾನ್ಯ ಜೀವನ ನಡೆಸುತ್ತಿದ್ದಾರೆ.

ಕುಲದೀಪ್ ಯಾದವ್ ಮದುವೆಯಲ್ಲಿ ಕೊಹ್ಲಿ, ರೋಹಿತ್ ಭಾಗವಹಿಸುವ ಸಾಧ್ಯತೆ

ವಂಶಿಕಾ ಚಡ್ಡಾ ಯಾರು?

ವಂಶಿಕಾ ಚಡ್ಡಾ ಭಾರತದಲ್ಲಿನ ಅತ್ಯಂತ ವಿಶ್ವಾಸಾರ್ಹ ಹಣಕಾಸು ಸಂಸ್ಥೆಗಳಲ್ಲಿ ಒಂದಾದ ಲೈಫ್ ಇನ್ಶೂರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (LIC)ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ವರದಿಗಳ ಪ್ರಕಾರ ಅವರು ಸಂಸ್ಥೆಯಲ್ಲಿ ವ್ಯವಸ್ಥಾಪಕ ಅಥವಾ ಆಡಳಿತಾತ್ಮಕ ಹುದ್ದೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಪ್ರಸಿದ್ಧ ಕ್ರೀಡಾಪಟುಗಳ ಸಂಗಾತಿಗಳಲ್ಲಿ ಸಾಮಾನ್ಯವಾಗಿ ಕಾಣುವ ಗ್ಲಾಮರ್ ಮತ್ತು ಸಾರ್ವಜನಿಕ ಗಮನದಿಂದ ಭಿನ್ನವಾಗಿ, ವಂಶಿಕಾ ತಮ್ಮ ವೃತ್ತಿಜೀವನವನ್ನು ಶಾಂತವಾಗಿ ಕಟ್ಟಿಕೊಂಡಿದ್ದಾರೆ. ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಅಥವಾ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುವುದು ಅಪರೂಪ. ಎಲ್ಲರಂತೆ ಸಾಮಾನ್ಯವಾಗಿ ಜೀವನವನ್ನು ನಡೆಸುತ್ತಿದ್ದಾರೆ.

ವಂಶಿಕಾ ಚಡ್ಡಾ ತಮ್ಮ ಜೀವನವನ್ನು ಹೆಚ್ಚು ಶಾಂತವಾಗಿ ನಡೆಸಿಕೊಂಡಿದ್ದಾರೆ, ಆದರೆ ಕುಲ್‌ದೀಪ್ ಯಾದವ್ ಅವರ ಕ್ರಿಕೆಟ್ ಸಾಧನೆಗಳನ್ನು ಇವರು ಎಂದಿಗೂ ಬಳಿಸಿಕೊಂಡಿಲ್ಲ. ವಂಶಿಕಾ ಅವರ ವೈಯಕ್ತಿಕ ಜೀವನದ ಬಗ್ಗೆ ಹೆಚ್ಚು ಬಹಿರಂಗವಾಗಿಲ್ಲ. ಅವರು ಎಂದಿಗೂ ಮಾಧ್ಯಮಗಳ ಗಮನಕ್ಕೆ ಬಂದಿಲ್ಲ. ಕುಲ್‌ದೀಪ್ ಅವರ ಕ್ರಿಕೆಟ್ ವೃತ್ತಿ ಜೀವನದ ಏಳು-ಬೀಳುಗಳಲ್ಲಿ ವಂಶಿಕಾ ಸದಾ ಬೆಂಬಲ ನೀಡುತ್ತಿದ್ದರು.

ವಿರಾಟ್‌ ಕೊಹ್ಲಿ, ರೋಹಿತ್‌ ಶರ್ಮಾ ಭಾಗವಹಿಸುವ ನಿರೀಕ್ಷೆ

ಟೀಮ್‌ ಇಂಡಿಯಾ ಸ್ಟಾರ್‌ಗಳಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಜಸ್‌ಪ್ರೀತ್‌ ಬುಮ್ರಾ ಸೇರಿದಂತೆ ಹಲವು ಪ್ರಸಿದ್ಧ ಕ್ರಿಕೆಟ್ ಆಟಗಾರರು ಮದುವೆ ಸಮಾರಂಭದಲ್ಲಿ ಹಾಜರಾಗುವ ನಿರೀಕ್ಷೆಯಿದೆ. ಮಾರ್ಚ್ 17ರಂದು ಲಖನೌದಲ್ಲಿ ಈ ಜೋಡಿಯ ಆರತಕ್ಷತೆ ನಡೆಯಲಿದ್ದು, ಕ್ರಿಕೆಟ್ ಆಟಗಾರರು, ರಾಜಕೀಯ ನಾಯಕರು ಮತ್ತು ಇತರ ಗಣ್ಯ ಅತಿಥಿಗಳು ಹಾಜರಾಗುವ ನಿರೀಕ್ಷೆ ಇದೆ.