ಫಿಫಾ ವಿಶ್ವಕಪ್ ಕ್ವಾರ್ಟರ್‌ ಫೈನಲ್‌ ಸೆಣಸಾಟಕ್ಕೆ ವೇದಿಕೆ ಸಿದ್ಧ!

ನ್ಯೂಯಾರ್ಕ್‌, ಜು.9: ಫಿಫಾ ಫುಟ್ಬಾಲ್‌ ವಿಶ್ವಕಪ್‌ ಮಹತ್ವದ ಘಟ್ಟ ತಲುಪಿದ್ದು, ಇನ್ನೇನಿದ್ದರೂ ಮಾಡು ಇಲ್ಲವೇ ಮಡಿ ಸ್ಥಿತಿ. ಕ್ವಾರ್ಟರ್‌ ಫೈನಲ್ ಪಂದ್ಯಗಳಿಗೆ ಶುಕ್ರವಾರ ಚಾಲನೆ ದೊರೆಯಲಿದ್ದು, ಅತ್ಯುತ್ತಮ ಆಟವಾಡಿದ 8 ತಂಡಗಳ ಮಧ್ಯೆ ಕಾದಾಟ ನಡೆಯಲಿದೆ. ಆತಿಥೇಯ ಮೂರು ರಾಷ್ಟ್ರಗಳು 32ನೇ ಸುತ್ತಿನಲ್ಲಿಯೇ ಹೊರಬಿದ್ದಿರುವ ಕಾರಣ ತವರಿನ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಕ್ವಾರ್ಟರ್-ಫೈನಲ್‌ಗಳು ಲಿಯೋನೆಲ್ ಮೆಸ್ಸಿ, ಕೈಲಿಯನ್ ಎಂಬಪ್ಪೆ, ಎರ್ಲಿಂಗ್ ಹಾಲೆಂಡ್ ಮತ್ತು ಲ್ಯಾಮೈನ್ ಯಮಲ್ ಸೇರಿದಂತೆ ವಿಶ್ವದ ಕೆಲವು ದೊಡ್ಡ ತಾರೆಗಳನ್ನು ಒಳಗೊಂಡ ಬ್ಲಾಕ್‌ಬಸ್ಟರ್ ಮುಖಾಮುಖಿಗಳಿಗೆ ಸಿದ್ಧವಾಗಿದೆ.

ಪಂದ್ಯ ಡ್ರಾ ಆದರೆ ಹೇಗೆ?

ಗುಂಪು ಹಂತದ ಪಂದ್ಯಗಳಲ್ಲಿ ಉಭಯ ತಂಡಗಳು ಡ್ರಾ ಸಾಧಿಸಿದರೆ, ಆಗ ಅಂಕ ಹಂಚಿಕೆ ಮಾಡಲಾಗುತ್ತಿತ್ತು. ಆದರೆ, ನಾಕೌಟ್‌ ಸೇರಿ ಕ್ವಾರ್ಟರ್‌ ಹಂತದಲ್ಲಿ ಫಲಿತಾಂಶ ಹೊರಬೀಳಲೇ ಬೇಕು. ನಿಗದಿತ 90 ನಿಮಿಷಗಳಲ್ಲಿ ಯಾವುದೇ ತಂಡ ಗೆಲುವು ಸಾಧಿಸದಿದ್ದರೆ, ಆಗ 30 ನಿಮಿಷಗಳ ಹೆಚ್ಚುವರಿ ಆಟ ನಡೆಯಲಿದೆ. ಆಗಲೂ ವಿಜೇತ ತಂಡ ನಿರ್ಧಾರವಾಗದಿದ್ದರೆ, ಶೂಟೌಟ್‌ ಮೂಲಕ ಗೆಲ್ಲುವ ತಂಡವನ್ನು ನಿರ್ಧರಿಸಲಾಗುತ್ತದೆ. ಇದು ಸೆಮಿ ಮತ್ತು ಫೈನಲ್‌ ಪಂದ್ಯಕ್ಕೂ ಅನ್ವಯಿಸುತ್ತದೆ.

ಫ್ರಾನ್ಸ್ vs ಮೊರಾಕೊ

ಮೊದಲ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಫ್ರಾನ್ಸ್ ಮತ್ತು ಮೊರಾಕೊ ಸೆಣಸಾಟ ನಡೆಸಲಿದೆ. ಉಭಯ ತಂಡಗಳು 2022ರಲ್ಲಿ ಕತಾರ್‌ನಲ್ಲಿ ನಡೆದಿದ್ದ ಕ್ವಾರ್ಟರ್‌ನಲ್ಲಿಯೂ ಮುಖಾಮುಖಿಯಾಗಿತ್ತು. ಅಲ್ಲಿ ಫ್ರಾನ್ಸ್‌ ಗೆದ್ದು ಬೀಗಿತ್ತು. ಇದೀಗ ಅಂದಿನ ಸೋಲಿಗೆ ಮೊರೊಕೊ ಸೇಡು ತೀರಿಸಿಕೊಳ್ಳಲಿದೆಯಾ ಕಾದು ನೋಡಬೇಕು.

ಸ್ಪೇನ್ vs ಬೆಲ್ಜಿಯಂ

ಕೇಪ್ ವರ್ಡೆ ವಿರುದ್ಧದ ಲೀಗ್‌ ಪಂದ್ಯದಲ್ಲಿ ಅನಿರೀಕ್ಷಿತ ಡ್ರಾ ಸಾಧಿಸಿ ಆಘಾತ ಎದುರಿಸಿದ್ದ ಸ್ಪೇನ್‌ ಆ ಬಳಿಕ ಉತ್ತಮ ಆಟವಾಡುವ ಮೂಲಕ ಕ್ವಾರ್ಟರ್‌ ತಲುಪಿದೆ. ಇದೀಗ ಬೆಲ್ಜಿಯಂ ವಿರುದ್ಧ ಆಡಲಿದೆ. 32 ನೇ ಸುತ್ತಿನಲ್ಲಿ ಆಸ್ಟ್ರಿಯಾವನ್ನು 3-0 ಅಂತರದಿಂದ ಸೋಲಿಸಿದ ಸ್ಪೇನ್‌ 16 ನೇ ಸುತ್ತಿನಲ್ಲಿ ರೊನಾಲ್ಡೊ ನೇತೃತ್ವದ ಪೋರ್ಚುಗಲ್ ಅನ್ನು ಸೋಲಿಸಿತ್ತು.

ಫಿಫಾ ವಿಶ್ವಕಪ್‌ನಿಂದ ಹೊರಬಿದ್ದ ಬ್ರೆಜಿಲ್; ನೇಮರ್ ಕಣ್ಣೀರಿನ ವಿದಾಯ

ನಾರ್ವೆ vs ಇಂಗ್ಲೆಂಡ್

ಈ ಟೂರ್ನಮೆಂಟ್‌ನಲ್ಲಿ ಅತ್ಯಂತ ಅಚ್ಚರಿಯ ತಂಡವೆಂದರೆ ನಾರ್ವೆ, ಅವರು ಮಾರ್ಕ್ಯೂ ಫಾರ್ವರ್ಡ್ ಎರ್ಲಿಂಗ್ ಹಾಲೆಂಡ್ ಜೊತೆಗೆ ವಿಶ್ವದಾದ್ಯಂತ ಅಭಿಮಾನಿಗಳಿಗೆ ಸ್ಫೂರ್ತಿ ನೀಡಿದರು. ವಿಶ್ವಕಪ್‌ನಲ್ಲಿ ನಾರ್ವೆಯ ಮಂತ್ರವಾದ "ವೈಕಿಂಗ್ ರೋ", ಲ್ಯಾಂಡ್‌ಸ್ಲಾಗೆಟ್ ಅದ್ಭುತ ಪ್ರದರ್ಶನ ನೀಡುವುದನ್ನು ಮುಂದುವರಿಸಿ ಕ್ವಾರ್ಟರ್‌ ಫೈನಲ್‌ ತಲುಪಿದೆ.

ಅರ್ಜೆಂಟೀನಾ vs ಸ್ವಿಟ್ಜರ್ಲೆಂಡ್

ಹಾಲಿ ಚಾಂಪಿಯನ್ಸ್ ಅರ್ಜೆಂಟೀನಾ ಕ್ವಾರ್ಟರ್ ಫೈನಲ್‌ನಲ್ಲಿ ಸ್ವಿಟ್ಜರ್ಲೆಂಡ್ ವಿರುದ್ಧ ಸೆಣಸಲಿದೆ. ಲಿಯೋನೆಲ್ ಮೆಸ್ಸಿ ಗಮನ ಸೆಳೆಯುತ್ತಲೇ ಇದ್ದಾರೆ. ಈ ವರ್ಷ ಅವರು ಎಂಟು ಗೋಲುಗಳೊಂದಿಗೆ ಟೂರ್ನಮೆಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ ಮತ್ತು ಅವರ ಐತಿಹಾಸಿಕ ವಿಶ್ವಕಪ್ ದಾಖಲೆಯನ್ನು 21 ಗೋಲುಗಳಿಗೆ ವಿಸ್ತರಿಸಿದ್ದಾರೆ.

ವೇಳಾಪಟ್ಟಿ

ಫ್ರಾನ್ಸ್ vs. ಮೊರಾಕೊ; ಶುಕ್ರವಾರ, ಪಂದ್ಯ ಆರಂಭ 10 1:30 AM

ಸ್ಪೇನ್ vs ಬೆಲ್ಜಿಯಂ; ಶನಿವಾರ, ಪಂದ್ಯ ಆರಂಭ ಬೆಳಿಗ್ಗೆ 12:30

ನಾರ್ವೆ vs ಇಂಗ್ಲೆಂಡ್; ಭಾನುವಾರ, ಪಂದ್ಯ ಆರಂಭ 2:30 AM

ಅರ್ಜೆಂಟೀನಾ vs ಸ್ವಿಟ್ಜರ್ಲೆಂಡ್; ಭಾನುವಾರ, ಪಂದ್ಯ ಆರಂಭ 6:30 AM