IND vs AUS 3rd ODI: ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಏಕದಿನ ಪಂದ್ಯಕ್ಕೆ ಕುಲದೀಪ್ ಯಾದವ್ ಅತ್ಯಗತ್ಯ; ಪಾರ್ಥಿವ್ ಪಟೇಲ್
"ಮೂರನೇ ಏಕದಿನ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ ಆಡುವುದನ್ನು ನಾವು ಖಂಡಿತ ನೋಡುತ್ತೇವೆ. ಈ ಸಂಯೋಜನೆಗೆ ಸಂಬಂಧಿಸಿದಂತೆ, ಭಾರತವು ತಮ್ಮ ಅಗ್ರ ಕ್ರಮಾಂಕವನ್ನು ನಂಬಬೇಕು, ಅದು ಪ್ರದರ್ಶನದ ಬಗ್ಗೆಯಾಗಲಿ ಅಥವಾ ರನ್‌ಗಳ ಬಗ್ಗೆಯಾಗಲಿ ಮತ್ತು ಸರಿಯಾದ ಸಮತೋಲನ ಸಾಧಿಸಬೇಕು" ಎಂದು ಪಾರ್ಥಿವ್ ಪಟೇಲ್ ಸ್ಟಾರ್ ಸ್ಪೋರ್ಟ್ಸ್‌ಗೆ ತಿಳಿಸಿದರು.
-
Abhilash BC
Oct 24, 2025 1:41 PM
ನವದೆಹಲಿ: ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಮೂರನೇ(IND vs AUS 3rd ODI) ಹಾಗೂ ಕೊನೆಯ ಏಕದಿನ ಪಂದ್ಯ ಅ.29, ಬುಧವಾರ ಸಿಡ್ನಿಯಲ್ಲಿ ನಡೆಯಲಿದೆ. ವೈಟ್‌ವಾಶ್ ಅವಮಾನದಿಂದ ಪಾರಾಗಲು ಎದುರು ನೋಡುತ್ತಿರುವ ಭಾರತ ತಂಡ ಈ ಪಂದ್ಯಕ್ಕೆ ಮಣಿಕಟ್ಟಿನ ಸ್ಪಿನ್ನರ್ ಕುಲದೀಪ್ ಯಾದವ್(Kuldeep Yadav) ಅವರನ್ನು ಸೇರಿಸಿಕೊಳ್ಳಬೇಕು ಎಂದು ಭಾರತದ ಮಾಜಿ ಬ್ಯಾಟ್ಸ್‌ಮನ್ ಪಾರ್ಥಿವ್ ಪಟೇಲ್(Parthiv Patel) ಅಭಿಪ್ರಾಯಪಟ್ಟಿದ್ದಾರೆ.
ಸರಣಿ ಸೋಲಿನ ನಂತರ ಭಾರತ ತಂಡವು ಕೇವಲ ಬ್ಯಾಟಿಂಗ್ ಆಳವನ್ನು ಮಾತ್ರ ಅವಲಂಬಿಸಲು ಸಾಧ್ಯವಿಲ್ಲ. ಕುಲದೀಪ್ ಅವರ ವಿಕೆಟ್ ತೆಗೆದುಕೊಳ್ಳುವ ಸಾಮರ್ಥ್ಯ ಮತ್ತು ಸ್ಪಿನ್ ಕೌಶಲ್ಯಗಳು ಅಗತ್ಯವಿದೆ ಎಂದು ಪಟೇಲ್ ಒತ್ತಿ ಹೇಳಿದರು.
ಪರ್ತ್ ಮತ್ತು ಅಡಿಲೇಡ್ ಪಂದ್ಯಗಳಿಂದ ಹೊರಗಿಟ್ಟಿರುವ ಬಗ್ಗೆ ಭಾರತದ ಮುಖ್ಯ ಕೋಚ್ ಗೌತಮ್ ಗಂಭೀರ್ ಮತ್ತು ನಾಯಕ ಶುಭಮನ್ ಗಿಲ್ ವಿರುದ್ಧ ಅಭಿಮಾನಿಗಳಿಂದ ಟೀಕೆ ವ್ಯಕ್ತವಾಗಿದೆ. ಮೊದಲ ಪಂದ್ಯದಲ್ಲಿ ಭಾರತದ ವೇಗಿಗಳು ಇನ್ನೂ ಪರಿವರ್ತನೆಯಲ್ಲಿರುವ ಆಸ್ಟ್ರೇಲಿಯಾದ ಬ್ಯಾಟಿಂಗ್ ತಂಡಗಳ ವಿರುದ್ಧ ಪ್ರಭಾವ ಬೀರಲು ಹೆಣಗಾಡಿದ ನಂತರ, ವಿಶೇಷವಾಗಿ ಬೌಲಿಂಗ್ ವಿಭಾಗದಲ್ಲಿ ಅನೇಕ ಬದಲಾವಣೆಗಳನ್ನು ನಿರೀಕ್ಷಿಸಲಾಗಿತ್ತು. ಆದರೆ ಎರಡನೇ ಪಂದ್ಯದಲ್ಲಿಯೂ ಕುಲ್‌ದೀಪ್‌ಗೆ ಅವಕಾಶ ನೀಡಲಿಲ್ಲ.
ಇದನ್ನೂ ಓದಿ ಕೊಹ್ಲಿ-ರೋಹಿತ್‌ ಅವರೇ..... ಇನ್ನೂ ಸ್ವಲ್ಪ ದಿನ ಆಡಬಹುದಿತ್ತಲ್ವಾ? ಯಾಕಿಷ್ಟು ಆತುರ!
ಆಸೀಸ್‌ ಪರ ಸ್ಪಿನ್ನರ್ ಝಂಪಾ 4 ವಿಕೆಟ್ ಕಿತ್ತು ಮಿಂಚಿದ್ದರು. ಒಂದೊಮ್ಮೆ ಕುಲ್ದೀಪ್ ಇರುತ್ತಿದ್ದರೆ ಭಾರತ ಖಂಡಿತವಾಗಿಯೂ ಗೆಲುವು ಸಾಧಿಸುತ್ತಿತ್ತು ಎಂದು ಪಾರ್ಥಿವ್ ಪಟೇಲ್ ಅಭಿಪ್ರಾಯಪಟ್ಟಿದ್ದಾರೆ.
"ಮೂರನೇ ಏಕದಿನ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ ಆಡುವುದನ್ನು ನಾವು ಖಂಡಿತ ನೋಡುತ್ತೇವೆ. ಈ ಸಂಯೋಜನೆಗೆ ಸಂಬಂಧಿಸಿದಂತೆ, ಭಾರತವು ತಮ್ಮ ಅಗ್ರ ಕ್ರಮಾಂಕವನ್ನು ನಂಬಬೇಕು, ಅದು ಪ್ರದರ್ಶನದ ಬಗ್ಗೆಯಾಗಲಿ ಅಥವಾ ರನ್‌ಗಳ ಬಗ್ಗೆಯಾಗಲಿ ಮತ್ತು ಸರಿಯಾದ ಸಮತೋಲನ ಸಾಧಿಸಬೇಕು" ಎಂದು ಪಾರ್ಥಿವ್ ಪಟೇಲ್ ಸ್ಟಾರ್ ಸ್ಪೋರ್ಟ್ಸ್‌ಗೆ ತಿಳಿಸಿದರು.
