ಫೈನಲ್‌ ಸೋಲಿನ ಆಘಾತದಿಂದ ಮೈದಾನದಲ್ಲಿ ಬಿಕ್ಕಿ ಬಿಕ್ಕಿ ಅತ್ತ ಮೆಸ್ಸಿ

Lionel Messi: ಪಂದ್ಯಾವಳಿಯಲ್ಲಿ ಎಂಟು ಗೋಲುಗಳು ಮತ್ತು ನಾಲ್ಕು ಅಸಿಸ್ಟ್‌ಗಳೊಂದಿಗೆ ಮೆಸ್ಸಿ ಫೈನಲ್‌ಗೆ ಪ್ರವೇಶಿಸಿದರು ಆದರೆ ಫೈನಲ್‌ನಲ್ಲಿ ಸ್ಪೇನ್ ತಂಡದ ಬಲಿಷ್ಠ ರಕ್ಷಣಾತ್ಮಕ ಆಟದ ಮುಂದೆ ಅವರ ಯಾವುದೇ ಮ್ಯಾಜಿಕ್‌ ನಡೆಯಲಿಲ್ಲ. ಲೂಯಿಸ್ ಡೆ ಲಾ ಫ್ಯುಯೆಂಟೆ ತಂಡವು ಆರಂಭದಿಂದಲೂ ಪಂದ್ಯವನ್ನು ನಿಯಂತ್ರಿಸಿತು.

Lionel Messi -

Abhilash BC Jul 20, 2026 6:30 AM

ನ್ಯೂಜರ್ಸಿ, ಜು.20: ನ್ಯೂಜರ್ಸಿಯ ಮೆಟ್‌ಲೈಫ್ ಸ್ಟೇಡಿಯಂನಲ್ಲಿ ನಡೆದ ಫಿಫಾ ವಿಶ್ವಕಪ್ ಫೈನಲ್‌ನಲ್ಲಿ ಸ್ಪೇನ್ ವಿರುದ್ಧ ಅರ್ಜೆಂಟೀನಾ ತಂಡ ಹೆಚ್ಚುವರಿ ಸಮಯದಲ್ಲಿ 1-0 ಅಂತರದ ಸೋಲಿನೊಂದಿಗೆ ವಿಶ್ವಕಪ್ ಪ್ರಶಸ್ತಿ ರಕ್ಷಣೆ ಕೊನೆಗೊಂಡ ನಂತರ ಲಿಯೋನೆಲ್ ಮೆಸ್ಸಿ ಕಣ್ಣೀರು ಹಾಕಿದರು. ಈ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್‌ ಆಗಿದೆ.

ಐತಿಹಾಸಿಕ ವಿಶ್ವಕಪ್ ಅಭಿಯಾನದ ನಂತರ ಅರ್ಜೆಂಟೀನಾದ ದಂತಕಥೆಗೆ ಗೌರವ ಸಲ್ಲಿಸಲು ಕ್ರೀಡಾಂಗಣದ ಸುತ್ತಲಿನ ಅಭಿಮಾನಿಗಳು ಅವರ ಹೆಸರನ್ನು ಜಪಿಸುತ್ತಿದ್ದಾಗ 39 ವರ್ಷದ ಮೆಸ್ಸಿ ಭಾವುಕರಾಗಿ ಕಣ್ಣೀರು ಸುರಿಸಿದರು. ಸ್ಪೇನ್ ತಂಡವು ಲಿಯೋನೆಲ್ ಮೆಸ್ಸಿಯ ತಂಡವನ್ನು ಯಶಸ್ವಿಯಾಗಿ ಸೋಲಿಸಿ ಎರಡನೇ ಬಾರಿ ಫಿಫಾ ವಿಶ್ವಕಪ್ ಪ್ರಶಸ್ತಿಯನ್ನು ಎತ್ತಿ ಹಿಡಿದಿತು.

ಪಂದ್ಯಾವಳಿಯಲ್ಲಿ ಎಂಟು ಗೋಲುಗಳು ಮತ್ತು ನಾಲ್ಕು ಅಸಿಸ್ಟ್‌ಗಳೊಂದಿಗೆ ಮೆಸ್ಸಿ ಫೈನಲ್‌ಗೆ ಪ್ರವೇಶಿಸಿದರು ಆದರೆ ಫೈನಲ್‌ನಲ್ಲಿ ಸ್ಪೇನ್ ತಂಡದ ಬಲಿಷ್ಠ ರಕ್ಷಣಾತ್ಮಕ ಆಟದ ಮುಂದೆ ಅವರ ಯಾವುದೇ ಮ್ಯಾಜಿಕ್‌ ನಡೆಯಲಿಲ್ಲ. ಲೂಯಿಸ್ ಡೆ ಲಾ ಫ್ಯುಯೆಂಟೆ ತಂಡವು ಆರಂಭದಿಂದಲೂ ಪಂದ್ಯವನ್ನು ನಿಯಂತ್ರಿಸಿತು. ಎಕ್ಸ್‌ಟ್ರಾ ಟೈಮ್‌ನಲ್ಲಿ ಅರ್ಜೆಂಟೀನಾ ಕನಸು ನುಚ್ಚು ನೂರಾಯಿತು. ಸ್ಪೇನ್‌ನ ಫೆರಾನ್ ಟೊರೆಸ್ ಸಿಡಿಸಿದ ಏಕೈಕ ಗೋಲಿನಿಂದ ಸ್ಪೇನ್ ಗೆಲುವಿನ ಸಂಭ್ರಮ ಆಚರಿಸಿತು. ಬರೋಬ್ಬರಿ 16 ವರ್ಷಗಳ ಬಳಿಕ ಸ್ಪೇನ್ ಫಿಫಾ ವಿಶ್ವಕಪ್ ಗೆದ್ದು ಇತಿಹಾಸ ರಚಿಸಿತು.\

Messi Sat and said Goodbye While Crying#ESPARG pic.twitter.com/r3HyOwj9MY
— Bello Toheeb Tejumola (@BigBheLlo) July 19, 2026

ಅರ್ಜೆಂಟೀನಾ ಫೈನಲ್ ಪಂದ್ಯದಲ್ಲಿ ಹಳದಿ ಕಾರ್ಡ್ ಸಂಕಷ್ಟ ಎದುರಿಸಿತು. ಎಂಜೋ ಫರ್ನಾಂಡಿಸ್ 2ನೇ ಹಳದಿ ಕಾರ್ಡ್ ಪಡೆದ ಕಾರಣ ಮೈದಾನದಿಂದ ಹೊರನಡೆದರು. ಪರಿಣಾಮ ಅರ್ಜೆಂಟೀನಾ 10 ಆಟಗಾರರ ತಂಡ ಆಕ್ರಮಣಕಾರಿ ಆಟಕ್ಕಿಂತ ಹೆಚ್ಚು ರಕ್ಷಣಾತ್ಮಕ ಆಟಕ್ಕೆ ಮುಂದಾಯಿತು. ಹೀಗಾಗಿ ಗೋಲು ಸಿಡಿಸಲು ಸಾಧ್ಯವಾಗಲಿಲ್ಲ. ಫೈನಲ್‌ನಲ್ಲಿ ಅರ್ಜೆಂಟೀನಾ ಆಟದಲ್ಲಿ ಆಕ್ರಮಣಕಾರಿ ಆಟ ಇರಲಿಲ್ಲ.

ಮೆಸ್ಸಿಗೆ ತಪ್ಪಿದ ಗೋಲ್ಡನ್‌ ಶೂ; 2026ರ ಫಿಫಾ ವಿಶ್ವಕಪ್‌ ಟೂರ್ನಿಯ ಪ್ರಶಸ್ತಿ ವಿಜೇತರ ವಿವರ!

ಸ್ಪೇನ್ ಯಶಸ್ಸಿಗೆ ಪ್ರಮುಖ ಪಾತ್ರ ವಹಿಸಿದ ನಾಯಕ ರೊಡ್ರಿ ಅವರಿಗೆ ಅತ್ಯುತ್ತಮ ಆಟಗಾರ ಪ್ರಶಸ್ತಿ (ಪ್ಲೇಯರ್ ಆಫ್ ದಿ ಟೂರ್ನಮೆಂಟ್) ನೀಡಲಾಯಿತು. 2024ರ ಯುರೋ ಕಪ್‌ನಲ್ಲೂ ಅತ್ಯುತ್ತಮ ಆಟಗಾರ ಪ್ರಶಸ್ತಿ ಪಡೆದಿದ್ದ ರೊಡ್ರಿ, ತಮ್ಮ ವೃತ್ತಿಜೀವನದ ಮತ್ತೊಂದು ದೊಡ್ಡ ಗೌರವವನ್ನು ತಮ್ಮದಾಗಿಸಿಕೊಂಡರು. ಎರಡು ವರ್ಷಗಳ ಹಿಂದೆ ಬ್ಯಾಲನ್ ಡಿ ಓರ್ ಗೆದ್ದ ಅಪರೂಪದ ಮಿಡ್‌ಫೀಲ್ಡರ್‌ಗಳ ಪಟ್ಟಿಯಲ್ಲೂ ಅವರು ಸ್ಥಾನ ಪಡೆದಿದ್ದಾರೆ.