ಕೊಲಂಬೊ, ಫೆ.16: ಭಾನುವಾರ ಕೊಲಂಬೊದಲ್ಲಿ ನಡೆದ ಟಿ20 ವಿಶ್ವಕಪ್ ಪಂದ್ಯದ ವೇಳೆ ಭಾರತೀಯ ಆಟಗಾರರು ಪಾಕ್(IND vs PAK) ಆಟಗಾರರ ಜತೆ ನೋ ಹ್ಯಾಂಡ್ಶೇಖ್ ನೀತಿ ಪಾಲಿಸಿದರು. ಆದರೆ ಪಂದ್ಯಕ್ಕೂ ಮುನ್ನ ಭಾರತದ ಸ್ಟಾರ್ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ(Rohit Sharma), ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ವಾಸಿಮ್ ಅಕ್ರಮ್(Wasim Akram) ಅವರನ್ನು ಅಪ್ಪಿಕೊಂಡಿದ್ದು ಕಂಡುಬಂತು. ಪಂದ್ಯಕ್ಕೂ ಮುನ್ನ ನಡೆದ ಸಮಾರಂಭದಲ್ಲಿ ಇಬ್ಬರೂ ಆತ್ಮೀಯ ಅಪ್ಪುಗೆ, ಹಸ್ತಲಾಘವ ಮತ್ತು ಸಂಕ್ಷಿಪ್ತ ಮಾತುಕತೆ ವಿನಿಮಯ ಮಾಡಿಕೊಂಡರು. ಈ ಹೃದಯಸ್ಪರ್ಶಿ ಕ್ಷಣ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.
ಟಿ20 ವಿಶ್ವಕಪ್ನ ಬ್ರಾಂಡ್ ರಾಯಭಾರಿಯಾಗಿ ರೋಹಿತ್ ಕೊಲಂಬೊದಲ್ಲಿದ್ದರು ಮತ್ತು ಕ್ರಿಕೆಟ್ನ ತೀವ್ರ ಪೈಪೋಟಿಯ ಸುತ್ತಲಿನ ಗದ್ದಲದ ಲಾಭವನ್ನು ಪಡೆದರು. ಅವರು ಭಾರತೀಯ ಶಿಬಿರದೊಂದಿಗೆ ಸಮಯ ಕಳೆದರು, ಕ್ರಿಕೆಟಿಗರು ಮತ್ತು ಸಹಾಯಕ ಸಿಬ್ಬಂದಿಯನ್ನು ನಗು ಮತ್ತು ಹಸ್ತಲಾಘವಗಳೊಂದಿಗೆ ಸ್ವಾಗತಿಸಿದರು. ರೋಹಿತ್ ಮತ್ತು ಅಕ್ರಮ್ ಅವರೊಂದಿಗಿನ ಸಂವಹನ ಎಲ್ಲರ ಗಮನ ಸೆಳೆಯಿತು.
ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಭಾರತ 61 ರನ್ಗಳ ಭರ್ಜರಿ ಜಯ ಸಾಧಿಸಿತು. ಇಶಾನ್ ಕಿಶನ್ ಅವರ 77 ರನ್ ಪಂದ್ಯದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಭಾರತ, 175/7 ಸ್ಪರ್ಧಾತ್ಮಕ ಮೊತ್ತವನ್ನು ಗಳಿಸಿತು. ಗುರಿ ಹಿಂಬಾಲಿಸಿದ ಪಾಕಿಸ್ತಾನ 114 ರನ್ಗೆ ಸರ್ವಪತನ ಕಂಡಿತು. ಪಾಕಿಸ್ತಾನ ತಂಡವು ಸೂಪರ್ 8 ಹಂತಕ್ಕೆ ತಲುಪಲು ಇದೇ 18ರಂದು ಕೊಲಂಬೊದಲ್ಲಿ ನಡೆಯುವ ನಮೀಬಿಯಾ ವಿರುದ್ಧದ ಪಂದ್ಯವನ್ನು ಗೆಲ್ಲಲೇಬೇಕಾದ ಒತ್ತಡದಲ್ಲಿದೆ.
IND vs PAK: ಪಾಕಿಸ್ತಾನ ವಿರುದ್ಧ ವಿಶೇಷ ದಾಖಲೆ ಬರೆದ ಭಾರತ
ಭಾರತ ತಂಡದ ನಾಯಕ ಸೂರ್ಯಕುಮಾರ್ ಯಾದವ್ ಅವರು ಪಾಕಿಸ್ತಾನ ತಂಡದ ನಾಯಕ ಸಲ್ಮಾನ್ಅಲಿ ಆಘಾ ಅವರು ಹಸ್ತಲಾಘವ ಮಾಡಲಿಲ್ಲ ‘ಹಸ್ತಲಾಘವ ಮಾಡದಿರುವ ನೀತಿಯನ್ನು ಇಲ್ಲಿಯೂ ಮುಂದುವರಿಸಿದ್ದೇವೆ’ ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಹಿಂದೆ ಏಷ್ಯಾಕಪ್ನಲ್ಲಿಯೂ ಭಾರತೀಯ ಆಟಗಾರರು ಪಾಕ್ ಆಟಗಾರರ ಕೈ ಕುಲುಕಿರಲಿಲ್ಲ. ಇದೇ ನೀತಿಯನ್ನು ಟಿ20 ವಿಶ್ವಕಪ್ನಲ್ಲಿಯೂ ಭಾರತೀಯ ಆಟಗಾರರ ಮುಂದುವರಿಸಿದರು. ಪಂದ್ಯ ಮುಕ್ತಾಯದ ಬಳಿಕ ಉಭಯ ತಂಡಗಳ ಆಟಗಾರರು ಕೇವಲ ಅಂಪೈರ್ಗೆ ಮಾತ್ರ ಶೇಕ್ಹ್ಯಾಂಡ್ ನೀಡಿದರು.