ಮಹಾರಾಷ್ಟ್ರ,ಫೆ.20: ಶ್ರಮ ಪಟ್ಟರೆ ಏಲ್ಲವೂ ಸಾಧ್ಯ ಅನ್ನೋದಕ್ಕೆ ಈ ಘಟನೆಯೇ ಸಾಕ್ಷಿಯಾಗಿದೆ. 21 ವರ್ಷದ ಮಹಿಳೆಯೊಬ್ಬರು ಹೆರಿಗೆಯಾದ 10 ದಿನದಲ್ಲಿ ಮಗುವನ್ನು ಕೈಯಲ್ಲಿ ಹಿಡಿದು ಕೊಂಡು 12 ನೇ ತರಗತಿಯ ಬೋರ್ಡ್ ಪರೀಕ್ಷೆಗೆ ಹಾಜರಾದ ಘಟನೆಯೊಂದು ನಡೆದಿದೆ. ಮಹಾರಾಷ್ಟ್ರದ ನಾಂದೇಡ್ ನಲ್ಲಿರುವ ಪೀಪಲ್ಸ್ ಕಾಲೇಜಿನಲ್ಲಿ ಈ ಘಟನೆ ನಡೆದಿದ್ದು ಅಲ್ಲಿನ ಅಧಿಕಾರಿಗಳು ಪರೀಕ್ಷಾ ಕೇಂದ್ರದಲ್ಲಿ ವಿಶೇಷ ಸೌಲಭ್ಯವನ್ನು ಸ್ಥಾಪಿಸುವ ಮೂಲಕ ಮಹಿಳೆಗೆ ಬೆಂಬಲ ನೀಡಿದ್ದಾರೆ.
ಮಹಿಳೆಯನ್ನು ಶೀತಲ್ ಚಂದ್ರಕಾಂತ್ ಚಿತ್ತೆ (21) ವರ್ಷ ಎಂದು ಗುರುತಿಸಲಾಗಿದೆ.ಈ ಹೃದಯ ಸ್ಪರ್ಶಿ ಘಟನೆಗೆ ಹೆಚ್ಚಿನವರು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ವಿದ್ಯಾರ್ಥಿನಿ ಫೆಬ್ರವರಿ 18 ರ ಬುಧವಾರ ತನ್ನ ರಾಜ್ಯ ಶಾಸ್ತ್ರ ಪರೀಕ್ಷೆ ಬರೆಯಲು ಬಂದಿದ್ದರು. ಆಕೆ ತನ್ನ ನವಜಾತ ಶಿಶುವನ್ನು ಹಿಡಿದು ಕೊಂಡು ಆಗಮಿಸಿದ್ದರು. ವಿಶೇಷ ಅಂದ್ರೆ ಹೆರಿಗೆಯಾದ ಎರಡೇ ದಿನಕ್ಕೆ ತನ್ನ ಸಹೋದರಿ ಯೊಂದಿಗೆ ಇಂಗ್ಲಿಷ್ ಪರೀಕ್ಷೆ ಬರೆಯಲು ಕೂಡ ಹಾಜರಾಗಿದ್ದರು.
12 ನೇ ತರಗತಿ ಪರೀಕ್ಷೆಯು ತನ್ನ ಭವಿಷ್ಯದ ಯೋಜನೆಗಳಿಗೆ ಮುಖ್ಯವಾದ ಕಾರಣ, ಅವಳು ಅದನ್ನು ತಪ್ಪಿಸಿಕೊಳ್ಳಲು ನಿರ್ಧರಿಸಲಿಲ್ಲ. ಮದುವೆಯ ನಂತರ ಅಧ್ಯಯನವನ್ನು ಮುಂದುವರಿ ಸುವ ಅವಳ ನಿರ್ಧಾರವನ್ನು ಅವಳ ಕುಟುಂಬ ಬೆಂಬಲಿಸಿದೆ ಎಂದಿದ್ದಾರೆ. ಶೀತಲ್ ಅವರ ಶಿಕ್ಷಣದ ಮೇಲಿರುವ ಆಸಕ್ತಿಯನ್ನು ಕಂಡು ಪರೀಕ್ಷಾ ಕೇಂದ್ರದ ಅಧಿಕಾರಿಗಳು ವಿಶೇಷ ವ್ಯವಸ್ಥೆ ಮಾಡಿದ್ದಾರೆ.
Viral Video: ಹಿಂದೂ ದೇವಾಲಯದಲ್ಲಿ ಮುಸ್ಲಿಂ ಯುವಕನ ರೀಲ್ಸ್; ಕಲ್ಯಾಣಿಗೆ ನೀರು ಉಗಿದ ಯೂಟ್ಯೂಬರ್!
ಕಳೆದ ವರ್ಷ ನವೆಂಬರ್ನಲ್ಲಿ, ಒಡಿಶಾದ ಮಲ್ಕನ್ಗಿರಿ ಜಿಲ್ಲೆಯ ಪರೀಕ್ಷಾ ಕೇಂದ್ರದಲ್ಲಿ ಒಂದು ಹೃದಯಸ್ಪರ್ಶಿ ಕ್ಷಣ ಅನಾವರಣ ಗೊಂಡಿತ್ತು.. ನೇಮಕಾತಿ ಪರೀಕ್ಷೆಗೆ ಹಾಜರಾಗುವಾಗ ಅಳುತ್ತಿದ್ದ ಮಗುವನ್ನು ನಿಭಾಯಿಸಲು ಕಷ್ಟಪಡುತ್ತಿದ್ದ ತಾಯಿಗೆ ಸಹಾಯ ಮಾಡಲು ಮಹಿಳಾ ಕಾನ್ಸ್ಟೆಬಲ್ ಒಬ್ಬರು ಮುಂದೆ ಬಂದಿದ್ದರು.