Viral Video: ವರದಕ್ಷಿಣೆಗಾಗಿ ನಡೀತು ಬೀದಿ ರಂಪಾಟ-ವಿಡಿಯೊ ವೈರಲ್

ಕನ್ನೌಜ್: ವರದಕ್ಷಿಣೆ ವಿಚಾರವಾಗಿ ಅತ್ತೆ-ಮಾವ, ಸೊಸೆಯ ಪೋಷಕರ ಜೊತೆ ಬೀದಿ ಜಗಳವಾಡಿದ ಘಟನೆ ಉತ್ತರಪ್ರದೇಶದ ಕನ್ನೌಜ್ ಜಿಲ್ಲೆಯ ಛಿಬ್ರಮೌ ಪೊಲೀಸ್ ಠಾಣೆ ವ್ಯಾಪ್ತಿಯ ಶಹಜಹಾನ್‌ಪುರ ಗ್ರಾಮದಲ್ಲಿ ನಡೆದಿದೆ. ಶನಿವಾರ ಸಂಜೆ ಕುಟುಂಬ ಸದಸ್ಯರ ನಡುವೆ ಭೀಕರ ಜಗಳ ನಡೆದಿದೆ. ವರದಕ್ಷಿಣೆ ವಿವಾದವು ಕುಟುಂಬಗಳ ನಡುವೆ ಹಿಂಸಾತ್ಮಕ ಜಗಳಕ್ಕೆ ಕಾರಣವಾಯಿತು. ಘಟನೆಗೆ ಸಂಬಂಧಿಸಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌(Viral Video) ಆಗುತ್ತಿದೆ.

ವರದಿಯ ಪ್ರಕಾರ, ಪವಿತ್ರ ಶ್ರಾವಣ ಮಾಸಕ್ಕಾಗಿ ನವವಿವಾಹಿತ ಮಹಿಳೆಯನ್ನು ಆಕೆಯ ತಾಯಿಯ ಮನೆಗೆ ಕರೆದೊಯ್ಯಲು ಕುಟುಂಬ ಸದಸ್ಯರು ಬಂದಿದ್ದರು. ಈ ವೇಳೆ ಅತ್ತೆ-ಮಾವ ವರದಕ್ಷಿಣೆ ವಿಚಾರವಾಗಿ ಜಗಳವಾಡಿದ್ದಾರೆ. ವಿವಾದ ಎಷ್ಟು ಉಲ್ಬಣಗೊಂಡಿತೆಂದರೆ ಎರಡೂ ಕಡೆಯವರು ಪರಸ್ಪರ ಒದೆಯಲು ಮತ್ತು ಗುದ್ದಾಡಲು ಪ್ರಾರಂಭಿಸಿದರು. ಜಗಳದ ವಿಡಿಯೊ ಕೂಡ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಘಟನೆಯ ನಂತರ, ಮಹಿಳೆಯ ಕುಟುಂಬ ಸದಸ್ಯರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಮಾಹಿತಿಯ ಪ್ರಕಾರ, ಗ್ರಾಮದ ನಿವಾಸಿ ಪ್ರೇಮಚಂದ್ರ ಅವರ ಪುತ್ರ ಪ್ರಶಾಂತ್ ಶಕ್ಯಾ ಸುಮಾರು ಆರು ತಿಂಗಳ ಹಿಂದೆ ಇಟಾವಾ ಜಿಲ್ಲೆಯ ರಾಜ್‌ಪುರ ಗ್ರಾಮದ ನಿವಾಸಿ ಶಿವಾನಿ ಅವರನ್ನು ವಿವಾಹವಾಗಿದ್ದರು. ಮದುವೆಯ ನಂತರ, ಅತ್ತೆ-ಮಾವ ಮತ್ತು ಪೋಷಕರ ನಡುವಿನ ಸಂಬಂಧವು ಮುರಿದುಹೋಗಿದೆ ಎನ್ನಲಾಗಿದೆ.

ವಿಡಿಯೊ ವೀಕ್ಷಿಸಿ

ಶನಿವಾರ, ಶಿವಾನಿಯ ತಂದೆ ಮಹೇಶ್ ಚಂದ್ರ ಮತ್ತು ಸಹೋದರ ಸೌರಭ್ ಮಹಿಳೆಯನ್ನು ಕರೆದುಕೊಂಡು ಹೋಗಲು ಆಕೆಯ ಗಂಡನ ಮನೆಗೆ ಬಂದಿದ್ದರು. ಈ ಸಮಯದಲ್ಲಿ, ಶಿವಾನಿಯ ಆಭರಣಗಳಿಗೆ ಸಂಬಂಧಪಟ್ಟಂತೆ ಎರಡೂ ಕಡೆಯವರ ನಡುವೆ ಜಗಳವಾಯಿತು. ಮದುವೆಯ ಸಮಯದಲ್ಲಿ ನೀಡಿದ ಆಭರಣಗಳನ್ನು ಅತ್ತೆ-ಮಾವ ಹಿಂದಿರುಗಿಸುತ್ತಿಲ್ಲ ಎಂದು ಶಿವಾನಿಯ ಸಹೋದರ ಆರೋಪಿಸಿದ್ದಾರೆ. ಸಹೋದರಿ ತನ್ನ ತಾಯಿಯ ಮನೆಗೆ ಹೋಗುವಾಗ ಅದನ್ನು ಧರಿಸಲು ಬಯಸಿದ್ದಾಳೆ. ಶಿವಾನಿ ಆಭರಣಗಳನ್ನು ಕೇಳಿದಾಗ, ಅತ್ತೆ-ಮಾವ ಕಳ್ಳತನದ ಆರೋಪ ಮಾಡಿದ್ದಾರೆ ಎಂದು ಹೇಳಿದರು.

ಈ ಸುದ್ದಿಯನ್ನೂ ಓದಿ:Khalistan Terrorists: ಗುರುದ್ವಾರ ಆವರಣದಲ್ಲಿ ಖಲಿಸ್ತಾನ್ ರಾಯಭಾರ ಕಚೇರಿ; ಫೋಟೋ ವೈರಲ್‌

ಇನ್ನು ಈ ಸಂಬಂಧ ಶಿವಾನಿ ಛಿಬ್ರಮೌ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ತನ್ನ ಪತಿ ಮತ್ತು ಅತ್ತೆ ಮಾನಸಿಕ ಕಿರುಕುಳ ನೀಡುತ್ತಿದ್ದು, ತನ್ನ ಆಭರಣಗಳನ್ನು ಹಿಂತಿರುಗಿಸಿಲ್ಲ ಎಂದು ಆರೋಪಿಸಿದ್ದಾರೆ. ಈ ಮಧ್ಯೆ ವೈರಲ್ ಆಗಿರುವ ವಿಡಿಯೊದ ಬಗ್ಗೆಯೂ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಎರಡೂ ಕಡೆಯವರಿಂದ ಹೇಳಿಕೆಗಳನ್ನು ಪಡೆದ ನಂತರ ಅಗತ್ಯ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ.