ಶಿವ ದೇವಾಲಯದಲ್ಲಿ ಆರತಿ ಮಾಡಿದ ವಿಷ ಸರ್ಪ; ವಿಡಿಯೊ ನೋಡಿ ಅಚ್ಚರಿಯಿಂದ ಮೂಗಿನ ಮೇಲೆ ಬೆರಳಿಟ್ಟ ನೆಟ್ಟಿಗರು

ನವದೆಹಲಿ: ದೇವಾಲಯವೊಂದರ (Temple) ವಿಡಿಯೊವೊಂದು ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (Viral Video) ಆಗಿದೆ. ವಿಶೇಷ ಭಕ್ತರೊಬ್ಬರು ಶಿವಲಿಂಗದ ಮುಂದೆ ಪ್ರತ್ಯಕ್ಷರಾಗಿದ್ದಾರೆ. ವಿಡಿಯೊದಲ್ಲಿ ವಿಷ ಸರ್ಪವೊಂದು ಶಿವಲಿಂಗದ ಮುಂದೆ ಆರತಿ ಮಾಡುತ್ತಿರುವುದಂತೆ ಕಂಡುಬಂದಿದೆ. ಆದರೆ ಹಾವು ಎಐ ಸೃಷ್ಟಿ ಎನ್ನಲಾಗಿದೆ. ಜತೆಗೆ ಈ ವಿಡಿಯೊದಲ್ಲಿ ಭಕ್ತರ ಗುಂಪೊಂದು ಶಿವಲಿಂಗದ ಮುಂದೆ ಪ್ರಾರ್ಥಿಸುತ್ತಿರುವುದನ್ನು ಸೆರೆ ಹಿಡಿಯಲಾಗಿದೆ.

ಶಿವನ ದೇವಾಲಯದಲ್ಲಿ (Shiva Temple) ಭಕ್ತರು ವಿಗ್ರಹದ ಮುಂದೆ ಪ್ರಾರ್ಥನೆ ಮಾಡುತ್ತಿರುವಾಗ, ಸಿನಿಮಾ ದೃಶ್ಯದಂತೆ ಏಕಾಏಕಿ ಒಂದು ಹಾವು ಕಾಣಿಸಿಕೊಂಡಿದೆ. ಆ ಹಾವು ಬೆಳಗಿರುವ ದೀಪಗಳಿರುವ ಆರತಿ ತಟ್ಟೆಯನ್ನು ತನ್ನ ಮೇಲಿನ ದೇಹಭಾಗದಿಂದ ಎತ್ತಿಕೊಂಡು ಸಮತೋಲನದಲ್ಲಿರಿಸಿದಂತೆ ಕಾಣುತ್ತದೆ. ಅಲ್ಲಿದ್ದವರು ಯಾರೂ ಯಾರೂ ಓಡಿ ಹೋಗುವುದಿಲ್ಲ ಹಾಗೂ ಭಯಪಡುವುದಿಲ್ಲ. ಅದರ ಬದಲು ಭಕ್ತರು ಅಚಲವಾಗಿ ನಿಂತುಕೊಂಡೇ ಆ ದೃಶ್ಯವನ್ನು ಕಣ್ತುಂಬಿಕೊಂಡರು. ಕೆಲವರು ತಮ್ಮ ಮೊಬೈಲ್‌ಗಳನ್ನು ಹೊರತೆಗೆದು ದೃಶ್ಯವನ್ನು ಚಿತ್ರೀಕರಿಸಿದರು.

ವೈರಲ್‌ ವಿಡಿಯೊ ಇಲ್ಲಿದೆ:

ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಈ ಎಐ ವಿಡಿಯೊ ಶೀಘ್ರದಲ್ಲೇ ವೈರಲ್ ಆಯಿತು. ಸಾಮಾಜಿಕ ಮಾಧ್ಯಮ ಬಳಕೆದಾರರು ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ. ಭಾರತದಲ್ಲಿ ಎಐ ಅಪಾಯಕಾರಿ, ಅದು ತಕ್ಷಣವೇ ನಕಲಿ ಸುದ್ದಿಗಳನ್ನು ಹರಡಬಹುದು ಎಂದು ಬಳಕೆದಾರರೊಬ್ಬರು ಹೇಳಿದರು. ವಿಮರ್ಶಾತ್ಮಕ ಚಿಂತನೆಯ ಕೊರತೆ ಅಪಾಯಕಾರಿ. ಎಐಗಿಂತ ಮೊದಲು ಸಾಕಷ್ಟು ನಕಲಿ ಸುದ್ದಿಗಳನ್ನು ಹರಡಲಾಗಿದೆ ಎಂದು ಮತ್ತೊಬ್ಬ ಬಳಕೆದಾರರು ಹೇಳಿದರು.

ಚಲಿಸುವ ಕಾರಿನ ಮಿರರ್ ಮೇಲೆ ಹರಿದು ಬಂತು ಹಾವು! ವಿಡಿಯೊ ವೈರಲ್

ಈ ವರ್ಷದ ಆರಂಭದಲ್ಲಿ, ನರ್ಮದೇಶ್ವರ ಮಹಾದೇವ ದೇವಸ್ಥಾನದಲ್ಲಿ, ಶಿವಲಿಂಗದ ಮೇಲೆ ಸುರುಳಿಯಾಗಿ ಕುಳಿತಿದ್ದ ಹಾವು ಕಂಡುಬಂತು. ಇದು ನೋಡುಗರನ್ನು ದಿಗ್ಭ್ರಮೆಗೊಳಿಸಿತು. ವರದಿಯ ಪ್ರಕಾರ, ಒಬ್ಬ ಹಾವಾಡಿಗ ದೇವಾಲಯದ ಪ್ರದೇಶದ ಮೂಲಕ ಹಾದುಹೋಗುತ್ತಿದ್ದಾಗ, ಕೆಲವು ಭಕ್ತರು ಅವನು ಹೊತ್ತೊಯ್ಯುತ್ತಿದ್ದ ಸರ್ಪವನ್ನು ನೋಡಬಹುದೇ ಎಂದು ಕೇಳಿದರು. ಅವನು ತನ್ನ ಬುಟ್ಟಿಯನ್ನು ತೆರೆದಾಗ, ಒಂದು ಹಾವು ಜಾರಿಬಿದ್ದು, ಗರ್ಭಗುಡಿಗೆ ಹೋಗಿ ಶಿವಲಿಂಗದ ಮೇಲೆ ಹತ್ತಿತು. ಹಾವು ಸುಮಾರು 20 ನಿಮಿಷಗಳ ಕಾಲ ಅಲ್ಲಿಯೇ ಇತ್ತು. ಅದು ಶಿವಲಿಂಗದ ಸುತ್ತಲೂ ಸುತ್ತಿಕೊಂಡಿತ್ತು.

ವಿಡಿಯೊ ಇಲ್ಲಿದೆ:

ಸೈಕಲ್ ಹ್ಯಾಂಡಲ್ ಮೇಲೆ ಕುಳಿತಿದ್ದ ವಿಚಿತ್ರ ಹಾವು

ಸೈಕಲ್‌ನ ಹ್ಯಾಂಡಲ್ ಮೇಲೆ ವಿಚಿತ್ರ ಹಾವೊಂದು ಕುಳಿತಿರುವ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಈ ಹಾವಿನ ಬಗ್ಗೆ ಯಾರಿಗಾದರೂ ತಿಳಿದಿದೆಯೇ? ಎಂದು ಬಳಕೆದಾರರು ಪ್ರಶ್ನಿಸುತ್ತಾ ಫೋಟೋ ಶೇರ್ ಮಾಡಲಾಗಿತ್ತು. ಬಳಕೆದಾರರು ಹಾವಿನ ಜಾತಿಯನ್ನು ಗುರುತಿಸಲು ಪ್ರಯತ್ನಿಸಿದಾಗ, ಕೆಲವರು ಹಾಸ್ಯ ಮಾಡಿದರು. ಅನೇಕರು ಹೊಸ ಸೈಕಲ್‍ನ ಮಾಲೀಕರು ಬಂದಿದ್ದಾರೆ ಎಂದು ತಮಾಷೆ ಮಾಡಿದರು.

ಈ ಹಾವಿನ ಜಾತಿ ಯಾವುದು ಎಂದು ChatGPT ಯಲ್ಲಿ ಪ್ರಶ್ನಿಸಿದಾಗ, ಈ ಹಾವು ಭಾರತದಾದ್ಯಂತ ಸಾಮಾನ್ಯವಾಗಿ ಕಂಡುಬರುವ ವಿಷಕಾರಿಯಲ್ಲದ ಕೆರೆ ಹಾವು, ಚೆಕ್ಕರ್ಡ್ ಕೀಲ್‌ಬ್ಯಾಕ್ ಅನ್ನು ಹೋಲುತ್ತದೆ ಎಂದು ಎಐ ಸೂಚಿಸಿದೆ.