ದತ್ತಾಂಶ ಆಧಾರಿತ ಆಡಳಿತದತ್ತ ರಾಜ್ಯದ ದಿಟ್ಟ ಹೆಜ್ಜೆ

ಶಾಲಿನಿ ರಜನೀಶ್‌

ಮುಖ್ಯ ಕಾರ್ಯದರ್ಶಿ, ಕರ್ನಾಟಕ ಸರಕಾರ

ಜನಗಣತಿಯೆಂದರೆ ಅಂಕಿ-ಅಂಶಗಳ ಸಂಗ್ರಹಣೆಯಲ್ಲ, ಸರ್ವಾಭ್ಯುದಯದ ಮೂಲಾಧಾರ

ಮುಂಬರುವ ಜನಗಣತಿ-2027 ಭಾರತ ದೇಶದ ಆಡಳಿತ ವ್ಯವಸ್ಥೆಯಲ್ಲಿ ಮಹತ್ವದ ತಿರುವಿನ ಕ್ಷಣವಾಗಿದೆ. ಇದು ಕೇವಲ ಅಂಕಿ- ಅಂಶಗಳ ಸಂಗ್ರಹಣೆಯಲ್ಲ, ಸಾಕ್ಷ್ಯಾಧಾರಿತ ನೀತಿ ನಿರ್ಮಾಣ, ಸಮಾನ ಸಂಪನ್ಮೂಲ ಹಂಚಿಕೆ ಮತ್ತು ಸರ್ವಾಭ್ಯುದಯದ ಮೂಲಾ ಧಾರವಾಗಿದೆ.

ವೇಗವಾದ ನಗರೀಕರಣ, ತಂತ್ರಜ್ಞಾನ ನಾಯಕತ್ವ ಮತ್ತು ಸಾಮಾಜಿಕ-ಆರ್ಥಿಕ ವೈವಿಧ್ಯತೆ ಯಿಂದ ಗುರುತಿಸಲ್ಪಡುವ ಕರ್ನಾಟಕಕ್ಕೆ ಈ ಜನಗಣತಿ ಇನ್ನಷ್ಟು ಮಹತ್ವ ಪಡೆದು ಕೊಳ್ಳುತ್ತದೆ. ಅನೇಕ ವಿಷಯಗಳಲ್ಲಿ ಮಾದರಿಯಾಗಿರುವ ಕರ್ನಾಟಕದ ಜನತೆ, 2026ರ ಏಪ್ರಿಲ್ 1ರಿಂದ 15ರವರೆಗೆ ಸ್ವಯಂ ಗಣತಿ ಮಾಡುವ ಮೂಲಕ ಮತ್ತೊಮ್ಮೆ ಇತಿಹಾಸ ನಿರ್ಮಿಸುತ್ತಾರೆ ಎಂಬ ವಿಶ್ವಾಸವಿದೆ.

ಕಳೆದ ದಶಕದಲ್ಲಿ ಕರ್ನಾಟಕವು ಮಹತ್ವದ ಪರಿವರ್ತನೆಗಳನ್ನು ಕಂಡಿದೆ. ರಾಜ್ಯದ ಜನಸಂಖ್ಯೆ 6.8 ಕೋಟಿಗೂ ಹೆಚ್ಚು ಎಂದು ಅಂದಾಜಿಸಲಾಗಿದ್ದು, ಸ್ಥಿರ ಬೆಳವಣಿಗೆ ಯೊಂದಿಗೆ ನಗರ ಪ್ರದೇಶಗಳಲ್ಲಿ ಜನಸಂಖ್ಯೆ ಹೆಚ್ಚುತ್ತಿದೆ. ವಿಶೇಷವಾಗಿ, 2011ರಲ್ಲಿ ಸುಮಾರು ಶೇ.34ರಷ್ಟಿದ್ದ ನಗರ ಜನಸಂಖ್ಯೆ ಈಗ ಶೇ.38-40ರಷ್ಟು ಏರಿಕೆಯಾಗಿದೆ.

ಇದನ್ನೂ ಓದಿ: Ravi Sajangadde Column: ಗುಡ್‌ ಬೈ ನಕ್ಸಲಿಸಂ, ಆರ್‌ಐಪಿ ಮಾವೋಯಿಸಂ

ಇದು ವೇಗವಾದ ನಗರ ಪ್ರದೇಶಗಳಿಗೆ ವಲಸೆಯನ್ನು ಸೂಚಿಸುತ್ತದೆ. ಬೆಂಗಳೂರು ನಗರ ಒಂದೇ ರಾಜ್ಯದ ನಗರ ಜನಸಂಖ್ಯೆಯ ಸುಮಾರು ಮೂರನೇ ಒಂದು ಭಾಗವನ್ನು ಹೊಂದಿದ್ದು, ಮೂಲ ಸೌಕರ್ಯ, ವಸತಿ ಮತ್ತು ಸಂಚಾರ ವ್ಯವಸ್ಥೆಗಳ ಮೇಲೆ ಹೆಚ್ಚಿದ ಒತ್ತಡವನ್ನು ತೋರಿಸುತ್ತದೆ.

ಜನಸಾಂಖ್ಯಿಕವಾಗಿ ಕರ್ನಾಟಕವು ಚುರುಕಾದ ಚಿತ್ರಣವನ್ನು ನೀಡುತ್ತದೆ. 15-59 ವರ್ಷದ ಕಾರ್ಯನಿರತ ವಯೋಮಾನದ ವರ್ಗವು ಸುಮಾರು 65% ಇದ್ದು, ಇದು ಜನ ಸಾಂಖ್ಯಿಕ ಲಾಭವನ್ನು ಸೂಚಿಸುತ್ತದೆ. ಇದೇ ಸಮಯದಲ್ಲಿ, 60 ವರ್ಷ ಮೇಲ್ಪಟ್ಟ ಹಿರಿಯರ ಪ್ರಮಾಣ 10% ಕ್ಕಿಂತ ಹೆಚ್ಚು ಆಗುವ ಸಾಧ್ಯತೆಯಿದ್ದು, ವೃದ್ಧಾಪ್ಯ ಆರೈಕೆ ಮತ್ತು ಸಾಮಾಜಿಕ ಭದ್ರತಾ ವ್ಯವಸ್ಥೆಗಳ ಅಗತ್ಯತೆಯನ್ನು ಸೂಚಿಸುತ್ತದೆ. ಸಾಕ್ಷರತಾ ಪ್ರಮಾಣವು ಸುಮಾರು 80%ಕ್ಕೆ ಏರಿಕೆಯಾಗಿದೆ, ಲಿಂಗ ಅಂತರ ಕಡಿಮೆಯಾಗುತ್ತಿದೆ, ಆದಾಗ್ಯೂ ಜಿಲ್ಲೆಗಳ ನಡುವೆ ವ್ಯತ್ಯಾಸಗಳು ಇನ್ನೂ ಉಳಿದಿವೆ.

ಈ ಜನಗಣತಿಯ ಪ್ರಮುಖ ನವೀನತೆ ಯೆಂದರೆ ಸ್ವಯಂ ಗಣತಿ (Self Enumeration & SE ) ಎಂಬ ನಾಗರೀಕ ಕೇಂದ್ರಿತ ಡಿಜಿಟಲ್ ಯೋಜನೆಯ ಪರಿಚಯ. ಆರಂಭಿಕ ಪ್ರಯೋಗ ಮತ್ತು ಸಮಾನ ಡಿಜಿಟಲ್ ಸಮೀಕ್ಷೆಗಳು ತೋರಿಸಿರುವಂತೆ, ಆನ್‌ಲೈನ್ ಗಣತಿಯೂ ಶೇ.10-15ರಷ್ಟು ಹೆಚ್ಚು ನಿಖರತೆಯನ್ನು ಒದಗಿಸಬಹುದು ಹಾಗೂ ಸಮಯವನ್ನು ಕಡಿಮೆ ಮಾಡುತ್ತದೆ.

ಕರ್ನಾಟಕದ ನಗರದ ಪ್ರದೇಶಗಳಲ್ಲಿ ಅಂತರ್ಜಾಲದ ಬಳಕೆ ಶೇ.70ರಷ್ಟು ಮೀರಿರುವು ದರಿಂದ, ಈ ಡಿಜಿಟಲ್ ಪರಿವರ್ತನೆ ಯನ್ನು ಬಳಸಿಕೊಳ್ಳಲು ರಾಜ್ಯ ಸನ್ನದ್ಧವಾಗಿದೆ. ಆಡಳಿತಾತ್ಮಕವಾಗಿ, ಕರ್ನಾಟಕವು ವ್ಯಾಪಕ ಸಿದ್ಧತೆಗಳನ್ನು ಮಾಡಿಕೊಂಡಿದೆ.

ರಾಜ್ಯದಲ್ಲಿ 1.2 ಲಕ್ಷಕ್ಕೂ ಹೆಚ್ಚು ಗಣತಿದಾರರು ಮತ್ತು ಮೇಲ್ವಿಚಾರಕರು ನಿಯೋಜನೆ ಯಾಗಲಿದ್ದು, ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಒಂದು ಕೋಟಿಗೂ ಹೆಚ್ಚು ಮನೆ ಗಳನ್ನು ಒಳಗೊಳ್ಳಲಿದೆ. ಪ್ರತಿ ಗಣತಿ ಬ್ಲಾಕ್‌ನಲ್ಲಿ 120-150 ಮನೆಗಳನ್ನು ಒಳಗೊಂಡಂತೆ ವೈಜ್ಞಾನಿಕವಾಗಿ ವಿಭಜನೆ ಮಾಡಲಾಗಿದ್ದು, ಕಾರ್ಯಕ್ಷಮತೆ ಮತ್ತು ಮೇಲ್ವಿಚಾರಣೆ ಯನ್ನು ಹೆಚ್ಚಿಸಲಾಗಿದೆ.

ಜನಗಣತಿ ದತ್ತಾಂಶದ ಮಹತ್ವವು ಅಂಕಿಅಂಶಗಳಿಗಿಂತಲೂ ಮುಂದಿದೆ. ಇದು ಪ್ರಮುಖ ಕ್ಷೇತ್ರಗಳಿಗೆ ನೇರವಾಗಿ ಸಹಾಯ ಮಾಡುತ್ತದೆ. ಶಾಲಾ ವ್ಯವಸ್ಥೆಯಲ್ಲಿ 1.5 ಕೋಟಿ ವಿದ್ಯಾರ್ಥಿಗಳಿದ್ದು, ಮಕ್ಕಳ ಜನಸಂಖ್ಯೆಯ ನಿಖರ ಮಾಹಿತಿ ಮೂಲಸೌಕರ್ಯ ಮತ್ತು ಶಿಕ್ಷಕರ ನಿಯೋಜನೆಗೆ ಅಗತ್ಯವಾಗಿದೆ. ರಾಜ್ಯದಲ್ಲಿ ವೈದ್ಯರು-ಜನಸಂಖ್ಯೆ ಅನುಪಾತದಲ್ಲಿ ಸುಧಾರಣೆಯಾದರೂ, ಪ್ರಾದೇಶಿಕ ಅಸಮತೋಲನಗಳು ಉಳಿದಿವೆ- ಜನಗಣತಿ ದತ್ತಾಂಶವು ಲಕ್ಷ್ಯಿತ ನಿಯೋಜನೆಗೆ ಸಹಾಯಕವಾಗಿದೆ.

ನಗರ ಯೋಜನೆಯಲ್ಲಿ ಕೇವಲ ಬೆಂಗಳೂರಿನಲ್ಲಿ ದಿನಕ್ಕೆ 6000 ಟನ್‌ಗಳಷ್ಟು ಘನ ತ್ಯಾಜ್ಯ ಉತ್ಪತ್ತಿಯಾಗುತ್ತದೆ, ಇದು ನಗರ ಸೇವೆಗಳ ಸವಾಲುಗಳನ್ನು ತೋರಿಸುತ್ತದೆ. ಸಾಮಾಜಿಕ ಕಲ್ಯಾಣದಲ್ಲಿ ಸುಮಾರು ಶೇ.30ರಷ್ಟು ಮನೆಗಳು ಸರಕಾರದ ಕಲ್ಯಾಣ ಯೋಜನೆಗಳ ಲಾಭ ಪಡೆಯುತ್ತಿವೆ, ಆದ್ದರಿಂದ ನಿಖರ ಗುರಿ ನಿರ್ಧಾರ ಅಗತ್ಯ. ನಮ್ಮ ಸಂವಿಧಾನವು ಜನರಿಂದ, ಜನರಿಗಾಗಿ, ಜನರಿಗೋಸ್ಕರ ಆಡಳಿತ ಎಂಬ ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಒದಗಿಸಿದೆ.

ಜನಗಣತಿ 2027 ನಾಗರಿಕರಿಗೆ ಸ್ವಯಂ ಗಣತಿ ಮೂಲಕ ಪಾಲ್ಗೊಳ್ಳುವ ಅವಕಾಶ ನೀಡುವು ದರಿಂದ ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಬಲಪಡಿಸುತ್ತದೆ. ಕ್ಷೇತ್ರ ಮರುಹಂಚಿಕೆ ( Delimitation), ಪ್ರತಿನಿಧಿತ್ವ ಮತ್ತು ಹಣಕಾಸು ಹಂಚಿಕೆ-ಎಲ್ಲವೂ ಕೂಡ ಜನಸಂಖ್ಯಾ ದತ್ತಾಂಶದ ಮೇಲೆ ಅವಲಂಬಿತವಾಗಿವೆ.

ಕೇವಲ ಶೇ.1ರಷ್ಟು ಕಡಿಮೆ ಗಣನೆ ಕೂಡ ವರ್ಷಗಳ ಕಾಲ ಸಂಪನ್ಮೂಲ ಹಂಚಿಕೆಯಲ್ಲಿ ದೊಡ್ಡ ವ್ಯತ್ಯಾಸವನ್ನು ಉಂಟು ಮಾಡಬಹುದು. ಆದ್ದರಿಂದ, ಕರ್ನಾಟಕದ ಪ್ರತಿಯೊಬ್ಬ ನಿವಾಸಿಯೂ 2026ರ ಏಪ್ರಿಲ್ 1ರಿಂದ 15 ರವರೆಗೆ ಸ್ವಯಂ ಗಣತಿ ಮಾಡಿಕೊಳ್ಳುವ ಮೂಲಕ ಅಥವಾ 2026ರ ಏಪ್ರಿಲ್ 15ರಿಂದ ಮೇ 15ರವರೆಗೆ ಕ್ಷೇತ್ರ ಗಣತಿದಾರರಿಗೆ ಸಹಕರಿಸುವ ಮೂಲಕ ಸಕ್ರಿಯವಾಗಿ ಭಾಗವಹಿಸುವಂತೆ ವಿನಂತಿಸುತ್ತೇನೆ.

ಸಮಯೋಚಿತ ಮತ್ತು ನಿಖರ ಮಾಹಿತಿ ನೀಡುವುದರಿಂದ ಸರ್ಕಾರದ ನೀತಿಗಳು ಜನರ ಅಗತ್ಯಗಳಿಗೆ ಅನುಗುಣವಾಗಿ ರೂಪುಗೊಳ್ಳುತ್ತವೆ. ಜನಗಣತಿ ಕಾಯಿದೆ, 1948 ಮತ್ತು ಡಿಜಿಟಲ್ ವೈಯಕ್ತಿಕ ದತ್ತಾಂಶ ಸಂರಕ್ಷಣಾ ಕಾಯಿದೆ, 2023 ನಾಗರೀಕರ ದತ್ತಾಂಶದ ಗೌಪ್ಯತೆಯನ್ನು ಕಾಪಾಡುತ್ತವೆ; ನಾಗರಿಕರ ಅನುಮತಿಯಿಲ್ಲದೆ ದತ್ತಾಂಶ ಹಂಚಿಕೆ ಕಾನೂನುಬಾಹಿರವಾಗಿದೆ.

ಅಂತಿಮವಾಗಿ, ಜನಗಣತಿ-2027 ಎಲ್ಲರನ್ನೂ ಒಳಗೊಂಡ ಅಭಿವೃದ್ಧಿ ಮತ್ತು ಉತ್ತಮ ಆಡಳಿ ತದತ್ತ ನಮ್ಮ ಒಕ್ಕೂಟದ ಬದ್ಧತೆಯನ್ನು ಪುನರು ಚ್ಚರಿಸುವ ಅವಕಾಶವಾಗಿದೆ. ಕರ್ನಾಟಕವು ಆಡಳಿತಾತ್ಮಕವಾಗಿ ಸಿದ್ಧ, ತಾಂತ್ರಿಕವಾಗಿ ಸಜ್ಜಿತ ಮತ್ತು ಸಾಮಾಜಿಕವಾಗಿ ಬದ್ಧವಾಗಿದ್ದು, ಈ ಜನಗಣತಿಯನ್ನು ನಿಖರತೆ, ಪಾರದರ್ಶಕತೆ ಮತ್ತು ನಾಗರೀಕರ ಪಾಲ್ಗೊಳ್ಳುವಿಕೆಯಲ್ಲಿ ಮಾದರಿಯನ್ನಾಗಿ ಮಾಡುವಲ್ಲಿ ಸರ್ವಸನ್ನದ್ಧವಾಗಿದೆ. ಪ್ರತಿ ವ್ಯಕ್ತಿಯ ಗಣತಿ, ಉತ್ತಮ ಯೋಜನೆ, ಉತ್ತಮ ಆಡಳಿತ ಮತ್ತು ಸರ್ವಾಭ್ಯುದಯದ ಕರ್ನಾಟಕದತ್ತ ಒಂದು ಹೆಜ್ಜೆ.