Prakash Raj: ಬೆಟ್ಟಿಂಗ್ ಆ್ಯಪ್‌‌ ಹಗರಣ- ಇಡಿ ವಿಚಾರಣೆಗೆ ನಟ ಪ್ರಕಾಶ್ ರಾಜ್ ಹಾಜರು

ಹೈದರಾಬಾದ್: ಖ್ಯಾತ ನಟ ಪ್ರಕಾಶ್ ರಾಜ್ (Prakash Raj), ಬೆಟ್ಟಿಂಗ್ ಆ್ಯಪ್‌‌ (Betting App Scam Case) ಪ್ರಚಾರದ ಕಾನೂನುಬಾಹಿರ ಹಗರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ (Enforcement Directorate) ವಿಚಾರಣೆಗೆ ಬುಧವಾರ ಹೈದರಾಬಾದ್‌ನ (Hyderabad) ಇಡಿ ಕಚೇರಿಗೆ ಆಗಮಿಸಿದರು. ಈ ಪ್ರಕರಣದಲ್ಲಿ ಈಗಾಗಲೇ ಹಲವು ದಕ್ಷಿಣ ಭಾರತೀಯ ಚಿತ್ರತಾರೆಯರಿಗೆ ಇಡಿ ಸಮನ್ಸ್ ಜಾರಿಗೊಳಿಸಿತ್ತು.

ಪ್ರಕಾಶ್ ರಾಜ್‌ ಅವರನ್ನು ಇಂದು ವಿಚಾರಣೆಗೆ ಕರೆಯಲಾಗಿತ್ತು. ಅವರು ಕೋಟ್ಯಂತರ ರೂಪಾಯಿಗಳನ್ನು ತೆಗೆದುಕೊಂಡು ಬೆಟ್ಟಿಂಗ್ ಆ್ಯಪ್‌‌ನ ಪ್ರಚಾರ ಮಾಡಿದ ಆರೋಪವನ್ನು ಎದುರಿಸುತ್ತಿದ್ದಾನೆ. ಈ ತಿಂಗಳ ಆರಂಭದಲ್ಲಿ, ಇಡಿಯು ವಿಜಯ್ ದೇವರಕೊಂಡ (ಆಗಸ್ಟ್ 6), ರಾಣಾ ದಗ್ಗುಬಾಟಿ (ಜುಲೈ 23), ಲಕ್ಷ್ಮಿ ಮಂಚು (ಆಗಸ್ಟ್ 13) ಸೇರಿದಂತೆ ಇತರರಿಗೆ ಸಮನ್ಸ್ ಜಾರಿಗೊಳಿಸಿತ್ತು. ಪ್ರಣಿತಾ ಸುಭಾಷ್, ನಿಧಿ ಅಗರ್‌ವಾಲ್, ಶ್ರೀಮುಖಿ, ವರ್ಷಿಣಿ ಸೌಂದರಾಜನ್, ಇಮ್ರಾನ್ ಖಾನ್, ತಾಸ್ತಿ ತೇಜ ಸೇರಿದಂತೆ ಹಲವು ಚಿತ್ರತಾರೆಯರು, ಟಿವಿ ಸೆಲೆಬ್ರಿಟಿಗಳು ಮತ್ತು ಡಿಜಿಟಲ್ ಇನ್‌ಫ್ಲುಯೆನ್ಸರ್‌ಗಳು ಈ ಪಟ್ಟಿಯಲ್ಲಿದ್ದಾರೆ.

ಜಾರಿ ನಿರ್ದೇಶನಾಲಯವು ಕಾನೂನುಬಾಹಿರ ಬೆಟ್ಟಿಂಗ್ ಆ್ಯಪ್‌‌ಗಳ ಪ್ರಚಾರಕ್ಕಾಗಿ ಹಲವು ಗಣ್ಯರ ವಿರುದ್ಧ ಭ್ರಷ್ಟಾಚಾರ ನಿಷೇಧ ಕಾಯ್ದೆ (PMLA) ಅಡಿಯಲ್ಲಿ ಪ್ರಕರಣ ದಾಖಲಿಸಿದೆ. ಈ ತಾರೆಯರು ತಮ್ಮ ಸಾಮಾಜಿಕ ಮಾಧ್ಯಮ ಪ್ರಚಾರದ ಮೂಲಕ ಜನರನ್ನು ಕಾನೂನುಬಾಹಿರ ಆನ್‌ಲೈನ್ ಬೆಟ್ಟಿಂಗ್‌ನಲ್ಲಿ ಭಾಗವಹಿಸಲು ಪ್ರೇರೇಪಿಸಿದ್ದಾರೆ ಎಂದು ತನಿಖೆ ಗುರಿಯಾಗಿದ್ದಾರೆ.

ಈ ಸುದ್ದಿಯನ್ನು ಓದಿ: Betting App Case: ಬೆಟ್ಟಿಂಗ್‌ ಆ್ಯಪ್‌ ಪ್ರಕರಣ; ಪ್ರಕಾಶ್‌ ರಾಜ್‌, ವಿಜಯ್ ದೇವರಕೊಂಡ ಸೇರಿದಂತೆ ನಾಲ್ವರಿಗೆ ED ಸಮನ್ಸ್

ದೂರಿನ ಪ್ರಕಾರ, ಈ ಆ್ಯಪ್‌‌ಗಳು ದೊಡ್ಡ ಮೊತ್ತದ ಹಣದ ವ್ಯವಹಾರ ನಡೆಸುತ್ತಿವೆ. ವಿಶೇಷವಾಗಿ ಮಧ್ಯಮ ಮತ್ತು ಕೆಳವರ್ಗದ ಕುಟುಂಬಗಳಿಗೆ ಗಂಭೀರ ಆರ್ಥಿಕ ನಷ್ಟವನ್ನು ಉಂಟುಮಾಡಿವೆ. ಸಾಮಾಜಿಕ ಮಾಧ್ಯಮದಲ್ಲಿ ಈ ಆ್ಯಪ್‌‌ಗಳ ಪ್ರಚಾರವು ಆರ್ಥಿಕವಾಗಿ ದುರ್ಬಲರಾದವರನ್ನು ಬೆಟ್ಟಿಂಗ್‌ಗೆ ಆಕರ್ಷಿಸಿದೆ, ಇದರಿಂದ ಅನೇಕರು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ಕಾನೂನುಬಾಹಿರ ಆ್ಯಪ್‌‌ಗಳು ಸ್ಟಾರ್‌ಗಳಿಗೆ ಪ್ರಚಾರಕ್ಕಾಗಿ ಭಾರೀ ಮೊತ್ತವನ್ನು ಪಾವತಿಸಿವೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.

ಪ್ರಕಾಶ್ ರಾಜ್‌ರಂತಹ ಗಣ್ಯರ ವಿರುದ್ಧದ ಈ ತನಿಖೆಯು ಸಾಮಾಜಿಕ ಮಾಧ್ಯಮದ ಪ್ರಭಾವದ ದುರ್ಬಳಕೆಯ ಬಗ್ಗೆ ಗಂಭೀರ ಚರ್ಚೆಗೆ ದಾರಿಮಾಡಿದೆ. ಇಡಿ ಈ ಪ್ರಕರಣದಲ್ಲಿ ಆರೋಪಿಗಳಿಂದ ಪುರಾವೆಗಳನ್ನು ಸಂಗ್ರಹಿಸುತ್ತಿದ್ದು, ಮುಂದಿನ ವಿಚಾರಣೆಗಳು ಈ ಹಗರಣದ ಸಂಪೂರ್ಣ ವಿವರಗಳನ್ನು ಬಯಲಿಗೆಳೆಯಲಿವೆ ಎಂದು ನಿರೀಕ್ಷಿಸಲಾಗಿದೆ.