Canara Bank: ಕೆನರಾ ಬ್ಯಾಂಕ್‌ನ ಬ್ಯಾಲೆನ್ಸ್ ಕನ್ಫರ್ಮೆಶನ್‌ ಸರ್ಟಿಫಿಕೆಟ್‌ ಇನ್ಮುಂದೆ ಆನ್‌ಲೈನ್‌ನಲ್ಲೇ ಲಭ್ಯ!
Canara Bank: ಭಾರತದಲ್ಲಿ ಮೊದಲ ಬಾರಿಗೆ’ಆನ್‌ಲೈನ್‌ ಡಿಜಿಟಲ್ ಬ್ಯಾಲೆನ್ಸ್ ಕನ್ಫರ್ಮೆಶನ್‌ ಸರ್ಟಿಫಿಕೆಟ್‌ ವ್ಯವಸ್ಥೆಯನ್ನು ಪರಿಚಯಿಸಿದೆ. ಭಾರತದಲ್ಲಿ ಈ ಯೋಜನೆಯನ್ನು ಆರಂಭಿಸಿದ ಮೊದಲ ಬ್ಯಾಂಕ್ ಎಂಬ ಹೆಗ್ಗಳಿಕೆಯನ್ನ ಕೆನರಾ ಬ್ಯಾಂಕ್ ಪಡೆದು ಕೊಂಡಿದೆ. ಕೆನರಾ ಬ್ಯಾಂಕ್‌ನ ಈ ವಿನೂತನ ಪ್ರಯತ್ನಕ್ಕೆ ಪಿಎಸ್‌ಬಿ ಅಲೈಯನ್ಸ್‌ ಪ್ರೈವೆಟ್‌ ಲಿಮಿಟೆಡ್‌ ಪೋರ್ಟಲ್‌ ಸಾಥ್‌ ನೀಡಿದೆ.
Pushpa Kumari
Mar 18, 2025 3:46 PM
ಬೆಂಗಳೂರು: ಡಿಜಿಟಲೀಕರಣ ಹಾಗೂ ಕಾರ್ಯಕ್ಷಮತೆ ಹೆಚ್ಚಿಸುವತ್ತ ಕೆನರಾ ಬ್ಯಾಂಕ್ (Canara Bank) ಮಹತ್ವದ ಹೆಜ್ಜೆಯಿಟ್ಟಿದ್ದು ಭಾರತ ದಲ್ಲಿ ಮೊದಲ ಬಾರಿಗೆ’ಆನ್‌ಲೈನ್‌ ಡಿಜಿಟಲ್ ಬ್ಯಾಲೆನ್ಸ್ ಕನ್ಫರ್ಮೆಶನ್‌ ಸರ್ಟಿಫಿಕೆಟ್‌ ವ್ಯವಸ್ಥೆಯನ್ನು ಪರಿಚಯಿಸಿದೆ. ಭಾರತದಲ್ಲಿ ಈ ಯೋಜನೆ ಯನ್ನು ಆರಂಭಿಸಿದ ಮೊದಲ ಬ್ಯಾಂಕ್ ಎಂಬ ಹೆಗ್ಗಳಿಕೆಯನ್ನ ಕೆನರಾ ಬ್ಯಾಂಕ್ ಪಡೆದುಕೊಂಡಿದೆ. ಕೆನರಾ ಬ್ಯಾಂಕ್‌ನ ಈ ವಿನೂತನ ಪ್ರಯತ್ನಕ್ಕೆ ಪಿಎಸ್‌ಬಿ ಅಲೈಯನ್ಸ್‌ ಪ್ರೈವೆಟ್‌ ಲಿಮಿಟೆಡ್‌ ಪೋರ್ಟಲ್‌ ಸಾಥ್‌ ನೀಡಿದೆ. ಈ ಹೊಸ ವ್ಯವಸ್ಥೆ ಆಡಿಟ್‌ ಪ್ರಕ್ರಿಯೆಯನ್ನು ಸರಳೀಕರಿಸುವುದರ ಜೊತೆಗೆ ಶ್ರಮವನ್ನು ತಗ್ಗಿಸಿ ಪರಿಣಾಮಕಾರಿ, ತ್ವರಿತ ಫಲಿತಾಂಶವನ್ನು ನೀಡಲಿದೆ. ಈ ಮೊದಲು ಲೆಕ್ಕ ಪರಿಶೋಧನೆಯ ಸಮಯದಲ್ಲಿ ಆಡಿಟರ್‌ಗಳು ಅಧೀಕೃತ ಪತ್ರದ ಜೊತೆಗೆ ಬ್ಯಾಂಕ್‌ಗಳಿಗೆ ಭೇಟಿ ನೀಡಿ ಬ್ಯಾಲೆನ್ಸ್ ಕನ್ಫರ್ಮೇಶನ್‌ ಸರ್ಟಿಫಿಕೇಟ್‌ ಪಡೆದುಕೊಳ್ಳಬೇಕಿತ್ತು. ಆದರೆ ಈಗ ಹೊಸ ಡಿಜಿಟಲ್ ವ್ಯವಸ್ಥೆಯ ಜೊತೆಗೆ ಆನ್‌ಲೈನ್‌ ಪೋರ್ಟಲ್‌ ಮೂಲಕವೇ ಪ್ರಮಾಣಪತ್ರವನ್ನು (ಸರ್ಟಿಫಿಕೆಟ್‌) ಪಡೆದುಕೊಳ್ಳಬಹುದು.
ಇದನ್ನು ಓದಿ: Canara Bank Recruitment 2025: ಕೆನರಾ ಬ್ಯಾಂಕ್‌ನಲ್ಲಿದೆ 60 ಹುದ್ದೆ; ಇಂದೇ ಅರ್ಜಿ ಸಲ್ಲಿಸಿ
ಇದು ದಾಖಲೆ ಪತ್ರದ ಜೊತೆಗೆ ಬ್ಯಾಂಕ್‌ಗೆ ತೆರಳುವ ಪ್ರಕ್ರಿಯೆಯ ಅಗತ್ಯ ವನ್ನು ತಡೆದು ಆಡಿಟ್‌ ಪ್ರಕ್ರಿಯೆಯನ್ನು ಸುರಕ್ಷಿತ ಮತ್ತು ಸುಗಮಗೊಳಿಸು ತ್ತದೆ. https://digitalbalanceconfirmation.com ಪೋರ್ಟಲ್‌ನ್ನು ಪಿಎಸ್‌ಬಿ ಅಲೈಯನ್ಸ್‌ ಪ್ರೈ.ಲಿ ನಿರ್ವಹಿಸುತ್ತಿದೆ. ಈ ಸಂಸ್ಥೆ ಗ್ರಾಹಕರಿಗೆ ಸುಭದ್ರವಾದ ಹಾಗೂ ಪರಿಣಾಮಕಾರಿಯಾದ ಪ್ರಕ್ರಿಯೆಯ ಮೂಲಕ ಡಿಜಿಟಲ್ ಬ್ಯಾಲೆನ್ಸ್ ಕನ್ಫರ್ಮೆಶನ್‌ ಸರ್ಟಿಫಿಕೆಟ್‌ ಪಡೆದು ಕೊಳ್ಳಲು ನೆರವಾಗುತ್ತಿದೆ. ಇದು ತಂತ್ರಜ್ಞಾನದ ಮೂಲಕ ಉತ್ತಮ ಸೇವೆ ಹಾಗೂ ಪರಿಣಾಮಕಾರಿ ಕಾರ್ಯಚಟುವಟಿಕೆ ಸಾಧಿಸುವ ಕೆನರಾ ಬ್ಯಾಂಕ್‌ನ ಉದ್ದೇಶಕ್ಕೆ ಹಿಡಿದ ಕನ್ನಡಿಯಾಗಿದೆ.