ಇಪಿಎಫ್‌ಒ ಕ್ಷಮಾದಾನ ಯೋಜನೆ: ಉದ್ಯೋಗದಾತ ಸಂಸ್ಥೆಗಳಿಗೆ ದಂಡ ಪಾವತಿ ಇಲ್ಲದೆ ಬಾಕಿ ಮೊತ್ತ ಪಾವತಿಸಲು ಅವಕಾಶ

ದೆಹಲಿ, ಜು. 12: ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ನೌಕರರ ಭವಿಷ್ಯ ನಿಧಿ ಸಂಸ್ಥೆಯು (EPFO) ನೂತನ ಕ್ಷಮಾದಾನ ಯೋಜನೆ- 2026 (Amnesty Scheme) ಪರಿಚಯಿಸಿದೆ. ಇದು ಆದಾಯ ತೆರಿಗೆ ಕಾಯ್ದೆ- 1961ರ ಅಡಿಯಲ್ಲಿ ಗುರುತಿಸಲ್ಪಟ್ಟ ವಿನಾಯಿತಿ ಪಡೆದ ಭವಿಷ್ಯ ನಿಧಿ (PF) ಟ್ರಸ್ಟ್‌ಗಳನ್ನು ನಿರ್ವಹಿಸುವ ಸಂಸ್ಥೆಗಳು ತಮ್ಮ ಸ್ಥಿತಿಯನ್ನು ಕ್ರಮಬದ್ಧಗೊಳಿಸಲು ಒಂದು ಬಾರಿಯ ಅವಕಾಶವನ್ನು ಒದಗಿಸುತ್ತದೆ ಹಾಗೂ ಇದು 6 ತಿಂಗಳ ಕಾಲ ತೆರೆದಿರುತ್ತದೆ.

ಹಣಕಾಸು ಕಾಯ್ದೆ 2026 ಮಾನ್ಯತೆ ಪಡೆದ ಭವಿಷ್ಯ ನಿಧಿಗಳನ್ನು ನಿಯಂತ್ರಿಸುವ ಆದಾಯ ತೆರಿಗೆ ಚೌಕಟ್ಟನ್ನು ನೌಕರರ ಭವಿಷ್ಯ ನಿಧಿ ಮತ್ತು ಇತರೆ ನಿಬಂಧನೆಗಳ ಕಾಯ್ದೆ 1952ರ ಶಾಸನಬದ್ಧ ಮತ್ತು ಆಡಳಿತಾತ್ಮಕ ನಿಬಂಧನೆಗಳೊಂದಿಗೆ ಜೋಡಿಸಿದೆ. ಆದಾಯ ತೆರಿಗೆ ಕಾಯ್ದೆ 2025ರ ಅಡಿಯಲ್ಲಿ ಮಾನ್ಯತೆ ನೌಕರರ ಭವಿಷ್ಯ ನಿಧಿ ಮತ್ತು ಇತರೆ ಸೆಕ್ಷನ್ 17ರ ಅಡಿಯಲ್ಲಿ ವಿನಾಯಿತಿ ಪಡೆದ ಭವಿಷ್ಯ ನಿಧಿಗಳಿಗೆ ಮಾತ್ರ ಲಭ್ಯ. ನಿಬಂಧನೆಗಳ ಕಾಯ್ದೆ 1952ರಂತಹ ಸಂಸ್ಥೆಗಳಿಗೆ ಕಾಯ್ದೆಯ ಸೆಕ್ಷನ್ 17 ಮತ್ತು ಸಾಮಾಜಿಕ ಭದ್ರತಾ ಸಂಹಿತೆ, 2020ರ ಸೆಕ್ಷನ್ 143ರ ಅಡಿಯಲ್ಲಿ ಪೂರ್ವಾನ್ವಯವಾಗಿ ಕ್ಷಮಾದಾನ ನೀಡಲಾಗುತ್ತದೆ.

ಇನ್ಮುಂದೆ ಈ ಕಾರಣಕ್ಕೆ ಪಿಎಫ್‌ ಕ್ಲೈಂ ರಿಜೆಕ್ಟ್‌ ಮಾಡುವಂತಿಲ್ಲ

ಕ್ಷಮಾದಾನ ಯೋಜನೆಯ ವಿವರ

ಈ ಯೋಜನೆಯು ಆದಾಯ ತೆರಿಗೆ ಕಾಯ್ದೆ 1961ರ ಅಡಿಯಲ್ಲಿ ಗುರುತಿಸಲ್ಪಟ್ಟ ಭವಿಷ್ಯ ನಿಧಿ ಟ್ರಸ್ಟ್ ಅನ್ನು ನಿರ್ವಹಿಸುತ್ತಿರುವ ಸಂಸ್ಥೆಗಳಿಗೆ ಅನ್ವಯಿಸುತ್ತದೆ. ಸಂದರ್ಭಾನುಸಾರ ಕೇಂದ್ರ ಸರ್ಕಾರ ಅಥವಾ ರಾಜ್ಯ ಸರ್ಕಾರದಿಂದ ಔಪಚಾರಿಕ ವಿನಾಯಿತಿ ಅಧಿಸೂಚನೆಯನ್ನು ಹೊಂದಿಲ್ಲ.

ಕ್ಷಮಾದಾನ ಯೋಜನೆಯ ಮಾನ್ಯತೆ

ಅವಧಿ: ಈ ಯೋಜನೆಯು 6 ತಿಂಗಳ ಅವಧಿವರೆಗೆ ಮಾನ್ಯವಾಗಿರುತ್ತದೆ.

ಅರ್ಹ ಸಂಸ್ಥೆಗಳು

• ವರ್ಗ-I: ವಿನಾಯಿತಿ ಪಡೆಯದ ಸ್ಥಾಪನೆಯಾಗಿ ಈಗಾಗಲೇ ಅನುಸರಣೆಯನ್ನು ಪ್ರಾರಂಭಿಸಿರುವ ಅಥವಾ ವಿನಾಯಿತಿ ಪಡೆಯದ ಸ್ಥಾಪನೆಯಾಗಿ ನಿರೀಕ್ಷಿತ ಅನುಸರಣೆಯನ್ನು ಆಯ್ಕೆ ಮಾಡಿಕೊಳ್ಳುತ್ತಿರುವ ಪೂರ್ವಾನ್ವಯ ಟ್ರಸ್ಟ್ ಗಳಿಗೆ, ತಾವಾಗಿಯೇ ಕ್ರಮಬದ್ಧಗೊಳಿಸುವಿಕೆಯನ್ನು ಬಯಸುವ ಸಂಸ್ಥೆಗಳು ಅರ್ಹವಾಗಿವೆ.
• ವರ್ಗ–II: ಸಾಮಾಜಿಕ ಭದ್ರತಾ ಸಂಹಿತೆ, 2020ರ ಅಡಿಯಲ್ಲಿ ವಿನಾಯಿತಿ ಪಡೆದ ಸಂಸ್ಥೆಗಳಾಗಿ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸಲು ಆಯ್ಕೆ ಮಾಡುವ ಮತ್ತು ಹಿಂದಿನ ಸೂಚಿತ ದಿನದಿಂದ ಇಂದಿನವರೆಗೆ ಸಂಪೂರ್ಣವಾಗಿ ಟ್ರಸ್ಟ್ ಕ್ರಮಬದ್ಧಗೊಳಿಸುವಿಕೆಯನ್ನು ಬಯಸುವ ಸಂಸ್ಥೆಗಳು ಅರ್ಹವಾಗಿವೆ.

ಪ್ರಮುಖ ಪ್ರಯೋಜನಗಳು

• ಹಿಂದಿನ ಸೂಚಿತ ಅವಧಿವರೆಗೆ ನಿಯಮಿತಗೊಳಿಸುವಿಕೆ: ವಿನಾಯಿತಿ ಸ್ಥಿತಿ ಮತ್ತು ಟ್ರಸ್ಟ್ ಮಾನ್ಯತೆಯನ್ನು ಟ್ರಸ್ಟ್‌ನ ಪ್ರಾರಂಭದಿಂದ ಗೊತ್ತುಪಡಿಸಿದ ಕಟ್-ಆಫ್ ದಿನಾಂಕದವರೆಗೆ ನೀಡಲಾಗುತ್ತದೆ.
• ಸಾಮಾಜಿಕ ಭದ್ರತಾ ಸಂಹಿತೆ, 2020ರ ಅಡಿಯಲ್ಲಿ ಅವಶ್ಯಕತೆಗಳ ಮನ್ನಾ: ಕನಿಷ್ಠ ಉದ್ಯೋಗಿಗಳ ಸಂಖ್ಯೆ ಮತ್ತು ಹೆಚ್ಚವರಿ ನಿಧಿ(ಕಾರ್ಪಸ್)ಯ ಗಾತ್ರದ ನಿಯಮಗಳನ್ನು ಮನ್ನಾ ಮಾಡಲಾಗುತ್ತದೆ. 3 ವರ್ಷಗಳ ಹಿಂದಿನ ಅನುಸರಣೆ ನಿಯಮವನ್ನು ಪೂರೈಸಲಾಗಿದೆ ಎಂದು ಪರಿಗಣಿಸಲಾಗುತ್ತದೆ.
• ಕಾನೂನು ಪ್ರಕ್ರಿಯೆಗಳ ಕಡಿತ: ಸದಸ್ಯರ ಖಾತೆಗಳು ಶಾಸನಬದ್ಧ ದರಗಳಿಗೆ ಸಮಾನವಾಗಿ ಅಥವಾ ಅದಕ್ಕಿಂತ ಉತ್ತಮವಾದ ಬಡ್ಡಿ ಮತ್ತು ಕೊಡುಗೆಗಳನ್ನು ಪಡೆದರೆ, ಬಾಕಿ, ಹಾನಿ ಮತ್ತು ಬಡ್ಡಿಗಾಗಿ ಬಾಕಿ ಇರುವ ಮೌಲ್ಯಮಾಪನಗಳನ್ನು ಹಿಂಪಡೆಯಲಾಗುತ್ತದೆ ಮತ್ತು ರದ್ದುಗೊಳಿಸಲಾಗುತ್ತದೆ. ಹಿಂದಿನ ಅಂತಿಮ ಆದೇಶಗಳನ್ನು ಅಮಾನ್ಯವೆಂದು ಪರಿಗಣಿಸಲಾಗುತ್ತದೆ.

ಕಡ್ಡಾಯ ಉದ್ಯೋಗದಾತರ ಬಾಧ್ಯತೆಗಳು

• ಅರ್ಜಿ: ಅರ್ಹ ಸಂಸ್ಥೆಗಳು ಕೇಂದ್ರ ಸರ್ಕಾರಕ್ಕೆ ಔಪಚಾರಿಕ ಅರ್ಜಿಯನ್ನು ಸಲ್ಲಿಸಬೇಕು. ಅರ್ಜಿಗಳನ್ನು ಸಂಬಂಧಪಟ್ಟ ಪ್ರಾದೇಶಿಕ ಕಚೇರಿಗೆ ಇಮೇಲ್ ಮೂಲಕ ಸಲ್ಲಿಸಬಹುದು. ಈ ಯೋಜನೆಯನ್ನು ಪಡೆಯಲು ಇಚ್ಛೆ ವ್ಯಕ್ತಪಡಿಸುವ ಆಸಕ್ತಿಯ ಅಭಿವ್ಯಕ್ತಿಯನ್ನು [email protected].ಗೆ ಇಮೇಲ್ ಮೂಲಕ ಕಳುಹಿಸಬಹುದು.
• ಆಡಿಟ್ ಅನುಸರಣೆ: ಹಣಕಾಸು ಖಾತೆಗಳನ್ನು ಚಾರ್ಟರ್ಡ್ ಅಕೌಂಟೆಂಟ್ ಆಡಿಟ್ ಮಾಡಬೇಕು. ಇ.ಪಿ.ಎಫ್ ಅಧಿಕಾರಿಗಳು ನಿರ್ದೇಶಿಸಿದ ವಿಶೇಷ/ಅನುಸರಣೆ ಲೆಕ್ಕ ಪರಿಶೋಧನೆಗಳನ್ನು ಅರ್ಜಿ ಸಲ್ಲಿಸಿದ 3 ತಿಂಗಳೊಳಗೆ ಪೂರ್ಣಗೊಳಿಸಬೇಕು.

ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.