ಗಂಡ ಕಪ್ಪಗಿದ್ದಾನೆಂದು ಪ್ರಿಯಕರನೊಟ್ಟಿಗೆ ಸೇರಿಗೆ ಪತಿಯನ್ನೇ ಕೊಂದ ಪತ್ನಿ!

ಭೋಪಾಲ್‌: ಪತ್ನಿಯೇ ಇದ್ದು ತನ್ನ ಗಂಡನನ್ನು ಸುಪಾರಿ ಕೊಟ್ಟು ಕೊಲ್ಲಿಸಿದ ಘಟನೆ ಮಧ್ಯಪ್ರದೇಶದ (Madhya Pradesh) ಭೋಪಾಲ್‌ನಲ್ಲಿ ನಡೆದಿದೆ. 28 (Murder Case) ವರ್ಷದ ಪುರೋಹಿತ್ ದೇವಕೃಷ್ಣ ಕೊಲೆಯಾದ ವ್ಯಕ್ತಿ. ಅಪರಾಧ ಏಪ್ರಿಲ್ 7 ರ ರಾತ್ರಿ ನಡೆದಿತ್ತು. 28 ವರ್ಷದ ಪುರೋಹಿತ್ ದೇವಕೃಷ್ಣ ಅವರ ಮನೆಯಲ್ಲಿ ಕೊಲೆಯಾಗಿ ಪತ್ತೆಯಾಗಿದ್ದು, ಅವರ ದೇಹದ ಮೇಲೆ ಹರಿತವಾದ ಆಯುಧದಿಂದ ಕ್ರೂರವಾಗಿ ಹಲ್ಲೆ ನಡೆಸಿದ ಗುರುತುಗಳಿತ್ತು. ಅವರ ಪತ್ನಿ ಪ್ರಿಯಾಂಕಾ ಪುರೋಹಿತ್ ಆರಂಭದಲ್ಲಿ ಪೊಲೀಸರಿಗೆ ಇದೊಂದು ದರೋಡೆ ಎನ್ನುವಂತೆ ಕಥೆ ಹೇಳಿದ್ದಳು.

ಅಪರಿಚಿತ ದರೋಡೆಕೋರರು ಮನೆಗೆ ನುಗ್ಗಿ, 3.5 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ದೋಚಿದ್ದಾರೆ ಮತ್ತು ಪತಿ ವಿರೋಧಿಸಿದಾಗ ಅವರನ್ನು ಕೊಂದಿದ್ದಾರೆ ಎಂದು ಹೇಳಿದ್ದಳು. ದರೋಡೆ ಪ್ರಕರಣದ ತನಿಖೆ ನಡೆಸಿದ ಪೊಲೀಸರಿಗೆ ಕೊಲೆ ಕುರಿತು ಹಲವು ಸುಳಿವು ಸಿಕ್ಕಿದೆ. ದೇವಕೃಷ್ಣ ಅವರ ದಾಂಪತ್ಯ ಬಹಳ ದಿನಗಳಿಂದ ಸಮಸ್ಯೆಗಳಿಂದ ಕೂಡಿತ್ತು ಎಂದು ಕುಟುಂಬ ಸದಸ್ಯರು ಪೊಲೀಸರಿಗೆ ತಿಳಿಸಿದ್ದರು. 25 ವರ್ಷದ ಪ್ರಿಯಾಂಕಾ ತನ್ನ ಗಂಡನನ್ನು ಆಗಾಗ ಹೀಯಾಳಿಸುತ್ತಿದ್ದು, ನೀನು ಕಪ್ಪು ಬಣ್ಣದವ.. ಯಾವತ್ತೂ ತನಗೆ ಸರಿಯಾದ ಜೋಡಿಯಲ್ಲ ಎಂದು ಹೇಳುತ್ತಿದ್ದಳಂತೆ. ಮನೆಯಲ್ಲಿನ ಕಲಹದಂತೆ ಕಂಡುಬಂದದ್ದು, ವಾಸ್ತವದಲ್ಲಿ ಹೆಚ್ಚು ದುಷ್ಕೃತ್ಯಕ್ಕೆ ಮುನ್ನುಡಿಯಾಗಿತ್ತು.

ಪತಿಯ ಬಣ್ಣದ ಬಗ್ಗೆ ಅಸಮಾಧಾನ ಹೊಂದಿದ್ದ ಪ್ರಿಯಾಂಕಾ ಕಮಲೇಶ್ ಎಂಬಾತನೊಂದಿಗೆ ಅಕ್ರಮ ಸಂಬಂಧ ಬೆಳಸಿಕೊಂಡಿದ್ದಳು. ದೇವಕೃಷ್ಣ ಜೀವಂತವಾಗಿದ್ದರೆ ತಮ್ಮ ಸಂಬಂಧಕ್ಕೆ ಅಡ್ಡಿ ಎಂದು ಅವರಿಬ್ಬರು ಆತನ ಕೊಲೆಗೆ ಪ್ಲಾನ್‌ ರೂಪಿಸಿದ್ದಾರೆ. ಕಮಲೇಶ್ ತನ್ನ ಸಹಚರ ಸುರೇಂದ್ರ ಭಾಟಿಯನ್ನು ಸಂಪರ್ಕಿಸಿ ದೇವಕೃಷ್ಣನನ್ನು ಕೊಲ್ಲಲು 1 ಲಕ್ಷ ರೂ.ಗೆ ಒಪ್ಪಂದ ಮಾಡಿಕೊಂಡಿದ್ದ, ಮುಂಗಡವಾಗಿ 50,000 ರೂ.ಗಳನ್ನು ನೀಡಿದ್ದ. ಕೊಲೆಯಾದ ರಾತ್ರಿ, ಮನೆಯ ಬಾಗಿಲನ್ನು ಉದ್ದೇಶಪೂರ್ವಕವಾಗಿ ಬೀಗ ಹಾಕದೆ ಬಿಡಲಾಗಿತ್ತು. ಸುರೇಂದ್ರ ಒಳಗೆ ಬಂದು ಮಲಗಿದ್ದ ದೇವಕೃಷ್ಣ ಮೇಲೆ ಹಲ್ಲೆ ಮಾಡಿದ. ಅಪರಾಧವನ್ನು ದರೋಡೆಯಂತೆ ಬಿಂಬಿಸಲು, ಕೊಠಡಿಯನ್ನು ದೋಚಲಾಯಿತು ಮತ್ತು ಬೆಲೆಬಾಳುವ ವಸ್ತುಗಳನ್ನು ಕಾಣೆಯಾಗಿದೆ ಎಂದು ಹೇಳಲಾಗಿತ್ತು.

Murder culprits: 24 ಕೊಲೆ ಪ್ರಕರಣಗಳಲ್ಲಿ ಬೇಕಾಗಿದ್ದ ಬಿಹಾರ ಮೂಲದ ಅಪ್ಪ ಮಗ ಬೆಂಗಳೂರಿನಲ್ಲಿ ಬಂಧನ

ದಾಳಿಕೋರರು ಓಡಿಹೋದ ನಂತರ ಪ್ರಿಯಾಂಕಾ ತನ್ನನ್ನು ಬಲಿಪಶುವಾಗಿ ತೋರಿಸಿಕೊಂಡು, ತನ್ನನ್ನು ಕಟ್ಟಿಹಾಕಿ ಒತ್ತೆಯಾಳಾಗಿ ಇರಿಸಲಾಗಿದೆ ಎಂದು ಹೇಳಿಕೊಂಡಳು. ಆದರೆ ತನಿಖೆ ಸಮಯದಲ್ಲಿ ಪ್ರಿಯಾಂಕಾ ಪದೇ ಪದೇ ಹೇಳಿಕೆಗಳನ್ನು ಬದಲಾಯಿಸುತ್ತಿದ್ದಂತೆ ಪೊಲೀಸರಿಗೆ ಅನುಮಾನ ಬಂದಿದೆ. ಮನೆಯಲ್ಲಿ ಶೋಧ ನಡೆಸಿದಾಗ ಅವಳು ಕದ್ದಿದ್ದಾಗಿ ಹೇಳಿಕೊಂಡಿದ್ದ ಆಭರಣಗಳು ಪತ್ತೆಯಾಗಿವೆ. ಮೊಬೈಲ್ ಫೋನ್ ಡೇಟಾ ಸೇರಿದಂತೆ ತಾಂತ್ರಿಕ ಪುರಾವೆಗಳು, ಕಮಲೇಶ್ ಜೊತೆಗಿನ ಅವಳ ಸಂಪರ್ಕ ಮತ್ತು ಕೊಲೆಯ ಸಮಯದಲ್ಲಿ ನಡೆದ ಫೋನ್‌ ಕರೆಗಳು ಬಹಿರಂಗವಾಗಿದೆ. ಪೊಲೀಸರು ಪ್ರಿಯಾಂಕಾ ಮತ್ತು ಕಮಲೇಶ್ ಪುರೋಹಿತ್ ಇಬ್ಬರನ್ನೂ ಬಂಧಿಸಿದ್ದಾರೆ, ಆದರೆ ಆಪಾದಿತ ಗುತ್ತಿಗೆ ಹಂತಕ ಸುರೇಂದ್ರ ಭಾಟಿ ಇನ್ನೂ ತಲೆಮರೆಸಿಕೊಂಡಿದ್ದಾನೆ.