Summer Fashion: ಬೇಸಿಗೆಯ ಬಿಂದಾಸ್‌ ಲುಕ್‌ಗೆ ಮರಳಿ ಬಂತು ಸ್ಟ್ರಾಪ್‌ ಡ್ರೆಸ್‌
Summer Fashion: ಸಮ್ಮರ್‌ ಫ್ಯಾಷನ್‌ನಲ್ಲಿ ಬಿಸಿಲಿಗೆ ಸೆಕೆಯಾಗದ, ಆರಾಮವೆನಿಸುವ ವೈವಿಧ್ಯಮಯ ವಿನ್ಯಾಸದ ಸ್ಟ್ರಾಪ್‌ ಡ್ರೆಸ್‌ಗಳು ಫ್ಯಾಷನ್ ಲೋಕಕ್ಕೆ ಎಂಟ್ರಿ ನೀಡಿವೆ. ಅವುಗಳಲ್ಲಿ ಶೋಲ್ಡರ್‌ಸ್ಟ್ರಾಪ್‌, ಮಲ್ಟಿಪಲ್‌ ಸ್ಟ್ರಾಪ್‌ ಹಾಗೂ ಸ್ಪೆಗೆಟಿ ಸ್ಟ್ರಾಪ್‌ಟಾಪ್‌ಗಳು ಕಾಲೇಜು ಯುವತಿಯರನ್ನು ಸೆಳೆದರೆ, ಸ್ಟ್ರಾಪ್‌ ಫ್ರಾಕ್‌, ಮ್ಯಾಕ್ಸಿಗಳು ಕಾರ್ಪೋರೇಟ್‌ ಯುವತಿಯರನ್ನು ಆಕರ್ಷಿಸಿವೆ. ಈ ಫ್ಯಾಷನ್‌ವೇರ್‌ಗಳ ಬಗ್ಗೆ ಇಲ್ಲಿದೆ ವಿವರ.
ಚಿತ್ರಗಳು: ಪಿಕ್ಸೆಲ್‌
ಶೀಲಾ ಸಿ ಶೆಟ್ಟಿ
Mar 24, 2025 5:30 AM
-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬೇಸಿಗೆ ಸೀಸನ್‌ನಲ್ಲಿ ಮತ್ತೊಮ್ಮೆ ಸ್ಟ್ರಾಪ್‌ ಡ್ರೆಸ್‌ಗಳು ಟ್ರೆಂಡಿಯಾಗಿವೆ. ಲೆಕ್ಕವಿಲ್ಲದಷ್ಟು ವಿನ್ಯಾಸದಲ್ಲಿ ಫ್ಯಾಷನ್‌ಲೋಕಕ್ಕೆ (Summer Fashion) ಕಾಲಿಟ್ಟಿದ್ದು, ಅವುಗಳಲ್ಲಿ ಸ್ಪೆಗೆಟಿ, ಶೋಲ್ಡರ್‌ಸ್ಟ್ರಾಪ್‌ ಹಾಗೂ ಬಾರ್ಡಟ್‌ಸ್ಟ್ರಾಪ್‌ ಡ್ರೆಸ್‌ಗಳು ಟಾಪ್‌ಲಿಸ್ಟ್‌ನಲ್ಲಿವೆ. ಕ್ಯಾಶುವಲ್‌, ಕೊಕ್ವಿಟಿಶ್‌, ಲೆಸ್ಡ್‌ವೆಸ್ಟ್‌ಸ್ಟ್ರಾಪ್‌, ಡೆನಿಮ್‌, ಸ್ಟ್ರೈಪ್ಡ್‌, ಫಿಟ್ಟೆಡ್‌, ಪೆಪ್ಲಂ, ಸ್ಪೆಗೆಟಿ, ಶೋಲ್ಡರ್‌ಸ್ಟ್ರಾಪ್‌ ಟೀನೇಜ್‌ ಹುಡುಗಿಯರನ್ನು ಸೆಳೆದಿವೆ. ಇನ್ನು ಲೇಯರ್ಡ್‌, ಬಾರ್ಡಟ್‌, ಎ ಲೈನ್‌, ಬ್ಯಾಕ್‌ಟಾಪ್‌, ಪ್ರಿಂಟೆಡ್‌, ಸಾಲಿಡ್‌ಟಾಪ್‌, ಕೋಲ್ಡ್‌ ಶೋಲ್ಡರ್‌, ಟ್ಯಾಂಕ್‌, ಎಂಪೈರ್ಡ್‌ಟಾಪ್‌ಗಳು ಕಾರ್ಪೊರೇಟ್‌ ಕ್ಷೇತ್ರ ಹಾಗೂ ವರ್ಕಿಂಗ್‌ ಮಹಿಳೆಯರನ್ನು ಸೆಳೆದಿವೆ. ಬೇಸಿಗೆಯ ವಿಕೇಂಡ್‌ ಔಟಿಂಗ್‌ಗೆ ತೆರಳುವವರು ಧರಿಸುವುದು ಹೆಚ್ಚಾಗಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ ರಾಕಿ.
ಬಿಂದಾಸ್‌ ಯುವತಿಯರ ಆಯ್ಕೆ
ಈ ಸೀಸನ್‌ನಲ್ಲಿ ಸದಾ ಫುಲ್‌ನೆಕ್‌ ಲೈನ್‌ ಹಾಗೂ ಕಟ್‌ನಿಂದ ಬೇಸರವಾದವರು ಸ್ಟ್ರಾಪ್‌ ಟಾಪ್‌ ಅಥವಾ ಡ್ರೆಸ್‌ ಧರಿಸಿ ಕೊಂಚ ಬದಲಾದ ಲುಕ್‌ನಲ್ಲಿ ಕಾಣಿಸಿಕೊಳ್ಳಬಹುದು. ಅದರಲ್ಲೂ ಲೈಟ್‌ಕಲರ್‌ನ ಪ್ರಿಂಟೆಡ್‌ ಸ್ಟ್ರಾಪ್‌ ಟಾಪ್‌ ಹಾಗೂ ಫ್ರಾಕ್‌ಗಳು ಇಂದು ಹೆಚ್ಚು ಫ್ಯಾಷನ್‌ನಲ್ಲಿವೆ. ಯಂಗ್‌ಲುಕ್‌ ನೀಡುವ ಈ ಸ್ಟ್ರಾಪ್‌ ಡ್ರೆಸ್‌ಗಳು ಇಂದು ಟೀನೇಜ್‌ ಹುಡುಗಿಯರಿಗೆ ಮಾತ್ರವಲ್ಲ, ಎಲ್ಲಾ ವಯಸ್ಸಿನ ಮಾಡರ್ನ್‌ಲುಕ್‌ ಬಯಸುವ ಮಾನಿನಿಯರಿಗೂ ಪ್ರಿಯವಾಗತೊಡಗಿವೆ. ಅದರಲ್ಲೂ ಫ್ಲೋಟಿ, ಟ್ಯಾಂಕ್‌ ಹಾಗೂ ಶೋಲ್ಡರ್‌ ಸ್ಟ್ರಾಪ್‌ ಟಾಪ್‌ಗಳಂತೆ ಕಾಣುವ ವಿನ್ಯಾಸದವು ನೋಡಲು ಮನಮೋಹಕವಾಗಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಗ್ಲಾಮರ್‌ ಹೆಚ್ಚಿಸುವ ಸ್ಟ್ರಾಪ್‌ ಡ್ರೆಸ್‌ಗಳಿವು
ಗ್ಲಾಮರಸ್‌ ಲುಕ್‌ಗಾಗಿ ಸಾಕಷ್ಟು ಮಂದಿ ಈ ಸ್ಟ್ರಾಪ್‌ ಟಾಪ್‌ ಹಾಗೂ ಡ್ರೆಸ್‌ಗಳನ್ನು ಪ್ರಿಫರ್‌ ಮಾಡುತ್ತಾರೆ. ಸ್ಟ್ರಾಪ್‌ ಟಾಪ್‌ ವಿನ್ಯಾಸದಲ್ಲಿ ಆದಷ್ಟೂ ಎಲ್ಲವಕ್ಕೂ ಒಂದೇ ಬಗೆಯ ನೆಕ್‌ಲೈನ್‌ಎನ್ನಬಹುದು. ಕೆಲವು ಫಿಟ್‌ ಆಗಿ ಕೂರುವುದಿಲ್ಲ. ಈ ಟಾಪ್‌ಗೆ ಡೆನೀಮ್‌ ಹಾಗೂ ತ್ರಿ ಫೋರ್ತ್‌ ಪ್ಯಾಂಟ್‌ಗಳು ಸೂಟ್‌ ಆಗುತ್ತವೆ ಎನ್ನುವ ಸ್ಟೈಲಿಸ್ಟ್‌ ಜಿಯಾ ಪ್ರಕಾರ, ಸ್ಟ್ರಾಪ್‌ ಟಾಪ್‌ಗಳ ಸ್ಟಿಚ್ಚಿಂಗ್‌ ಹಾಗೂ ಕಟ್‌ ಇತರೆ ಟಾಪ್‌ಗಳಿಗಿಂತ ವಿಭಿನ್ನವಾಗಿರುತ್ತವಂತೆ.
ಸ್ಟ್ರಾಪ್‌ ಟಾಪ್‌ಗಳ ಮಿಕ್ಸ್‌ ಮ್ಯಾಚ್‌ ಹೀಗೆ
ಯಾವುದೇ ಸ್ಟ್ರಾಪ್‌ ಟಾಪ್‌ಗಳಿಗೆ ಮ್ಯಾಚಿಂಗ್‌ ಮಾಡುವಾಗ ಹೀಗೆ ಮಾಡಿ. ಪ್ಯಾಂಟ್‌ ಹಾಗೂ ಕೇಪ್ರೀಸ್‌ಗಳ ಆಯ್ಕೆ ಮ್ಯಾಚ್‌ ಆಗುವಂತಿರಬೇಕು. ಇಲ್ಲವಾದಲ್ಲಿ, ನೋಡುವವರಿಗೆ ಅಭಾಸವಾಗಬಹುದು. ದಪ್ಪಗಿರುವವರು ಸ್ಟ್ರಾಪ್‌ ಟಾಪ್‌ ಧರಿಸುವುದರಿಂದ ಎಕ್ಸ್‌ಪೋಸ್‌ಗೆ ಅನುವು ಮಾಡಿಕೊಟ್ಟಂತಾಗುತ್ತದೆ. ಆದಷ್ಟೂ ಸಿಂಪಲ್‌ ಶೇಡ್ಸ್‌ ಇರುವ ಸ್ಟ್ರಾಪ್‌ ಟಾಪ್‌ ಆಯ್ಕೆ ಮಾಡಿಕೊಳ್ಳಿ. ಸ್ಟ್ರಾಪ್‌ ಟಾಪ್‌ ಧರಿಸಿದಾಗ ಆಕ್ಸೆಸರೀಸ್‌ಧರಿಸಿ. ಇದು ಸ್ಕಿನ್‌ ಕವರ್‌ ಆಗಲು ಸಹಕಾರಿ.
ಈ ಸುದ್ದಿಯನ್ನೂ ಓದಿ | Star Fashion: ಕೊರಿಯನ್‌ ಫ್ಯಾಷನ್‌ವೇರ್‌ನಲ್ಲಿ ಕಿರುತೆರೆ ನಟಿ ಸುಕೃತಾ ನಾಗ್‌ ಕ್ಯೂಟ್‌ ಲುಕ್‌!
ಸ್ಟ್ರಾಪ್‌ಡ್ರೆಸ್‌ಕೋಡ್‌ ಪ್ರಿಯರಿಗೆ ಟಿಪ್ಸ್‌
- ಸ್ಟ್ರಾಪ್‌ಟಾಪ್‌ಗೆ ಮ್ಯಾಚ್‌ ಆಗುವ ಪ್ಯಾಂಟ್‌, ಸ್ಕರ್ಟ್ ಆಯ್ಕೆ ಮಾಡಿ.
- ಡಿಸೈನ್‌ ಹಾಗೂ ಫ್ಯಾಬ್ರಿಕ್‌ ವಿನ್ಯಾಸ ನೋಡಿ, ಕೊಳ್ಳಿ.
- ನೆಕ್‌ಲೈನ್‌ ಇಲ್ಲದ ಕಾರಣ ದೊಗಲೆ ಧರಿಸಬೇಡಿ. ಎಕ್ಸ್‌ಪೋಸ್‌ ಆಗುವ ಸಂಭವವಿರುತ್ತದೆ.
- ನಿಮ್ಮ ಪರ್ಸನಾಲಿಟಿಗೆ ಸೂಟ್‌ ಆಗುವಂತದ್ದು ಆಯ್ಕೆ ಮಾಡಿ.
- ಈ ಸೀಸನ್‌ನಲ್ಲಿ ಹೆಚ್ಚು ದಪ್ಪನೆಯ ಮೆಟೀರಿಯಲ್‌ನದ್ದು ಬೇಡ.
(ಲೇಖಕಿ: ಫ್ಯಾಷನ್ ಪತ್ರಕರ್ತೆ)
