Winter Partywear Fashion 2025: ವಿಂಟರ್ ಪಾರ್ಟಿವೇರ್ಸ್‌ಗೂ ಸಿಕ್ತು ಲೇಯರ್ಡ್ ಲುಕ್!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ವಿಂಟರ್ ಪಾರ್ಟಿವೇರ್ಸ್‌ಗೂ ಲೇಯರ್ಡ್ ಲುಕ್ (Winter Partywear Fashion 2025) ಸಿಕ್ಕಿದೆ. ಹೌದು. ಈ ಸೀಸನ್‌ಗೆ ತಕ್ಕಂತೆ, ದಪ್ಪನೆಯ ಬೆಚ್ಚಗಿನ ಫ್ಯಾಬ್ರಿಕ್‌ನ ಲೇಯರ್ಡ್ ಲುಕ್‌ನಲ್ಲಿ ನಾನಾ ವಿನ್ಯಾಸದ ಔಟ್‌ಫಿಟ್‌ಗಳು ಬಂದಿವೆ. ಶೀರ್, ಶಿಮ್ಮರ್ ಪಾರ್ಟಿವೇರ್‌ನಿಂದಿಡಿದು ಒಂದರ ಮೇಲೊಂದರಂತೆ, ಧರಿಸಬಹುದಾದ ವೈವಿಧ್ಯಮಯ ಔಟ್‌ಫಿಟ್ ಕಾನ್ಸೆಪ್ಟ್ ಇದೀಗ ಚಾಲ್ತಿಯಲ್ಲಿದೆ.

ಶಿಮ್ಮರ್ ಲೇಯರ್ಡ್ ಪಾರ್ಟಿವೇರ್ಸ್‌ಗೆ ಡಿಮ್ಯಾಂಡ್

ಮಲ್ಟಿ ಕಲರ್ಡ್ ಸಿಕ್ವೀನ್ಸ್, ಚಮಕಿ, ಶೈನಿಂಗ್ ಫ್ಯಾಬ್ರಿಕ್‌ನಿಂದ ಸಿದ್ಧಪಡಿಸಿದಂತಹ ಶಿಮ್ಮರ್ ಲೇಯರ್ಡ್ ಲುಕ್ ಗೌನ್, ಡಬ್ಬಲ್ ನೆಟ್ಟೆಡ್ ಗೌನ್, ಫ್ರಿಲ್, ಫ್ಲೇರ್ ಹಾಫ್ ಗೌನ್, ಶಿಯರ್ಲಿಂಗ್ ನೆಕ್‌ಲೈನ್, ಸ್ಲೀವ್ ಲೈನ್ ಹೊಂದಿರುವಂತಹ ನೀ ಲೆಂಥ್ ಬಾಡಿಕಾನ್ ಫ್ರಾಕ್, ಜಾಕೆಟ್ ಜತೆಯಾಗಿರುವ ಶೀತ್ ಸ್ಟೈಲ್ ಫ್ರಾಕ್, ಡಬ್ಬಲ್ ಲೇಯರ್ಡ್ ಲುಕ್ ಇರುವ ಜಾಕೆಟ್ ಹಾಗೂ ಶರ್ಟ್ ಲುಕ್ ಡ್ರೆಸ್, ಫುಲ್ ಸ್ಲೀವ್ ಶಿಮ್ಮರ್ ಪಾರ್ಟಿ ಡ್ರೆಸ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಅದರಲ್ಲೂ ಔಟ್‌ಡೋರ್ ಪಾರ್ಟಿಗಳಿಗೆ ಸೂಟ್ ಆಗುವಂತಹ ಶಿಮ್ಮರ್ ಕೋಟ್ಸ್ ಹಾಗೂ ಜಾಕೆಟ್ ಒಳಗೊಂಡಂತಹ ಡಬ್ಬಲ್ ತ್ರಿಬಲ್ ಲೇಯರ್‌ನವಕ್ಕೆ ಯುವತಿಯರು ಮನ ಸೋತಿದ್ದಾರೆ ಎನ್ನುತ್ತಾರೆ ಸ್ಟೈಲಿಸ್ಟ್ ಜಿಯಾ. ಅವರ ಪ್ರಕಾರ, ಈ ಶಿಮ್ಮರ್ ಫ್ಯಾಬ್ರಿಕ್, ಈ ಸೀಸನ್‌ನ ನೈಟ್ ಪಾರ್ಟಿಗಳ ರಂಗೇರಿಸುತ್ತಿರುವುದು ಟ್ರೆಂಡಿಯಾಗಲು ಪ್ರಮುಖ ಕಾರಣ ಎನ್ನುತ್ತಾರೆ.

ಶೈನಿಂಗ್ ಸೆಮಿ ಫಾರ್ಮಲ್ಸ್ ಪಾರ್ಟಿವೇರ್ಸ್

ಕಾರ್ಪೋರೇಟ್ ಹಾಗೂ ಕಚೇರಿಯ ಪಾರ್ಟಿವೇರ್ ಕೆಟಗರಿಯಲ್ಲಿ ಸೆಮಿ ಫಾರ್ಮಲ್ಸ್ ಉಡುಪುಗಳು ಕೂಡ ಕೊಂಚ ಮಿಂಚಲಾರಂಭಿಸಿವೆ. ಇವುಗಳಲ್ಲಿ ಪ್ಲೋರಲ್ ಹಾಗೂ ಟ್ರಾಪಿಕಲ್ ಪ್ರಿಂಟ್ಸ್‌ನ ಪ್ಯಾಂಟ್ಸೂಟ್ ಹಾಗೂ ಸ್ಕರ್ಟ್ ಸಿಲ್ಕ್ ಸೂಟ್‌ಗಳು ಚಾಲ್ತಿಯಲ್ಲಿವೆ.

ಪಾರ್ಟಿವೇರ್ಸ್ ಆಯ್ಕೆಗೆ ಟಿಪ್ಸ್

* ಆಯಾ ಪಾರ್ಟಿ ಥೀಮ್‌ಗೆ ತಕ್ಕಂತೆ ಡ್ರೆಸ್‌ಕೋಡ್ ಆಯ್ಕೆ ಮಾಡಿ.

* ನೈಟ್ ಪಾರ್ಟಿಗಾದಲ್ಲಿ ಶಿಮ್ಮರ್ ಫ್ಯಾಬ್ರಿಕ್‌ನದ್ದು ಚೂಸ್ ಮಾಡಿ.

* ಡೇ ಪಾರ್ಟಿಗಾದಲ್ಲಿ ಶಿಮ್ಮರಿಂಗ್ ವಿನ್ಯಾಸ ಕಡಿಮೆಯಿರಲಿ.

(ಲೇಖಕಿ: ಫ್ಯಾಷನ್ ಪತ್ರಕರ್ತೆ)