ದುಬೈನಲ್ಲಿ ಮತ್ತೆ ಸ್ಫೋಟ; ಗಗನ ಚುಂಬಿ ಕಟ್ಟಡಗಿಂದ ಬರುತ್ತಿವೆ ದಟ್ಟ ಹೊಗೆ, ವಿಡಿಯೋ ವೈರಲ್‌

ದುಬೈ: ಮಧ್ಯ ಪ್ರಾಚ್ಯದಲ್ಲಿ ಬಿಕ್ಕಟ್ಟು ಮುಂದುವರಿದಿದೆ. ಶುಕ್ರವಾರ ದುಬೈನಲ್ಲಿ ಮತ್ತೆ ದೊಡ್ಡ ಸ್ಫೋಟಗಳ ಶಬ್ದ ಕೇಳಿ ಬಂದಿದ್ದು, ಜನರಲ್ಲಿ (Attack On Dubai) ಆತಂಕ ಮೂಡಿದೆ. ಶಬ್ದ ಕೇಳಿ ಬಂದ ಬೆನ್ನಲ್ಲೇ ನಗರದ ಮಧ್ಯ ಭಾಗದ ಮೇಲೆ ದಟ್ಟವಾದ ಹೊಗೆ ಕಾಣಿಸಿಕೊಂಡಿದೆ. ಮಧ್ಯ ದುಬೈನಲ್ಲಿರುವ ಕಟ್ಟಡದ ಹೊರಭಾಗದಲ್ಲಿ ವಿಮಾನ ತಡೆಹಿಡಿಯುವಿಕೆಯಿಂದ ಉಂಟಾದ ಅವಶೇಷಗಳು "ಸಣ್ಣ ಘಟನೆ"ಗೆ ಕಾರಣವಾಗಿವೆ ಎಂದು ದುಬೈ ಮಾಧ್ಯಮ ಕಚೇರಿ ತಿಳಿಸಿದೆ. ಯಾವುದೇ ಗಾಯಗಳು ಸಂಭವಿಸಿಲ್ಲ ಎಂದು ಅಧಿಕಾರಿಗಳು ದೃಢಪಡಿಸಿದ್ದಾರೆ.

ಯುನೈಟೆಡ್ ಅರಬ್ ಎಮಿರೇಟ್ಸ್ ನಗರದ ಪ್ರಮುಖ ರಸ್ತೆಯಾದ ಶೇಖ್ ಜಾಯೆದ್ ರಸ್ತೆಯ ದಿಕ್ಕಿನಿಂದ ಸೈರನ್‌ಗಳು ಕೇಳಿಬರುತ್ತಿದ್ದವು ಎಂದು ಜನರು ತಿಳಿಸಿದ್ದಾರೆ. ವರದಿಗಳ ಪ್ರಕಾರ, ಘಟನೆಯ ನಂತರ ದುಬೈ ಪೊಲೀಸರು ಆ ಪ್ರದೇಶವನ್ನು ಸುತ್ತುವರೆದಿದ್ದಾರೆ. ಕಟ್ಟಡಕ್ಕೆ ಗಮನಾರ್ಹ ಹಾನಿಯಾಗಿದೆ. ಈ ಘಟನೆ ದುಬೈ ಅಂತಾರಾಷ್ಟ್ರೀಯ ಹಣಕಾಸು ಕೇಂದ್ರದಲ್ಲಿ (DIFC) ಸಂಭವಿಸಿದೆ. ದುಬೈನ ಪ್ರಮುಖ ಪ್ರದೇಶವಾದ ಶೇಖ್ ಜಾಯೆದ್ ರಸ್ತೆಯ ದಿಕ್ಕಿನಿಂದ ಸೈರನ್‌ಗಳು ಬರುತ್ತಿವೆ ಎಂದು AAP ವರದಿ ಮಾಡಿದೆ.

ವಿಡಿಯೋ ನೋಡಿ

ಘಟನೆಯ ನಂತರ ದುಬೈ ಪೊಲೀಸರು ಸ್ಥಳಕ್ಕೆ ತಲುಪಿದ್ದು, ಪರಿಶೀಲನೆ ನಡೆಸಿದ್ದಾರೆ. ಕಟ್ಟಡಕ್ಕೆ ಗಮನಾರ್ಹ ಹಾನಿಯಾಗಿದೆ. ದುಬೈಗೆ ಆಗಮಿಸುವ ಮತ್ತು ನಿರ್ಗಮಿಸುವ ಎಲ್ಲಾ ವಿಮಾನಗಳನ್ನು ಮುಂದಿನ ಸೂಚನೆ ಬರುವವರೆಗೆ ಸ್ಥಗಿತಗೊಳಿಸಲಾಗಿದೆ ಎಂದು ಎಮಿರೇಟ್ಸ್ ಸರ್ಕಾರ ಹೇಳಿದೆ.ಫೆಬ್ರವರಿ 28 ರಿಂದ ಮಾರ್ಚ್ 31 ರವರೆಗೆ ಪ್ರಯಾಣಿಸಲು ಬುಕ್ ಮಾಡಿದ ಗ್ರಾಹಕರಿಗೆ ಮರು ಬುಕ್ ಮಾಡಲು ಅಥವಾ ಮರುಪಾವತಿಗಾಗಿ ವಿನಂತಿಸಲು ಆಯ್ಕೆಗಳನ್ನು ನೀಡಲಾಗಿದೆ.

ಇರಾನ್‌-ಇಸ್ರೇಲ್‌ ಸಂಘರ್ಷ: ಆತಂಕದ ಮಧ್ಯೆ ಅಬುಧಾಬಿಯಿಂದ ಬೆಂಗಳೂರಿಗೆ ಬಂದಿಳಿದ ವಿಮಾನ; 230 ಕನ್ನಡಿಗರು ವಾಪಸ್‌

ಬಹ್ರೈನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ, ಒಮಾನ್‌ನಲ್ಲಿರುವ ತೈಲ ಬಂದರು ಮತ್ತು ಇರಾಕಿನ ಜಲಪ್ರದೇಶದಲ್ಲಿರುವ 2 ಹಡಗುಗಳನ್ನು ಗುರಿಯಾಗಿಸಿ ಇರಾನ್ ದಾಳಿ ನಡೆಸಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ಒಮಾನ್‌ನ ಮಿನಾ ಅಲ್ ಫಹಲ್ ತೈಲ ಬಂದರನ್ನು ಸ್ಥಳಾಂತರಿಸಲಾಗಿದೆ. ದುಬೈ ಏರ್‌ಪೋರ್ಟ್‌ ಸನಿಹ 2 ಡ್ರೋನ್‌ ಬಿದ್ದಿವೆ. ಕುವೈತ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೇಲೆ ಹಲವಾರು ಡ್ರೋನ್‌ಗಳು ದಾಳಿ ಮಾಡಿವೆ. ದಾಳಿಯಿಂದ ಕಟ್ಟಡಕ್ಕೆ ಮಾತ್ರ ಹಾನಿಯಾಗಿದೆ ಎಂದು ತಿಳಿದು ಬಂದಿದೆ.