ಇರಾನ್ ಸಂಘರ್ಷದಲ್ಲಿ ಮೂರು ಅಮೆರಿಕನ್‌ ಸೈನಿಕರು ಸಾವು, ಐವರಿಗೆ ಗಂಭೀರ ಗಾಯ: ದೃಢಪಡಿಸಿದ ಯುಎಸ್

ವಾಷಿಂಗ್ಟನ್, ಮಾ.2: ಇರಾನ್ ಮೇಲೆ ಅಮೆರಿಕ ನಡೆಸಿದ ದಾಳಿಯಲ್ಲಿ ಮೂವರು ಅಮೆರಿಕನ್ ಸೈನಿಕರು ಮೃತಪಟ್ಟಿದ್ದಾರೆ (US soldiers killed) ಮತ್ತು ಐದು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಯುಎಸ್ ಮಿಲಿಟರಿ ತಿಳಿಸಿದೆ. ಇದು ಇಸ್ಲಾಮಿಕ್ ಗಣರಾಜ್ಯದಿಂದ ಪ್ರತೀಕಾರಕ್ಕೆ (US-Iran conflict) ನಡೆಯುತ್ತಿರುವ ದಾಳಿಯಲ್ಲಿ ಅಮೆರಿಕದ ಮೊದಲ ದೃಢಪಡಿಸಿದ ಸಾವುನೋವುಗಳಾಗಿವೆ.

ಮಧ್ಯಪ್ರಾಚ್ಯದಲ್ಲಿ ಕಾರ್ಯಾಚರಣೆಗಳನ್ನು ನೋಡಿಕೊಳ್ಳುವ ಯುಎಸ್ ಸೆಂಟ್ರಲ್ ಕಮಾಂಡ್ (CENTCOM), ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡುವ ಮೂಲಕ ಸಾವುಗಳನ್ನು ಘೋಷಿಸಿತು. ಆದರೆ ಅವು ಯಾವಾಗ ಅಥವಾ ಎಲ್ಲಿ ಸಂಭವಿಸಿದವು ಎಂಬುದನ್ನು ಬಹಿರಂಗಪಡಿಸಲಿಲ್ಲ. ಮತ್ತಷ್ಟು ಸಾವು-ನೋವುಗಳು ಸಂಭವಿಸಬಹುದು ಎಂದು ಟ್ರಂಪ್ ನೋವಿನಿಂದ ತಿಳಿಸಿದ್ದಾರೆ.

ಹಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಹಾಗೆಯೇ ಅವರು ಕರ್ತವ್ಯಕ್ಕೆ ಮರಳುವ ನಿರೀಕ್ಷೆಯಿದೆ ಎಂದು ತಿಳಿಸಿದೆ. ಮೃತಪಟ್ಟವರ ಕುಟುಂಬಗಳಿಗೆ ಈ ಬಗ್ಗೆ ತಿಳಿಸುವವರೆಗೆ ಅವರ ಗುರುತನ್ನು ಗೌಪ್ಯವಾಗಿಡಲಾಗುವುದು ಎಂದು ಹೇಳಿದೆ.

ಕೆರಳಿದ ಇರಾನ್‌ನಿಂದ ಮುಂದುವರಿದ ದಾಳಿ; ದುಬೈ, ಅಬುಧಾಬಿ, ದೋಹಾದಲ್ಲಿ ಸರಣಿ ಸ್ಫೋಟ

ಯುಎಸ್ಎಸ್ ಅಬ್ರಹಾಂ ಲಿಂಕನ್ ವಿಮಾನವಾಹಕ ನೌಕೆಯ ಮೇಲೆ ಬ್ಯಾಲಿಸ್ಟಿಕ್ ಕ್ಷಿಪಣಿಗಳು ದಾಳಿ ಮಾಡಿವೆ ಎಂಬ ಇರಾನಿನ ಹೇಳಿಕೆಯನ್ನು ಯುಎಸ್ ಮಿಲಿಟರಿ ತಿರಸ್ಕರಿಸಿದೆ. ಉಡಾಯಿಸಲಾದ ಕ್ಷಿಪಣಿಗಳು ಹತ್ತಿರಕ್ಕೂ ಬರಲಿಲ್ಲ ಎಂದು ಎಕ್ಸ್‌ನಲ್ಲಿ ಹೇಳಿದೆ.

ಫೆ.28ರ ಶನಿವಾರದಂದು ಅಮೆರಿಕ-ಇಸ್ರೇಲಿ ಜಂಟಿ ಕಾರ್ಯಾಚರಣೆ ನಡೆಸಿ ಇರಾನ್‌ನ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಮತ್ತು ಇತರ ಹಿರಿಯ ನಾಯಕರನ್ನು ಹತ್ಯೆ ಮಾಡುವುದರೊಂದಿಗೆ ದಾಳಿಯು ತೀವ್ರತೆಯನ್ನು ಪಡೆಯಿತು. ಇದಕ್ಕೆ ಪ್ರತಿಕ್ರಿಯೆಯಾಗಿ ಇರಾನ್, ಬಹ್ರೇನ್ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿರುವ ಅಮೆರಿಕದ ನೆಲೆಗಳ ಮೇಲೆ ಕ್ಷಿಪಣಿ ಮತ್ತು ಡ್ರೋನ್ ದಾಳಿಗಳನ್ನು ನಡೆಸಿದೆ. ಇರಾನ್‌ನ ಅರೆಸೈನಿಕ ಕ್ರಾಂತಿಕಾರಿ ಗಾರ್ಡ್ ಇಸ್ರೇಲಿ ಮತ್ತು ಅಮೆರಿಕನ್ ಮಿಲಿಟರಿ ಸ್ಥಾಪನೆಗಳ ವಿರುದ್ಧ ತನ್ನ ಅತ್ಯಂತ ತೀವ್ರವಾದ ಆಕ್ರಮಣಕಾರಿ ಕಾರ್ಯಾಚರಣೆಯನ್ನು ನಡೆಸುವುದಾಗಿ ಬೆದರಿಕೆ ಹಾಕಿದೆ.

ದಾಳಿಗಳಿಗೂ ಮುನ್ನ, ಟ್ರಂಪ್ ಅವರು ಮಧ್ಯಪ್ರಾಚ್ಯದಲ್ಲಿ ಅಮೆರಿಕದ ಮಿಲಿಟರಿಯನ್ನು ಗಣನೀಯವಾಗಿ ಹೆಚ್ಚಿಸಿದ್ದರು. ಜನವರಿಯಲ್ಲಿ ಯುಎಸ್ಎಸ್ ಅಬ್ರಹಾಂ ಲಿಂಕನ್ ಹಾಗೂ ಮೂರು ಮಾರ್ಗದರ್ಶಿ-ಕ್ಷಿಪಣಿ ವಿಧ್ವಂಸಕ ನೌಕೆಗಳನ್ನು ನಿಯೋಜಿಸಲಾಗಿತ್ತು.

"ಹಾವಿನ ತಲೆಯನ್ನೇ ಕತ್ತರಿಸಿದ್ದೇವೆ"; ಇರಾನ್ ಕ್ರಾಂತಿಕಾರಿ ಗಾರ್ಡ್‌ ಪ್ರಧಾನ ಕಚೇರಿ ಧ್ವಂಸ ಮಾಡಿದ ಅಮೆರಿಕ

ನಂತರ, ವಿಶ್ವದ ಅತಿ ದೊಡ್ಡ ವಿಮಾನವಾಹಕ ನೌಕೆ USS ಜೆರಾಲ್ಡ್ ಆರ್. ಫೋರ್ಡ್ ಅನ್ನು ನಾಲ್ಕು ವಿಧ್ವಂಸಕ ನೌಕೆಗಳೊಂದಿಗೆ ಕೆರಿಬಿಯನ್ ಪ್ರದೇಶದಿಂದ ಕಳುಹಿಸಿ, ಪ್ರದೇಶದಲ್ಲಿನ ಕಾರ್ಯಾಚರಣೆಗಳನ್ನು ಮತ್ತಷ್ಟು ಬಲಪಡಿಸಲಾಯಿತು.

ಫೋರ್ಡ್ ಈ ಹಿಂದೆ ವೆನೆಜುವೆಲಾದಲ್ಲಿ ಅಮೆರಿಕದ ದಾಳಿಯಲ್ಲಿ ಭಾಗಿಯಾಗಿತ್ತು, ಅದು ನಾಯಕ ನಿಕೋಲಸ್ ಮಡುರೊನನ್ನು ಸೆರೆಹಿಡಿಯಲು ಕಾರಣವಾಯಿತು. ಜನವರಿಯಲ್ಲಿ ನಡೆದಿದ್ದ ಕಾರ್ಯಾಚರಣೆಯಲ್ಲಿ ಯಾವುದೇ ಅಮೆರಿಕನ್ ಸೈನಿಕರು ಮೃತಪಟ್ಟಿಲ್ಲ. ಆದರೆ ಗುಂಡಿನ ದಾಳಿ ಮತ್ತು ಶ್ರಾಪ್ನೆಲ್‌ನಿಂದ ಏಳು ಯೋಧರು ಗಾಯಗೊಂಡಿದ್ದರು. ಗಾಯಗೊಂಡವರಲ್ಲಿ ಒಬ್ಬರಾದ ಸೇನಾ ಮುಖ್ಯಸ್ಥ ವಾರಂಟ್ ಅಧಿಕಾರಿ 5 ಎರಿಕ್ ಸ್ಲೋವರ್ ಅವರಿಗೆ, ಟ್ರಂಪ್ ಅವರ ಸ್ಟೇಟ್ ಆಫ್ ದಿ ಯೂನಿಯನ್ ಭಾಷಣದ ಸಮಯದಲ್ಲಿ ಗೌರವ ಪದಕವನ್ನು ನೀಡಿ ಗೌರವಿಸಲಾಯಿತು.