ಮಾರುಕಟ್ಟೆಗೆ ಅಡಿಯಿಡಲು ಸ್ಯಾಮ್‌ಸಂಗ್ ಗ್ಯಾಲಕ್ಸಿ A27 5G ಸಿದ್ಧ

ಗುರುಗ್ರಾಮ: ಸ್ಯಾಮ್‌ಸಂಗ್ ತನ್ನ ಹೊಸ Galaxy A27 5G ಸ್ಮಾರ್ಟ್‌ಫೋನ್‌ನ ಮಾರಾಟವನ್ನು ಭಾರತದಲ್ಲಿ ಆರಂಭಿಸಿರುವುದಾಗಿ ಘೋಷಿಸಿದೆ. ಈ ಸ್ಮಾರ್ಟ್‌ಫೋನ್ ಇದೀಗ ಸ್ಯಾಮ್‌ಸಂಗ್‌ನ ಅಧಿಕೃತ ಮಳಿಗೆಗಳು, ಪಾಲುದಾರ ಮಳಿಗೆಗಳು ಹಾಗೂ ಇತರೆ ಆನ್‌ಲೈನ್ ವೇದಿಕೆಗಳಲ್ಲಿ ಖರೀದಿಗೆ ಲಭ್ಯವಿದೆ.

Galaxy A27 5G ಮೂರು ಆಕರ್ಷಕ ಬಣ್ಣಗಳಾದ ಲೈಟ್ ಗ್ರೀನ್, ಲೈಟ್ ಪಿಂಕ್ ಮತ್ತು ಬ್ಲ್ಯಾಕ್ ಬಣ್ಣಗಳಲ್ಲಿ ಹಾಗೂ 6GB+128GB, 8GB+128GB ಮತ್ತು 8GB+256GB ಎಂಬ ಮೂರು ಮೆಮೊರಿ ಆಯ್ಕೆಗಳಲ್ಲಿ ಲಭ್ಯವಿದೆ. ಈ ಸ್ಮಾರ್ಟ್‌ಫೋನ್‌ನ ಆರಂಭಿಕ ಬೆಲೆ ₹28,999 ಆಗಿದ್ದು, ಗ್ರಾಹಕರು ₹3,000 ವರೆಗೆ ಕ್ಯಾಶ್‌ಬ್ಯಾಕ್ ಸೌಲಭ್ಯ ಹಾಗೂ ಶೂನ್ಯ ಡೌನ್ ಪೇಮೆಂಟ್ (Zero Down Payment) ಯೋಜನೆಗಳ ಪ್ರಯೋಜನವನ್ನು ಪಡೆಯಬಹುದು.

ಇದನ್ನೂ ಓದಿ: Samsung Solve for Tomorrow ಐದನೇ ಆವೃತ್ತಿಯ ಘೋಷಣೆ: ವಿಜೇತ ತಂಡಗಳಿಗೆ ನೀಡುವ ಅನುದಾನ ಈಗ 2 ಕೋಟಿ ರೂಪಾಯಿಗೆ ದ್ವಿಗುಣ

Galaxy A27 5G ಸ್ಮಾರ್ಟ್‌ಫೋನ್ 6.7 ಇಂಚಿನ, 120Hz ಸೂಪರ್ AMOLED ಡಿಸ್‌ಪ್ಲೇಯನ್ನು ಹೊಂದಿದ್ದು, ಇದಕ್ಕೆ Corning® Gorilla® Glass Victus®+ ರಕ್ಷಣೆ ಒದಗಿಸಲಾಗಿದೆ. ಈ ಸ್ಮಾರ್ಟ್‌ ಫೋನ್ 4nm Snapdragon® 6 Gen 3 ಮೊಬೈಲ್ ಪ್ಲಾಟ್‌ಫಾರ್ಮ್ ಮೂಲಕ ಕಾರ್ಯನಿರ್ವಹಿಸು ತ್ತದೆ. ಜೊತೆಗೆ, UFS 3.1 ಸ್ಟೋರೇಜ್ ಮತ್ತು LPDDR5X RAM ಅನ್ನು ಹೊಂದಿದ್ದು, ನಿರಂತರ ಹಾಗೂ ಸುಗಮ ಮಲ್ಟಿಟಾಸ್ಕಿಂಗ್ ಮತ್ತು ಗೇಮಿಂಗ್ ಅನುಭವ ಒದಗಿಸುತ್ತದೆ.

Galaxy A27 5Gಯ ಟ್ರಿಪಲ್ ರಿಯರ್ ಕ್ಯಾಮೆರಾ ವ್ಯವಸ್ಥೆಯು 50MP OIS ಮುಖ್ಯ ಕ್ಯಾಮೆರಾ (4K ವೀಡಿಯೊ ರೆಕಾರ್ಡಿಂಗ್ ಬೆಂಬಲದೊಂದಿಗೆ), 5MP ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಕ್ಯಾಮೆರಾಗಳನ್ನು ಒಳಗೊಂಡಿದೆ. ಜೊತೆಗೆ, Object Eraser, Edit Suggestions ಹಾಗೂ My Filter ಸೇರಿದಂತೆ AI ಆಧಾರಿತ ವೈಶಿಷ್ಟ್ಯಗಳು ಫೋಟೋ ಸಂಪಾದನೆ ಅನುಭವವನ್ನು ಮತ್ತಷ್ಟು ಉತ್ತಮಗೊಳಿಸುತ್ತವೆ. 12MP ಮುಂಭಾಗದ ಕ್ಯಾಮೆರಾ ಉನ್ನತ ಗುಣಮಟ್ಟದ ವೀಡಿಯೊ ಕರೆಗಳು ಮತ್ತು ಪೋರ್ಟ್ರೇಟ್ ಛಾಯಾಚಿತ್ರಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ.

Galaxy A27 5Gಯಲ್ಲಿ Circle to Search with Google, 22 ಭಾಷೆಗಳಲ್ಲಿ ರಿಯಲ್-ಟೈಮ್ ಧ್ವನಿ ಲಿಪ್ಯಂತರ (Voice Transcription), ಹಾಗೂ Google Gemini ಮತ್ತು Perplexity ಜೊತೆಗೆ ಏಕೀಕರಣ (Integration) ಸೇರಿದಂತೆ ಹಲವು AI ವೈಶಿಷ್ಟ್ಯಗಳು ಲಭ್ಯವಿವೆ. ಇದರೊಂದಿಗೆ, Bixby ಮೂಲಕ ಬಳಕೆದಾರರು ಸಹಜ ಭಾಷೆಯಲ್ಲೇ ಸಾಧನದ ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸಬಹುದು. Live Transcription ವೈಶಿಷ್ಟ್ಯವು ಇಂಗ್ಲಿಷ್, ಹಿಂದಿ ಮತ್ತು ಗುಜರಾತಿ ಭಾಷೆಗಳಲ್ಲಿ ಕರೆಗಳ ಸಮಯ ದಲ್ಲೂ ಧ್ವನಿ ಲಿಪ್ಯಂತರವನ್ನು ಬೆಂಬಲಿಸುತ್ತದೆ.

Galaxy A27 5Gಗೆ 5000mAh ಬ್ಯಾಟರಿ, ಆರು ವರ್ಷಗಳ Android OS ಹಾಗೂ ಭದ್ರತಾ ಅಪ್‌ಡೇಟ್‌ ಗಳು, ಮತ್ತು Samsung Knox ಭದ್ರತಾ ವ್ಯವಸ್ಥೆಯ ಬೆಂಬಲ ದೊರೆಯುತ್ತದೆ. ಜೊತೆಗೆ, Samsung Wallet ಮೂಲಕ Tap & Pay, UPI ಪಾವತಿಗಳು ಹಾಗೂ ಡಿಜಿಟಲ್ ಗುರುತಿನ ಚೀಟಿಗಳನ್ನು ಸುರಕ್ಷಿತವಾಗಿ ಸಂಗ್ರಹಿಸುವ ಸೌಲಭ್ಯವೂ ಲಭ್ಯವಿದೆ.