ಒನ್ ಪ್ಲಸ್ ನಿಂದ ಎನ್6 ಲೈಟ್ ಸೆ22 ರಂದು ಬಿಡುಗಡೆ: ಬ್ಯಾಟರಿ, ಮನರಂಜನೆ ಎಲ್ಲವೂ ಪವರ್ ಫುಲ್ಲಿ ಬಿಗ್

ಒನ್ ಪ್ಲಸ್ ತನ್ನ ಹೊಸ ಒನ್ಪ್ಲಸ್ ಎನ್6 ಲೈಟ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದನ್ನು ದೀರ್ಘಕಾಲ ಬಾಳಿಕೆ ಬರುವ ಬ್ಯಾಟರಿ, ಉಜ್ವಲ ಡಿಸ್ಪ್ಲೇ, ಮೃದು ಕಾರ್ಯಕ್ಷಮತೆ ಮತ್ತು ದೈನಂದಿನ ಬಳಕೆಗೆ ವಿಶ್ವಾಸಾರ್ಹ ಬಾಳಿಕೆಯನ್ನು ತರುವ ‘ಪವರ್ಫುಲ್ಲಿ ಬಿಗ್’ ಪರಿಕಲ್ಪನೆಯೊಂದಿಗೆ ನಿರ್ಮಿಸಲಾಗಿದೆ. ಸೆಪ್ಟೆಂಬರ್ 22 ರಂದು ಬಿಡುಗಡೆಯ ಹಿನ್ನೆಲೆಯಲ್ಲಿ ಒನ್ಪ್ಲಸ್ ಎನ್6 ಲೈಟ್ ಅನ್ನು ‘ಪವರ್ಫುಲ್ಲಿ ಬಿಗ್’ ಆಗಿ ಮಾಡುವ ಸೌಲಭ್ಯಗಳ ಮೇಲೊಂದು ನೋಟ ಇಲ್ಲಿದೆ.

‘ಪವರ್ ಫುಲ್ಲಿ ಬಿಗ್’ ಪರಿಕಲ್ಪನೆಯ ಮುಖ್ಯ ಕೇಂದ್ರಬಿಂದುವೇ ಇದರ ಬೃಹತ್ 7,000ಎಂ.ಎ.ಎಚ್ ಬ್ಯಾಟರಿ. ಇದು ಒಂದೇ ಚಾರ್ಜ್ನಲ್ಲಿ ಮೂರು ದಿನಗಳವರೆಗೆ ಬಳಸಲು ಸಹಕಾರಿಯಾಗಿದೆ. ಇದರಿಂದಾಗಿ ಬಳಕೆದಾರರು ಗಂಟೆಗಟ್ಟಲೆ ಸಿನಿಮಾಗಳನ್ನು ವೀಕ್ಷಿಸಬಹುದು ಅಥವಾ ಸೋಶಿ ಯಲ್ ಮೀಡಿಯಾ ವೀಕ್ಷಿಸಬಹುದು. ಅಷ್ಟೇ ಅಲ್ಲದೆ, 1,600 ಚಾರ್ಜ್ ಸೈಕಲ್ಗಳ ಪರೀಕ್ಷೆಯ ನಂತರವೂ ಈ ಬ್ಯಾಟರಿ ಆರು ವರ್ಷಗಳವರೆಗೆ ಶೇ.60ಕ್ಕಿಂತ ಹೆಚ್ಚು ಆರೋಗ್ಯವನ್ನು ಕಾಯ್ದು ಕೊಳ್ಳುತ್ತದೆ ಎಂಬ ಭರವಸೆಯನ್ನು ಒನ್ ಪ್ಲಸ್ ನೀಡುತ್ತದೆ. ಈ ಫೋನ್ ರಿವರ್ಸ್ ಚಾರ್ಜಿಂಗ್ ಬೆಂಬಲದೊಂದಿಗೂ ಬರುತ್ತದೆ, ಅಂದರೆ ಬಳಕೆದಾರರು ಈ ಸ್ಮಾರ್ಟ್ಫೋನ್ ಅನ್ನು ಪವರ್ ಬ್ಯಾಂಕ್ ನಂತೆಯೂ ಬಳಸಬಹುದು.

ಇದನ್ನೂ ಓದಿ: Smartphone: ಮೊಬೈಲ್‌ ಉತ್ಪಾದನೆಯಲ್ಲಿ ಗಣನೀಯ ಸಾಧನೆ ಮಾಡಿದ ಭಾರತ; ರಫ್ತು ಶೇ. 127ರಷ್ಟು ಹೆಚ್ಚಳ

ಒನ್ ಪ್ಲಸ್ ಎನ್6 ಲೈಟ್ ಡಿಸ್ಪ್ಲೇ ಅನುಭವವು ಅತ್ಯಂತ ಸ್ಪಷ್ಟವಾಗಿದ್ದು, ಇದು 6.75-ಇಂಚಿನ ಎಚ್.ಡಿ+ ಡಿಸ್ಪ್ಲೇ ಮತ್ತು ವೇಗದ ಸ್ಪಂದನೆಗೆ ನೆರವಾಗುವ 120ಹರ್ಟ್ಸ್ ರಿಫ್ರೆಶ್ ರೇಟ್ ಅನ್ನು ಹೊಂದಿದೆ. ಈ ಡಿಸ್ಪ್ಲೇ ಅಕ್ವಾ ಟಚ್ ತಂತ್ರಜ್ಞಾನದ ಬೆಂಬಲವನ್ನು ಹೊಂದಿದೆ, ಇದು ದುಬಾರಿ ಒನ್ಪ್ಲಸ್ ಫೋನ್ಗಳಲ್ಲೂ ಲಭ್ಯವಿದೆ. ಇದರಿಂದಾಗಿ ಸ್ಕ್ರೀನ್ ಮೇಲೆ ನೀರು, ತೇವಾಂಶ ಅಥವಾ ಎಣ್ಣೆಯ ಜಿಡ್ಡು ಬಿದ್ದಿದ್ದರೂ ಸಹ ಟಚ್ ಸ್ಕ್ರೀನ್ ಸುಲಭವಾಗಿ ಮತ್ತು ನಿಖರವಾಗಿ ಸ್ಪಂದಿಸುತ್ತದೆ.

ಬಾಳಿಕೆಯ ವಿಚಾರಕ್ಕೆ ಬಂದರೆ, ಒನ್ಪ್ಲಸ್ ಎನ್6 ಲೈಟ್ ಎಂಐಎಲ್-ಎಸ್.ಟಿ.ಡಿ. 810ಎಚ್ ಬಾಳಿಕೆ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದು, ದೈನಂದಿನ ಒರಟು ಬಳಕೆ, ಸಣ್ಣಪುಟ್ಟ ಪೆಟ್ಟು ಹಾಗೂ ಕೈಜಾರಿ ಬೀಳುವಿಕೆಗಳ ಬಗ್ಗೆ ಬಳಕೆದಾರರು ಯಾವುದೇ ಚಿಂತೆಯಿಲ್ಲದೆ ಇರಲು ನೆರವಾಗುತ್ತದೆ. ದುಂಡಗಿನ ಅಂಚುಗಳು, 215 ಗ್ರಾಂ ತೂಕದ ಸಾಪೇಕ್ಷವಾದ ಹಗುರ ವಿನ್ಯಾಸ ಮತ್ತು ಎರಡು ಬಣ್ಣಗಳ ಆಯ್ಕೆ ಗಳೊಂದಿಗೆ, ಈ ಫೋನ್ ಕೈಗೆಟುಕುವ ಬೆಲೆಯಲ್ಲಿ ಅತ್ಯುತ್ತಮ ಹಾಗೂ ಆಕರ್ಷಕ ರೂಪವನ್ನು ನೀಡುತ್ತದೆ.

ಮತ್ತೊಂದು ಉಪಯುಕ್ತ ಸೇರ್ಪಡೆ ಎಂದರೆ 36-ತಿಂಗಳ ಫ್ಲೂಯೆನ್ಸಿ ಪ್ರೊಟೆಕ್ಷನ್. ಇದು ಫೋನ್ ಕಾಲಾನಂತರದಲ್ಲೂ ಸಾಗುವಂತೆ ಉತ್ತಮ ಕಾರ್ಯಕ್ಷಮತೆ ನೀಡುವುದನ್ನು ಖಚಿತಪಡಿಸುತ್ತದೆ. ಜೊತೆಗೆ, ಬಳಕೆದಾರರು ಸೋಶಿಯಲ್ ಮೀಡಿಯಾ ಬಳಕೆಗೆ ಯಾವಾಗಲೂ ಸಿದ್ಧರಾಗಿರಲು ಒನ್ಪ್ಲಸ್ ಎನ್6 ಲೈಟ್ ಎಐ ಕ್ಲಿಯರ್ ಫೇಸ್ ಮತ್ತು ಎಐ ಎರೇಸರ್ ನಂತಹ ಜಾಣ್ಮೆಯ ಎಐ ಸಾಧನಗಳನ್ನೂ ಒದಗಿಸುತ್ತದೆ.

ಹೆಚ್ಚಾಗುತ್ತಿರುವ ಮೆಮೊರಿ ವೆಚ್ಚಗಳು ಮತ್ತು ಬೆಲೆ ಏರಿಕೆಯ ಒತ್ತಡಗಳನ್ನು ನಿಭಾಯಿಸಲು ಅನೇಕ ಬ್ರ್ಯಾಂಡ್ಗಳು 4ಜಿ ಕನೆಕ್ಟಿವಿಟಿಯ ಆಯ್ಕೆಯನ್ನು ಹೆಚ್ಚಾಗಿ ಪರಿಗಣಿಸುತ್ತಿದ್ದು, ಈ ಸ್ಮಾರ್ಟ್ಫೋನ್ ಕೂಡ 4ಜಿ ಕನೆಕ್ಟಿವಿಟಿಯನ್ನು ಮಾತ್ರ ಬೆಂಬಲಿಸುತ್ತದೆ. ಆದರೆ, ಒನ್ ಪ್ಲಸ್ ಎನ್6 ಲೈಟ್ ದೀರ್ಘಕಾಲ ಬಾಳಿಕೆ ಬರುವ ಬ್ಯಾಟರಿ, ಮೃದು ವೀಕ್ಷಣೆಯ ಅನುಭವ ಮತ್ತು ದೀರ್ಘ ಬಾಳಿಕೆಯ ಮೇಲೆ ಗಮನ ಹರಿಸುತ್ತದೆ. ಇದು ಬಜೆಟ್ ಸ್ಮಾರ್ಟ್ಫೋನ್ ಖರೀದಿಸಲು ಬಯಸುವ ಗ್ರಾಹಕರಿಗೆ ಅತ್ಯುತ್ತಮ ಹಾಗೂ ಆಕರ್ಷಕ ಆಯ್ಕೆಯಾಗಿದೆ.