Health Tips: ಲೈಂಗಿಕ ಕ್ರಿಯೆಯ ನಂತರ ನೀವು ಮಾಡಬೇಕಾದ ಮತ್ತು ಮಾಡಬಾರದ ಕೆಲಸಗಳಾವುವು ಗೊತ್ತಾ?

ಬೆಂಗಳೂರು: ಲೈಂಗಿಕತೆ ಎಂಬುದು ಪ್ರತಿಯೊಬ್ಬ ದಂಪತಿಯ ಜೀವನದಲ್ಲಿ ನಡೆಯುವಂತಹ ಒಂದು ಪ್ರಕ್ರಿಯೆ. ದಂಪತಿ ಆಗಾಗ ಲೈಂಗಿಕ ಸಂಬಂಧ ಹೊಂದುತ್ತಿದ್ದರೆ ಮಾತ್ರ ಅವರ ದಾಂಪತ್ಯ ಜೀವನ ಸುಖಕರವಾಗಿರುತ್ತದೆ. ಲೈಂಗಿಕತೆ ಹೊಂದುವುದರಿಂದ ದೇಹದ ಆರೋಗ್ಯಕ್ಕೂ ಕೂಡ ಹಲವು ಪ್ರಯೋಜನಗಳಿವೆ. ಆದರೆ ಲೈಂಗಿಕತೆ ಹೊಂದಿದ ನಂತರ ನೀವು ಕೆಲವು ಸಲಹೆಗಳನ್ನು ಪಾಲಿಸಬೇಕಾಗುತ್ತದೆ. ಇಲ್ಲವಾದರೆ ಇದರಿಂದ ಆರೋಗ್ಯ(Health News) ಸಮಸ್ಯೆಗಳಿಗೊಳಗಾಗುವ ಸಂಭವವಿರುತ್ತದೆ. ಹಾಗಾಗಿ ಲೈಂಗಿಕ ಕ್ರಿಯೆಯ ನಂತರ ನೀವು ಮಾಡಬೇಕಾದ ಮತ್ತು ಮಾಡಬಾರದ ಕೆಲಸಗಳೇನು ಎಂಬ ಬಗ್ಗೆ ತಿಳಿದುಕೊಳ್ಳಿ.

ಜನನಾಂಗದ ಸುತ್ತಲಿನ ಪ್ರದೇಶವನ್ನು ತೊಳೆಯಿರಿ

ಲೈಂಗಿಕ ಕ್ರೀಯೆ ಹೊಂದಿದ ಬಳಿಕ ನಿಮ್ಮ ಜನನಾಂಗದ ಸುತ್ತಲಿನ ಪ್ರದೇಶವನ್ನು ತೊಳೆದು ಸ್ವಚ್ಛಗೊಳಿಸಿ. ಇದು ಪುರುಷರು ಮತ್ತು ಮಹಿಳೆಯರನ್ನು ಮೂತ್ರನಾಳದಂತಹ (ಯುಟಿಐ) ಸೋಂಕುಗಳಿಂದ ರಕ್ಷಿಸಬಹುದು. ಹಾಗಾಗಿ ನಿಮ್ಮ ಜನನಾಂಗಗಳ ಸುತ್ತಲಿನ ಸ್ಥಳವನ್ನು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಡೌಚ್ ಮಾಡಬೇಡಿ

ಕೆಲವು ಮಹಿಳೆಯರು ಲೈಂಗಿಕ ಕ್ರಿಯೆಯ ನಂತರ ನೀರು ಅಥವಾ ಇತರ ದ್ರವಗಳಿಂದ ತಮ್ಮ ಯೋನಿಯೊಳಗೆ ಸ್ವಚ್ಛಗೊಳಿಸಬೇಕು ಎಂದು ಭಾವಿಸುತ್ತಾರೆ. ಆದರೆ ಡೌಚಿಂಗ್ ಹೆಚ್ಚಿನ ಸೋಂಕುಗಳಿಗೆ ಕಾರಣವಾಗಬಹುದು. ಏಕೆಂದರೆ ಇದು ನಿಮ್ಮ ಯೋನಿಯನ್ನು ರಕ್ಷಿಸುವ ಬ್ಯಾಕ್ಟೀರಿಯಾದ ನೈಸರ್ಗಿಕ ಸಮತೋಲನವನ್ನು ಕೆಡಿಸುತ್ತದೆ.

ಸರಳವಾಗಿ ಶುಚಿಗೊಳಿಸಿ

ಮೆಡಿಕಲ್‍ಗಳಲ್ಲಿ ಯೋನಿ ಸ್ವಚ್ಛಗೊಳಿಸಲು ಸಾಕಷ್ಟು ವೈಪ್‍ಗಳು, ಕ್ರೀಂಗಳು ಮತ್ತು ಸ್ಪ್ರೇಗಳು ಸಿಗುತ್ತವೆ. ಅದು ನಿಮ್ಮ ಜನನಾಂಗ ಪ್ರದೇಶಗಳನ್ನು "ತಾಜಾಗೊಳಿಸಲು" ಸಹಾಯ ಮಾಡುತ್ತದೆ. ಆದರೆ ಅವುಗಳಲ್ಲಿ ಕೆಲವು ಕಠಿಣ ಸಾಬೂನುಗಳು, ಶಾಂಪೂಗಳು, ಸುಗಂಧ ದ್ರವ್ಯಗಳು ಅಥವಾ ಲೋಷನ್‍ಗಳಿಂದ ತಯಾರಿಸಲಾಗುತ್ತದೆ, ಅದು ನಿಮ್ಮ ಚರ್ಮವನ್ನು ಒಡೆಯುವಂತೆ ಮಾಡುತ್ತದೆ. ಲೈಂಗಿಕ ಕ್ರಿಯೆಯ ನಂತರ ಬೆಚ್ಚಗಿನ ನೀರಿನಿಂದ ಮೃದುವಾಗಿ ತೊಳೆಯಿರಿ.

ಮೂತ್ರವಿಸರ್ಜನೆ ಮಾಡಿ

ಲೈಂಗಿಕ ಕ್ರಿಯೆಯ ಸಮಯದಲ್ಲಿ, ಬ್ಯಾಕ್ಟೀರಿಯಾವು ನಿಮ್ಮ ಮೂತ್ರನಾಳಕ್ಕೆ ಪ್ರವೇಶಿಸಬಹುದು. ಅದು ಸೋಂಕಿಗೆ ಒಳಗಾಗುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ನೀವು ಮೂತ್ರ ವಿಸರ್ಜಿಸಿದಾಗ, ಈ ರೋಗಾಣುಗಳು ಹೊರಗೆ ಹೋಗುತ್ತವೆ. ಹಾಗಾಗಿ ಲೈಂಗಿಕಕ್ರಿಯೆಯ ನಂತರ ಮೂತ್ರವಿಸರ್ಜನೆ ಮಾಡಿ.

ಒಂದು ಲೋಟ ನೀರು ಕುಡಿಯಿರಿ

ಲೈಂಗಿಕತೆಯ ನಂತರ ನೀರು ಕುಡಿಯಲು ಮರೆಯಬೇಡಿ. ಇದು ನೀವು ಹೆಚ್ಚು ಮೂತ್ರ ವಿಸರ್ಜಿಸುವಂತೆ ಮಾಡುತ್ತದೆ. ಇದರಿಂದ ಸೋಂಕುಗಳ ಅಪಾಯ ಹೆಚ್ಚಾಗುವ ಮೊದಲು ಹೆಚ್ಚಿನ ಬ್ಯಾಕ್ಟೀರಿಯಾಗಳು ನಿಮ್ಮ ದೇಹದಿಂದ ಹೊರಗೆ ಹೋಗುತ್ತವೆ.

ಸಡಿಲವಾದ ಬಟ್ಟೆಗಳನ್ನು ಧರಿಸಿ

ಬಿಸಿಯಾದ, ಬೆವರುವ ಸ್ಥಳಗಳು ಬ್ಯಾಕ್ಟೀರಿಯಾ ಮತ್ತು ಯೀಸ್ಟ್ ಬೆಳೆಯುವ ತಾಣಗಳಾಗಿವೆ. ಆದ್ದರಿಂದ ಸಡಿಲವಾದ ಬಟ್ಟೆ ಮತ್ತು ಒಳ ಉಡುಪುಗಳನ್ನು ಧರಿಸಿ. ಇದು ಚರ್ಮಕ್ಕೆ ಗಾಳಿಯಾಡಲು ಸಹಾಯ ಮಾಡುತ್ತದೆ ಮತ್ತು ತೇವಾಂಶವನ್ನು ಹೀರಿಕೊಳ್ಳುತ್ತವೆ. ಅಥವಾ ನೀವು ಮಲಗುವಾಗ ಒಳ ಉಡುಪುಗಳನ್ನು ಸಂಪೂರ್ಣವಾಗಿ ತೆಗದುಹಾಕಿ.

ನಿಮ್ಮ ಕೈಗಳನ್ನು ತೊಳೆಯಿರಿ

ನಿಮ್ಮ ಅಥವಾ ನಿಮ್ಮ ಸಂಗಾತಿಯ ಜನನಾಂಗಗಳನ್ನು ಸ್ಪರ್ಶಿಸುವುದರಿಂದ ನಿಮ್ಮ ಕೈಯಲ್ಲಿ ಬ್ಯಾಕ್ಟೀರಿಯಗಳು ಇರುವ ಸಾಧ್ಯತೆ ಇರುತ್ತದೆ. ಇದನ್ನು ನಿವಾರಿಸಲು ಸಾಬೂನು ಮತ್ತು ನೀರಿನಿಂದ ನಿಮ್ಮ ಕೈಗಳನ್ನು ಚೆನ್ನಾಗಿ ತೊಳೆಯಿರಿ. ಇದು ಬ್ಯಾಕ್ಟೀರಿಯಾ ಹರಡುವುದನ್ನು ತಡೆಯುತ್ತದೆ.

ನಿಮ್ಮ ಲೈಂಗಿಕ ಆಟಿಕೆಗಳನ್ನು ಸ್ವಚ್ಛಗೊಳಿಸಿ

ನೀವು ಲೈಂಗಿಕತೆಗಾಗಿ ಆಟಿಕೆಗಳನ್ನು ಬಳಸುತ್ತಿದ್ದರೆ ನಿಮ್ಮ ಕೆಲಸ ಮುಗಿದ ನಂತರ ಅದನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ. ಇಲ್ಲವಾದರೆ ಅದರಲ್ಲಿ ಬ್ಯಾಕ್ಟೀರಿಯಾ, ವೈರಸ್‍ಗಳು ಮತ್ತು ಶಿಲೀಂಧ್ರಗಳು ಬೆಳೆಯಬಹುದು. ಪ್ರತಿ ಬಳಕೆಯ ನಂತರ ಪ್ರತಿ ಆಟಿಕೆಯನ್ನು ಸ್ವಚ್ಛಗೊಳಿಸಿ.

ಯೀಸ್ಟ್ ಸೋಂಕುಗಳ ಬಗ್ಗೆ ಕಾಳಜಿ ವಹಿಸಿ

ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಯಿಸ್ಟ್ ರೋಗಗಳು ಬರುವ ಸಂಭವವಿರುತ್ತದೆ. ಹಾಗಾಗಿ ತುರಿಕೆ, ಸುಡುವಿಕೆ ಅಥವಾ ಯೋನಿ ಅಥವಾ ಶಿಶ್ನದಿಂದ ದಪ್ಪ, ಬಿಳಿ ವಿಸರ್ಜನೆ ಮುಂತಾದ ರೋಗಲಕ್ಷಣಗಳು ಕಂಡುಬಂದರೆ ಮುಂದಿನ ಬಾರಿ ನೀವು ಕಾರ್ಯನಿರತರಾಗುವ ಮೊದಲು ಅದಕ್ಕೆ ವೈದ್ಯರಿಂದ ಚಿಕಿತ್ಸೆ ಪಡೆಯಿರಿ.

ಈ ಸುದ್ದಿಯನ್ನೂ ಓದಿ:Paper Cups: ಚಹಾ ಕುಡಿಯೋಕೆ ಪೇಪರ್ ಕಪ್ ಬಳಸ್ತಿದ್ರೆ ಇವತ್ತೇ ನಿಲ್ಲಿಸಿ... ಆರೋಗ್ಯಕ್ಕಿದೇ ಕುತ್ತು!

ಗರ್ಭಿಣಿಯರು ಹೆಚ್ಚಿನ ಕಾಳಜಿ ವಹಿಸಿ

ಗರ್ಭಾವಸ್ಥೆಯಲ್ಲಿ ಲೈಂಗಿಕತೆಯು ಸಾಮಾನ್ಯವಾಗಿ ಸುರಕ್ಷಿತವಾಗಿದೆ, ಆದರೆ ಈ ಸಮಯದಲ್ಲಿ ನೀವು ಯುಟಿಐಗಳಂತಹ ಸೋಂಕುಗಳನ್ನು ಹೊಂದುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಲೈಂಗಿಕ ಕ್ರಿಯೆಯ ನಂತರ ನಂತರ ಮೂತ್ರ ವಿಸರ್ಜಿಸಿ, ನಿಮ್ಮ ಯೋನಿಯ ಸುತ್ತಲೂ ತೊಳೆಯಿರಿ ಮತ್ತು ನೀರು ಕುಡಿಯಿರಿ. ನಿಮ್ಮ ಸಂಗಾತಿಯನ್ನು ಅದೇ ರೀತಿ ಮಾಡಲು ತಿಳಿಸಿ ಹೇಳಿ.