ಇಂಡಿಯಾವುಡ್: ವುಡ್ವರ್ಕಿಂಗ್ ಮತ್ತು ಫರ್ನಿಚರ್ ಉತ್ಪಾದನೆಯಲ್ಲಿ ಭಾರತದ ಬೆಳವಣಿಗೆಗೆ ಹೊಸ ವೇಗ

2026ರ ಫೆಬ್ರವರಿ 26ರಿಂದ ಮಾರ್ಚ್ 2ರವರೆಗೆ, ಬೆಂಗಳೂರಿನ ಬೆಂಗಳೂರು ಇಂಟರ್ನ್ಯಾಷನಲ್ ಎಕ್ಸಿಬಿಷನ್ ಸೆಂಟರ್ (BIEC) ಮತ್ತೊಮ್ಮೆ ಜಾಗತಿಕ ವುಡ್ವರ್ಕಿಂಗ್ ಮತ್ತು ಫರ್ನಿಚರ್ ಉತ್ಪಾದನಾ ಉದ್ಯಮದ ಕೇಂದ್ರವಾಗಲಿದೆ. ನ್ಯೂರ್ನ್ಬರ್ಗ್ ಮೆಸ್ಸೆ ಇಂಡಿಯಾ ಆಯೋಜಿಸುತ್ತಿರುವ ಈ ದ್ವೈ ವಾರ್ಷಿಕ ಪ್ರದರ್ಶನ INDIAWOOD 2026 ತನ್ನ 26ನೇ ಆವೃತ್ತಿಯಾಗಿ ನಡೆಯುತ್ತಿದೆ. ವುಡ್ವರ್ಕಿಂಗ್, ಫರ್ನಿಚರ್ ಉತ್ಪಾದನೆ ಹಾಗೂ ಮ್ಯಾಟ್ರೆಸ್ ಮ್ಯಾನುಫ್ಯಾಕ್ಚರಿಂಗ್ ಕ್ಷೇತ್ರಗಳಿಗೆ ಇದು ಜಾಗತಿಕ ಶಿಖರ ಸಮಾವೇಶವಾಗಿ ತನ್ನ ಸ್ಥಾನವನ್ನು ಬಲಪಡಿಸಿದೆ. ಈ ಕಾರ್ಯಕ್ರಮಕ್ಕೆ ಯುರೋಪಿಯನ್ ಫೆಡರೇಷನ್ ಆಫ್ ವುಡ್ವರ್ಕಿಂಗ್ ಮೆಷಿನರಿ ಮ್ಯಾನುಫ್ಯಾಕ್ಚರರ್ಸ್ (EUMABOIS) ಬೆಂಬಲ ನೀಡುತ್ತಿದೆ.

ಇತಿಹಾಸದಲ್ಲೇ ಅತಿದೊಡ್ಡ ಆವೃತ್ತಿಯಾಗಿರುವ INDIAWOOD 2026ರಲ್ಲಿ 50ಕ್ಕೂ ಹೆಚ್ಚು ದೇಶಗಳಿಂದ 1,000ಕ್ಕೂ ಅಧಿಕ ಬ್ರಾಂಡ್ಗಳು ಭಾಗವಹಿಸಲಿವೆ. ಸುಮಾರು 90,000ಕ್ಕೂ ಹೆಚ್ಚು ಉದ್ಯಮ ವೃತ್ತಿಪರರ ಭಾಗವಹಿಸುವಿಕೆ ನಿರೀಕ್ಷಿಸಲಾಗಿದ್ದು, 85,000 ಚದರ ಮೀಟರ್ ವಿಸ್ತೀರ್ಣ ದಲ್ಲಿ ಪ್ರದರ್ಶನ ನಡೆಯಲಿದೆ.

ಇದನ್ನೂ ಓದಿ:Dr Maithri Bhat Column: ಕರುಳುಬಳ್ಳಿಯ ನಂಟು

ಇದು ಹಿಂದಿನ ಆವೃತ್ತಿಯೊಂದಿಗೆ ಹೋಲಿಸಿದರೆ 15 ಶೇಕಡಾ ಬೆಳವಣಿಗೆಯನ್ನು ಸೂಚಿಸುತ್ತದೆ. ಈ ವ್ಯಾಪಕ ಜಾಗತಿಕ ಭಾಗವಹಿಸುವಿಕೆ, ಭಾರತದ ಉತ್ಪಾದನಾ ಸಾಮರ್ಥ್ಯಗಳ ಮೇಲೆ ಹೆಚ್ಚುತ್ತಿರುವ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ ಮತ್ತು ಅಭಿವೃದ್ಧಿತ ಭಾರತ ದೃಷ್ಟಿಕೋನದೊಂದಿಗೆ ಹೊಂದಾ ಣಿಕೆಯಾಗುತ್ತದೆ—ಅಲ್ಲಿ ಉನ್ನತ ಉತ್ಪಾದನೆ, ರಫ್ತುಗಳು ಮತ್ತು ಜಾಗತಿಕ ಏಕೀಕರಣವೇ ಪ್ರಮುಖ ಬೆಳವಣಿಗೆ ಚಾಲಕಶಕ್ತಿಗಳಾಗಿವೆ.

ಮುಂದಿನ ಆವೃತ್ತಿಯ ಕುರಿತು ಮಾತನಾಡಿದ ನ್ಯೂರ್ನ್ಬರ್ಗ್ ಮೆಸ್ಸೆ ಇಂಡಿಯಾದ ಮ್ಯಾನೇಜಿಂಗ್ ಡೈರೆಕ್ಟರ್ ಸೋನಿಯಾ ಪ್ರಶಾರ್ ಹೇಳಿದರು, AWOOD 2026 ಭಾರತದ ವುಡ್ವರ್ಕಿಂಗ್ ಮತ್ತು ಫರ್ನಿಚರ್ ಉತ್ಪಾದನಾ ಉದ್ಯಮದಲ್ಲಿ ಬೆಳೆಯುತ್ತಿರುವ ಆತ್ಮವಿಶ್ವಾಸ, ಪರಿಪಕ್ವತೆ ಮತ್ತು ಜಾಗತಿಕ ಆಕಾಂಕ್ಷೆಗಳನ್ನು ಪ್ರತಿನಿಧಿಸುತ್ತದೆ. ಇದುವರೆಗಿನ ಅತಿದೊಡ್ಡ ಆವೃತ್ತಿಯಾಗಿ, ಭಾರತವನ್ನು ವಿಶ್ವಾಸಾರ್ಹ ಉತ್ಪಾದನಾ ಗಮ್ಯಸ್ಥಾನವಾಗಿಯೂ ಮತ್ತು ಜಾಗತಿಕ ಸರಬರಾಜು ಸರಣಿಯಲ್ಲಿ ಪ್ರಮುಖ ಕೊಂಡಿಯಾಗಿಯೂ ಮತ್ತಷ್ಟು ಬಲಪಡಿಸುತ್ತದೆ. ಬಲಿಷ್ಠ ಅಂತಾರಾಷ್ಟ್ರೀಯ ಭಾಗವಹಿಸುವಿಕೆ ಮತ್ತು ತಂತ್ರಜ್ಞಾನ, ಸಸ್ಥಿರತೆ ಹಾಗೂ ಕೌಶಲ್ಯಾಭಿವೃದ್ಧಿಗೆ ನೀಡಲಾಗಿರುವ ಒತ್ತಡ, ಉದ್ಯಮ ಜಾಗತಿಕವಾಗಿ ಸ್ಪರ್ಧಿಸಲು ಸಿದ್ಧವಾಗಿದೆ ಎಂಬುದನ್ನು ತೋರಿಸುತ್ತದೆ.”

ಭಾರತ–ಯುರೋಪಿಯನ್ ಯೂನಿಯನ್ ಮುಕ್ತ ವ್ಯಾಪಾರ ಒಪ್ಪಂದ (FTA), ನೀತಿನಿರ್ಧಾರಕ ರಿಂದ ‘ಮದರ್ ಆಫ್ ಆಲ್ ಡೀಲ್ಸ್’ ಎಂದು ಕರೆಯಲ್ಪಡುತ್ತಿದ್ದು, ಭಾರತದ ವುಡ್ವರ್ಕಿಂಗ್ ಮತ್ತು ಫರ್ನಿಚರ್ ಕ್ಷೇತ್ರಕ್ಕೆ ಮಹತ್ವದ ಅವಕಾಶಗಳನ್ನು ಸೃಷ್ಟಿಸುತ್ತಿದೆ. ಈ ಒಪ್ಪಂದದ ಮೂಲಕ ಯುರೋಪಿಯನ್ ಮಾರುಕಟ್ಟೆಗಳಿಗೆ ಹೆಚ್ಚಿನ ಪ್ರವೇಶ, ಬಹುಪಾಲು ವ್ಯಾಪಾರ ವಸ್ತುಗಳ ಮೇಲಿನ ಸುಂಕ ಕಡಿತ ಅಥವಾ ರದ್ದತಿ, ಹಾಗೂ ಎಂಜಿನಿಯರ್ಡ್ ವುಡ್ ಉತ್ಪನ್ನಗಳು ಮತ್ತು ಘಟಕಗಳ ರಫ್ತು ವೃದ್ಧಿಗೆ ಸಹಕಾರ ದೊರೆಯಲಿದೆ. ಜೊತೆಗೆ ಉನ್ನತ ಯಂತ್ರೋಪಕರಣಗಳು ಮತ್ತು ಕೈಗಾರಿಕಾ ಇನ್ಪುಟ್ಗಳ ಸುಗಮ ಪ್ರವಾಹವು ರಫ್ತು, ನವೀನತೆ ಮತ್ತು ಅಂತಾರಾಷ್ಟ್ರೀಯ ಸಹಕಾರಕ್ಕೆ ವೇಗ ನೀಡಲಿದೆ—ಈ ಎಲ್ಲ ಕ್ಷೇತ್ರಗಳಲ್ಲಿ INDIAWOOD ನಿರಂತರವಾಗಿ ಸಂಪರ್ಕ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತಿದೆ.

ಉದ್ಯಮ ರೂಪಿಸುತ್ತಿರುವ ಉತ್ಪಾದನಾ ಪ್ರವೃತ್ತಿಗಳು

INDIAWOOD 2026ರಲ್ಲಿ ಕಾಂಪ್ಯಾಕ್ಟ್ ಬಾಗಿಲು ಮತ್ತು ಫಿಟ್ಟಿಂಗ್ ಸಿಸ್ಟಮ್ಗಳತ್ತ ನಡೆಯುತ್ತಿರುವ ಸ್ಪಷ್ಟ ಬದಲಾವಣೆಗೆ ಒತ್ತು ನೀಡಲಾಗುತ್ತದೆ. ಇವು ಉನ್ನತ ಮಟ್ಟದ ಪ್ರಿಸಿಷನ್ ಎಂಜಿನಿಯರಿಂಗ್, ಸಾಮಗ್ರಿಗಳ ಪರಿಣಾಮಕಾರಿ ಬಳಕೆ ಮತ್ತು ಆಧುನಿಕ ಉತ್ಪಾದನಾ ಪರಿಸರಗಳಿಗೆ ಸುಗಮ ಸಂಯೋಜನೆಯನ್ನು ಸಾಧ್ಯಮಾಡುತ್ತವೆ. ಪ್ರದರ್ಶಕರು ಉನ್ನತ ಸರ್ಫೇಸ್ ತಂತ್ರಜ್ಞಾನಗಳೊಂದಿಗೆ ವುಡ್ ಗ್ರೇನ್ಗಳು, ವೀನಿಯರ್ಗಳು, ರಾಟನ್ ಮತ್ತು ಫ್ಯಾಬ್ರಿಕ್ ಲುಕ್ ಸರ್ಫೇಸ್ಗಳಂತಹ ಪ್ರಕೃತಿ ಪ್ರೇರಿತ ವಸ್ತುಗಳನ್ನು ಪ್ರದರ್ಶಿಸಲಿದ್ದಾರೆ. ಇವು ಜಾಗತಿಕವಾಗಿ ಬೇಡಿಕೆಯಿರುವ ದೀರ್ಘಕಾಲಿಕತೆ, ಏಕರೂಪ ಗುಣಮಟ್ಟ ಮತ್ತು ವಿನ್ಯಾಸದ ಲವಚಿಕತೆಗೆ ಉತ್ತರ ನೀಡುತ್ತವೆ.

ಸಸ್ಥಿರತೆ ಈ ಪ್ರದರ್ಶನದ ಪ್ರಮುಖ ಕೇಂದ್ರೀಕೃತ ವಿಷಯವಾಗಿಯೇ ಮುಂದುವರಿಯುತ್ತದೆ. ಪ್ರಮಾಣಿತ ಮರ, ಬಯೋ ಆಧಾರಿತ ಅಡ್ಹೆಸಿವ್ಗಳು, ಕಡಿಮೆ ಉತ್ಸರ್ಜನೆಯ ಉತ್ಪನ್ನಗಳು ಮತ್ತು ಅಂತಾರಾಷ್ಟ್ರೀಯ ಮಾನದಂಡಗಳಿಗೆ ಹೊಂದುವ ಜವಾಬ್ದಾರಿಯುತ ಉತ್ಪಾದನಾ ವಿಧಾನಗಳನ್ನು ಇಲ್ಲಿ ವಿಶೇಷವಾಗಿ ಪ್ರದರ್ಶಿಸಲಾಗುತ್ತದೆ. ಜೊತೆಗೆ ವಾಣಿಜ್ಯ ಮತ್ತು ಸಂಸ್ಥಾತ್ಮಕ ಬಳಕೆಗಳಿಗೆ ಹೊಂದುವ ಅಕೌಸ್ಟಿಕ್ ಮತ್ತು ಕಾರ್ಯಕ್ಷಮತೆಯ ಆಧಾರಿತ ಇಂಟೀರಿಯರ್ ಪರಿಹಾರಗಳನ್ನೂ ಪ್ರದರ್ಶಿಸಲಾಗುತ್ತದೆ.

ತಂತ್ರಜ್ಞಾನ, ಸ್ವಯಂಚಾಲನೆ ಮತ್ತು ಸ್ಮಾರ್ಟ್ ಉತ್ಪಾದನೆ

ತಂತ್ರಜ್ಞಾನ ಮುಂಚೂಣಿಯಲ್ಲಿ INDIAWOOD 2026ರಲ್ಲಿ ಸ್ವಯಂಚಾಲನೆ ಆಧಾರಿತ ಉತ್ಪಾದನಾ ಪರಿಹಾರಗಳು, ಕಾಂಪ್ಯಾಕ್ಟ್ ಹಾಗೂ ಅಪ್ಗ್ರೇಡ್ ಮಾಡಬಹುದಾದ ಯಂತ್ರೋಪಕರಣಗಳು, ಉನ್ನತ CNC ಪ್ರಕ್ರಿಯೆ ಮತ್ತು ಡಿಜಿಟಲ್ ಉತ್ಪಾದನಾ ಯೋಜನೆ ಹಾಗೂ ಏಕೀಕರಣ ಸಾಧನಗಳನ್ನು ಪ್ರದರ್ಶಿಸಲಾಗುತ್ತದೆ. ಇವು ಉದ್ಯಮವನ್ನು ಇಂಡಸ್ಟ್ರಿ 4.0 ಮತ್ತು ಸ್ಮಾರ್ಟ್ ಉತ್ಪಾದನೆ ದಿಕ್ಕಿಗೆ ಮುನ್ನಡೆಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ಉತ್ಪಾದಕತೆ, ವಿಸ್ತರಣಾಶೀಲತೆ ಮತ್ತು ಕಾರ್ಯಾಚರಣಾ ದಕ್ಷತೆಯನ್ನು ಹೆಚ್ಚಿಸುವ ಜೊತೆಗೆ ದೇಶೀಯ ಮತ್ತು ಅಂತರರಾಷ್ಟ್ರೀಯ ಬೇಡಿಕೆಯನ್ನು ಪೂರೈಸಲು ತಯಾರಕರಿಗೆ ಸಹಾಯ ಮಾಡುತ್ತವೆ.

‘ಮೇಕ್ ಇನ್ ಇಂಡಿಯಾ’ ಮತ್ತು ಉನ್ನತ ಗುಣಮಟ್ಟದ ಉತ್ಪಾದನೆಗೆ ಬಲವಾದ ಒತ್ತು ನೀಡುವ ಮೂಲಕ, ಭಾರತೀಯ ಉತ್ಪಾದನಾ ಸಾಮರ್ಥ್ಯಗಳು ಜಾಗತಿಕ ತಂತ್ರಜ್ಞಾನಗಳು, ಸಾಮಗ್ರಿಗಳು ಮತ್ತು ಅತ್ಯುತ್ತಮ ಆಚರಣೆಗಳೊಂದಿಗೆ ಸೇರುವ ವೇದಿಕೆಯಾಗಿಯೇ INDIAWOOD ಬೆಳೆಯುತ್ತಿದೆ.

ಜ್ಞಾನ ವಿನಿಮಯ ಮತ್ತು ಕೌಶಲ್ಯಾಭಿವೃದ್ಧಿ

ಪ್ರದರ್ಶನವನ್ನು ಮತ್ತಷ್ಟು ಬಲಪಡಿಸುವುದಾಗಿ Wood+ in Architecture & Design (WAD) ಎಂಬ ಒಂದು ದಿನದ ವಿಶೇಷ ಸಮ್ಮೇಳನ ನಡೆಯಲಿದೆ. ಇದು ಫೆ.27ರಂದು ಆಯೋಜಿಸ ಲಾಗಿದ್ದು, ಆಯ್ದ ಕೀನೋಟ್ ಭಾಷಣಗಳು ಮತ್ತು ಪ್ಯಾನೆಲ್ ಚರ್ಚೆಗಳನ್ನು ಒಳಗೊಂಡಿರುತ್ತದೆ. ವಾಸ್ತುಶಿಲ್ಪ, ನಿರ್ಮಾಣ ಮತ್ತು ಸಸ್ಥಿರ ವಿನ್ಯಾಸದಲ್ಲಿ ಮರದ ವಿಸ್ತರಿಸುತ್ತಿರುವ ಪಾತ್ರವನ್ನು ಇಲ್ಲಿ ಚರ್ಚಿಸ ಲಾಗುತ್ತದೆ. ತಯಾರಕರು, ವಾಸ್ತುಶಿಲ್ಪಿಗಳು ಮತ್ತು ವಿನ್ಯಾಸಕರ ನಡುವೆ ಸಂವಾದವನ್ನು ಉತ್ತೇಜಿಸಿ, ಉತ್ಪಾದನಾ ಸಾಮರ್ಥ್ಯಗಳನ್ನು ಬದಲಾಗುತ್ತಿರುವ ಬಳಕೆ ಅಗತ್ಯಗಳಿಗೆ ಹೊಂದಿಸುವುದು ಇದರ ಉದ್ದೇಶವಾಗಿದೆ.

INDIAWOODನಲ್ಲಿ ಕೌಶಲ್ಯಾಭಿವೃದ್ಧಿ ಪ್ರಮುಖ ಕಂಬವಾಗಿಯೇ ಉಳಿದಿದ್ದು, ಜಾಗತಿಕವಾಗಿ ಸ್ಪರ್ಧಾತ್ಮಕ ಉತ್ಪಾದನಾ ಮಾನದಂಡಗಳಿಗೆ ಹೊಂದುವಂತೆ ಕಾರ್ಮಿಕರನ್ನು ಸಿದ್ಧಪಡಿಸುವುದಕ್ಕೆ ಸಮರ್ಪಿತ ಉಪಕ್ರಮಗಳಿಗೆ ಒತ್ತು ನೀಡಲಾಗುತ್ತದೆ.