ಶ್ರೀರಾಮ್‌ ಜನರಲ್‌ ಇನ್ಶ್ಯೂರೆನ್ಸ್‌ ನ ಜಿಎಂಪಿ ಶೇ. 28 ಹಾಗೂ ನಿವ್ವಳ ಲಾಭ ಶೇ. 6ರಷ್ಟು ಏರಿಕೆ
ನಮ್ಮ ಮೊಟಾರ್ ಇನ್ಶ್ಸೂರೆನ್ಸ್‌ ಪೊರ್ಟ್‌ಫೊಲಿಯೊದ ಸುಸ್ಥಿರ ಬೆಳವಣಿಗೆಯು ನಮ್ಮ ಗ್ರಾಹಕರು ಸಂಸ್ಥೆಯ ಮೇಲಿಟ್ಟಿರುವ ಭರವಸೆ, ನಂಬಿಕೆಯನ್ನು ಬಿಂಬಿಸುತ್ತದೆ. ಇದು ನಾವೀ ನ್ಯತೆ, ವಿಶ್ವಾಸಾರ್ಹತೆ ಮತ್ತು ಶ್ರೇಷ್ಠತೆಯನ್ನು ಒತ್ತಿ ಹೇಳುತ್ತದೆ. ಪ್ರತಿ ಪಯಣವನ್ನು ರಕ್ಷಿಸುವ ಮತ್ತು ಸಬಲೀಕರಣಗೊಳಿಸುವತ್ತ ಕಾರ್ಯನಿರ್ವಹಿಸುತ್ತೇವೆ
-
ಮೋಟಾರ್‍ ವಿಮೆ ಪೋರ್ಟ್‌ಫೋಲಿಯೊದ ಕಾರ್ಯಕ್ಷಮತೆಯೊಂದಿಗೆ ಶ್ರೀರಾಮ್‌ ಜನರಲ್‌ ಇನ್ಶ್ಯೂರೆನ್ಸ್‌ ಸಂಸ್ಥೆ 2025ರ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ಉತ್ತಮ ಫಲಿತಾಂಶ ವನ್ನು ದಾಖಲಿಸಿದೆ. ಸಂಸ್ಥೆಯು ಒಟ್ಟೂ ಪ್ರೀಮಿಯಂ ಸಂಗ್ರಹ (ಜಿಡಬ್ಲ್ಯುಪಿ) ದಲ್ಲಿ ವರ್ಷದಿಂದ ವರ್ಷಕ್ಕೆ ಶೇ. 28 ರಷ್ಟು ಏರಿಕೆ ದಾಖಲಿಸಿದ್ದು 1,594 ಕೋಟಿ ರೂನಿಂದ ಈ ಬಾರಿ 2,045 ಕೋಟಿ ರೂ. ತಲುಪಿದೆ. ಜನರಲ್‌ ಇನ್ಶ್ಯೂರೆನ್ಸ್‌ ಇಂಡಸ್ಟ್ರಿಯ ಸರಾಸರಿ ಬೆಳವಣಿಗೆ ದರ ಶೇ. 7 ಕ್ಕಿಂತ 4 ಪಟ್ಟು ಅಧಿಕವಾಗಿದೆ.
ಸಂಸ್ಥೆಯ ಹಣಕಾಸು ನಿರ್ವಹಣಾ ಅನುಪಾತ (ಸಾಲ್ವೆನ್ಸಿ ಅನುಪಾತ) 2025ರ ಸೆಪ್ಟೆಂಬರ್ 30ಕ್ಕೆ 3.33 ರಷ್ಟಿದ್ದು ನಿಯಂತ್ರಕ ಅವಶ್ಯಕತೆ (regulatory requirement )1.5 ಗೂ ಅಧಿಕವಾಗಿದೆ. ಸೆಪ್ಟೆಂಬರ್ 2025ರವರೆಗೆ ಶ್ರೀರಾಮ್‌ ಜನರಲ್‌ ಇನ್ಶ್ಯೂರೆನ್ಸ್‌ 69 ಲಕ್ಷ ಸಕ್ರೀಯ ಪಾಲಿಸಿಗಳನ್ನು ಹೊಂದಿದೆ. ಕಳೆದ ವರ್ಷ ಈ ಸಮಯದಲ್ಲಿ 63 ಲಕ್ಷ ಸಕ್ರೀಯ ಪಾಲಿಸಿಗಳನ್ನು ಹೊಂದಿತ್ತು.
ಇದನ್ನೂ ಓದಿ: Bangalore News: ಸಾಹಸಮಯ ಥಂಡರ್ಬೋಲ್ಟ್‌ ಬೈಕ್‌ ಬಿಡುಗಡೆ ಮಾಡಿದ ಕ್ಲಾಸಿಕ್‌ ಲೆಜೆಂಡ್‌ ಸಹಭಾಗಿತ್ವದ ಬಿಎಸ್‌ಎ
ಕಂಪನಿಯ ಹಣಕಾಸು ಸಲಹೆಗಾರರನ್ನು ನೇಮಿಸಿಕೊಳ್ಳುವ ಅಭಿಯಾನವು ಮತ್ತಷ್ಟು ವೇಗವನ್ನು ಪಡೆದುಕೊಂಡಿತು, ಹಣಕಾಸು ವರ್ಷದ ಮೊದಲಾರ್ಧದಲ್ಲಿ 9,482 ಹೊಸ ಹಣಕಾಸು ಸಲಹೆಗಾರರನ್ನು ನೇಮಕ ಮಾಡಿಕೊಳ್ಳಲಾಗಿದೆ. ಎಸ್‌ಜಿಐನ ಒಟ್ಟು ಹಣಕಾಸು ಸಲಹೆಗಾರರ ಸಂಖ್ಯೆ 97,570 ರಷ್ಟಿದ್ದು, 2029–30 ರ ಆರ್ಥಿಕ ವರ್ಷದ ವೇಳೆಗೆ ಇದನ್ನು ಎರಡು ಲಕ್ಷಕ್ಕೆ ಹೆಚ್ಚಿಸುವ ಯೋಜನೆ ಇದೆ.
ಈ ಕುರಿತು ಮಾತನಾಡಿದ ಶ್ರೀರಾಮ್‌ ಜನರಲ್‌ ಇನ್ಶ್ಸ್ಯೂರೆನ್ಸ್‌ ಸಂಸ್ಥೆಯ ಎಂಡಿ ಮತ್ತು ಸಿಇಒ ಅನಿಲ್‌ ಅಗರ್‍‌ವಾಲ್‌ “ ನಮ್ಮ ಮೊಟಾರ್ ಇನ್ಶ್ಸೂರೆನ್ಸ್‌ ಪೊರ್ಟ್‌ಫೊಲಿಯೊದ ಸುಸ್ಥಿರ ಬೆಳವಣಿಗೆಯು ನಮ್ಮ ಗ್ರಾಹಕರು ಸಂಸ್ಥೆಯ ಮೇಲಿಟ್ಟಿರುವ ಭರವಸೆ, ನಂಬಿಕೆಯನ್ನು ಬಿಂಬಿಸುತ್ತದೆ. ಇದು ನಾವೀನ್ಯತೆ, ವಿಶ್ವಾಸಾರ್ಹತೆ ಮತ್ತು ಶ್ರೇಷ್ಠತೆಯನ್ನು ಒತ್ತಿ ಹೇಳುತ್ತದೆ. ಪ್ರತಿ ಪಯಣವನ್ನು ರಕ್ಷಿಸುವ ಮತ್ತು ಸಬಲೀಕರಣಗೊಳಿಸುವತ್ತ ಕಾರ್ಯನಿರ್ವಹಿಸುತ್ತೇವೆ” ಎಂದರು.
ಈ ಅವಧಿಯಲ್ಲಿ ನಿವ್ವಳ ಲಾಭವು ಶೇ. 6ರಷ್ಟು ಏರಿಕೆಯಾಗಿದ್ದು ಕಳೆದ ವರ್ಷದ 254 ಕೋಟಿಗೆ ಹೋಲಿಸಿದರೆ ಈ ಬಾರಿ 269 ಕೋಟಿ ರೂ ಗೆ ಏರಿಕೆಯಾಗಿದೆ. ಹೆಚ್ಚುವರಿಯಾಗಿ ಹೂಡಿಕೆಯ ಆದಾಯ ಶೇ. 18ರಷ್ಟು ಏರಿಕೆಯಾಗಿದೆ.
