ವರ್ಷಪೂರ್ತಿ ಡೆಂಘೀ ಮುನ್ನೆಚ್ಚರಿಕೆಗೆ ಕರೆ ನೀಡಲು ಕೈಜೋಡಿಸಿದ ತಕೇಡ

ಬೆಂಗಳೂರು: ಹವಾಮಾನ ವೈಪರೀತ್ಯ, ನಗರೀಕರಣ ಮತ್ತು ಮಳೆ ಮಾದರಿಯಲ್ಲಿನ ಬದಲಾವಣೆಗಳು ಭಾರತದಾದ್ಯಂತ ಡೆಂಘೀ ಹರಡುವಿಕೆಯ ಸ್ವರೂಪವನ್ನು ಬದಲಾಯಿಸುತ್ತಿವೆ. ಈ ಹಿನ್ನೆಲೆಯಲ್ಲಿ, ಸಾರ್ವಜನಿಕ ಆರೋಗ್ಯ ನಾಯಕರು, ನೀತಿ ನಿರೂಪಕರು, ವಿಜ್ಞಾನಿಗಳು ಮತ್ತು ನಾಗರಿಕ ಸಮಾಜದ ಪ್ರತಿನಿಧಿಗಳು ಇಂದು "ಅರಿವಿನಿಂದ ಕ್ರಮದತ್ತ: ಕರ್ನಾಟದಲ್ಲಿ ಡೆಂಘೀ ತಡೆಗಟ್ಟುವಿಕೆಯಲ್ಲಿ ಮುನ್ನಡೆ" ಎಂಬ ಶೀರ್ಷಿಕೆಯಡಿ ಆಯೋಜಿಸಲಾಗಿದ್ದ ಬಹು-ವಲಯ ಭಾಗಿದಾರರ ಸಂವಾದದಲ್ಲಿ ಭಾಗವಹಿಸಿದರು.

ಈ ಚರ್ಚೆಯು, ರಾಜ್ಯವನ್ನು ಕೇವಲ ಕಾಲೋಚಿತ ಸಾಂಕ್ರಾಮಿಕ ರೋಗದ ಪ್ರತಿಕ್ರಿಯೆಯಿಂದ ವರ್ಷಪೂರ್ತಿ ನಿರಂತರ ಡೆಂಘೀ ಮುನ್ನೆಚ್ಚರಿಕೆ ಹಾಗೂ ಸಿದ್ಧತೆಗೆ ಹಂತಕ್ಕೆ ಕೊಂಡೊಯ್ಯುವ ಗುರಿಯನ್ನು ಹೊಂದಿರುವ 4-ಅಂಶಗಳ ಕ್ರಿಯಾ ಕರೆಯ ಅನುಮೋದನೆಯೊಂದಿಗೆ ಮುಕ್ತಾಯಗೊಂಡಿತು.

ತಕೇಡ ಬಯೋಫಾರ್ಮಸ್ಯೂಟಿಕಲ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ("ತಕೇಡ"), ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಯು.ಟಿ. ಖಾದರ್ ಫರೀದ್(U T Khader Farid), ಹಾಗೂ ಶಿಕ್ಷಣ ಸಚಿವ ಮಧು ಬಂಗಾರಪ್ಪ(Madhu Bangarappa) ಅವರ ಉಪಸ್ಥಿತಿಯಲ್ಲಿ ಈ ಉನ್ನತ ಮಟ್ಟದ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಇದರೊಂದಿಗೆ 20ಕ್ಕೂ ಹೆಚ್ಚು ರಾಜ್ಯ ಸರ್ಕಾರದ ಪ್ರತಿನಿಧಿ ಗಳು, ಪ್ರಮುಖ ಸಾರ್ವಜನಿಕ ಆರೋಗ್ಯ ಸಂಸ್ಥೆಗಳು, ಸಂಶೋಧಕರು, ಅನ್ವೇಷಕರು, ಶಿಕ್ಷಣ ತಜ್ಞರು ಮತ್ತು ನಾಗರಿಕ ಸಮಾಜದ ಸಂಸ್ಥೆಗಳು ಇದರಲ್ಲಿ ಭಾಗವಹಿಸಿದ್ದವು.

ಇದನ್ನೂ ಓದಿ: Health Tips: ಬೆಲ್ಲದ ಸೇವನೆ ಸಕ್ಕರೆಗಿಂತ ನಿಜವಾಗಿಯೂ ಉತ್ತಮವೇ? ತಜ್ಞರು ಹೇಳೋದೇನು?

ವಿಶ್ವದ ಅರ್ಧಕ್ಕಿಂತ ಹೆಚ್ಚು ಜನಸಂಖ್ಯೆಯು ಡೆಂಗ್ಯೂ ಅಪಾಯದ ಅಂಚಿನಲ್ಲಿರುವಾಗ, ಡೆಂಗ್ಯೂ ಕೇವಲ ಕಾಲೋಚಿತ ಸಾಂಕ್ರಾಮಿಕ ಕಾಯಿಲೆಯಾಗಿ ಉಳಿಯದೆ ವರ್ಷಪೂರ್ತಿ ಎದುರಾಗುವ ಸಾರ್ವಜನಿಕ ಆರೋಗ್ಯ ಬೆದರಿಕೆಯಾಗಿ ರೂಪಾಂತರಗೊಳ್ಳುತ್ತಿದೆ. ಇಂತಹ ನಿರ್ಣಾಯಕ ಸಮಯ ದಲ್ಲಿ ಈ ಸಂವಾದವು ನಡೆದಿದೆ. ಹವಾಮಾನ ವೈಪರೀತ್ಯ, ಏರುತ್ತಿರುವ ತಾಪಮಾನ ಮತ್ತು ನಗರೀಕರಣದ ವಿಸ್ತರಣೆ ಸೇರಿದಂತೆ ಡೆಂಗ್ಯೂ ಹರಡುವಿಕೆಗೆ ಕಾರಣವಾಗುವ ಅನೇಕ ಅಂಶಗಳು ತೀವ್ರಗೊಳ್ಳುತ್ತಲೇ ಇವೆ. ಆದ್ದರಿಂದ, ಯಾವುದಾದರೂ ಋತುವಿನಲ್ಲಿ ಪ್ರಕರಣಗಳ ಸಂಖ್ಯೆ ಕಡಿಮೆಯಾದರೆ ಅದನ್ನು ನಿರ್ಲಕ್ಷ್ಯಕ್ಕೆ ಕಾರಣ ಮಾಡಿಕೊಳ್ಳಬಾರದು ಎಂದು ತಜ್ಞರು ಎಚ್ಚರಿಸಿದ್ದಾರೆ.

ಜನಭಾಗಿತ್ವದಿಂದ ನಡೆಸಲ್ಪಡುವ ಸಮಗ್ರ ಸಮಾಜದ ಕಾರ್ಯತಂತ್ರ

ಸಾರ್ವಜನಿಕ ಆರೋಗ್ಯ ನಾಯಕರು, ಡೆಂಘೀ ಸಮಸ್ಯೆಯನ್ನು ಕೇವಲ ಆರೋಗ್ಯ ವ್ಯವಸ್ಥೆಯಿಂದ ಮಾತ್ರವೇ ಎದುರಿಸಲು ಸಾಧ್ಯವಿಲ್ಲ ಎಂದು ಪ್ರತಿಪಾದಿಸಿದರು. ಪರಿಣಾಮಕಾರಿ ತಡೆಗಟ್ಟುವಿಕೆಗೆ ಸರ್ಕಾರ, ಶಿಕ್ಷಣ, ವಿಜ್ಞಾನ ಮತ್ತು ಸ್ಥಳೀಯ ಸಮುದಾಯಗಳ ನಡುವೆ ಸಮನ್ವಯ ಹಾಗೂ ಜಾಗೃತಿ ಮೂಡಿಸುವ ಅಗತ್ಯವಿದೆ. ಡೆಂಘೀ ತಡೆಗಟ್ಟುವಿಕೆಯು ಜನರು ವಾಸಿಸುವ, ಕಲಿಯುವ ಮತ್ತು ಕೆಲಸ ಮಾಡುವ ಸ್ಥಳಗಳಿಂದಲೇ ಪ್ರಾರಂಭವಾಗುತ್ತದೆ ಎಂಬುದನ್ನು ಗುರುತಿಸಿ, ಈ ಸಂವಾದವನ್ನು "ಜನಭಾಗಿತ್ವ" (ಜನರ ಭಾಗವಹಿಸುವಿಕೆ ಮತ್ತು ಹಂಚಿಕೆಯ ಜವಾಬ್ದಾರಿ) ಎಂಬ ಮೂಲ ಕನ್ನಡ ತತ್ವದ ಅಡಿಯಲ್ಲಿ ನಡೆಸಲಾಯಿತು.

ಸಚಿವ ಯು.ಟಿ. ಖಾದರ್ ಫರೀದ್ ಅವರು, "ಕರ್ನಾಟಕದಲ್ಲಿ ಇತ್ತೀಚೆಗೆ ಡೆಂಘೀ ಪ್ರಕರಣಗಳು ಕಡಿಮೆ ಯಾಗುತ್ತಿರುವುದು ಆಶಾದಾಯಕವಾಗಿದೆ, ಆದರೆ ಇದು ನಾವು ನಿರ್ಲಕ್ಷ್ಯ ವಹಿಸಲು ನೀಡಿರುವ ಸೂಚನೆಯಲ್ಲ. ಡೆಂಘೀ ಹರಡುವಿಕೆಗೆ ಕಾರಣವಾಗುವ ಪಾರಿಸರಿಕ ಪರಿಸ್ಥಿತಿಗಳು ಬದಲಾಗುತ್ತಲೇ ಇವೆ, ಹಾಗೂ ಭವಿಷ್ಯದಲ್ಲಿ ಮತ್ತೆ ಸಾಂಕ್ರಾಮಿಕವಾಗಿ ಹರಡುವ ಸಾಧ್ಯತೆಯು ಜೀವಂತವಾಗಿದೆ.

ನಮ್ಮ ಮುಂದಿನ ಹೆಜ್ಜೆ ಕಣ್ಗಾವಲು, ರೋಗನಿರ್ಣಯ, ವಾಹಕಗಳ ಉಸ್ತುವಾರಿ, ಲಸಿಕೆ ಮತ್ತು ಸಮುದಾಯ ಆಧರಿತ ತಡೆಗಟ್ಟುವಿಕೆಯಲ್ಲಿ ಹೊಸ ನಾವೀನ್ಯತೆಗಳನ್ನು ಅನ್ವೇಷಿಸುವ ಮೂಲಕ ಡೆಂಗ್ಯೂ ರೋಗವನ್ನು ನಾವು ಮುಂಚೆಯೇ ಅರಿತು ತಡೆಗಟ್ಟುವ ಮತ್ತು ನಿರ್ವಹಿಸುವ ವಿಧಾನ ವನ್ನು ಬಲಪಡಿಸುವುದು. ವೈಜ್ಞಾನಿಕ ತಿಳುವಳಿಕೆ ಬೆಳೆದಂತೆಲ್ಲಾ, ಕರ್ನಾಟಕವು ಹೊರ ಹೊಮ್ಮುತ್ತಿರುವ ಹೊಸ ನಾವೀನ್ಯತೆಗಳನ್ನು ಮೌಲ್ಯಮಾಪನ ಮಾಡುವುದನ್ನು ಮುಂದು ವರಿಸುತ್ತದೆ ಹಾಗೂ ನಮ್ಮ ಸಮುದಾಯಗಳಿಗೆ ಸುರಕ್ಷಿತ, ಪರಿಣಾಮಕಾರಿ ಮತ್ತು ಪ್ರಯೋಜನಕಾರಿ ಎಂದು ಸಾಬೀತಾಗಿರುವ ವಿಧಾನಗಳನ್ನು ಅಳವಡಿಸಿಕೊಳ್ಳುತ್ತದೆ" ಎಂದರು.

ತರಗತಿಗಳು ಆರೋಗ್ಯವನ್ನು ವಿಜ್ಞಾನ ಮತ್ತು ಸಮುದಾಯದ ಕ್ರಮಕ್ಕೆ ಸಂಪರ್ಕಿಸುವ ಪ್ರೇರಕಶಕ್ತಿಗಳಾಗಿವೆ

ಶಾಲೆಗಳ ಪ್ರಮುಖ ಪಾತ್ರವನ್ನು ಎತ್ತಿ ಹಿಡಿದ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಸಚಿವಾಲಯವು, ಶಾಲಾ ಹಂತದಲ್ಲಿ ಈಗಾಗಲೇ ಅನುಷ್ಠಾನಗೊಳಿಸಲಾಗುತ್ತಿರುವ ಪ್ರಾಯೋಗಿಕ ಡೆಂಘೀ ಜಾಗೃತಿ ಮತ್ತು ತಡೆಗಟ್ಟುವ ಕ್ರಮಗಳನ್ನು ವಿವರವಾಗಿ ಹಂಚಿಕೊಂಡಿತು. ಅಲ್ಲದೆ, ಸಾರ್ವಜನಿಕ ಆರೋಗ್ಯ ವನ್ನು ಅನುಭವಜನ್ಯ ಕಲಿಕೆಯೊಂದಿಗೆ ಸಂಯೋಜಿಸುವ ತಮ್ಮ ದೃಷ್ಟಿಕೋನವನ್ನು ವ್ಯಕ್ತಪಡಿಸಿತು.

ಸಚಿವ ಮಧು ಬಂಗಾರಪ್ಪ ಅವರು, "ಪ್ರಕರಣಗಳು ಹೆಚ್ಚಾದ ನಂತರ ಚಿಕಿತ್ಸೆ ನೀಡುವುದು ಮಾತ್ರವೇ ಸರ್ಕಾರದ ಜವಾಬ್ದಾರಿಯಲ್ಲ, ಬದಲಿಗೆ ಆ ಸಂಖ್ಯೆಗಳು ಮೊದಲೇ ಹೆಚ್ಚಾಗದಂತೆ ತಡೆಯುವುದು ಪ್ರಮುಖವಾಗಿದೆ. ಕರ್ನಾಟಕವು ವಿಜ್ಞಾನ, ತಂತ್ರಜ್ಞಾನ ಮತ್ತು ನಾವೀನ್ಯತೆಗೆ ಹೆಸರುವಾಸಿಯಾಗಿದೆ, ಹಾಗೂ ಈ ಶಕ್ತಿಯ ಪ್ರಯೋಜನವು ಸಾರ್ವಜನಿಕ ಆರೋಗ್ಯಕ್ಕೂ ಸಿಗಬೇಕು. ನಮ್ಮ ಶಾಲೆಗಳು ಈಗಾಗಲೇ ಡೆಂಘೀ ಜಾಗೃತಿಗಾಗಿ ಬೆಳಗಿನ ಪ್ರಾರ್ಥನಾ ಸಭೆಗಳು, ಸೂಚನಾ ಫಲಕಗಳು ಮತ್ತು ಪೋಷಕರ ಸಂಪರ್ಕ ಕಾರ್ಯಕ್ರಮಗಳನ್ನು ಬಳಸಿಕೊಳ್ಳುತ್ತಿವೆ.

ಮಕ್ಕಳು ಮುಂಚೂಣಿಯಲ್ಲಿದ್ದಾಗ ಕುಟುಂಬಗಳು ಕಿವಿಗೊಡುತ್ತವೆ, ಮತ್ತು ಸಮುದಾಯಗಳು ಹೆಚ್ಚು ಸುರಕ್ಷಿತವಾಗುತ್ತವೆ. ಸಾರ್ವಜನಿಕ ಆರೋಗ್ಯ ಜಾಗೃತಿಯನ್ನು ಸ್ಟೆಮ್ (ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್, ಗಣಿತ) ಮತ್ತು ಇಕೋ-ಕ್ಲಬ್‌ ಗಳೊಂದಿಗೆ ಸಂಯೋಜಿಸುವುದರಿಂದ ವಿದ್ಯಾರ್ಥಿಗಳು ತಾವು ಕಲಿಯುವ ವಿಷಯದ ನೈಜ-ಪ್ರಪಂಚದ ಮೌಲ್ಯವನ್ನು ಅರ್ಥಮಾಡಿ ಕೊಳ್ಳಲು ಸಾಧ್ಯವಾಗುತ್ತದೆ" ಎಂದರು.

ದೀರ್ಘಕಾಲೀನ ಸಾಮರ್ಥ್ಯಕ್ಕಾಗಿ ವಿಜ್ಞಾನ ಆಧರಿತ ಸಹಭಾಗಿತ್ವಗಳು

ಡೆಂಘೀ ವಿರುದ್ಧ ಕರ್ನಾಟಕ ಸಾಧಿಸಿರುವ ಇತ್ತೀಚಿನ ಪ್ರಗತಿಯನ್ನು ಅಂತಿಮ ಗುರಿ ಎಂದು ಪರಿಗಣಿಸದೆ, ದೀರ್ಘಕಾಲೀನ ಸಾಮರ್ಥ್ಯ ಬಲಪಡಿಸುವ ಅವಕಾಶವಾಗಿ ನೋಡಬೇಕು ಎಂಬುದಕ್ಕೆ ಭಾಗವಹಿಸಿದವರೆಲ್ಲರೂ ಅನುಮೋದಿಸಿದರು. ಪಾರಿಸರಿಕ ಮತ್ತು ಜನಸಂಖ್ಯಾಶಾಸ್ತ್ರದ ಬದಲಾವಣೆಗಳು ಭವಿಷ್ಯದ ಸಾಂಕ್ರಾಮಿಕ ರೋಗಗಳ ಅಪಾಯವನ್ನು ಹೆಚ್ಚಿಸುತ್ತಲೇ ಇರುವಾಗ, ವರ್ಷವಿಡೀ ತಡೆಗಟ್ಟುವಿಕೆ, ಮುನ್ನೆಚ್ಚರಿಕೆ, ನಾವೀನ್ಯತೆ, ಸಮುದಾಯ ಜಾಗೃತಿ, ಸಾರ್ವಜನಿಕ ಭಾಗವಹಿಸುವಿಕೆ ಮತ್ತು ಲಸಿಕೆಗಳನ್ನು ಸಂಯೋಜಿಸುವ ಡಬ್ಲ್ಯೂ.ಎಚ್.ಒ-ಶಿಫಾರಸು ಮಾಡಿದ ವಿಜ್ಞಾನ ಆಧಾರಿತ ಸಂಯೋಜಿತ ವಿಧಾನವೇ ಡೆಂಗ್ಯೂ ವಿರುದ್ಧ ಅತ್ಯಂತ ಪರಿಣಾಮಕಾರಿ ರಕ್ಷಣೆಯಾಗಿದೆ ಎಂದು ಪಾಲುದಾರರು ಹೇಳಿದರು.

ತಕೇಡ ಸಂಸ್ಥೆಯ ಇಂಟರ್ನ್ಯಾಷನಲ್ ಬಿಸಿನೆಸ್ ಯೂನಿಟ್ ನ ಇಂಟರ್ ಕಾಂಟಿನೆಂಟಲ್ ಮಾರ್ಕೆಟ್ಸ್ ಮುಖ್ಯಸ್ಥ ಡಾ. ಮಹೇಂದರ್ ನಾಯಕ್ ಅವರು, "ಉತ್ತಮ ವಿಜ್ಞಾನ, ಬಲವಾದ ಕಣ್ಗಾವಲು, ಆರಂಭಿಕ ಪತ್ತೆ ಹಚ್ಚುವಿಕೆ, ವ್ಯಾಪಕ ಸಮುದಾಯ ಜಾಗೃತಿ ಹಾಗೂ ಡೆಂಗ್ಯೂ ಲಸಿಕೆಗಳ ಮೂಲಕ ರೋಗನಿರೋಧಕ ಶಕ್ತಿ ಹೆಚ್ಚಿಸುವ ಆಯ್ಕೆ ಸೇರಿದಂತೆ ಹೆಚ್ಚಿನ ಮಾಹಿತಿ ಆಧಾರಿತ ನಿರ್ಧಾರಗಳ ಮೂಲಕ ನಾವು ಡೆಂಗ್ಯೂಗಿಂತ ಮುಂಚೂಣಿಯಲ್ಲಿರಬೇಕಿದೆ. ಡೆಂಗ್ಯೂ ನಿರ್ವಹಣೆಯನ್ನು ಕಾಲೋಚಿತ ಪ್ರತಿಕ್ರಿಯೆಯಿಂದ ವರ್ಷಪೂರ್ತಿ ಸಿದ್ಧತೆಯ ಹಂತಕ್ಕೆ ಕೊಂಡೊ ಯ್ಯುವ ಅವಕಾಶ ನಮ್ಮ ಮುಂದಿದೆ. ಸರ್ಕಾರಗಳು, ಸಂಶೋಧಕರು ಮತ್ತು ಆರೋಗ್ಯ ರಕ್ಷಣಾ ನಾಯಕರೊಂದಿಗಿನ ಸಹಭಾಗಿತ್ವದ ಮೂಲಕ, ಪುರಾವೆ ಮಾಹಿತಿ, ವೈಜ್ಞಾನಿಕ ವಿನಿಮಯ ಮತ್ತು ಹೊಸ ನಾವೀನ್ಯತೆಗಳ ವಿಧಾನಗಳಿಗೆ ಬೆಂಬಲ ನೀಡಲು ತಕೇಡ ಬದ್ಧವಾಗಿದೆ. ಇದು ಸಮುದಾಯಗಳು ದೀರ್ಘಕಾಲೀನವಾಗಿ ಡೆಂಗ್ಯೂ ಎದುರಿಸುವ ಸಾಮರ್ಥ್ಯವನ್ನು ಬೆಳೆಸಿಕೊಳ್ಳಲು ಸಹಾಯ ಮಾಡುತ್ತದೆ" ಎಂದರು.

ಡೆಂಗ್ಯೂ ಸಿದ್ಧತೆಗಾಗಿ 4-ಅಂಶಗಳ ಕಾರ್ಯತಂತ್ರದ ನೀಲನಕ್ಷೆ

ಆರ್ಟ್ ಪಾರ್ಕ್, ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್ ಮ್ಯಾನೇಜ್‌ಮೆಂಟ್ ಅಂಡ್ ರಿಸರ್ಚ್, ಟಾಟಾ ಇನ್‌ಸ್ಟಿಟ್ಯೂಟ್ ಫಾರ್ ಜೆನೆಟಿಕ್ಸ್ ಅಂಡ್ ಸೊಸೈಟಿಯ ಸಾರ್ವಜನಿಕ ಆರೋಗ್ಯ ತಜ್ಞರು ಮತ್ತು ಪ್ರಮುಖ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರು ಡೆಂಘೀ ಇಂದಿಗೂ ಒಂದು ಸಂಕೀರ್ಣ ಹಾಗೂ ಸವಾಲಿನ ಸಾರ್ವಜನಿಕ ಆರೋಗ್ಯ ಸಮಸ್ಯೆಯಾಗಿ ಉಳಿದಿದೆ ಎಂಬುದನ್ನು ಎತ್ತಿ ಹೇಳಿದರು. ವಾಹಕ ನಿಯಂತ್ರಣವು ಅತ್ಯಗತ್ಯವಾಗಿದ್ದರೂ, ಸುಸ್ಥಿರ ನಿಯಂತ್ರಣಕ್ಕಾಗಿ ಹೆಚ್ಚು ವ್ಯಾಪಕ ಮತ್ತು ಸಮಗ್ರ ಕಾರ್ಯತಂತ್ರದ ಅಗತ್ಯವಿದೆ ಎಂದು ತಜ್ಞರು ಗಮನಿಸಿದರು.

ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯೂ.ಎಚ್.ಒ) ಶಿಫಾರಸುಗಳಿಗೆ ಅನುಗುಣವಾಗಿ, ದೀರ್ಘಕಾಲೀನ ರೋಗದ ಹೊರೆಯನ್ನು ಕಡಿಮೆ ಮಾಡಲು ಕಣ್ಗಾವಲು, ವಾಹಕ ನಿಯಂತ್ರಣ, ಆರಂಭಿಕ ರೋಗ ನಿರ್ವಹಣೆ, ಸಮುದಾಯ ಶಿಕ್ಷಣ ಮತ್ತು ಲಸಿಕೆ ನೀಡುವುದು - ಇವೆಲ್ಲವೂ ಒಂದಾಗಿ ಸಮಗ್ರ ಕಾರ್ಯತಂತ್ರವಾಗಿ ಕಾರ್ಯನಿರ್ವಹಿಸಬೇಕು ಎಂಬುದಕ್ಕೆ ಭಾಗವಹಿಸಿದವರೆಲ್ಲರೂ ಸಮ್ಮತಿಸಿದರು.

ಈ ಚರ್ಚೆಗಳ ಆಧಾರದ ಮೇಲೆ, ಕರ್ನಾಟಕದ ಡೆಂಗ್ಯೂ ಸಿದ್ಧತೆಯನ್ನು ಬಲಪಡಿಸಲು ಸಹಾಯ ಮಾಡುವ 4-ಅಂಶಗಳ ಕ್ರಿಯಾ ಕರೆಯನ್ನು ಭಾಗವಹಿಸಿದವರು ಗುರುತಿಸಿದರು:

ಡೆಂಘೀ ತಡೆಗಟ್ಟುವಿಕೆಯನ್ನು ವರ್ಷಪೂರ್ತಿ ಮಾಡುವುದು: ಕೇವಲ ಮುಂಗಾರು ಋತುವಿನ ಬಿಕ್ಕಟ್ಟಿನ ಪ್ರತಿಕ್ರಿಯೆಯಿಂದ ಹೊರಬಂದು, ಶಾಲೆಗಳು, ಉದ್ಯೋಗದ ಸ್ಥಳಗಳು ಮತ್ತು ಸಮುದಾಯಗಳಲ್ಲಿ ನಡವಳಿಕೆ ಬದಲಾವಣೆಯ ಸಂವಹನವನ್ನು (ಬಿಸಿಸಿ) ಸಂಯೋಜಿಸುವ ಮೂಲಕ 365 ದಿನಗಳ ನಿರಂತರ ಪ್ರಕ್ರಿಯೆಯನ್ನಾಗಿ ಮಾಡುವುದು; ದಂಡ/ಶಿಕ್ಷೆಗಳಿಗಿಂತ ಧನಾತ್ಮಕ ಪ್ರೋತ್ಸಾಹಗಳಿಗೆ ಆದ್ಯತೆ ನೀಡುವುದು.

ಆರೋಗ್ಯ ರಕ್ಷಣೆಯ ಕೊಂಡಿಯನ್ನು ಪೂರ್ಣಗೊಳಿಸುವುದು: ಸಮುದಾಯ ಹಂತದ ತಪಾಸಣೆಯನ್ನು ನೇರವಾಗಿ ಕ್ಷಿಪ್ರ ರೋಗನಿರ್ಣಯ, ಸಮಯೋಚಿತ ಪ್ರಾಥಮಿಕ ಆರೋಗ್ಯ ಸಂರಕ್ಷಣೆಯ ಶಿಫಾರಸು ಮತ್ತು ವ್ಯವಸ್ಥಿತ ನಿಯಮಿತ ಪಾಲನೆಗೆ ಜೋಡಿಸುವುದು.

ದತ್ತಾಂಶವನ್ನು ಸಕ್ರಿಯವಾಗಿ ಬಳಸಿಕೊಳ್ಳುವುದು: ರಾಜ್ಯ ಮತ್ತು ನಗರ ಪಾಲಿಕೆಯ ಕಣ್ಗಾವಲು ದತ್ತಾಂಶಗಳನ್ನು ಸಮನ್ವಯಗೊಳಿಸುವುದು, ವಾರ್ಡ್-ಹಂತದ ವಿಶ್ಲೇಷಣೆಯನ್ನು ಬಲಪಡಿಸುವುದು, ನಾಗರಿಕರೇ ಮಾಹಿತಿಯನ್ನು ವರದಿ ಮಾಡಲು ಅವಕಾಶ ನೀಡುವುದು ಮತ್ತು ಚಿಕಿತ್ಸಾ ವೆಚ್ಚಗಳಲ್ಲಿ ಪಾರದರ್ಶಕತೆಯನ್ನು ಖಚಿತಪಡಿಸುವುದು.

ನಾವೀನ್ಯತೆಗೆ ಬೆಂಬಲ ನೀಡುವುದು: ಬೆಂಗಳೂರು ಮತ್ತು ಕರ್ನಾಟಕದಾದ್ಯಂತ ಪ್ರಾಯೋಗಿಕ ಯೋಜನೆಗಳ ಮೂಲಕ ಸ್ಥಳೀಯವಾಗಿ ಅಳವಡಿಸಿಕೊಳ್ಳಬಹುದಾದ, ಯುವಜನ ಚಾಲಿತ ಪರಿಹಾರಗಳಿಗೆ ಹಾಗೂ ತಂತ್ರಜ್ಞಾನ ಆಧರಿತ ವಾಹಕ ಉಸ್ತುವಾರಿಗೆ ಧನಸಹಾಯ ನೀಡುವುದು.