ಬೆಂಗಳೂರು: ಬಹುನಿರೀಕ್ಷಿತ ಜವಳಿ ವಾಣಿಜ್ಯ ಪ್ರದರ್ಶನಗಳಿಗೆ ಬೆಂಗಳೂರು ಸಜ್ಜಾಗಿದೆ. ಫೆ.6, 7 ಮತ್ತು 8 ರಂದು ಎಫ್&ಎ ಶೋ (ಜವಳಿ ಮತ್ತು ಪರಿಕರಗಳ ವಾಣಿಜ್ಯ ಪ್ರದರ್ಶನ) ಹಾಗೂ ಎಎಸ್ಎಫ್ (ಸಿದ್ಧ ಉಡುಪು ಮೇಳವು) ವೈಟ್ಫೀಲ್ಡ್ನ ಕೆಟಿಪಿಒ ಟ್ರೇಡ್ ಸೆಂಟರ್ನ ಹಾಲ್ ಬಿನಲ್ಲಿ ಆಯೋಜಿಸಲಾಗಿದೆ. ಮೂರು ದಿನಗಳ ಕಾಲ ನಡೆಯುವ ಪ್ರಮುಖ ಮೇಳವು ಜವಳಿ ಉದ್ಯಮದ ವೃತ್ತಿಪರರಿಗೆ ಒಂದು ಉತ್ತಮ ವೇದಿಕೆಯಾಗಲಿದ್ದು, ಬಟ್ಟೆಗಳು, ಪರಿಕರಗಳು ಹಾಗೂ ಸಿದ್ಧ ಉಡುಪು ಗಳ ವ್ಯಾಪಕ ಶ್ರೇಣಿಯ ಉತ್ಪನ್ನಗಳನ್ನು ಒಂದೇ ಸೂರಿನಡಿ ವೀಕ್ಷಿಸುವ, ಖರೀದಿಸುವ ಅವಕಾಶ ವನ್ನು ಕಲ್ಪಿಸುತ್ತದೆ.
ಈ ಅವಳಿ ಪ್ರದರ್ಶನಗಳ ಉದ್ಘಾಟನಾ ಸಮಾರಂಭವು ಫೆ.6ರಂದು ಬೆಳಗ್ಗೆ 11 ಗಂಟೆಗೆ ಕೆಟಿಪಿಒ ಟ್ರೇಡ್ ಸೆಂಟರ್ನಲ್ಲಿ ನೆರವೇರಲಿದೆ. ಪಿವಿಎಚ್ ಕಾರ್ಪೊರೇಷನ್ನ ವ್ಯವಸ್ಥಾಪಕ ನಿರ್ದೇಶಕರು, ಭಾರತೀಯ ಉಪಖಂಡದ ಹಬ್ ಲೀಡ್ ಆಗಿರುವ ಶ್ರೀಮತಿ ದೀಪ್ತಿ ಬೋಪಯ್ಯ ಹಾಗೂ ಮಿಂತ್ರಾ ಸಂಸ್ಥೆಯ ಸ್ಟ್ರಾಟೆಜಿಕ್ ಪಾಲುದಾರಿಕೆ ಹಾಗೂ ಒಮ್ನಿಚಾನೆಲ್ನ ಮುಖ್ಯಸ್ಥ ವೇಣು ನಾಯರ್ ಅವರು ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಅವರಿಗೆ ಉದ್ಯಮದ ಇತರೆ ಗಣ್ಯರು ಸಾಥ್ ನೀಡಲಿದ್ದಾರೆ.
ಕಳೆದ ಎರಡು ದಶಕಗಳಿಗೂ ಹೆಚ್ಚು ಸಮಯದಿಂದ ಎಫ್&ಎ ಪ್ರದರ್ಶನ ಹಾಗೂ ಸಿದ್ಧ ಉಡುಪು ಗಳ ಮೇಳವು ಬೆಂಗಳೂರಿನ ಜವಳಿ ಹಾಗೂ ಸಿದ್ಧ ಉಡುಪುಗಳ ಪರಿಸರ ವ್ಯವಸ್ಥೆಯಲ್ಲಿ ಪ್ರಮುಖ ವಾರ್ಷಿಕ ಸಂಗಮದ ತಾಣವಾಗಿದೆ. ಭಾರತ ಹಾಗೂ ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಪಾಲುದಾರರು, ಉದ್ಯಮಿಗಳು ಇಲ್ಲಿ ನಿಯಮಿತವಾಗಿ ಭೇಟಿಯಾಗಿ, ಕಚ್ಚಾ ವಸ್ತುಗಳ ಬಗ್ಗೆ, ಹೊಸ ಟ್ರೇಂಡ್ಗಳ ಅನ್ವೇಷಣೆ, ಪಾಲುದಾರಿಕೆಗಳ ಸ್ಥಾಪನೆ ಮತ್ತು ಜಾಗತಿಕ ಫ್ಯಾಷನ್ ಉದ್ಯಮದಲ್ಲಿ ಮುಂದೆ ಬರುವ ಅವಕಾಶಗಳನ್ನು ಚರ್ಚಿಸಲು ಹಾಗೂ ಪಡೆಯಲು ಈ ವೇದಿಕೆಯನ್ನು ಬಳಸಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: Union Budget 2026: ಗ್ರಾಮೀಣ ಆರ್ಥಿಕತೆಗೆ ಬಲ, 2026ರ ಬಜೆಟ್ನಲ್ಲಿ ರೈತರು ಮತ್ತು ಮಹಿಳಾ ನೇತೃತ್ವದ ಉದ್ಯಮಗಳಿಗೆ ಆದ್ಯತೆ!
ಈ ಆವೃತ್ತಿಯ ಜವಳಿ ಪ್ರದರ್ಶನದಲ್ಲಿ ಫ್ಯಾಬ್ರಿಕ್ಸ್, ಟ್ರಿಮ್ಸ್, ಅಲಂಕಾರಿಕ ವಸ್ತುಗಳು, ಉಡುಪುಗಳು ಮತ್ತು ಸೇವೆಗಳನ್ನು ಪ್ರತಿನಿಧಿಸುವ 103ಕ್ಕೂ ಹೆಚ್ಚು ಪ್ರಮುಖ ಉತ್ಪಾದಕರು ಮತ್ತು ಪೂರೈಕೆ ದಾರರು ಭಾಗವಹಿಸಲಿದ್ದಾರೆ. ಈ ಎಲ್ಲ ಸಂಸ್ಥೆಗಳು ತಮ್ಮ ತಮ್ಮ ವಿಭಾಗಗಳ ಮಾರುಕಟ್ಟೆಯಲ್ಲಿ ನಾಯಕರಾಗಿ ಗುರುತಿಸಿಕೊಂಡಿವೆ. ದೇಶೀಯ ಹಾಗೂ ಅಂತಾರಾಷ್ಟ್ರೀಯ ಖರೀದಿದಾರರಿಗೆ ಗುಣ ಮಟ್ಟ ಮತ್ತು ನಾವೀನ್ಯತೆಯನ್ನು ಒದಗಿಸುವ ನಿಟ್ಟಿನಲ್ಲಿ ಈ ಪ್ರದರ್ಶನವು ಪ್ರಮುಖ ಸೋರ್ಸಿಂಗ್ ಹಾಗೂ ನೆಟ್ವರ್ಕಿಂಗ್ ತಾಣವಾಗಿದ್ದು, ಭಾರತ ಹಾಗೂ ವಿದೇಶಿ ಪೂರೈಕೆದಾರರಿಗೆ ಪ್ರಮುಖ ವಾಗಿದೆ.
ಹಿಂದಿನ ಆವೃತ್ತಿಗಳ ನಿರಂತರ ಯಶಸ್ಸಿನ ಹಿನ್ನೆಲೆಯಲ್ಲಿ, ಈ ಬಾರಿಯೂ ಅಂತಾರಾಷ್ಟ್ರೀಯ ಖರೀದಿ ಹೌಸ್ಗಳು, ಖರೀದಿ ಏಜೆಂಟ್ಗಳು, ಉಡುಪು ತಯಾರಕರು, ರಫ್ತುದಾರರು, ಬ್ರಾಂಡ್ಗಳು ಮತ್ತು ಲೇಬಲ್ಗಳು, ಫ್ಯಾಷನ್ ಡಿಸೈನರ್, ಮಿಲ್ಲುಗಳ ಮಾಲೀಕರು, ನೇಯ್ಗೆಗಾರರು, ರಿಟೇಲರ್ ಗಳು, ಸಗಟು ವ್ಯಾಪಾರಿಗಳು, ವಿತರಕರು, ಇ-ಕಾಮರ್ಸ್ ಮತ್ತು ಆನ್ಲೈನ್ ರಿಟೇಲರ್ಗಳು ದೊಡ್ಡ ಪ್ರಮಾಣದಲ್ಲಿ ಭಾಗವಹಿಸುವ ಸಾಧ್ಯತೆ ಇದ್ದು, ಪ್ರದರ್ಶಕರು ಭಾರೀ ವ್ಯಾಪಾರದ ನಿರೀಕ್ಷೆಯಲ್ಲಿ ದ್ದಾರೆ.
ಈ ವೇದಿಕೆಯ ನಿರಂತರ ಯಶಸ್ಸಿನ ಬಗ್ಗೆ ಮಾತನಾಡಿರುವ ಭಾರತೀಯ ಜವಳಿ ಪ್ರದರ್ಶನಗಳ ಸಿಇಒ ಪಿ.ಎನ್.ಕೃಷ್ಣಮೂರ್ತಿ ಅವರು, ಇಪ್ಪತ್ತು ವರ್ಷಗಳಿಗೂ ಹೆಚ್ಚು ಕಾಲದಿಂದ ನಡೆಯು ತ್ತಿರುವ ನಮ್ಮ ಪ್ರದರ್ಶನಗಳು ಉದ್ಯಮದ ಜೊತೆಯಲ್ಲಿ ಬೆಳೆದಿವೆ ಮತ್ತು ಗಂಭೀರ ವ್ಯವಹಾರಗಳು ನಡೆಯುವ ವಿಶ್ವಾಸಾರ್ಹ ಮಾರುಕಟ್ಟೆಯಾಗಿ ರೂಪುಗೊಂಡಿವೆ.
ಪ್ರತಿ ಆವೃತ್ತಿಯೂ ನಮ್ಮ ವೇದಿಕೆಯ ಮೇಲಿರುವ ವಿಶ್ವಾಸವನ್ನು ಹೆಚ್ಚು ಮಾಡುತ್ತಾ ಹೋಗುತ್ತಿದೆ. ಇದರಲ್ಲಿ ಭಾಗವಹಿಸಿದವರಿಗೆ ಪ್ರಬಲ ಫಲಿತಾಂಶಗಳನ್ನು ನಿರಂತರವಾಗಿ ನೀಡುತ್ತಿರುವುದರಿಂದ ಪ್ರದರ್ಶನಗಳು ಯಶಸ್ವಿಯಾಗುತ್ತಿವೆ. 2026ರ ಬೆಂಗಳೂರು ಆವೃತ್ತಿಯು ಮತ್ತೊಮ್ಮೆ ದಾಖಲೆಯ ವಹಿವಾಟು ಮತ್ತು ಗುಣಮಟ್ಟದ ಖರೀದಿದಾರರ ಪಾಲ್ಗೊಳ್ಳುವಿಕೆಗೆ ಸಾಕ್ಷಿಯಾಗಲಿದೆ ಎಂಬ ವಿಶ್ವಾಸ ನಮಗಿದೆ. ಇಂದು ಜಾಗತಿಕ ಜವಳಿ ಕ್ಷೇತ್ರವು ಭಾರತದತ್ತ ಮುಖ ಮಾಡುತ್ತಿದ್ದು, ಈ ರೀತಿಯ ವೇದಿಕೆಗಳು ಜಾಗತಿಕ ಸಂಪರ್ಕವನ್ನು ಕಲ್ಪಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತವೆ ಎಂದು ತಿಳಿಸಿದರು.
ಈ ಪಯಣವು 2004ರಲ್ಲಿ ಆರಂಭವಾಗಿದ್ದು, ಬೆಂಗಳೂರಿನಲ್ಲಿ ಮೊಟ್ಟಮೊದಲ ಬಾರಿಗೆ ಆಯೋಜಿ ಸಿದ್ದ ಜವಳಿ ಮತ್ತು ಪರಿಕರಗಳ ಪ್ರದರ್ಶನವು 46 ಪ್ರದರ್ಶಕರನ್ನು ಒಂದೇ ವೇದಿಕೆಯಲ್ಲಿ ಸೇರಿಸಿತ್ತು. ವಸ್ತ್ರೋದ್ಯಮದಲ್ಲಿ ಸಹಭಾಗಿತ್ವಕ್ಕೆ ಹೊಸ ಬಾಗಿಲನ್ನು ತೆರೆದಿತ್ತು. ಇಲ್ಲಿ ಬಂದ ಉತ್ತಮ ಪ್ರತಿಕ್ರಿಯೆ ನೋಡಿ 2009ರಲ್ಲಿ ದಕ್ಷಿಣ ಭಾರತದ ನಿಟ್ವೇರ್ ಹಬ್ ಆಗಿರುವ ತಿರುಪುರ್ಗೂ ಈ ಮೇಳವನ್ನು ವಿಸ್ತರಿಸಲಾಯಿತು. ಅಲ್ಲಿ ಕೂಡ ಜವಳಿ ಪ್ರದರ್ಶನಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.
ದಕ್ಷಿಣ ಭಾರತದಲ್ಲಿ ಉದ್ಯಮದ ಅಂತರವನ್ನು ಕಡಿಮೆ ಮಾಡಿ ಯಶಸ್ವಿಯಾದ ಬಳಿಕ ಈ ಪ್ರದರ್ಶನಗಳನ್ನು ಆಯೋಜಕರು ಉತ್ತರ ಭಾರತಕ್ಕೂ ವಿಸ್ತರಿಸಿದರು. 2016ರಲ್ಲಿ ನವದೆಹಲಿಯಲ್ಲಿ ಜವಳಿ ಪ್ರದರ್ಶನವನ್ನು ಆಯೋಜಿಸಲಾಯಿತು, ಬಳಿಕ ಲುಧಿಯಾನ, ಮುಂಬೈ ಮತ್ತು ಕೋಲ್ಕತ್ತಾ ಗಳಿಗೂ ಇದು ವಿಸ್ತರಣೆಯಾಗಿ, ಇಂದು ಅಖಿಲ ಭಾರತ ಮಟ್ಟದಲ್ಲಿ ಜವಳಿ ಉದ್ಯಮದ ವಿಶ್ವಾಸಾರ್ಹ ವೇದಿಕೆಯಾಗಿ ಹೊರಹೊಮ್ಮಿದೆ.
ಇನ್ನು, ಪ್ರದರ್ಶಕರ ಪಟ್ಟಿಯನ್ನು ಗಮನಿಸಿದರೆ, ಜಗತ್ತಿನ ಪ್ರಮುಖ ಫ್ರಾಬ್ರಿಕ್, ಪರಿಕರಗಳು, ಗಾರ್ಮೆಂಟ್ಸ್ ಮತ್ತು ಸೇವಾ ಕ್ಷೇತ್ರಗಳ ದಿಗ್ಗಜ ಕಂಪನಿಗಳು ಈ ಅವಳಿ ಪ್ರದರ್ಶನಗಳಲ್ಲಿ ಭಾಗವಹಿಸುತ್ತಿವೆ. ಪ್ರಮುಖವಾಗಿ ನವದೆಹಲಿಯ ಬಿಷ್ಣು ಟೆಕ್ಸ್ಪೋರ್ಟ್ ಪ್ರೈವೆಟ್ ಲಿಮಿಟೆಡ್ ಪ್ರತಿನಿಧಿಸುವ ಜಪಾನ್ನ ಅಸಾಹಿ ಕಾಸೆ ಕಾರ್ಪೊರೇಷನ್, ಸೋನಿಪತ್ನ ಜೈನ್ ನ್ಯಾರೋ ಫ್ಯಾಬ್ರಿಕ್ಸ್, ಮಧುರೈನ ಜಾಸ್ಮಿನ್ ಟವೆಲ್ಸ್, ಸೂರತ್ನ ಕಾಜಲ್ ಫ್ಲೋಜನ್ ಟ್ರೆಂಡ್ಜ್, ಇಚಲಕರಂಜಿಯ ಕೆನ್ ಗ್ಲೋಬಲ್ ಡಿಸೈನ್ಸ್, ಇಸ್ರೇಲ್ನ ನಿಲಿಟ್ ಲಿಮಿಟೆಡ್, ಸುರೆಂದ್ರ ನಗರದ ಒಮಾಕ್ಸ್ ಕಾಟ್ಸ್ಪಿನ್, ಲೂದಿಯಾನದ ಸತ್ಯ ನಿಟ್ಸ್, ಸಾದನ್ ಹಾಸೈರಿ, ದಕ್ಷಿಣ ಕೊರಿಯಾದ ಸೀಲಾನ್ ಕಂಪನಿ, ತಿರುಪುರದ ಟಾಪ್ ಲೈಟ್ ಟೆಕ್ಸ್ಟೈಲ್ಸ್, ದೆಹಲಿಯ ಟ್ವೆಂಟಿ ಫಸ್ಟ್ ಸೆಂಚುರಿ ಮಿಲ್ಸ್, ಅಮೆರಿಕದ ಬೆಮಿಸ್ ಹಾಗೂ ಗುರುಗ್ರಾಮದ ವೆಲ್ಕೋ ಏಜೆನ್ಸಿಸ್ ಪ್ರತಿನಿಧಿಸುವ ಜರ್ಮನಿಯ ವೆಂಡ್ಲರ್ ಇಂಟರ್ಲೈನಿಂಗ್ ಸೇರಿ ಹಲವು ಕಂಪನಿಗಳು ಭಾಗವಹಿಸುತ್ತಿರುವುದು ಪ್ರದರ್ಶನದ ಬಗ್ಗೆ ಮಾರುಕಟ್ಟೆಯಲ್ಲಿರುವ ಸಕಾರಾತ್ಮಕ ಭಾವನೆಯನ್ನು ಪ್ರತಿಬಿಂಬಿಸುತ್ತದೆ.
ಜಾಗತಿಕ ಪ್ರದರ್ಶಕರು ಮತ್ತು ಖರೀದಿದಾರರಿಂದ ಸ್ಥಿರ ಹಾಗೂ ನಿರಂತರ ಬೆಂಬಲದೊಂದಿಗೆ, ಸಂಘಟನಾ ಸಂಸ್ಥೆಯು ಅತ್ಯಂತ ವಿಶ್ವಾಸಾರ್ಹ ಜಾಗತಿಕ ಸೋರ್ಸಿಂಗ್ ಮತ್ತು ನೆಟ್ವರ್ಕಿಂಗ್ ವೇದಿಕೆಗಳಲ್ಲಿ ಒಂದಾಗಿ ಹೊರಹೊಮ್ಮಿದ್ದು, ಫೈಬರ್ ಅನ್ನು ಸಿದ್ಧ ಉಡುಪುಗಳಿಗೆ ವಿಸ್ತರಿಸಿದೆ. ಇಂದು ಜಾಗತಿಕ ಉತ್ಪಾದನಾ ವಲಯವು ಬದಲಾವಣೆಯ ಹಾದಿಯಲ್ಲಿದ್ದು, ಅಂತಾರಾಷ್ಟ್ರೀಯ ಬ್ರಾಂಡ್ಗಳು ವಿಶ್ವಾಸಾರ್ಹ ಸೋರ್ಸಿಂಗ್ ಪರಿಹಾರಗಳಿಗಾಗಿ ಭಾರತದತ್ತ ನೋಡುತ್ತಿವೆ. ಈ ನಿಟ್ಟಿನಲ್ಲಿ ಈ ವೇದಿಕೆಯ ಪ್ರಸ್ತುತತೆ ದೊಡ್ಡ ಮಟ್ಟದಲ್ಲಿ ಬೆಳೆಯುತ್ತಿದೆ.
ಪ್ರದರ್ಶನದ ದಿನಾಂಕ : ಫೆಬ್ರವರಿ 6, 7, 8 (ಶುಕ್ರವಾರ, ಶನಿವಾರ, ಭಾನುವಾರ)
ಸ್ಥಳ : ಕೆಟಿಪಿಒ, ಟ್ರೇಡ್ ಸೆಂಟರ್, ವೈಟ್ಫೀಲ್ಡ್, ಬೆಂಗಳೂರು