BHIM QR ಮತ್ತು ಸೌಂಡ್ ಬಾಕ್ಸ್ ಅನ್ನು ಉತ್ತೇಜಿಸಲು ಕೆನರಾ ಬ್ಯಾಂಕ್‌ನ ಶಿವಮೊಗ್ಗ ವಲಯದಿಂದ ವ್ಯಾಪಾರಿಗಳ ಸಂಪರ್ಕ ಅಭಿಯಾನ

ಶಿವಮೊಗ್ಗ: ಮಣಿಪಾಲ ವೃತ್ತದ (Circle) ಪ್ರಧಾನ ವ್ಯವಸ್ಥಾಪಕರು ಮತ್ತು ವೃತ್ತ ಕಚೇರಿಯ ಮುಖ್ಯಸ್ಥ ಎಚ್. ಕೆ. ಗಂಗಾಧರ್ ಅವರ ಮಾರ್ಗದರ್ಶನದಲ್ಲಿ, ಕೆನರಾ ಬ್ಯಾಂಕ್‌ನ ಶಿವಮೊಗ್ಗ ವಲಯವು ತನ್ನ BHIM QR ಮತ್ತು ಹೊಸದಾಗಿ ಪರಿಚಯಿಸಲಾದ 'ಸೌಂಡ್ ಬಾಕ್ಸ್' (Sound Box) ಸೇವೆಗಳನ್ನು ಉತ್ತೇಜಿಸಲು ವ್ಯಾಪಾರಿಗಳೊಂದಿಗೆ ವ್ಯಾಪಕ ಸಂಪರ್ಕ ಸಾಧಿಸುವ ಅಭಿಯಾನ ನಡೆಸಿತು.

ಈ ಅಭಿಯಾನದ ಭಾಗವಾಗಿ, ವಲಯದ ವಿವಿಧ ಶಾಖೆಗಳ ಉದ್ಯೋಗಿಗಳ ತಂಡಗಳು ಒಂದೇ ದಿನದಲ್ಲಿ ಸುಮಾರು 500 ವ್ಯಾಪಾರಿಗಳನ್ನು ಭೇಟಿ ಮಾಡಿ, ಕೆನರಾ ಬ್ಯಾಂಕ್‌ನ ಡಿಜಿಟಲ್ ಪಾವತಿ ಸೇವೆಗಳ ಕುರಿತು ವ್ಯಾಪಕ ಅರಿವು ಮೂಡಿಸಿದವು.

ಇದನ್ನೂ ಓದಿ: Canara Bank: ಗ್ರಾಹಕರಿಗೆ ಕೆನರಾ ಬ್ಯಾಂಕ್‌ನಿಂದ ಗುಡ್‌ನ್ಯೂಸ್‌: ಇನ್ಮುಂದೆ ಕನಿಷ್ಠ ಬ್ಯಾಲೆನ್ಸ್ ಇಲ್ಲದಿದ್ದರೂ ದಂಡವಿಲ್ಲ

ವ್ಯಾಪಾರಿ ಸಮುದಾಯದಿಂದ ಈ ಉಪಕ್ರಮಕ್ಕೆ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಯಿತು. ವಿಶೇಷವಾಗಿ, ಕೈಗೆಟುಕುವ ದರ (₹49) ಮತ್ತು ಬಳಕೆಯ ಸುಲಭತೆಯಿಂದಾಗಿ 'ಸೌಂಡ್ ಬಾಕ್ಸ್' ವ್ಯಾಪಾರಿಗಳಲ್ಲಿ ಹೆಚ್ಚಿನ ಆಸಕ್ತಿಯನ್ನು ಮೂಡಿಸಿತು. ಈ ಅಭಿಯಾನವು BHIM QR ಮತ್ತು ಸೌಂಡ್ ಬಾಕ್ಸ್ ಅಳವಡಿಕೆಗೆ ಸಂಬಂಧಿಸಿದಂತೆ ಹೆಚ್ಚಿನ ಸಂಖ್ಯೆಯ ಆಸಕ್ತ ಗ್ರಾಹಕರ (leads) ಮಾಹಿತಿ ಸಂಗ್ರಹಿಸಲು ನೆರವಾಯಿತು, ಇದು ಡಿಜಿಟಲ್ ಪಾವತಿ ಪರಿಹಾರಗಳ ಹೆಚ್ಚುತ್ತಿರುವ ಸ್ವೀಕಾರಾರ್ಹತೆ ಯನ್ನು ಪ್ರತಿಬಿಂಬಿಸುತ್ತದೆ.

ಈ ಸಂಪರ್ಕ ಅಭಿಯಾನವು ಸುರಕ್ಷಿತ, ಕೈಗೆಟುಕುವ ಮತ್ತು ಎಲ್ಲರನ್ನೂ ಒಳಗೊಂಡ ಡಿಜಿಟಲ್ ಪಾವತಿ ವ್ಯವಸ್ಥೆಯನ್ನು ಉತ್ತೇಜಿಸುವ ಕೆನರಾ ಬ್ಯಾಂಕ್‌ನ ಬದ್ಧತೆಯನ್ನು ಬಲಪಡಿಸುವುದರ ಜೊತೆಗೆ, ವ್ಯಾಪಾರಿ ಸಮುದಾಯದೊಂದಿಗಿನ ಬ್ಯಾಂಕ್‌ನ ಸಂಬಂಧವನ್ನೂ ವೃದ್ಧಿಸಿತು. ಶಿವಮೊಗ್ಗದ ಪ್ರಾದೇಶಿಕ ಮುಖ್ಯಸ್ಥರಾದ ಶ್ರೀ ಸಂಜೀವ್ ಕುಮಾರ್ ಅವರು ಕೆನರಾ ಬ್ಯಾಂಕ್ ಉದ್ಯೋಗಿಗಳೊಂದಿಗೆ ಸೇರಿ ಈ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು.