Akanksha Puri: ಬಿಕಿನಿ ಬ್ಲೌಸ್ ಲುಕ್ ವಿವಾದ; ಟ್ರೋಲ್‌ ಆದ ಬೆನ್ನಲ್ಲೇ ನಟಿ ಆಕಾಂಕ್ಷಾ ಪುರಿ ಹೇಳಿದ್ದೇನು?

ಬಾಲಿವುಡ್ (Bollywood), ಕಿರುತೆರೆ ಮತ್ತು ಭೋಜ್‌ಪುರಿ ಚಿತ್ರಗಳಲ್ಲಿ ತಮ್ಮ ನಟನಾ ಕೌಶಲ್ಯವನ್ನು ಸಾಬೀತುಪಡಿಸಿರುವ ಆಕಾಂಕ್ಷಾ ಪುರಿ (Akanksha Puri) ಪ್ರಸ್ತುತ ತಮ್ಮ ಫ್ಯಾಷನ್‌ ವಿಚಾರಕ್ಕೆ ಸುದ್ದಿಯಲ್ಲಿದ್ದಾರೆ. ಬಿಕಿನಿ ಬ್ಲೌಸ್ ಜೊತೆಯಲ್ಲಿ ಸೀರೆ ಧರಿಸಿದ್ದಕ್ಕಾಗಿ ನಟಿ ಆಕಾಂಕ್ಷಾ ಪುರಿ ಅವರನ್ನು ಸಿಕ್ಕಾಪಟ್ಟೆ ಟ್ರೋಲ್ ಮಾಡಲಾಗಿದೆ. ಈ ರೀತಿ ವಿನ್ಯಾಸದಲ್ಲಿ ಸೀರೆ ಧರಿಸುವುದು ಸಂಸ್ಕೃತಿಗೆ ಮಾಡಿದ ಅವಮಾನ ಎಂದು ಅನೇಕರು ಟೀಕಿಸಿದ್ದಾರೆ. ಆಕಾಂಕ್ಷಾ ಅಶ್ಮಿತ್ ಪಟೇಲ್ ಅವರೊಂದಿಗೆ ಬಿಡುಗಡೆಯಾದ ಅವರ ಹೊಸ ಸಂಗೀತ ವೀಡಿಯೊ "ಸಾರಿ ಫರ್ಮೈಶ್" ನ ಪ್ರಚಾರದ ಸಮಯದಲ್ಲಿ ಈ ರೀತಿ ಕಂಡು ಬಂದಿದ್ದರು. ಇದೀಗ ತಮ್ಮ ಬಟ್ಟೆ ವಿಚಾರವಾಗಿ ಟ್ರೋಲ್‌ (Troll) ಆಗಿರುವ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.

ಇದನ್ನೂ ಓದಿ: Shah Rukh Khan: 'ನಿಮ್ಮಂತೆಯೇ ಅದ್ಭುತʼ! ಅಲ್ಲು ಅರ್ಜುನ್ ʻರಾಕಾʼ ಲುಕ್‌ಗೆ ಶಾರುಖ್‌ ಮೆಚ್ಚುಗೆ

ಫ್ಯಾಷನ್ ವೀಕ್‌ನಲ್ಲಿ ಡಿಸೈನರ್ ರೋಹಿತ್ ವರ್ಮಾ

ಕೆಲವು ದಿನಗಳ ಹಿಂದೆ ಬಾಂಬೆ ಟೈಮ್ಸ್ ಫ್ಯಾಷನ್ ವೀಕ್‌ನಲ್ಲಿ ಡಿಸೈನರ್ ರೋಹಿತ್ ವರ್ಮಾ ಅವರ ಕಾರ್ಯಕ್ರಮದಲ್ಲಿ ಆಕಾಂಕ್ಷಾ ಪುರಿ ಅತಿಥಿಯಾಗಿ ಭಾಗವಹಿಸಿದ್ದರು. ಬಿಪಾಶಾ ಬಸು ಪ್ರದರ್ಶನದಲ್ಲಿ ಮುಂಚೂಣಿಯಲ್ಲಿದ್ದರು, ಆದರೆ ಎಲ್ಲರ ಕಣ್ಣುಗಳು ಆಕಾಂಕ್ಷಾ ಮೇಲೆ ಇದ್ದವು. ಈ ಕಾರ್ಯಕ್ರಮಕ್ಕಾಗಿ, ಅವರು ಸಾಂಪ್ರದಾಯಿಕ ಮಹಾರಾಷ್ಟ್ರದ ಪೈಥಾನಿ ಸೀರೆಯನ್ನು ಧರಿಸಿದ್ದರು. ಅದಕ್ಕೆ, ಬಿಕಿನಿ ಬ್ಲೌಸ್‌ ಮ್ಯಾಚ್‌ ಮಾಡಿದ್ದರು.

ಅದ್ಭುತ ಫಿಟ್ನೆಸ್‌ನಿಂದಾಗಿ ಆಕಾಂಕ್ಷಾ ಆ ಲುಕ್‌ನಲ್ಲಿ ಪ್ರದರ್ಶನ ನೀಡುವವರಂತೆ ಕಾಣುತ್ತಿದ್ದರು. ಆದಾಗ್ಯೂ, ಅವರ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ತಕ್ಷಣ, ಜನರು ಅವರ ಸೀರೆ ಧರಿಸುವ ಶೈಲಿಗಾಗಿ ಅವರನ್ನು ಟ್ರೋಲ್ ಮಾಡಲು ಪ್ರಾರಂಭಿಸಿದರು. ಅನೇಕ ಬಳಕೆದಾರರು ಇದು ಸಂಸ್ಕೃತಿಗೆ ಮಾಡಿತ್ತಿರುವ ಅವಮಾನ ಎಂದು ಕಮೆಂಟ್‌ ಮಾಡಿದ್ದರು.

ಮೌನ ಮುರಿದ ಆಕಾಂಕ್ಷಾ ಪುರಿ

ಈ ವಿವಾದ ಮತ್ತು ಟ್ರೋಲಿಂಗ್‌ಗೆ ಪ್ರತಿಕ್ರಿಯಿಸುತ್ತಾ, ಆಕಾಂಕ್ಷಾ ತುಂಬಾ ಶಾಂತವಾಗಿ ಮಾಧ್ಯಮವೊಂದಕ್ಕೆ ಉತ್ತರಿಸಿದ್ದಾರೆ. "ಈ ಲುಕ್‌ಗಾಗಿ ನನಗೆ ಬಹಳಷ್ಟು ಪ್ರಶಂಸೆಗಳು ಬರುತ್ತಿವೆ. ಹೊಗಳಿಕೆ ಇರುವಲ್ಲಿ ಟ್ರೋಲಿಂಗ್ ಇರುತ್ತದೆ ಎಂದು ನಾನು ನಂಬುತ್ತೇನೆ. ನನ್ನ ಗಮನ ಸಕಾರಾತ್ಮಕತೆಯ ಮೇಲೆ ಇರುವುದರಿಂದ ನಾನು ಟ್ರೋಲ್‌ಗಳನ್ನು ನಿರ್ಲಕ್ಷಿಸಲು ಬಯಸುತ್ತೇನೆ" ಎಂದು ಅವರು ಹೇಳಿದರು.

ಆ ಲುಕ್ ಸಂಪೂರ್ಣವಾಗಿ ತನ್ನ ಸ್ವಂತ ಆಯ್ಕೆಯಲ್ಲ, ಬದಲಾಗಿ ವಿನ್ಯಾಸಕರ ದೃಷ್ಟಿಕೋನ ಎಂದು ಆಕಾಂಕ್ಷಾ ಸ್ಪಷ್ಟಪಡಿಸಿದರು. ಸೀರೆ ಮತ್ತು ಬ್ಲೌಸ್ ಅನ್ನು ತನಗಾಗಿ ಖ್ಯಾತ ವಿನ್ಯಾಸಕ ರೋಹಿತ್ ವರ್ಮಾ ವಿನ್ಯಾಸಗೊಳಿಸಿದ್ದಾರೆ ಎಂದು ಅವರು ಬಹಿರಂಗಪಡಿಸಿದರು. "ಇದು ರೋಹಿತ್ ವರ್ಮಾ ಅವರ ಸೃಷ್ಟಿ. ಅವರ ಪ್ರತಿಭೆಯಲ್ಲಿ ನನಗೆ ಸಂಪೂರ್ಣ ನಂಬಿಕೆ ಇದೆ. ಒಬ್ಬ ಕಲಾವಿದನಾಗಿ, ನಾನು ಅವರ ದೃಷ್ಟಿಕೋನವನ್ನು ಗೌರವಿಸಿದೆ ಮತ್ತು ಅದನ್ನು ಆತ್ಮವಿಶ್ವಾಸದಿಂದ ಧರಿಸಿದ್ದೇನೆ" ಎಂದು ಆಕಾಂಕ್ಷಾ ಹೇಳಿದರು.

ಇದನ್ನೂ ಓದಿ: Sanya Malhotra: ಸಿತಾರ್ ವಾದಕ ರಿಷಬ್- ನಟಿ ಸಾನ್ಯಾ ಒಂದು ವರ್ಷದ ಸಂಬಂಧ ಅಂತ್ಯ? ದಂಗಲ್ ಚೆಲುವೆಗೆ ಇದೇನಾಯ್ತು?

ಆಕಾಂಕ್ಷಾ ಮತ್ತು ಅಶ್ಮಿತ್ ಪಟೇಲ್ ಅವರ ಹೊಸ ಹಾಡು "ಸಾರಿ ಫರ್ಮೈಶ್" ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿದೆ. ಅವರು ಶೀಘ್ರದಲ್ಲೇ ತೆರೆಯ ಮೇಲೆ ಖೇಸರಿ ಲಾಲ್ ಯಾದವ್ ಅವರೊಂದಿಗೆ ಕಾಣಿಸಿಕೊಳ್ಳಲಿದ್ದಾರೆ.