Mrunal Thakur: ಅಲ್ಲು ಅರವಿಂದ್ ಇದೊಂದು ಮಾತಿಗೆ ನಾಚಿ ನೀರಾದ ಮೃಣಾಲ್ ಠಾಕೂರ್

ಮೃಣಾಲ್ ಠಾಕೂರ್ (Mrunal Thakur) ನಾಯಕಿಯಾಗಿ, ಅಡಿವಿ ಶೇಷ್ (adivi sesh) ನಾಯಕನಾಗಿ ನಟಿಸಿರುವ ‘ಡಕೈತ್’ ಸಿನಿಮಾ ಇತ್ತೀಚೆಗಷ್ಟೆ ಬಿಡುಗಡೆ ಆಗಿದ್ದು, ಉತ್ತಮ ಪ್ರತಿಕ್ರಿಯೆ ಗಳಿಸಿಕೊಂಡಿದೆ. ಇದೇ ಕಾರಣಕ್ಕೆ ಸಿನಿಮಾದ ಸಕ್ಸಸ್ ಮೀಟ್ (success Meet) ಅನ್ನು ಚಿತ್ರತಂಡ ಇತ್ತೀಚೆಗೆ ಆಯೋಜನೆ ಮಾಡಿತ್ತು. ಪ್ರಸಿದ್ಧ ನಿರ್ಮಾಪಕ ಅಲ್ಲು ಅರವಿಂದ್ (Allu Arvind) ಕೂಡ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಚಿತ್ರವನ್ನು ಹೊಗಳಿದರು. ಈ ಸಂದರ್ಭದಲ್ಲಿ, ತನಗೆ ಚಿತ್ರ ಇಷ್ಟವಾಯಿತು ಮತ್ತು ಯಾವುದೇ ಚಿತ್ರ ಹೋಲಿಸಲು ಸಾಧ್ಯವಿಲ್ಲ ಎಂದು ಹೇಳಿದರು. ಈ ಸಂದರ್ಭದಲ್ಲಿ, ಅವರು ನಾಯಕಿ ಮೃಣಾಲ್ ಠಾಕೂರ್ ಅವರನ್ನು ವಿಶೇಷವಾಗಿ ಹೊಗಳಿದರು. ಕಾರ್ಯಕ್ರಮದಲ್ಲಿ ಅಲ್ಲು ಅರ್ಜುನ್ (Allu Arjun) ತಂದೆ ಅಲ್ಲು ಅರವಿಂದ್ ಆಡಿರುವ ಮಾತಿಗೆ ನಾಚಿ ನೀರಾಗಿದ್ದಾರೆ ನಟಿ.

ಇದನ್ನೂ ಓದಿ: Priyanka Chopra: ಪದಗಳಲ್ಲಿ ವರ್ಣಿಸುವುದು ಕಷ್ಟ; ಆಶಾ ಭೋಸ್ಲೆ ಕುರಿತು ಪ್ರಿಯಾಂಕಾ ಚೋಪ್ರಾ ಭಾವುಕ

ಮನಸ್ಸಿನಲ್ಲಿರುವ ಭಾವನೆ ವ್ಯಕ್ತಪಡಿಸಿದ ಅಲ್ಲು ಅರವಿಂದ್

ಅಲ್ಲು ಅರವಿಂದ್ ವೇದಿಕೆಯ ಮೇಲೆ ಮೃಣಾಲ್ ಅವರನ್ನು ಅವರದೇ ಮಾತುಗಳಲ್ಲಿ ಆಶೀರ್ವದಿಸಿದರು... ಮೃಣಾಲ್, ನಾನು ಈ ಹಿಂದೆ ಒಬ್ಬ ಹುಡುಗಿಯನ್ನು ಆಶೀರ್ವದಿಸಿದ್ದೆ. ಅವಳು ವರುಣ್ ನ ಹೆಂಡತಿಯಾದಳು. ನೀನು ಕೂಡ ತೆಲುಗು ಹುಡುಗನನ್ನು ಮದುವೆಯಾಗಿ ಇಲ್ಲಿಯೇ ನೆಲೆಸಬೇಕೆಂದು ನಾನು ಬಯಸುತ್ತೇನೆ ಎಂದು ಅವರು ನಗುತ್ತಾ ಹೇಳಿದರು.

ಟಾಲಿವುಡ್ ನಲ್ಲಿ ನೆಲೆಗೊಳ್ಳಲು ಬಯಸಿದರೆ, ಅದೊಂದೇ ದಾರಿ, ನೀನು ಇಲ್ಲೇ ಇರು ಎಂದು ಅವರು ತಮ್ಮ ಮನಸ್ಸಿನಲ್ಲಿರುವ ಭಾವನೆಗಳನ್ನು ವ್ಯಕ್ತಪಡಿಸಿದರು. ಇದಕ್ಕೆ, ಮೃಣಾಲ್ ಠಾಕೂರ್ ನಾಚಿಕೆಯಿಂದ ಮುಗುಳ್ನಕ್ಕು ಮುಖ ಮುಚ್ಚಿಕೊಂಡರು.

ಉತ್ತರ ಭಾರತದ ನಟಿ ಲಾವಣ್ಯಾ ತ್ರಿಪಾಠಿ ಅವರಿಗೂ ಸಹ ಅಲ್ಲು ಅರವಿಂದ್ ಅವರು ಹೀಗೆಯೇ ಆಶೀರ್ವಾದ ಮಾಡಿದ್ದರು. ಬಳಿಕ ಲಾವಣ್ಯಾ ತ್ರಿಪಾಠಿ ಮೆಗಾ ಫ್ಯಾಮಿಲಿ ನಟ ವರುಣ್ ತೇಜ್ ಅವರನ್ನು ಪ್ರೀತಿಸಿ ಮದುವೆ ಆಗಿದ್ದು, ಈಗ ಮೆಗಾಸ್ಟಾರ್ ಫ್ಯಾಮಿಲಿಯ ಸೊಸೆ ಆಗಿದ್ದಾರೆ. ಈಗ ಮೃಣಾಲ್ ಠಾಕೂರ್ ಅವರಿಗೂ ಅದೇ ಆಶೀರ್ವಾದ ಮಾಡಿದ್ದಾರೆ ಅಲ್ಲು ಅರವಿಂದ್.

ಅಂದಹಾಗೆ ಕೆಲ ತಿಂಗಳುಗಳ ಹಿಂದಷ್ಟೆ ಧನುಶ್ ಹಾಗೂ ಮೃಣಾಲ್ ಠಾಕೂರ್ ಪರಸ್ಪರ ಪ್ರೀತಿಸುತ್ತಿದ್ದು, ಮದುವೆ ಆಗಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ ಅದು ಸುಳ್ಳೆಂದು ಬಳಿಕ ಸ್ಪಷ್ಟನೆ ನೀಡಲಾಯ್ತು.

ಅದಿವಿ ಶೇಷ್ ಮತ್ತು ಮೃಣಾಲ್ ಠಾಕೂರ್ ಜೊತೆಗೆ , ಡಕೋಯಿಟ್: ಏಕ್ ಪ್ರೇಮ್ ಕಥಾ ಚಿತ್ರದಲ್ಲಿ ಅನುರಾಗ್ ಕಶ್ಯಪ್, ಪ್ರಕಾಶ್ ರಾಜ್, ಸುನಿಲ್, ಅತುಲ್ ಕುಲಕರ್ಣಿ, ಝೈನ್ ಮೇರಿ ಖಾನ್ ಮತ್ತು ಕಾಮಾಕ್ಷಿ ಭಾಸ್ಕರ್ಲಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಆರಂಭದಲ್ಲಿ, ಈ ರೊಮ್ಯಾಂಟಿಕ್ ಆಕ್ಷನ್ ಥ್ರಿಲ್ಲರ್ ಚಿತ್ರವು ಡಿಸೆಂಬರ್ 25, 2025 ರಂದು ದೊಡ್ಡ ಪರದೆಯ ಮೇಲೆ ಬರಲಿದೆ ಎಂದು ನಿರೀಕ್ಷಿಸಲಾಗಿತ್ತು, ಆದರೆ ನಂತರ ಅದನ್ನು ಮಾರ್ಚ್ 19, 2026 ಕ್ಕೆ ಮುಂದೂಡಲಾಯಿತು ಮತ್ತು ನಂತರ ಮತ್ತೊಮ್ಮೆ ಏಪ್ರಿಲ್ 10, 2026 ಕ್ಕೆ ಮುಂದೂಡಲಾಯಿತು.

ಇದನ್ನೂ ಓದಿ: DKD Winner: ದೀಶಲ್-ಸಿದ್ದೇಗೌಡರ ಕೈ ಸೇರಿತು 'ಪವರ್ ಸ್ಟಾರ್ ಟ್ರೋಫಿ'! ಗ್ರ್ಯಾಂಡ್ ಫಿನಾಲೆಯ ಗಮ್ಮತ್ತು ಹೇಗಿತ್ತು?

ಅಡಿವಿ ಶೇಷ್ ಟಾಲಿವುಡ್‌ನಲ್ಲಿ ವಿಭಿನ್ನ ಕಥೆಗಳನ್ನು ಹೊಂದಿರುವ ಚಿತ್ರಗಳನ್ನು ಮಾಡುತ್ತಿದ್ದಾರೆ. ಕ್ಷಣಂ, ಗುಡಾಚಾರಿ, ಮೇಜರ್, ಹಿಟ್ 2 ನಂತಹ ಚಿತ್ರಗಳು ಬ್ಲಾಕ್‌ಬಸ್ಟರ್ ಆಗಿವೆ.