R Madhavan -Kangana : ದಶಕದ ನಂತರ ಮತ್ತೆ ಒಂದಾದ ತನು-ಮನು; ಹೊಸ ಕಥೆಯೊಂದಿಗೆ ತೆರೆ ಮೇಲೆ ಬರಲಿದ್ದಾರೆ ಕಂಗನಾ- ಮಾಧವನ್‌

ಮುಂಬೈ: ‘ತನು ವೆಡ್ಸ್ ಮನು’ (Tanu Weds Manu) ಮತ್ತು ಅದರ ಸೀಕ್ವೆಲ್‌ನಲ್ಲಿ ತಮ್ಮ ಜಬರ್ದಸ್ತ್ ಕೆಮಿಸ್ಟ್ರಿ ಮೂಲಕ ಅಭಿಮಾನಿಗಳ ಹೃದಯ ಗೆದ್ದಿದ್ದ ಕಂಗನಾ ರಣಾವತ್ (Kangana Ranaut ) ಮತ್ತು ಆರ್. ಮಾಧವನ್ (R Madhavan), ಸುಮಾರು 9 ವರ್ಷಗಳ ಬಳಿಕ ಮತ್ತೆ ಒಟ್ಟಿಗೆ ತೆರೆ ಹಂಚಿಕೊಂಡಿದ್ದಾರೆ. ಇವರ ಅಪ್ ಕಮಿಂಗ್ ಸಿನಿಮಾ ‘ಸರ್ಕಲ್’( Circle) ಸಸ್ಪೆಂಸ್-ಥ್ರಿಲ್ಲರ್ ಆಗಿದ್ದು, ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಕೆರಳಿಸಿದೆ.

ಹೌದು ‘ತನು ವೆಡ್ಸ್​ ಮನು’ ಸಿನಿಮಾ 2011ರಲ್ಲಿ ಬಿಡುಗಡೆಯಾಗಿ ಸೂಪರ್​ ಹಿಟ್​ ಆಗಿತ್ತು. ಆ ಬಳಿಕ ಅದೇ ಸಿನಿಮಾಗೆ ಸೀಕ್ವೆಲ್​ ಸಿದ್ಧವಾಯಿತು. ‘ತನು ವೆಡ್ಸ್​ ಮನು ರಿಟರ್ನ್ಸ್​’ ಸಿನಿಮಾ 2015ರಲ್ಲಿ ಬಿಡುಗಡೆ ಆಯಿತು. ಈಗ 10 ವರ್ಷಗಳ ಬಳಿಕ ಹೊಸ ಸಿನಿಮಾಗಾಗಿ ಆರ್​. ಮಾಧವನ್​ ಮತ್ತು ಕಂಗನಾ ರಣಾವತ್​ ಅವರು ಒಂದಾಗುತ್ತಿದ್ದಾರೆ. ಈ ಬಾರಿ ಅವರು ನಟಿಸುವ ಸಿನಿಮಾ ಯಾವ ರೀತಿ ಇದೆ ಎಂಬುದನ್ನು ತಿಳಿದುಕೊಳ್ಳುವ ಕುತೂಹಲ ಮೂಡಿದೆ.

ವರದಿ ಪ್ರಕಾರ, ‘ಸರ್ಕಲ್’ ಪ್ಯಾನ್-ಇಂಡಿಯಾ ಚಿತ್ರವಾಗಿದ್ದು, ಹಿಂದಿ, ತಮಿಳು ಮತ್ತು ತೆಲುಗಿನಲ್ಲಿ ಏಕಕಾಲದಲ್ಲಿ ಚಿತ್ರೀಕರಣಗೊಂಡಿದೆ. ಅಲ್ಲದೆ, ಸುಮಾರು ಒಂದು ವರ್ಷದಿಂದ ಚಿತ್ರೀಕರಣ ನಡೆಯುತ್ತಿದ್ದು, ಸದ್ಯ ಕೊನೆಯ ಹಂತದಲ್ಲಿದೆ. ಇದರ ಸಸ್ಪೆಂಸ್ ದೃಶ್ಯಗಳನ್ನು ಹೈದರಾಬಾದ್‌ನ ಜೂಬಿಲಿ ಹಿಲ್ಸ್‌ನ ಕ್ಲಬ್ ಇಲ್ಯೂಷನ್‌ನಲ್ಲಿ ಚಿತ್ರೀಕರಿಸಲಾಗಿದೆ.

ಈ ಸುದ್ದಿಯನ್ನು ಓದಿ: Viral News: ಮಾಲಕಿಯನ್ನು ಪ್ರಾಣಾಪಾಯದಿಂದ ಕಾಪಾಡಿದ ಬೆಕ್ಕುಗಳು; ಸಿಸಿಟಿವಿ ವಿಡಿಯೋ ವೈರಲ್

ಅಷ್ಟೇ ಅಲ್ಲದೇ, ಈ ಥ್ರಿಲ್ಲರ್ ಚಿತ್ರವನ್ನು ಊಟಿ, ಜೈಪುರ, ಚೆನ್ನೈ ಮತ್ತು ಹೈದರಾಬಾದ್‌ನಂತಹ ಭಾರತದ ವಿವಿಧ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದೆ. ಟ್ರೈಡೆಂಟ್ ಆರ್ಟ್ಸ್‌ನ ರವೀಂದ್ರನ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರದ ಶೀರ್ಷಿಕೆಯನ್ನು ಇದೀಗ ಫೈನಲ್ ಮಾಡಿದ್ದು, ಕಂಗನಾ ರಣಾವತ್‌ ಜನಪ್ರಿಯತೆಯನ್ನು ದಕ್ಷಿಣ ರಾಜ್ಯಗಳಲ್ಲಿ ಶ್ಲಾಘಿಸಿದ್ದಾರೆ. ಇನ್ನೂ ಈ ಚಿತ್ರವು ಸಿನಿ ಪ್ರಿಯರಿಗೆ ಹೊಸ ಅನುಭವ ನೀಡಲಿದೆ ಎಂದಿದ್ದಾರೆ.

‘ಸರ್ಕಲ್’ ಚಿತ್ರ ಪಾತ್ರಗಳು ಮತ್ತು ಕಥಾವಸ್ತುವಿನ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಹಾಗೂ ಹಿಂದೆ ರೊಮ್ಯಾಂಟಿಕ್ ಜೋಡಿಯಾಗಿ ಮಿಂಚಿದ್ದ ಕಂಗನಾ, ಮಾಧವನ್ ಈ ಚಿತ್ರದಲ್ಲಿ‌ ಭಿನ್ನವಾ ಪಾತ್ರಗಳ ಮೂಲಕ ರೋಮಾಂಚಕ ಅನುಭವ ನೀಡಲಿದ್ದಾರೆ. ಇನ್ನೂ ಚಿತ್ರದ ನಿರ್ಮಾಪಕರು ಈ ವರ್ಷದ ದಸರಾ ಸಂದರ್ಭದಲ್ಲಿ ‘ಸರ್ಕಲ್’ ಬಿಡುಗಡೆ ಮಾಡಲು ಮುಹೂರ್ತ ಫಿಕ್ಸ್ ಮಾಡಿದ್ದಾರೆ.