Year Ender 2025: ಭಾರತದ ಜನಪ್ರಿಯ ಟಾಪ್‌ 10 ಸಿನಿಮಾಗಳನ್ನು ಘೋಷಿಸಿದ IMDb; ʻಕಾಂತಾರ ಚಾಪ್ಟರ್‌ 1ʼ ಚಿತ್ರಕ್ಕೆ 4ನೇ ಸ್ಥಾನ, ಮೊದಲ ಸ್ಥಾನ ಯಾರಿಗೆ?

IMDb Most Popular Indian Movies of 2025: ವರ್ಷಾಂತ್ಯದ ಹಿನ್ನೆಲೆಯಲ್ಲಿ ಇಂಟರ್ನೆಟ್ ಮೂವಿ ಡೇಟಾಬೇಸ್ (IMDb) 2025ರ ಭಾರತದ ಅತ್ಯಂತ ಜನಪ್ರಿಯ ಟಾಪ್ 10 ಸಿನಿಮಾಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ ಹೊಂಬಾಳೆ ಫಿಲ್ಮ್ಸ್‌ ಸಂಸ್ಥೆಯ ಕನ್ನಡದ ಬಹುನಿರೀಕ್ಷಿತ ಚಿತ್ರಗಳಾದ ʻಮಹಾವತಾರ್ ನರಸಿಂಹʼಕ್ಕೆ 2ನೇ ಸ್ಥಾನ, ಮತ್ತು ʻಕಾಂತಾರ: ಚಾಪ್ಟರ್‌ 1ʼಗೆ 4ನೇ ಸ್ಥಾನ ದೊರೆತಿದೆ.

2025ರ ಭಾರತದ ಟಾಪ್‌ 10 ಚಿತ್ರಗಳನ್ನ ಘೋಷಿಸಿದ IMDb; ಕಾಂತಾರಗೆ ಯಾವ ಸ್ಥಾನ?

Avinash GR Dec 10, 2025 1:47 PM

ಇನ್ನೇನು ಕೆಲವೇ ದಿನಗಳಲ್ಲಿ 2025ರ ವರ್ಷ ಮುಕ್ತಾಯವಾಗುತ್ತಿದೆ. ಸದ್ಯ ಇಂಟರ್ನೆಟ್ ಮೂವಿ ಡೇಟಾಬೇಸ್ ಸಂಸ್ಥೆಯು (IMDb) ಈ ವರ್ಷದ ಜನಪ್ರಿಯ ಸಿನಿಮಾಗಳನ್ನು ಪಟ್ಟಿ ಮಾಡಿದೆ. ಭಾರತದ ವಿವಿಧ ಭಾಷೆಗಳ ಸಿನಿಮಾಗಳ ಟಾಪ್‌ 10 ಪಟ್ಟಿಯನ್ನು ಐಎಂಡಿಬಿ ಬಿಡುಗಡೆ ಮಾಡಿದ್ದು, ಅದರಲ್ಲಿ ಕನ್ನಡದ ಹೊಂಬಾಳೆ ಫಿಲ್ಮ್ಸ್‌ ಸಂಸ್ಥೆಯ ʻಕಾಂತಾರ: ಚಾಪ್ಟರ್‌ 1ʼ ಸಿನಿಮಾಕ್ಕೆ 4ನೇ ಸ್ಥಾನ ಸಿಕ್ಕಿದೆ. ಇದೇ ಸಂಸ್ಥೆಯ ʻಮಹಾವತಾರ್ ನರಸಿಂಹʼ ಸಿನಿಮಾ 2ನೇ ಸ್ಥಾನ ಪಡೆದುಕೊಂಡಿದೆ.

ಹಾಗಾದರೆ, ಮೊದಲ ಸ್ಥಾನ ಯಾರಿಗೆ?

ಯಶ್‌ ರಾಜ್‌ ಫಿಲ್ಮ್ಸ್‌ ನಿರ್ಮಾಣ ಮಾಡಿದ್ದ ʻಸೈಯಾರಾʼ ಚಿತ್ರವು 2025 ರ ಟಾಪ್ 10 ಭಾರತೀಯ ಅತ್ಯಂತ ಜನಪ್ರಿಯ ಚಲನಚಿತ್ರಗಳು ಎಂಬ ಪಟ್ಟಿಯಲ್ಲಿ ಮೊದಲನೇ ಸ್ಥಾನದಲ್ಲಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ʻಸೈಯಾರಾʼ ನಿರ್ಮಾಪಕ ಮತ್ತು ಯಶ್ ರಾಜ್ ಫಿಲ್ಮ್ಸ್‌ನ ಸಿಇಒ ಆದ ಅಕ್ಷಯ್ ವಿಧನಿ, "IMDb 2025 ರ ಪಟ್ಟಿಯಲ್ಲಿ ಸೈಯಾರಾ ಅತ್ಯಂತ ಜನಪ್ರಿಯ ಭಾರತೀಯ ಚಲನಚಿತ್ರವೆಂದು ಹೆಸರಿಸಲ್ಪಟ್ಟಿರುವುದು ನಮಗೆಲ್ಲರಿಗೂ ಹೆಮ್ಮೆಯ ಕ್ಷಣವಾಗಿದೆ. ಈ ಚಲನಚಿತ್ರವು ಹೊಸ ಮಾನದಂಡಗಳನ್ನು ಮಾತ್ರ ಹೊಂದಿಸಿಲ್ಲ, ಆದರೆ ಭೌಗೋಳಿಕತೆ, ವಯಸ್ಸು ಮತ್ತು ಸಂಸ್ಕೃತಿಯನ್ನು ಮೀರಿ ಭಾರತ ಮತ್ತು ಪ್ರಪಂಚದಾದ್ಯಂತದ ಪ್ರೇಕ್ಷಕರೊಂದಿಗೆ ಸಂಪರ್ಕ ಸಾಧಿಸಿದೆ. ಇದು YRF ಮತ್ತು ಉದ್ಯಮಕ್ಕೆ ಅತ್ಯಂತ ಪ್ರತಿಷ್ಠಿತ ಚಲನಚಿತ್ರಗಳಲ್ಲಿ ಒಂದಾಗಿದೆ ಎಂದು ನಾವು ಕೃತಜ್ಞರಾಗಿದ್ದೇವೆ. ನಿರ್ದೇಶಕ ಮೋಹಿತ್ ಸೂರಿ ಅವರ ಸ್ಪಷ್ಟ ದೃಷ್ಟಿ ಮತ್ತು ಆಳವಾದ ಭಾವನೆಯನ್ನು ಚಿತ್ರಕ್ಕೆ ತಂದರು, ಅಹಾನ್ ಪಾಂಡೆ ಮತ್ತು ಅನೀತ್ ಪಡ್ಡಾ ಅವರು ವಿಶ್ವಾಸಾರ್ಹ, ಪ್ರಾಮಾಣಿಕ ಚೊಚ್ಚಲ ಪ್ರದರ್ಶನಗಳನ್ನು ನೀಡಿದರು, ಅದು ವಿಶ್ವಾದ್ಯಂತದ ಪ್ರೇಕ್ಷಕರೊಂದಿಗೆ ತಕ್ಷಣವೇ ಸಂಪರ್ಕ ಸಾಧಿಸಿತು" ಎಂದು ಹೇಳಿದ್ದಾರೆ.

Kantara Chapter 1 collection: ಗಳಿಕೆಯಲ್ಲಿ ಹೊಸ ದಾಖಲೆ ಬರೆದ ಕಾಂತಾರ ಚಾಪ್ಟರ್‌ 1! ಕಾಂತಾರ, ಕೆಜಿಎಫ್‌ ದಾಖಲೆ ಉಡೀಸ್

ಐಎಂಡಿಬಿ ಹೇಳಿದ್ದೇನು?

"2025ರ ಅತ್ಯಂತ ಜನಪ್ರಿಯ ಭಾರತೀಯ ಚಲನಚಿತ್ರಗಳು ಮತ್ತು ಸರಣಿಗಳ ಪಟ್ಟಿಗಳು ಭಾರತೀಯ ನಿರ್ಮಾಪಕರ ಧೈರ್ಯ ಮತ್ತು ಹೊಸತನವನ್ನು ಪ್ರದರ್ಶಿಸುತ್ತವೆ. ಪ್ರಣಯದಿಂದ ಹಿಡಿದು ಅನಿಮೇಷನ್, ಸೂಪರ್‌ಹೀರೋ ಸಿನಿಮಾಗಳಿಂದ ಹಿಡಿದು ವಿಡಂಬನೆಯವರೆಗೆ ವೈವಿಧ್ಯಮಯ ಕಥೆ ಹೇಳುವ ಶೈಲಿಯು ಉದ್ಯಮದ ಉತ್ಸಾಹವನ್ನು ಇದು ಪ್ರತಿಬಿಂಬಿಸುತ್ತದೆ. ವಿಶಿಷ್ಟವಾದ ಭಾರತೀಯ ಕಥೆಗಳು ಮತ್ತು ಸಾಂಸ್ಕೃತಿಕ ನಿರೂಪಣೆಗಳು ವಿಶ್ವದ ಪ್ರೇಕ್ಷಕರಿಗೆ ಇಷ್ಟವಾಗುತ್ತಿರುವುದು ವಿಶೇಷವಾಗಿ ರೋಮಾಂಚನಕಾರಿಯಾಗಿದೆ" ಎಂದು IMDb ಇಂಡಿಯಾದ ಮುಖ್ಯಸ್ಥೆ ಯಾಮಿನಿ ಪಟೋಡಿಯಾ ಹೇಳಿದ್ದಾರೆ.