ದಕ್ಷಿಣ ಭಾರತಕ್ಕಾಗಿ 25 ಪ್ರಾಜೆಕ್ಟ್‌ಗಳನ್ನು ಘೋಷಿಸಿದ ಜಿಯೋ ಹಾಟ್‌ಸ್ಟಾರ್‌; 4 ಸಾವಿರ ಕೋಟಿ ರೂ. ಹೂಡಿಕೆ ಮಾಡುವ ದೊಡ್ಡ ಪ್ಲ್ಯಾನ್!‌

JioHotstar: ದಕ್ಷಿಣ ಭಾರತದ ಮನರಂಜನಾ ಕ್ಷೇತ್ರಕ್ಕೆ ಜಿಯೋಹಾಟ್‌ಸ್ಟಾರ್ ಸಂಸ್ಥೆಯು ಮುಂದಿನ ಐದು ವರ್ಷಗಳಲ್ಲಿ 4,000 ಕೋಟಿ ರೂ. ಹೂಡಿಕೆ ಮಾಡುವುದಾಗಿ ಘೋಷಿಸಿದೆ. ಜಿಯೋಸ್ಟಾರ್ ಸಂಸ್ಥೆಯು ಕನ್ನಡ, ತಮಿಳು, ತೆಲುಗು ಮತ್ತು ಮಲಯಾಳಂನಲ್ಲಿ ಒಟ್ಟು 25 ಹೊಸ ಶೋಗಳ ಪಟ್ಟಿಯನ್ನು ಅನಾವರಣಗೊಳಿಸಿದೆ.

JioHotstar: ದಕ್ಷಿಣ ಭಾರತದ ಮನರಂಜನಾ ಕ್ಷೇತ್ರಕ್ಕೆ 4000 ಕೋಟಿ ರೂ. ಹೂಡಿಕೆ

Avinash GR Dec 9, 2025 8:50 PM

ದಕ್ಷಿಣ ಭಾರತದ ಮನರಂಜನೆ ಉದ್ಯಮದ ಸೃಜನಾತ್ಮಕ ಆರ್ಥಿಕತೆಯನ್ನು ಉತ್ತೇಜಿಸಲು ಜಿಯೋಹಾಟ್‌ಸ್ಟಾರ್ ಸಂಸ್ಥೆಯ ಪೋಷಕ ಕಂಪನಿ ಜಿಯೋಸ್ಟಾರ್ ಸಂಸ್ಥೆಯು ಹೊಸ ಯೋಜನೆ ಹಾಕಿಕೊಂಡಿದೆ. ಮುಂದಿನ ಐದು ವರ್ಷಗಳಲ್ಲಿ ದಕ್ಷಿಣ ಭಾರತದ ಎಂಟರ್‌ಟೇನ್‌ಮೆಂಟ್‌ ಕ್ಷೇತ್ರದಲ್ಲಿ 4 ಸಾವಿರ ಕೋಟಿ ರೂ. ಹೂಡಿಕೆ ಮಾಡುವುದಾಗಿ ಘೋಷಿಸಿದೆ.

ಶೋ ಲಿಸ್ಟ್‌ ಅನೌನ್ಸ್‌ ಮಾಡಿದ ಉದಯನಿಧಿ ಸ್ಟಾಲಿನ್

ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ತಮಿಳುನಾಡಿನ ಉಪ ಮುಖ್ಯಮಂತ್ರಿ ಉದಯನಿಧಿ ಸ್ಟಾಲಿನ್, ಕಮಲ್‌ ಹಾನಸ್‌ ಮುಂತಾದ ಗಣ್ಯರು ಹಾಜರಿದ್ದರು. ಇದೇ ವೇದಿಕೆಯಲ್ಲಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಗಳ ಬಿಗ್‌ ಬಾಸ್‌ ಶೋಗಳನ್ನು ಒಳಗೊಂಡಂತೆ, 25 ಶೋಗಳ ಹೆಸರುಗಳನ್ನು ಉಪ ಮುಖ್ಯಮಂತ್ರಿ ಉದಯನಿಧಿ ಸ್ಟಾಲಿನ್ ಅನಾವರಣ ಮಾಡಿದ್ದಾರೆ. ‌

Reliance Jio: ಈ ಬಾರಿ ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಉಚಿತವಾಗಿ ಆನಂದಿಸಿ ಐಪಿಎಲ್

ಜಿಯೋ ಸ್ಟಾರ್‌ ಟೀಮ್‌ ಹೇಳಿದ್ದೇನು?

ಈ ವೇಳೆ ಮಾತನಾಡಿರುವ ಜಿಯೋಸ್ಟಾರ್‌ನ SVOD ಬ್ಯುಸಿನೆಸ್‌ ಹೆಡ್‌ ಹಾಗೂ ಚೀಫ್‌ ಮಾರ್ಕೆಟಿಂಗ್‌ ಆಫೀಸರ್ ಸುಶಾಂತ್ ಶ್ರೀರಾಮ್, "ನಾಳೆಯ ಮನರಂಜನೆಗೆ ಅಡಿಪಾಯ ಹಾಕಬೇಕು ಎಂಬ ಕನಸಿನೊಂದಿಗೆ ಜಿಯೋ ಹಾಟ್‌ಸ್ಟಾರ್ ಆರಂಭವಾಯಿತು. ನಮ್ಮ ದೇಶದ ಶ್ರೀಮಂತ ಕಥಾ ಪರಂಪರೆ, ಅದರ ಬಹು ಮುಖಗಳು ಮತ್ತು ಅಳಿಯದ ಸಂಸ್ಕೃತಿಗೆ, ಅತ್ಯುನ್ನತ ತಂತ್ರಜ್ಞಾನದ ಮೂಲಕ, ಭಾರತೀಯ ಮನರಂಜನೆಗಾಗಿ ಡೀಫಾಲ್ಟ್ ಗುರಿಯಾಯಿರುವ ವೇದಿಕೆಯನ್ನು ಕಟ್ಟುವ ಕನಸು ಇದಾಗಿದೆ. ದಕ್ಷಿಣ ಭಾರತದ ಅದ್ಭುತ ಕಥೆ ಹೇಳುವ ಪರಂಪರೆ ಮತ್ತು ಅದು ಭಾರತದ ಸಮಗ್ರ ಕಥಾ ಸಂಸ್ಕೃತಿಯ ಮೇಲೆ ಬೀರಿರುವ ಅಪಾರ ಪ್ರಭಾವ, ಇವೆಲ್ಲವೂ ನಮಗೆ ಇನ್ನೂ ಶ್ರೀಮಂತ, ನೈಜ ಮೂಲಕ್ಕೆ ನಿಷ್ಠವಾಗಿರುವ ಕಥಾನಕಗಳನ್ನು ಬೆಂಬಲಿಸಲು ಪ್ರೇರಣೆ ನೀಡುತ್ತವೆ" ಎಂದು ಹೇಳಿದ್ದಾರೆ. ಅಂದಹಾಗೆ, ಜಿಯೋ ಹಾಟ್‌ಸ್ಟಾರ್‌ನ ಹೊಸ ಶೋಗಳ ಪಟ್ಟಿ ಇಲ್ಲಿದೆ ನೋಡಿ.