Dali Dhananjay: ಭರ್ಜರಿ ಬ್ಯಾಚುಲರ್ಸ್​​ನಲ್ಲಿ ಸುಕೃತಾ ಜೊತೆ ಡಾಲಿ ಧನಂಜಯ್ ಭರ್ಜರಿ ಡ್ಯಾನ್ಸ್

ಝೀ ಕನ್ನಡದಲ್ಲಿ ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 9 ಗಂಟೆಗೆ ಭರ್ಜರಿ ಬ್ಯಾಚ್ಯುಲರ್ಸ್ ಸೀಸನ್​ 2 (Bharjari bachelors season 2) ಪ್ರಸಾರವಾಗುತ್ತಿದೆ. ಈ ಶೋಗೆ ಅಮೋಘ ರೆಸ್ಪಾನ್ಸ್ ಕೇಳಿಬರುತ್ತಿದೆ. ಹತ್ತು ಬ್ಯಾಚುಲರ್ಸ್​ಗೆ ಹತ್ತು ಸುಂದರಿಯರು ಮೆಂಟರ್ಸ್ ಆಗಿದ್ದಾರೆ. ಈ ವಾರ ಕೂಡ ಭರ್ಜರಿ ಬ್ಯಾಚ್ಯುಲರ್ಸ್​ನಲ್ಲಿ ಡಬಲ್ ಮನರಂಜನೆ ಇದೆ. ಈ ವಾರ ಬ್ಯಾಚುಲರ್ಸ್​ಗಳಿಗೆ ಲವ್​ ಕೆಮಿಸ್ಟ್ರಿ ರೌಂಡ್ ಎಂಬ ಹೊಸ ಚಾಲೆಂಜ್ ನೀಡಲಾಗಿದೆ. ಬ್ಯಾಚುಲರ್ಸ್ ಮತ್ತು ಏಂಜಲ್ಸ್ ಒಬ್ಬರನ್ನೊಬ್ಬರು ಎಷ್ಟು ಅರ್ಥ ಮಾಡ್ಕೊಂಡಿದ್ದಾರೆ ಎಂಬುದು ಈ ರೌಂಡ್ ಮೂಲಕ ಗೊತ್ತಾಗಲಿದೆ.

ವಿಶೇಷ ಎಂದರೆ ಈ ವಾರ ಭರ್ಜರಿ ಬ್ಯಾಚ್ಯುಲರ್ಸ್ ಶೋಗೆ ಸಿನಿಮಾದ ಪ್ರಚಾರಕ್ಕಾಗಿ ನಟ ಡಾಲಿ ಧನಂಜಯ ತಂಡ ಭಾಗಿಯಾಗಿದೆ. ಡಾಲಿ ಧನಂಜಯ ಅವರ ಡಾಲಿ ಪಿಕ್ಚರ್ಸ್‌ ಪ್ರೊಡಕ್ಷನ್‌ ಬ್ಯಾನರ್‌ ಅಡಿಯಲ್ಲಿ ನಟ ನಾಗಭೂಷಣ್‌ ಮತ್ತು ಮಲೈಕಾ ಟಿ ವಸುಪಾಲ್‌ ನಟನೆಯ ವಿದ್ಯಾಪತಿ ಸಿನಿಮಾ ಗುರುವಾರ (ಏ. 10) ರಾಜ್ಯಾದ್ಯಂತ ಅದ್ಧೂರಿಯಾಗಿ ರಿಲೀಸ್ ಆಗಿದೆ. ಹೀಗಾಗಿ ಈ ಚಿತ್ರತಂಡ ಪ್ರಚಾರಕ್ಕಾಗಿ ಈ ಶೋಗೆ ಆಗಮಿಸಿದೆ.

ಭರ್ಜರಿ ಬ್ಯಾಚುಲರ್ಸ್ ವೇದಿಕೆಗೆ ಬಂದಿದ್ದ ಡಾಲಿ ಧನಂಜಯ್ ಭರ್ಜರಿ ಡ್ಯಾನ್ಸ್​ ಮಾಡಿದ್ದಾರೆ. ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಸಖತ್ ಫೇಮಸ್​ ಆಗಿದ್ದ ಮತ್ತು ಈಗ ಭಾಗ್ಯಲಕ್ಷ್ಮೀ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿರುವ ಸುಕೃತಾ ನಾಗ್​ ಜೊತೆಗೆ ಧನಂಜಯ್ ಡ್ಯಾನ್ಸ್​ ಮಾಡಿದ್ದಾರೆ. ಡಾಲಿ ಮಸ್ತ್​​ ಡ್ಯಾನ್ಸ್​ ನೋಡುತ್ತಿದ್ದಂತೆ ನಾಗಭೂಷಣ್ ಈ ತರ ಡ್ಯಾನ್ಸ್ ಮಾಡ್ತಾನೆ ಅಂತ ಗೊತ್ತಿರಲಿಲ್ಲ ಅಂತ ಹೇಳಿದ್ದಾರೆ.

ಸುಕೃತಾ ನಾಗ್‌ ಜೊತೆಗೆ ಡಾಲಿ ರೊಮ್ಯಾಂಟಿಕ್ ಹಾಡಿಗೆ ಸಖತ್‌ ಸ್ಟೆಪ್‌ ಹಾಕಿದ್ದಾರೆ. ಇವರಿಬ್ಬರ ಡ್ಯಾನ್ಸ್‌ ನೋಡಿ ಒಂದು ಕ್ಷಣ ಎಲ್ಲರೂ ಶಾಕ್‌ ಆಗಿದ್ದಾರೆ. ಅದರಲ್ಲೂ ನಾಗಭೂಷಣ್ ಮಾಡಿದ ಕಾಮಿಡಿ ಕೇಳಿ ಭರ್ಜರಿ ಬ್ಯಾಚುಲರ್ಸ್‌ ಕಾರ್ಯಕ್ರಮದ ಜಡ್ಜ್‌ಗಳಾದ ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಮತ್ತು ಡಿಂಪಲ್‌ ಕ್ವೀನ್‌ ರಚಿತಾ ರಾಮ್‌ ಸೇರಿದಂತೆ ಅಲ್ಲಿದ್ದವರೆಲ್ಲಾ ನಗೆಯ ಅಲೆಯಲ್ಲಿ ತೇಲಾಡಿದ್ದಾರೆ.

ಇನ್ನು ಈ ಶೋನಲ್ಲಿ ಡ್ರೋನ್ ಪ್ರತಾಪ್‌ ಹಾಗೂ ಗಗನಾ ಪ್ರತಿವಾರ ಭಾರೀ ಸದ್ದು ಮಾಡುತ್ತಿದ್ದಾರೆ. ಈ ಜೋಡಿ ಈ ವಾರದ ವಿಶೇಷ ರೌಂಡ್‌ನಲ್ಲಿ ಸುಂದರಿ ಸುಂದರಿ ಎನ್ನುವ ಹಾಡಿಗೆ ಹೆಜ್ಜೆ ಹಾಕಿ ಮತ್ತೊಮ್ಮೆ ಪ್ರಶಂಸೆಗೆ ಪಾತ್ರವಾಗಿದೆ. ಡ್ರೋನ್ ಪ್ರತಾಪ್ ಹಾಗೂ ಗಗನಾ ಭಾರಿ ಡಾನ್ಸ್ ಮೆಚ್ಚಿಕೊಂಡಿರುವ ತೀರ್ಪುಗಾರರು ಬೆಸ್ಟ್ ಪರ್ಫಾಮೆನ್ಸ್ ಎಂದು ಹೊಗಳಿದ್ದಾರೆ. ಮಾತ್ರವಲ್ಲ ಗಗನಾ ಕೂಡ ಡ್ರೋನ್ ಪ್ರತಾಪ್‌ರನ್ನು ಹಾಡಿ ಹೊಗಳುತ್ತಾರೆ. ಪ್ರತಾಪ್ ಮಲ್ಟಿಟ್ಯಾಲೆಂಟೆಡ್‌. ಅವರ ಬಳಿ ಎಲ್ಲಾ ರೀತಿಯ ಪ್ರತಿಭೆಗಳೂ ಇವೆ ಎಂದು ಹೊಗಳಿದ್ದಾರೆ.

Bhagya Lakshmi Serial: ಬದಲಾಗದ ಶ್ರೇಷ್ಠಾ-ತಾಂಡವ್: ಭಾಗ್ಯ ಫುಡ್ ಬ್ಯುಸಿನೆಸ್ ಮುಚ್ಚೋಕೆ ಹೊಸ ಪ್ಲ್ಯಾನ್