Batwara : ಭಾರತ ಮತ್ತು ಪಾಕಿಸ್ತಾನ ವಿಭಜನೆಯ ಕಥಾವಸ್ತು ಹೊಂದಿರುವ ʼಬಟ್ವಾರಾʼಕ್ಕೆ ʻಎʼ ಸೆರ್ಟಿಫಿಕೇಟ್

ಸನ್ನಿ ಡಿಯೋಲ್ ನಟಿಸಿ, ರಾಜ್‌ಕುಮಾರ್ ಸಂತೋಷಿ ನಿರ್ದೇಶಿಸಿರುವ ಮುಂಬರುವ ಐತಿಹಾಸಿಕ ಸಿನಿಮಾ ಬಟ್ವಾರಾ 1947 ಅನ್ನು ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (ಸಿಬಿಎಫ್‌ಸಿ) ಯಾವುದೇ ಕಟ್‌ ಇಲ್ಲಿದೆ ಸರ್ಟಿಫಿಕೇಟ್‌ ನೀಡಿದೆ. ಸನ್ನಿ (Sunny Deaol) ಸೋಮವಾರ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಇದನ್ನು ದೃಢಪಡಿಸಿದ್ದಾರೆ.

ಭಾರತ ಮತ್ತು ಪಾಕ್ ವಿಭಜನೆಯ ನಂತರ ನಡೆದ ಗಲಭೆಗಳು ಮತ್ತು ಅಶಾಂತಿಯ ಕಥಾಹಂದರ ಹೊಂದಿರುವ ಚಿತ್ರದಲ್ಲಿ ಸನ್ನಿ ಡಿಯೋಲ್ ( Sunny Deol) ಮತ್ತು ಶಬನಾ ಅಜ್ಮಿ (Shabana Azmi) ನಟಿಸಿದ್ದಾರೆ. ಅದೇ ರೀತಿಯಲ್ಲಿ ಈ ಚಿತ್ರದಲ್ಲಿ ಪ್ರೀತಿ ಜಿಂಟಾ, ಕರಣ್ ಡಿಯೋಲ್ ಮ್ತುತ ಅಭಿಮನ್ಯು ಸಿಂಗ್ ನಟಿಸಿದ್ದಾರೆ.

"ಬಟ್ವಾರಾ 1947 ಚಿತ್ರವನ್ನು ಒಂದೇ ಒಂದು ಕಟ್ ಇಲ್ಲದೆ ಸಿಬಿಎಫ್‌ಸಿ ಅನುಮೋದಿಸಿ ಎ ಪ್ರಮಾಣಪತ್ರ ನೀಡಿರುವುದು ನಮಗೆ ಸಂತೋಷ ತಂದಿದೆ. ಮಾನವೀಯತೆ ಮತ್ತು ಪ್ರೀತಿಯ ಬಗ್ಗೆ ಚಿತ್ರ. ಆಗಸ್ಟ್ 14 ರಿಂದ ಚಿತ್ರಮಂದಿರಗಳಲ್ಲಿ ವೀಕ್ಷಿಸಿ" ಎಂದು ತಂಡ ಬರೆದುಕೊಂಡಿದೆ.

ಇದನ್ನೂ ಓದಿ: Ramayana Movie: ಇದೊಂದು ಕಾರಣಕ್ಕೆ ಎರಡು ಭಾಗಗಳಲ್ಲಿ ಬರ್ತಾ ಇದೆ ರಾಮಾಯಣ!

೧೯೪೭ ರ ಬಟ್ವಾರಾ ಚಿತ್ರವು ದೇಶ ವಿಭಜನೆಯ ನಂತರ ಲಾಹೋರ್‌ಗೆ ವಲಸೆ ಬಂದು ಹಿಂದೂ ಮನೆಯನ್ನು ಆಕ್ರಮಿಸಿಕೊಂಡ ಮೊಹಾಜಿರ್ ಕುಟುಂಬವನ್ನು ಆಧರಿಸಿದೆ. ಜಿಸ್ ಲಾಹೋರ್ ನೈ ವೆಖ್ಯಾ, ಓ ಜಾಮ್ಯಾ ಎ ನೈ ಆಧರಿಸಿದ ಈ ಚಿತ್ರವು ಮನೆಯಿಂದ ಹೊರಹೋಗಲು ನಿರಾಕರಿಸುವ ವಯಸ್ಸಾದ ಹಿಂದೂ ಮಹಿಳೆ ಮತ್ತು ಮೊಹಾಜಿರ್ ಕುಟುಂಬ ಮತ್ತು ಅವಳ ನಡುವೆ ಉದ್ಭವಿಸುವ ಸಮಸ್ಯೆಗಳ ಮೇಲೆ ಕೇಂದ್ರೀಕರಿಸುತ್ತದೆ.

"ಇದು ಧರಂಜಿಯವರ ನೆಚ್ಚಿನ ಸ್ಕ್ರಿಪ್ಟ್‌ಗಳಲ್ಲಿ ಒಂದಾಗಿತ್ತು ಮತ್ತು ಅವರು ಚಿತ್ರವನ್ನು ನೋಡಲು ಸಾಧ್ಯವಾಗಿದ್ದರಿಂದ ನನಗೆ ತುಂಬಾ ಸಂತೋಷವಾಗಿದೆ" ಎಂದು ಆಮಿರ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಸನ್ನಿ ಜೊತೆಗೆ, ಈ ಚಿತ್ರದಲ್ಲಿ ಶಬಾನಾ ಅಜ್ಮಿ , ಪ್ರೀತಿ ಜಿಂಟಾ, ಕರಣ್ ಡಿಯೋಲ್, ಅಲಿ ಫಜಲ್, ಅಭಿಮನ್ಯು ಸಿಂಗ್, ಖುಷಿ ಹಜಾರೆ ಮತ್ತು ಕನಿಕಾ ಕಪೂರ್ ಕೂಡ ನಟಿಸಿದ್ದಾರೆ. ಈ ಚಿತ್ರಕ್ಕೆ ಎ.ಆರ್. ರೆಹಮಾನ್ ಸಂಗೀತ ಸಂಯೋಜಿಸಿದ್ದಾರೆ, ಜಾವೇದ್ ಅಖ್ತರ್ ಸಾಹಿತ್ಯ ಬರೆದಿದ್ದಾರೆ. ಈ ಚಿತ್ರ ಆಗಸ್ಟ್ 14 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: Amruthdhaare Serial: ಮಲ್ಲಿಯ ಖಡಕ್‌ ಎಂಟ್ರಿ! ಜೈದೇವ್ ಸಿಕ್ಕಿ ಬೀಳ್ತಾನಾ?

ಚಿತ್ರತಂಡ ‘ಲಾಹೋರ್ 1947’ ಎನ್ನುವ ಹೆಸರನ್ನು ಬದಲಿಸುವ ವಿಚಾರದಲ್ಲಿ ಸ್ಪಷ್ಟತೆ ಇತ್ತು. ಹೀಗಾಗಿ ‘ಬಟ್ವಾರ 1947’ ಎನ್ನುವ ಹೆಸರನ್ನು ಲಾಕ್ ಮಾಡಿದ್ದರು, ಆದರೆ ಅದಕ್ಕಾಗಿ ಶೀರ್ಷಿಕೆಯ ಹಕ್ಕುಗಳ ಅಗತ್ಯವಿತ್ತು. ಸ್ವತಃ ಆಮಿರ್ ಖಾನ್ ಶೀರ್ಷಿಕೆಯ ಹಕ್ಕುಗಳನ್ನು ಹೊಂದಿದ್ದ ಸಲೀಂ ಅಖ್ತರ್ ಕುಟುಂಬವನ್ನು ಭೇಟಿ ಮಾಡಿ ಹಕ್ಕುಗಳನ್ನು ಪಡೆದರು.