114 ರಫೇಲ್ ಜೆಟ್ ಖರೀದಿಗೆ ಮುಂದಾದ ಭಾರತ: ಫ್ರಾನ್ಸ್ನೊಂದಿಗೆ 3.25 ಲಕ್ಷ ಕೋಟಿ ರೂಪಾಯಿಗಳ ಬೃಹತ್ ಒಪ್ಪಂದ
ಭಾರತೀಯ ಸೇನೆಯ ಬಲ ಹೆಚ್ಚಿಸಲು ಇದೀಗ ಫ್ರಾನ್ಸ್ನೊಂದಿಗೆ ಬೃಹತ್ ಒಪ್ಪಂದಕ್ಕೆ ಭಾರತ ಮುಂದಾಗಿದೆ. 3.25 ಲಕ್ಷ ಕೋಟಿ ರೂಪಾಯಿಗಳ ಈ ಒಪ್ಪಂದದಲ್ಲಿ ಒಟ್ಟು 114 ರಫೇಲ್ ಜೆಟ್ಗಳನ್ನು ಪಡೆಯಲು ಭಾರತ ಸಿದ್ಧತೆ ನಡೆಸುತ್ತಿದೆ. ಈ ಒಪ್ಪಂದವು ಭಾರತೀಯ ವಾಯು ಸೇನೆಯ ಸಾಮರ್ಥ್ಯವನ್ನು ಹೆಚ್ಚಿಸಲಿದೆ.
ಸಂಗ್ರಹ ಚಿತ್ರ -
ನವದೆಹಲಿ: ಫ್ರಾನ್ಸ್ನೊಂದಿಗೆ (france) ಭಾರತ ಈಗ ಬೃಹತ್ ಒಪ್ಪಂದಕ್ಕೆ (Rafale jets deal) ಮುಂದಾಗಿದೆ. ಈ ಒಪ್ಪಂದದ ಪ್ರಕಾರ ಒಟ್ಟು 114 ರಫೇಲ್ ಜೆಟ್ಗಳನ್ನು (rafale jets) ಪಡೆಯಲು ಭಾರತ ಸಿದ್ಧತೆ ನಡೆಸುತ್ತಿದೆ. 3.25 ಲಕ್ಷ ಕೋಟಿ ರೂಪಾಯಿಗಳ ಈ ಬೃಹತ್ ಒಪ್ಪಂದವು ಭಾರತೀಯ ವಾಯು ಸೇನೆಯ ಸಾಮರ್ಥ್ಯವನ್ನು ಹೆಚ್ಚಿಸಲಿದೆ. ಒಪ್ಪಂದವನ್ನು ಅಂತಿಮಗೊಳಿಸುವ ಸಲುವಾಗಿ ಭಾರತೀಯ ವಾಯುಪಡೆಯ (Indian Air Force) ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಅಮರ್ ಪ್ರೀತ್ ಸಿಂಗ್ (Air Chief Marshal Amar Preet Singh) ಅವರು ಜೂನ್ 1 ರಂದು ಫ್ರಾನ್ಸ್ಗೆ ತೆರಳಿದ್ದಾರೆ.
114 ರಫೇಲ್ ಯುದ್ಧ ವಿಮಾನಗಳನ್ನು ಖರೀದಿ ಮಾಡಲು ಭಾರತವು ಫ್ರಾನ್ಸ್ಗೆ ವಿನಂತಿ ಪತ್ರವನ್ನು ಕಳುಹಿಸಿದೆ. ಪ್ರಸ್ತಾವಿತ ಈ ಒಪ್ಪಂದವು ಭಾರತೀಯ ವಾಯುಸೇನೆಯ ಸಾಮರ್ಥ್ಯ ಮತ್ತು ದೇಶೀಯ ಏರೋಸ್ಪೇಸ್ ಉತ್ಪಾದನೆಯನ್ನು ಹೆಚ್ಚಿಸಲಿದೆ. ಈ ಒಪ್ಪಂದಡಿಯಲ್ಲಿ ಭಾರತದ ವಾಯುಸೇನೆ ಮತ್ತು ನೌಕಾ ಸೇನೆಯ ಬಲ ಹೆಚ್ಚಾಗಲಿದೆ. ಇದರೊಂದಿಗೆ ಭಾರತ ಮತ್ತು ಫ್ರಾನ್ಸ್ ನಡುವಿನ ರಕ್ಷಣಾ ಸಂಬಂಧಗಳು ಮತ್ತಷ್ಟು ಸದೃಢವಾಗಲಿದೆ.
ಬ್ಲೂಟೂತ್ ಹೆಸರಿನಿಂದ ಹರಡಿದ ‘ಬಾಂಬ್’ ಭೀತಿ: ಅಮೆರಿಕಕ್ಕೆ ವಾಪಸ್ ಬಂದ ಸ್ಪೇನ್ಗೆ ಹೊರಟ ವಿಮಾನ
ಸುಮಾರು 3.25 ಲಕ್ಷ ಕೋಟಿ ರೂಪಾಯಿಗಳ ಮೌಲ್ಯದ ಈ ಒಪ್ಪಂದದಲ್ಲಿ ಒಟ್ಟು 114 ಡಸ್ಸಾಲ್ಟ್ ರಫೇಲ್ ಬಹು-ಪಾತ್ರ ಯುದ್ಧ ವಿಮಾನಗಳನ್ನು ಖರೀದಿಸಲಾಗುತ್ತದೆ. ಇದಕ್ಕಾಗಿ ಫ್ರಾನ್ಸ್ಗೆ ವಿನಂತಿ ಪತ್ರವನ್ನು ಅಂತಿಮಗೊಳಿಸಲಾಗಿದೆ. ಈ ಮೂಲಕ ಭಾರತವು ತನ್ನ ವಾಯು ಯುದ್ಧ ಸಾಮರ್ಥ್ಯಗಳನ್ನು ಬಲಪಡಿಸುವಲ್ಲಿ ಒಂದು ಮಹತ್ವದ ಹೆಜ್ಜೆಯನ್ನಿರಿಸಿದೆ.
ಈ ಒಪ್ಪಂದದಡಿಯಲ್ಲಿ ಮಾತುಕತೆಗಾಗಿ ಮುಂಬರುವ ವಾರಗಳಲ್ಲಿ ನಿಯೋಗವೊಂದು ಫ್ರಾನ್ಸ್ಗೆ ತೆರಳುವ ಸಾಧ್ಯತೆ ಇದೆ. ಇದಕ್ಕೂ ಮೊದಲೇ ಭಾರತೀಯ ವಾಯುಪಡೆಯ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಅಮರ್ ಪ್ರೀತ್ ಸಿಂಗ್ ಅವರು ಜೂನ್ 1ರಂದು ಫ್ರಾನ್ಸ್ಗೆ ತೆರಳಿದ್ದಾರೆ. ಮೂರು ದಿನಗಳ ಈ ಪ್ರವಾಸದಲ್ಲಿ ಅವರು ಒಪ್ಪಂದದ ಕುರಿತು ಮಾತುಕತೆ ಆರಂಭಿಸಲಿದ್ದಾರೆ. ಹೆಚ್ಚುವರಿ ರಫೇಲ್ ಯುದ್ಧವಿಮಾನಗಳ ಖರೀದಿಯೊಂದಿಗೆ ನವದೆಹಲಿ ತನ್ನ ಅತಿದೊಡ್ಡ ರಕ್ಷಣಾ ಖರೀದಿ ನಡೆಸುತ್ತಿರುವುದನ್ನು ಸಂಪೂರ್ಣ ವಿಶ್ವವೇ ಗಮನಿಸುತ್ತಿದೆ.
ಈ ಒಪ್ಪಂದದ ಪ್ರಕಾರ 114 ರಫೇಲ್ ಜೆಟ್ಗಳಲ್ಲಿ ಸುಮಾರು 90 ಅನ್ನು ಡಸಾಲ್ಟ್ ಏವಿಯೇಷನ್ ಮತ್ತು ಸರ್ಕಾರದ ಮೇಕ್ ಇನ್ ಇಂಡಿಯಾ ಯೋಜನೆಯಡಿಯಲ್ಲಿ ಭಾರತೀಯ ಕಂಪನಿಗಳ ಪಾಲುದಾರಿಕೆ ಮೂಲಕ ಭಾರತದಲ್ಲೇ ತಯಾರಿಸಲಾಗುವುದು. ಉಳಿದ ವಿಮಾನಗಳನ್ನು ಫ್ರಾನ್ಸ್ನಲ್ಲಿ ಸಿದ್ದಗೊಳಿಸಿ ಪೂರೈಸಲಾಗುತ್ತದೆ.
ಲವ್ ಪ್ರಪೋಸ್ ನಿರಾಕರಿಸಿದ್ದಕ್ಕೆ ಸೇಡು; ಸರ್ಕಾರಿ ಕಚೇರಿಯ ಮಹಿಳಾ ಶೌಚಾಲಯದಲ್ಲಿ ರಹಸ್ಯ ಕ್ಯಾಮರಾ ಅಳವಡಿಸಿದ ಗುಮಾಸ್ತ
ಯೋಜನೆಯಲ್ಲಿ ಸುಮಾರು ಶೇಕಡಾ 50ರಷ್ಟು ದೇಶಿಯ ವಸ್ತುಗಳನ್ನು ಬಳಸಲಾಗುತ್ತದೆ. ಇದು ಭಾರತದ ಏರೋಸ್ಪೇಸ್ ಉತ್ಪಾದನಾ ವ್ಯವಸ್ಥೆಗೆ ಪ್ರಮುಖ ಉತ್ತೇಜನವನ್ನು ನೀಡಲಿದೆ. ರಕ್ಷಣಾ ಉತ್ಪಾದನೆಯಲ್ಲಿ ಸ್ವಾವಲಂಬನೆಗಾಗಿ ಈ ಮೂಲಕ ಸರ್ಕಾರ ಬೆಂಬಲ ನೀಡಲಿದೆ.
ರಫೇಲ್ ಯುದ್ಧ ವಿಮಾನವು ಅತ್ಯಂತ ಪ್ರಮುಖ ಬಹು ಪಾತ್ರ ಯುದ್ಧ ವಿಮಾನಗಳಲ್ಲಿ ಒಂದಾಗಿದೆ. ಇದು ವಾಯು, ನೆಲದ ದಾಳಿ, ವಿಚಕ್ಷಣ ಕಾರ್ಯಾಚರಣೆಗಳನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ.