ಭಾರತದಿಂದ ಇರಾನ್ ಮೇಲೆ ದಾಳಿ ಮಾಡಲು ಅಮೆರಿಕ ಯೋಜನೆ ರೂಪಿಸುತ್ತಿದೆಯೇ? ವಿದೇಶಾಂಗ ಸಚಿವಾಲಯ ಹೇಳಿದ್ದೇನು?

ನವದೆಹಲಿ, ಮಾ.21: ಇರಾನ್ ವಿರುದ್ಧ ಮಿಲಿಟರಿ (Iran War) ಕಾರ್ಯಾಚರಣೆಗಳನ್ನು ಪ್ರಾರಂಭಿಸಲು ಅಮೆರಿಕವು (US War) ಭಾರತದ ಅನುಮತಿಯನ್ನು ಕೋರಿದೆ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ಪೋಸ್ಟ್ (social media post) ನಂತರ ಭಾರತದ ವಿದೇಶಾಂಗ ಸಚಿವಾಲಯ (MEA) ತೀಕ್ಷ್ಣವಾದ ಎಚ್ಚರಿಕೆಯನ್ನು ನೀಡಿದೆ. ಸಾಮಾಜಿಕ ಮಾಧ್ಯಮ ಸೈಟ್ ಎಕ್ಸ್‌ನಲ್ಲಿನ MEAಯ ಅಧಿಕೃತ ಫ್ಯಾಕ್ಟ್-ಚೆಕ್ ಖಾತೆಯ ಮೂಲಕ ಈ ಸ್ಪಷ್ಟನೆ ನೀಡಲಾಗಿದೆ.

ಈ ವೈರಲ್ ಹೇಳಿಕೆನ್ನು ಒಬ್ಬ ಪತ್ರಕರ್ತ ನೀಡಿದ್ದು, ಲಾಜಿಸ್ಟಿಕ್ಸ್ ಎಕ್ಸ್‌ಚೇಂಜ್ ಮೆಮೊರಾಂಡಮ್ ಆಫ್ ಅಗ್ರಿಮೆಂಟ್ (LEMOA) ಚೌಕಟ್ಟಿನ ಅಡಿಯಲ್ಲಿ, ಅಮೆರಿಕವು ಪಶ್ಚಿಮ ಭಾರತದ ಪ್ರದೇಶವನ್ನು ಸೈನಿಕ ಬಳಕೆಗೆ ಪರಿಗಣಿಸುತ್ತಿದೆ ಎಂದು ಅವರು ಆರೋಪಿಸಿದ್ದರು. ಈ ಪೋಸ್ಟ್‌ನಲ್ಲಿ ಕೊಂಕಣ ಕರಾವಳಿ ಸಮೀಪ ಸಮುದ್ರದ ಹೊರಭಾಗದಲ್ಲಿ ಸೈನಿಕ ನಿಯೋಜನೆ ಸಾಧ್ಯತೆ ಇದೆ ಎಂಬ ಊಹಾಪೋಹಗಳನ್ನೂ ಹಂಚಲಾಗಿದ್ದು, ಇದು ಇರಾನ್–ಅಮೆರಿಕ ಸಂಘರ್ಷಕ್ಕೆ ಸಂಬಂಧಿಸಿದ್ದು ಎಂದು ಹೇಳಲಾಗಿತ್ತು.

ಇಲ್ಲಿದೆ ಪೋಸ್ಟ್:

ಆದರೆ ಈ ರೀತಿಯ ಹೇಳಿಕೆಗಳನ್ನು ಭಾರತ ಸರ್ಕಾರ ಸ್ಪಷ್ಟವಾಗಿ ತಳ್ಳಿ ಹಾಕಿದ್ದು, ಇದು ಸುಳ್ಳು ಮತ್ತು ಆಧಾರರಹಿತ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. LEMOA ಒಪ್ಪಂದವು ಕೇವಲ ಪರಸ್ಪರ ಲಾಜಿಸ್ಟಿಕ್ ಸಹಾಯ (ಇಂಧನ, ಸರಬರಾಜು, ದುರಸ್ತಿ)ಗಾಗಿ ಮಾತ್ರವಾಗಿದ್ದು, ಯಾವುದೇ ದೇಶದ ಸೈನಿಕ ಕಾರ್ಯಾಚರಣೆಗಳಿಗೆ ಸ್ವಯಂಚಾಲಿತ ಅನುಮತಿ ನೀಡುವುದಿಲ್ಲ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ಅಮೆರಿಕ ಉಕ್ರೇನ್‌ಗೆ ಸಹಾಯ ಮಾಡುವುದನ್ನು ನಿಲ್ಲಿಸಿದರೆ ಇರಾನ್‌ ಜೊತೆಗಿನ ಸಂಬಂಧ ಕಡಿತ? ರಷ್ಯಾ ಹೇಳಿದ್ದೇನು?

ಈ ಹೇಳಿಕೆ ದತ್ತಾ ಎಂಬುವವರ ಪೋಸ್ಟ್‌ಗೆ ಪ್ರತಿಕ್ರಿಯೆಯಾಗಿ ಬಂದಿದೆ. ಆ ಪೋಸ್ಟ್‌ನಲ್ಲಿ ಅವರು, ಬ್ರೇಕಿಂಗ್ ನ್ಯೂಸ್: ಅಮೆರಿಕವು ಪಶ್ಚಿಮ ಭಾರತದ ಪ್ರದೇಶದಿಂದ ಇರಾನ್ ಮೇಲೆ ದಾಳಿ ಮಾಡಲು ಬಳಸಲಿರುವ ಸೈನಿಕ ಸಂಪನ್ಮೂಲಕ್ಕೆ ಬೆಂಬಲ ನೀಡಲು ಭಾರತದ ಅನುಮತಿ ಕೇಳಿದೆ. ಆಡಳಿತಾತ್ಮಕವಾಗಿ ಇದು LEMOA ಒಪ್ಪಂದದ ವ್ಯಾಖ್ಯಾನವೆಂದು ಅರ್ಥ ಎಂದು ಹೇಳಿದ್ದಾರೆ.

ಆದರೆ ಇಂತಹ ಹೇಳಿಕೆಗಳನ್ನು ಭಾರತ ಸರ್ಕಾರ ಸ್ಪಷ್ಟವಾಗಿ ತಳ್ಳಿಹಾಕಿದೆ. ಅಮೆರಿಕವು ಭಾರತ ಬಂದರುಗಳು ಅಥವಾ ಸೌಲಭ್ಯಗಳನ್ನು ಇರಾನ್ ವಿರುದ್ಧದ ದಾಳಿಗೆ ಬಳಸುತ್ತಿದೆ ಎಂಬ ಆರೋಪಗಳನ್ನು ಸುಳ್ಳು ಮತ್ತು ಆಧಾರರಹಿತ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಸ್ಪಷ್ಟಪಡಿಸಿದೆ.

ಭಾರತೀಯ ನೌಕಾಪಡೆಯ ಯಾವುದೇ ಬರ್ಥ್‌ಗಳು ಒಂಬತ್ತು ಫುಟ್ಬಾಲ್ ಮೈದಾನಗಳಷ್ಟು ಉದ್ದವಿರುವ ಏರ್‌ಕ್ರಾಫ್ಟ್ ಕ್ಯಾರಿಯರ್ ಅನ್ನು ನಿಲುಗಡೆ ಮಾಡಲು ಸಾಕಾಗುವುದಿಲ್ಲ. ಆದ್ದರಿಂದ ಅದು ಕರಾವಳಿಯಿಂದ ದೂರ ಸಮುದ್ರದಲ್ಲಿ ನಿಲುಗಡೆ ಆಗಿರುತ್ತದೆ. ಅಮೆರಿಕನ್ ಸೈನಿಕ ಸಂಪನ್ಮೂಲವು ಕೊಂಕಣ ಕರಾವಳಿಯ ಸಮೀಪ ಸಮುದ್ರದ ಹೊರಭಾಗದಲ್ಲಿ ನಿಲುಗಡೆಯಾಗಿರುತ್ತದೆ ಎಂದು ಅವರು ಮತ್ತಷ್ಟು ಹೇಳಿದ್ದಾರೆ.

ಕೊನೆ ಹಂತಕ್ಕೆ ತಲುಪಿತಾ ಇರಾನ್‌- ಇಸ್ರೇಲ್‌- ಅಮೆರಿಕ ಯುದ್ಧ? ಟ್ರಂಪ್‌ ನೀಡಿದ ಆ ಸುಳಿವೇನು?

ಲಾಜಿಸ್ಟಿಕ್ಸ್ ಎಕ್ಸ್ಚೇಂಜ್ ಮೆಮೊರಾಂಡಮ್ ಆಫ್ ಅಗ್ರಿಮೆಂಟ್ (LEMOA) ಭಾರತ ಮತ್ತು ಅಮೆರಿಕದ ನಡುವೆ 2016 ರಲ್ಲಿ ಸಹಿ ಹಾಕಲಾದ ದ್ವಿಪಕ್ಷೀಯ ಲಾಜಿಸ್ಟಿಕ್ಸ್ ಒಪ್ಪಂದವಾಗಿದೆ. ಇದು ಎರಡೂ ದೇಶಗಳ ಸಶಸ್ತ್ರ ಪಡೆಗಳು ಪರಸ್ಪರರ ಮಿಲಿಟರಿ ಸೌಲಭ್ಯಗಳನ್ನು ಇಂಧನ ತುಂಬಿಸಲು, ದುರಸ್ತಿ ಮಾಡಲು, ಸರಬರಾಜು ಮಾಡಲು ಮತ್ತು ವಿಶ್ರಾಂತಿ ಪಡೆಯಲು ಮರುಪಾವತಿಸಬಹುದಾದ ಆಧಾರದ ಮೇಲೆ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ.

ದೇಶಗಳು ಔಪಚಾರಿಕ ಒಪ್ಪಂದಗಳು ಅಥವಾ ತಾತ್ಕಾಲಿಕ ಅನುಮತಿಗಳ ಮೂಲಕ ಮಿಲಿಟರಿ ಕಾರ್ಯಾಚರಣೆಗಳಿಗಾಗಿ ಮತ್ತೊಂದು ರಾಷ್ಟ್ರದ ಪ್ರದೇಶವನ್ನು ಬಳಸಬಹುದು. ಉದಾಹರಣೆಗೆ, ಅಮೆರಿಕವು ಗಲ್ಫ್ ಯುದ್ಧದ ಸಮಯದಲ್ಲಿ ಸೌದಿ ಅರೇಬಿಯಾ ಮತ್ತು ಕುವೈತ್‌ನಲ್ಲಿ ನೆಲೆಗಳನ್ನು ಬಳಸಿತು. ಇರಾಕ್ ಯುದ್ಧದ ಸಮಯದಲ್ಲಿ ಟರ್ಕಿಯ ಇನ್‌ಸಿರ್ಲಿಕ್ ನೆಲೆಯಿಂದ ಕಾರ್ಯನಿರ್ವಹಿಸಿತು. ಅಂತಹ ಬಳಕೆಯು ಆತಿಥೇಯ ರಾಷ್ಟ್ರದ ಒಪ್ಪಿಗೆ, ಕಾರ್ಯಾಚರಣೆಯ ಮಿತಿಗಳೊಂದಿಗೆ ಕಾನೂನು ಚೌಕಟ್ಟುಗಳನ್ನು ಅವಲಂಬಿಸಿರುತ್ತದೆ.