‘ಯಾರ ಅನುಮತಿಯೂ ನಮಗೆ ಬೇಕಿಲ್ಲ’: ರಷ್ಯಾ ತೈಲ ಖರೀದಿ ಬಗ್ಗೆ ಅಮೆರಿಕಕ್ಕೆ ಭಾರತದಿಂದ ಖಡಕ್ ಸಂದೇಶ

ನವದೆಹಲಿ, ಮಾ.7: ಇರಾನ್–ಅಮೆರಿಕ–ಇಸ್ರೇಲ್ ಯುದ್ಧದ (Iran-US-Israel war) ಹಿನ್ನೆಲೆದಲ್ಲಿ ಹೊರ್ಮುಜ್ (Hormuz) ಜಲಸಂಧಿ ಮಾರ್ಗದಲ್ಲಿ ಉದ್ವಿಗ್ನತೆ ಮುಂದುವರಿದಿರುವ ನಡುವೆಯೂ, ಅತ್ಯಂತ ಸ್ಪರ್ಧಾತ್ಮಕ ಮತ್ತು ಕಡಿಮೆ ಬೆಲೆಗೆ ದೊರೆಯುವ ಯಾವುದೇ ಮೂಲದಿಂದ ಭಾರತ ಕಚ್ಚಾ ತೈಲವನ್ನು ಖರೀದಿಸುವುದನ್ನು ಮುಂದುವರಿಸುತ್ತದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ಅಡೆತಡೆಗಳ ಹೊರತಾಗಿಯೂ ಭಾರತದ ಇಂಧನ ಸರಬರಾಜು ಸುರಕ್ಷಿತವಾಗಿದೆ ಎಂದು ಸರ್ಕಾರ ತಿಳಿಸಿದೆ. ಹೊರ್ಮುಜ್ ಮಾರ್ಗದಲ್ಲಿ ಉದ್ವಿಗ್ನತೆ ಹೆಚ್ಚಾದರೂ, ಭಾರತದ ಇಂಧನ ಸರಬರಾಜು ಸುರಕ್ಷಿತವಾಗಿಯೂ, ಸ್ಥಿರವಾಗಿಯೂ ಇದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಭಾರತವು ತನ್ನ ಕಚ್ಚಾ ತೈಲದ ಮೂಲಗಳನ್ನು 27 ದೇಶಗಳಿಂದ 40 ದೇಶಗಳವರೆಗೆ ವಿಸ್ತರಿಸಿದ್ದು, ಇದರಿಂದ ಹಲವು ಪರ್ಯಾಯ ಸರಬರಾಜು ಮಾರ್ಗಗಳನ್ನು ಖಚಿತಪಡಿಸಿಕೊಂಡಿದೆ.

ದೇಶದ ಹಿತದೃಷ್ಟಿಯಿಂದ, ಅತ್ಯಂತ ಸ್ಪರ್ಧಾತ್ಮಕ ಹಾಗೂ ಕೈಗೆಟುಕುವ ಬೆಲೆಯಲ್ಲಿ ಎಲ್ಲಿ ತೈಲ ಲಭ್ಯವಿದೆಯೋ ಅಲ್ಲಿಂದಲೇ ಭಾರತ ಖರೀದಿ ಮಾಡುತ್ತದೆ ಎಂದು ಕೇಂದ್ರ ಸರ್ಕಾರ ಪ್ರಕಟಣೆಯಲ್ಲಿ ತಿಳಿಸಿದೆ.

ಭಾರತವು ಅಮೆರಿಕ ನೀಡಿದ ತಾತ್ಕಾಲಿಕ ವಿನಾಯಿತಿಯ ಹಿನ್ನೆಲೆಯಲ್ಲಿ ರಷ್ಯಾದಿಂದ ತೈಲ ಆಮದು ಮಾಡಿಕೊಳ್ಳುವುದನ್ನು ಮುಂದುವರಿಸುತ್ತಿರುವುದಾಗಿ ದೃಢಪಡಿಸಿದೆ. ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧದ ಕಾರಣದಿಂದ ಈ ವಿನಾಯಿತಿ ನೀಡಲಾಗಿದೆ. ಈ ರೀತಿಯ ಖರೀದಿಗಳನ್ನು ಮಾಡಲು ಯಾವುದೇ ದೇಶದ ಅನುಮತಿಯ ಅಗತ್ಯವಿಲ್ಲ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ದೇಶದಲ್ಲಿ ಸದ್ಯಕ್ಕಂತೂ ತೈಲ ಬೆಲೆ ಏರಿಕೆಯಾಗುವುದಿಲ್ಲ, ಆತಂಕ ಬೇಡ: ಕೇಂದ್ರದಿಂದ ಭರವಸೆ; ರಷ್ಯಾದಿಂದ ತೈಲ ಖರೀದಿಸಲಿದೆ ಭಾರತ

ರಷ್ಯಾದ ತೈಲವನ್ನು ಖರೀದಿಸಲು ಭಾರತ ಯಾವುದೇ ದೇಶದ ಅನುಮತಿಯ ಮೇಲೆ ಅವಲಂಬಿಸಿಲ್ಲ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ. 2026ರ ಫೆಬ್ರವರಿಯಲ್ಲಿಯೂ ಭಾರತ ರಷ್ಯಾದ ತೈಲವನ್ನು ಆಮದು ಮಾಡಿಕೊಳ್ಳುತ್ತಿದೆ. ರಷ್ಯಾ ಇನ್ನೂ ಭಾರತದ ಅತಿ ದೊಡ್ಡ ಕಚ್ಚಾ ತೈಲ ಪೂರೈಕೆದಾರ ರಾಷ್ಟ್ರವಾಗಿದೆ.

ರಷ್ಯಾ–ಉಕ್ರೇನ್ ಯುದ್ಧ ಮೂರು ವರ್ಷಗಳಿಂದ ನಡೆಯುತ್ತಿದ್ದರೂ, ಅಮೆರಿಕ ಮತ್ತು ಯುರೋಪಿಯನ್ ಒಕ್ಕೂಟದ ಆಕ್ಷೇಪಗಳ ನಡುವೆಯೂ ಭಾರತ ರಷ್ಯಾದ ತೈಲವನ್ನು ಖರೀದಿಸುವುದನ್ನು ಮುಂದುವರಿಸಿದೆ. 2022ರ ಬಳಿಕ ಕಡಿಮೆ ಬೆಲೆ ಹಾಗೂ ರಿಫೈನರಿ ಬೇಡಿಕೆ ಹೆಚ್ಚಾದ ಕಾರಣ ಆಮದು ಪ್ರಮಾಣ ಗಮನಾರ್ಹವಾಗಿ ಹೆಚ್ಚಾಗಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.

ಕೇಂದ್ರ ಸರ್ಕಾರದ ಪ್ರಕಾರ, ಭಾರತವು ತನ್ನ ಸಂಗ್ರಹಣೆ ಮತ್ತು ಸರಬರಾಜು ವ್ಯವಸ್ಥೆಯಲ್ಲಿ ಒಟ್ಟಾರೆ 250 ಮಿಲಿಯನ್ ಬ್ಯಾರೆಲ್‌ಗಿಂತ ಹೆಚ್ಚು ಕಚ್ಚಾ ತೈಲ ಹಾಗೂ ಪೆಟ್ರೋಲಿಯಂ ಉತ್ಪನ್ನಗಳನ್ನು ಹೊಂದಿದೆ. ಇದು ದೇಶದ ಬಳಕೆಗೆ ಸುಮಾರು ಏಳು ಅಥವಾ ಎಂಟು ವಾರಗಳಷ್ಟು ಭದ್ರತಾ ಸಂಗ್ರಹ ಒದಗಿಸುತ್ತದೆ.

ಖಮೇನಿಯ ಭೂಗತ ಬಂಕರ್ ಧ್ವಂಸಗೊಳಿಸಿದ ಇಸ್ರೇಲಿ ಯುದ್ಧ ವಿಮಾನದ ರೋಚಕ ಕಾರ್ಯಾಚರಣೆ ಹೇಗಿತ್ತು? ವಿಡಿಯೋ ನೋಡಿ

ಭಾರತದ ಒಟ್ಟು ತೈಲ ಶೋಧನಾ ಸಾಮರ್ಥ್ಯ ವರ್ಷಕ್ಕೆ 258 ಮಿಲಿಯನ್ ಮೆಟ್ರಿಕ್ ಟನ್ ಆಗಿದ್ದು, ಇದು ಪ್ರಸ್ತುತ ದೇಶೀಯ ಬೇಡಿಕೆಯನ್ನು ಮೀರುತ್ತದೆ.

ಕೇಂದ್ರದ ಪ್ರಕಾರ, ಭಾರತವು 250 ಮಿಲಿಯನ್ ಬ್ಯಾರೆಲ್‌ಗಳಿಗಿಂತ ಹೆಚ್ಚು ಕಚ್ಚಾ ತೈಲ ಮತ್ತು ಪೆಟ್ರೋಲಿಯಂ ಉತ್ಪನ್ನಗಳನ್ನು ಮೀಸಲು ಮತ್ತು ಅದರ ಪೂರೈಕೆ ಸರಪಳಿಯಲ್ಲಿ ಹೊಂದಿದೆ. ಇದು ಏಳು ಅಥವಾ ಎಂಟು ವಾರಗಳ ಬಳಕೆಗೆ ಸಮಾನವಾದ ಬಫರ್ ಅನ್ನು ಒದಗಿಸುತ್ತದೆ. ಭಾರತದ ಒಟ್ಟು ಸಂಸ್ಕರಣಾ ಸಾಮರ್ಥ್ಯವು ವರ್ಷಕ್ಕೆ 258 ಮಿಲಿಯನ್ ಮೆಟ್ರಿಕ್ ಟನ್‌ಗಳಷ್ಟಿದ್ದು, ಇದು ಪ್ರಸ್ತುತ ದೇಶೀಯ ಬೇಡಿಕೆಯನ್ನು ಮೀರಿದೆ.

ಇರಾನ್ ವಿರುದ್ಧ ಅಮೆರಿಕ-ಇಸ್ರೇಲ್ ಮಿಲಿಟರಿ ಕ್ರಮಗಳು ಮತ್ತು ಕೊಲ್ಲಿಯಲ್ಲಿ ಟೆಹರಾನ್ ನಡೆಸಿದ ಪ್ರತೀಕಾರದ ದಾಳಿಗಳು ಜಾಗತಿಕ ಇಂಧನ ಹರಿವು ಮತ್ತು ಹಡಗು ಮಾರ್ಗಗಳನ್ನು ಅಸ್ತವ್ಯಸ್ತಗೊಳಿಸಿದ್ದು, ತೈಲ ಬೆಲೆಗಳನ್ನು ತೀವ್ರವಾಗಿ ಹೆಚ್ಚಿಸಿವೆ.