ದಬ್ಬಾಳಿಕೆ ಇರುವಲ್ಲಿ ಜಿಹಾದ್‌ ಕಂಡುಬರುತ್ತದೆ; ವಿವಾದದ ಕಿಡಿ ಹೊತ್ತಿಸಿದ ಮೌಲಾನ ಮಹಮೂದ್ ಮದನಿ

ದೆಹಲಿ, ನ. 29: ಜಿಹಾದ್‌ (Jihad)- ಇತ್ತೀಚೆಗೆ ದೇಶದಲ್ಲಿ ಅತಿಯಾಗಿ ಬಳಕೆಯಾಗುತ್ತಿರುವ ಪದ. ಜಿಹಾದ್‌ ಎಂದರೆ ಧರ್ಮ ಯುದ್ಧ ಎಂದರ್ಥ. ಇದೀಗ ಮುಸ್ಲಿಂ ಮುಖಂಡರೊಬ್ಬರು ಜಿಹಾದ್‌ಗೆ ತಮ್ಮದೇ ವ್ಯಾಖ್ಯಾನ ನೀಡುವ ಮೂಲಕ ವಿವಾದದ ಕಿಡಿ ಹೊತ್ತಿಸಿದ್ದಾರೆ. ʼʼದಬ್ಬಾಳಿಕೆ ಎಲ್ಲಿ ಇರುತ್ತದೆಯೋ ಅಲ್ಲಿ ಜಿಹಾದ್‌ ಕಂಡುಬರುತ್ತದೆʼʼ ಎಂದು ಜಮಿಯತ್‌ ಉಲೇಮಾ-ಎ-ಹಿಂದ್‌ (Jamiat Ulema-e-Hind) ಮುಖಂಡ ಮೌಲಾನ ಮಹಮೂದ್ ಮದನಿ (Maulana Mahmood Madani) ಹೇಳಿದ್ದಾರೆ. ಅಲ್ಪಸಂಖ್ಯಾತರ ಸಾಂವಿಧಾನಿಕ ಹಕ್ಕುಗಳನ್ನು ರಕ್ಷಿಸುವಲ್ಲಿ ನ್ಯಾಯಾಂಗ ವಿಫಲವಾಗಿದೆ ಎಂದೂ ಅವರು ಆರೋಪಿಸಿದ್ದಾರೆ. ಮಧ್ಯ ಪ್ರದೇಶದ ಭೋಪಾಲ್‌ನಲ್ಲಿ ಅವರು ನೀಡಿರುವ ಈ ಹೇಳಿಕೆ ಭಾರಿ ಸಂಚಲನ ಉಂಟು ಮಾಡಿದ್ದು, ಬಿಜೆಪಿ ತೀವ್ರ ವಿರೋಧ ವ್ಯಕ್ತಪಡಿಸಿದೆ. ಮದನಿ ಮುಸ್ಲಿಮರನ್ನು ಪ್ರಚೋದಿಸುತ್ತಿದ್ದಾರೆ ಎಂದು ದೂರಿದೆ.

ಬಾಬ್ರಿ ಮಸೀದಿ ಮತ್ತು ತ್ರಿವಳಿ ತಲಾಖ್ ಪ್ರಕರಣಗಳು ಸೇರಿದಂತೆ ಇತ್ತೀಚಿನ ನ್ಯಾಯಾಲಯದ ತೀರ್ಪುಗಳನ್ನು ಉಲ್ಲೇಖಿಸಿ ಮದನಿ ಈ ಹೇಳಿಕೆ ನೀಡಿದ್ದಾರೆ. ʼʼನ್ಯಾಯಾಂಗವು ಸರ್ಕಾರದ ಒತ್ತಡದಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂಬುದನ್ನು ಈ ತೀರ್ಪುಗಳು ಸೂಚಿಸುತ್ತವೆʼʼ ಎಂದು ಮದನಿ ಹೇಳಿದ್ದಾರೆ. ʼʼಇತ್ತೀಚಿನ ವರ್ಷಗಳಲ್ಲಿ ಸಂವಿಧಾನದಲ್ಲಿ ನೀಡಲಾದ ಅಲ್ಪಸಂಖ್ಯಾತರ ಹಕ್ಕುಗಳನ್ನು ಬಹಿರಂಗವಾಗಿ ಉಲ್ಲಂಘಿಸುವ ಇಂತಹ ಅನೇಕ ತೀರ್ಪು ಪ್ರಕಟವಾಗಿದೆʼʼ ಎಂದೂ ನಾಲಗೆ ಹರಿಯಬಿಟ್ಟಿದ್ದಾರೆ.

ಮೌಲಾನ ಮೊಹಮ್ಮದ್‌ ಮದನಿ ಭಾಷಣ:

ಮದನಿ ಹೇಳಿದ್ದೇನು?

"ಸಂವಿಧಾನವನ್ನು ರಕ್ಷಿಸಿದರೆ ಮಾತ್ರ ಸುಪ್ರೀಂ ಕೋರ್ಟ್ ಅನ್ನು 'ಸುಪ್ರೀಂ' ಎಂದು ಕರೆಯಲು ಅರ್ಹತೆ ಇರುತ್ತದೆ. ಭಾರತದಲ್ಲಿ ಮುಸ್ಲಿಮರನ್ನು ಶೇ. 10ರಷ್ಟು ಮಂದಿ ಬೆಂಬಲಿಸುತ್ತಿದ್ದಾರೆ, ಶೇ. 30ರಷ್ಟು ಜನರು ವಿರೋಧಿಸುತ್ತಿದ್ದಾರೆ. ಶೇ. 60ರಷ್ಟು ಸಾರ್ವಜನಿಕರು ಮೌನವಾಗಿದ್ದಾರೆ. ಈ ಮೌನವಾಗಿರುವವರೊಂದಿಗೆ ಮುಸ್ಲಿಮರು ಸಮಸ್ಯೆಗಳನ್ನು ವಿವರಿಸಬೇಕು. ಒಂದುವೇಳೆ ಶೇ. 60ರಷ್ಟಿರುವ ಜನರು ಮುಸ್ಲಿಮರ ವಿರುದ್ಧ ತಿರುಗಿ ಬಿದ್ದರೆ ದೊಡ್ಡ ಅಪಾಯ ಎದುರಾಗುತ್ತದೆ" ಎಂದು ಹೇಳಿದ್ದಾರೆ.

"ಹಿಂದೂ ಹುಡುಗಿಯರನ್ನು ಗರ್ಭಿಣಿಯನ್ನಾಗಿ ಮಾಡುವುದೇ ನನ್ನ ಕೆಲಸ"; ಲವ್‌ ಜಿಹಾದ್‌ ಮಾಡುತ್ತಿದ್ದ ಮಚ್ಲಿ ಗ್ಯಾಂಗ್‌ ಮೆಂಬರ್‌

ಸಾರ್ವಜನಿಕ ಭಾಷಣದಲ್ಲಿ ಜಿಹಾದ್ ಅನ್ನು ಚಿತ್ರಿಸುವ ರೀತಿಗೆ ಆಕ್ಷೇಪ ವ್ಯಕ್ತಪಡಿಸಿದ ಮದನಿ, ಮಾಧ್ಯಮ ಮತ್ತು ಸರ್ಕಾರವು ಈ ಪವಿತ್ರ ಪರಿಕಲ್ಪನೆಯನ್ನು ವಿರೂಪಗೊಳಿಸುತ್ತಿದೆ ಎಂದು ದೂರಿದ್ದಾರೆ. ಲವ್ ಜಿಹಾದ್, ಸ್ಪಿಟ್ ಜಿಹಾದ್ ಮತ್ತು ಲ್ಯಾಂಡ್ ಜಿಹಾದ್‌ನಂತಹ ಲೇಬಲ್‌ಗಳ ಬಳಕೆಯನ್ನು ಅವರು ಟೀಕಿಸಿದ್ದಾರೆ. ಅವು ನಿಜವಾದ ಅರ್ಥವನ್ನು ತಪ್ಪಾಗಿ ಚಿತ್ರಿಸುತ್ತವೆ ಎಂದು ಹೇಳಿದ್ದಾರೆ.

"ಜಿಹಾದ್ ಯಾವಾಗಲೂ ಪವಿತ್ರವಾಗಿರುತ್ತದೆ" ಎಂದು ಅವರು ಒತ್ತಿ ಹೇಳಿದ್ದಾರೆ. ತಮ್ಮ ವಿವಾದಾತ್ಮಕ ಹೇಳಿಕೆಯನ್ನು ಪುನರುಚ್ಚರಿಸಿ, "ದಬ್ಬಾಳಿಕೆ ಇದ್ದಲ್ಲಿ ಜಿಹಾದ್ ಇರುತ್ತದೆ" ಎಂದು ತಿಳಿಸಿದ್ದಾರೆ.

ಅದಾಗ್ಯೂ ಭಾರತದ ಜಾತ್ಯತೀತ ಪ್ರಜಾಪ್ರಭುತ್ವ ಚೌಕಟ್ಟು ಯಾವುದೇ ಹಿಂಸಾತ್ಮಕ ವ್ಯಾಖ್ಯಾನವನ್ನು ಅನುಮತಿಸುವುದಿಲ್ಲ ಎಂದು ಮದನಿ ಸ್ಪಷ್ಟಪಡಿಸಿದ್ದಾರೆ. "ಇಲ್ಲಿ ಮುಸ್ಲಿಮರು ಸಂವಿಧಾನಕ್ಕೆ ನಿಷ್ಠೆಯನ್ನು ತೋರಿಸುತ್ತಿದ್ದಾರೆ" ಎಂದಿದ್ದಾರೆ. ನಾಗರಿಕರ ಹಕ್ಕುಗಳನ್ನು ರಕ್ಷಿಸುವುದು ಸರ್ಕಾರದ ಜವಾಬ್ದಾರಿ ಎಂದು ಹೇಳಿದ್ದಾರೆ.

ಬಿಜೆಪಿ ವಿರೋಧ

ಸದ್ಯ ಮದನಿಯ ಈ ಹೇಳಿಕೆಯನು ಬಿಜೆಪಿ ವಿರೋಧಿಸಿದೆ. "ಭಾರತದಲ್ಲಿ ಹೊಸ ಜಿನ್ನಾಗಳು ಹುಟ್ಟಿಕೊಳ್ಳುತ್ತಿದ್ದಾರೆ. ಅವರು ದೇಶದ ಮುಸ್ಲಿಮರನ್ನು ಕೆರಳಿಸಲು ಪ್ರಯತ್ನಿಸುತ್ತಿದ್ದಾರೆ" ಎಂದು ಬಿಜೆಪಿ ಶಾಸಕ ರಾಮೇಶ್ವರ ಶರ್ಮಾ ತಿಳಿಸಿದ್ದಾರೆ. ಸುಪ್ರೀಂ ಕೋರ್ಟ್ ಮದನಿಯ ಹೇಳಿಕೆಗಳನ್ನು ಸ್ವಯಂಪ್ರೇರಿತವಾಗಿ ಪರಿಗಣಿಸಿ ಕ್ರಮ ಕೈಗೊಳ್ಳಬೇಕೆಂದು ಅವರು ಆಗ್ರಹಿಸಿದ್ದಾರೆ.

ಮುಸ್ಲಿಂ ಹುಡುಗನ ಜೊತೆ ಜೈನ ಹುಡುಗಿ ನಾಪತ್ತೆ, ʼಲವ್‌ ಜಿಹಾದ್‌ʼ ಎಂದು ದೂರು

ಜಮಿಯತ್ ಉಲೇಮಾ-ಎ-ಹಿಂದ್ ಸಂಘಟನೆಯ ಹಿನ್ನೆಲೆ

ಜಮಿಯತ್ ಉಲೇಮಾ-ಎ-ಹಿಂದ್ ಭಾರತದ ಅತ್ಯಂತ ಹಳೆಯ ಮತ್ತು ಅತ್ಯಂತ ಪ್ರಭಾವಶಾಲಿ ಇಸ್ಲಾಮಿಕ್ ಸಂಘಟನೆಗಳಲ್ಲಿ ಒಂದು. ಇದನ್ನು 1919ರಲ್ಲಿ ಸ್ಥಾಪಿಸಲಾಯಿತು. ಈ ಸಂಸ್ಥೆಯು ಮುಸ್ಲಿಂ ಕಲ್ಯಾಣ, ಶಿಕ್ಷಣ, ಕಾನೂನು ಹಕ್ಕುಗಳು ಮತ್ತು ಧಾರ್ಮಿಕ ಮಾರ್ಗದರ್ಶನಕ್ಕೆ ಸಂಬಂಧಿಸಿದ ವಿಷಯಗಳ ಮೇಲೆ ಕೆಲಸ ಮಾಡುವುದರ ಜತೆಗೆ ಪೌರತ್ವ, ಅಲ್ಪಸಂಖ್ಯಾತ ಹಕ್ಕುಗಳು ಮತ್ತು ಜಾತ್ಯತೀತತೆಯ ಕುರಿತು ರಾಷ್ಟ್ರೀಯ ಚರ್ಚೆಗಳಲ್ಲಿ ತೊಡಗಿಸಿಕೊಂಡಿದೆ.