Eid Fashion: ಬಾಲಿವುಡ್ ತಾರೆಯರ ಟ್ರೆಡೀಶನಲ್‌ ಲುಕ್ ಹೇಗಿದೆ ಗೊತ್ತಾ? ಈ ಫೋಟೋಸ್‌ ನೋಡಿ
ಹಬ್ಬಕ್ಕೆ (Eid Fashion) ಹೊಸ ಉಡುಗೆತೊಡುಗೆಗಳನ್ನು ಖರೀದಿ ಮಾಡುವುದು ಸಂಪ್ರದಾಯ. ಈ ಬಾರಿ ಈದ್ ಸಂಭ್ರಮ ಹೆಚ್ಚಿಸಲು ಹೊಸ ಬಟ್ಟೆ ಖರೀದಿ ಮಾಡುವ ಯೋಚನೆ ಇದ್ದರೆ ಬಾಲಿವುಡ್ ಸೆಲೆಬ್ರಿಟಿಗಳು ತೊಟ್ಟಿರುವ ಈ ದಿರಿಸುಗಳು ಮಾರುಕಟ್ಟೆಯಲ್ಲಿ ಇದೆಯೇ ಎಂಬುದನ್ನು ನೋಡಬಹುದು. ಕರೀನಾ ಕಪೂರ್, ಸಾರ ಅಲಿ ಖಾನ್, ಸೋನಾಕ್ಷಿ ಸೇರಿದಂತೆ ಇನ್ನು ಹಲವು ಬಾಲಿವುಡ್ ನಟಿಯರು ಸಾಂಪ್ರದಾಯಿಕ ಉಡುಗೆಯಲ್ಲಿ ಈ ಬಾರಿ ಈದ್ ಆಚರಿಸಿಕೊಂಡಿದ್ದಾರೆ.
ವಿದ್ಯಾ ಇರ್ವತ್ತೂರು
Jun 7, 2025 5:10 PM
ಇಂದು ಪ್ರಪಂಚಾದ್ಯಂತ ಬಕ್ರೀದ್ ಸಂಭ್ರಮ. ಹಬ್ಬದ ರಂಗನ್ನು ಹೆಚ್ಚಿಸುವ ಸಾಂಪ್ರದಾಯಿಕ ಉಡುಗೆತೊಡುಗೆಗಳು ಮಾರುಕಟ್ಟೆಗಳಿಗೆ ಲಗ್ಗೆ ಇಟ್ಟಿವೆ. ನೀವು ಹೊಸದೇನಾದರೂ ಟ್ರೈ ಮಾಡಬೇಕು ಎಂದಿದ್ದರೆ ಬಾಲಿವುಡ್ ಸಲೆಬ್ರಿಟಿಗಳ ಈ ಫ್ಯಾಶನಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಹಬ್ಬದ ಫ್ಯಾಷನ್ ಅನ್ನು ಆಯ್ಕೆ ಮಾಡಿಕೊಳ್ಳಲು ಇದು ಸೂಕ್ತ ಸಮಯ. ಸಾಂಪ್ರದಾಯಿಕ ಉಡುಪನ್ನು ಇಷ್ಟಪಡುವವರಾಗಿರಲಿ ಅಥವಾ ಆಧುನಿಕ ಶೈಲಿಯ ದಿರಿಸನ್ನು ಬಯಸಿದರೆ ಎರಡೂ ಸಂದರ್ಭಕ್ಕೂ ಸೂಕ್ತವಾಗುವ ಉಡುಗೆಯಲ್ಲಿ ಬಾಲಿವುಡ್ ಸೆಲೆಬ್ರಿಟಿಗಳು ಈ ವರ್ಷ ಬಕ್ರೀದ್ ಹಬ್ಬದಲ್ಲಿ ಮಿಂಚಿದ್ದಾರೆ. ಈ ಅದ್ಬುತ ಲುಕ್ ನಿಮ್ಮದಾಗಬೇಕಾದರೆ ನಿಮ್ಮ ವಾರ್ಡ್ರೋಬ್ ನಲ್ಲಿ ಸ್ವಲ್ಪ ಜಾಗ ಮಾಡಿಕೊಳ್ಳಿ.
ಸಾಂಪ್ರದಾಯಿಕ ಉಡುಗೆಗಳಲ್ಲಿ ಈಗ ಸಂಕೀರ್ಣವಾದ ಕಸೂತಿ ಮಾಡಿದ ಅನಾರ್ಕಲಿಗಳಿಂದ ಹಿಡಿದು ಚಿಕ್ ಫ್ಯೂಷನ್ ವರೆಗೆ ಎಲ್ಲವೂ ಈ ಹಬ್ಬದ ಋತುವಿನಲ್ಲಿ ನಿಮ್ಮನ್ನು ಹೊಳೆಯುವಂತೆ ಮಾಡುವ ಕೆಲವು ಸೆಲೆಬ್ರಿಟಿಗಳು ಇಷ್ಟಪಟ್ಟ ಉಡುಗೆಗಳು ಇಲ್ಲಿವೆ.
ಅದಿತಿ ರಾವ್ ಹೈದರಿ ಅವರು ಸಾಮಾನ್ಯವಾಗಿ ರಾಜಮನೆತನದ ಲುಕ್ ನೀಡುವ ಫ್ಯಾಷನ್ ಆಯ್ಕೆಗಳಿಗೆ ಹೆಸರುವಾಸಿಯಾಗಿದ್ದಾರೆ. ಈ ಬಾರಿ ಈದ್ ಆಚರಣೆಗೆ ಅವರು ಸಂಕೀರ್ಣವಾಗಿ ಕಸೂತಿ ಮಾಡಿದ ಅನಾರ್ಕಲಿ ಸೆಟ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.
ಆರಾಮ ಮತ್ತು ಸಾಂಪ್ರದಾಯಿಕ ಶೈಲಿಯು ನಿಮ್ಮ ಆದ್ಯತೆಯಾಗಿದ್ದರೆ ಸೋನಾಕ್ಷಿ ಸಿನ್ಹಾ ಅವರ ಬೆಳ್ಳಿಯಜರಿಯಲ್ಲಿ ಕನ್ನಡಿ, ಸೂಕ್ಷ್ಮ ಕಸೂತಿ ಹೊಂದಿರುವ ಬಿಳಿ ಕಫ್ತಾನ್‌ನ ದಿರಿಸನ್ನು ಆಯ್ಕೆ ಮಾಡಿಕೊಳ್ಳಬಹುದು. ಇದು ಹಬ್ಬದ ತಯಾರಿಗೆ ಸೂಕ್ತ ಆಯ್ಕೆಯಾಗಿದೆ.
ಕರೀನಾ ಕಪೂರ್ ಖಾನ್ ಯಾವಾಗಲು ಫ್ಯಾಶನ್ ಗೆ ಹೆಸರುವಾಸಿಯಾಗಿದ್ದಾರೆ. ಇವರು ಸದಾ ವಿಶಿಷ್ಟ ಶೈಲಿಯ ಉಡುಗೆಯನ್ನು ವಿಶೇಷ ಸಂದರ್ಭಕ್ಕೆ ಆಯ್ಕೆ ಮಾಡಿಕೊಳ್ಳುತ್ತಾರೆ. ಈ ಬಾರಿ ಹಬ್ಬದ ಆಚರಣೆಗೆ ಅವರು ಬಿಳಿ ಪೈಜಾಮಾದೊಂದಿಗೆ ಅವರ ಚಿನ್ನದ ವರ್ಕ್ ಇರುವ ಕುರ್ತಾ ವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಹಬ್ಬದಲ್ಲಿ ಸಾಂಪ್ರದಾಯಿಕ ಲುಕ್ ಗಾಗಿ ಇದನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಹಬ್ಬದ ಫ್ಯಾಷನ್‌ನಲ್ಲಿ ಆಧುನಿಕ ವಿನ್ಯಾಸವನ್ನು ಬಯಸುವವರು ಬ್ಲೇಜರ್‌ನಂತಹ ಕುರ್ತಾ, ಪ್ಯಾಂಟ್ ನೊಂದಿಗೆ ಸೂಕ್ತ ದುಪಟ್ಟಾವನ್ನು ಹೊಂದಿರುವ ಮಹೀರಾ ಖಾನ್ ಅವರ ಬೀಜ್ ಸೆಟ್ ಅನ್ನು ಆಯ್ದುಕೊಳ್ಳಬಹುದು.
ಹಬ್ಬದ ಬಣ್ಣಗಳನ್ನು ಇಷ್ಟಪಡುವವರಿಗೆ ಸಾರಾ ಅಲಿ ಖಾನ್ ಅವರ ಗುಲಾಬಿ ಬಣ್ಣದ ಚಿನ್ನದ ಕುರ್ತಾ ಹಸಿರು ಚೂಡಿದಾರ್ ಮತ್ತು ದುಪಟ್ಟಾ ಒಂದು ಒಳ್ಳೆಯ ಆಯ್ಕೆಯಾಗಿದೆ. ಇದು ಸಾಂಪ್ರದಾಯಿಕ ಲುಕ್ ನೊಂದಿಗೆ ಆಧುನಿಕ ನೋಟವನ್ನು ನೀಡುತ್ತದೆ..