Styling Tips 2025: ಮಾಡೆಲ್ನಂತೆ ಟಾಲ್ ಆಗಿ ಕಾಣಬಯಸುವವರಿಗೆ 5 ಸ್ಟೈಲಿಂಗ್ ಐಡಿಯಾ
Styling Tips 2025: ಮಾಡೆಲ್ನಂತೆ ಟಾಲ್ ಆಗಿ ಕಾಣಿಸಬೇಕು ಎಂದು ಬಯಸುವ ಯುವತಿಯರು ತಮ್ಮ ಡ್ರೆಸ್ಕೋಡ್ನಲ್ಲಿ ಒಂದಿಷ್ಟು ಬದಲಾವಣೆ ಮಾಡಿಕೊಂಡಲ್ಲಿ ಉದ್ದನಾಗಿ ಕಾಣಿಸಬಹುದು. ಅದು ಹೇಗೆ? ಈ ಕುರಿತಂತೆ ಸ್ಟೈಲಿಸ್ಟ್ಗಳು 5 ಸ್ಟೈಲಿಂಗ್ ಐಡಿಯಾ ನೀಡಿದ್ದಾರೆ.
ಚಿತ್ರಕೃಪೆ: ಪಿಕ್ಸೆಲ್ -
ಮಾಡೆಲ್ನಂತೆ ಟಾಲ್ ಆಗಿ ಕಾಣ ಬಯಸುವುದು ಕಷ್ಟ ಸಾಧ್ಯವೇನಿಲ್ಲ! ಹೌದು, ತಾವು ಧರಿಸುವ ಡ್ರೆಸ್ಕೋಡ್ ಹಾಗೂ ಸ್ಟೈಲಿಂಗ್ನಲ್ಲಿ ಕೊಂಚ ಬದಲಾವಣೆ ತಂದಲ್ಲಿ, ಪ್ಲಂಪಿ ಹಾಗೂ ಗಿಡ್ಡ ಹುಡುಗಿಯರೂ ಕೂಡ ಉದ್ದನಾಗಿ ಮಾಡೆಲ್ನಂತೆ ಕಾಣಿಸಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್ಸ್ ಅಮಿತ್ ಪಾಂಡ್ಯಾ.
ವರ್ಟಿಕಲ್ ಲೈನ್ಸ್ ಡ್ರೆಸ್ಗಳ ಆಯ್ಕೆ
ಪ್ರಿಂಟೆಡ್ ಡ್ರೆಸ್ಗಳ ಆಯ್ಕೆ ಮಾಡುವುದಾದದಲ್ಲಿ ಆದಷ್ಟೂ ವರ್ಟಿಕಲ್ ಸ್ಟ್ರೈಪ್ಸ್ ಚೂಸ್ ಮಾಡಿ. ಇವು ಧರಿಸಿದಾಗ ಉದ್ದನಾಗಿ ಕಾಣುವಂತೆ ಇಲ್ಯೂಷನ್ ಕ್ರಿಯೇಟ್ ಮಾಡುತ್ತವೆ. ಉದಾಹರಣೆಗೆ, ಸ್ಟ್ರೈಪ್ಸ್ ಫ್ರಾಕ್, ಪ್ಯಾಂಟ್, ಮ್ಯಾಕ್ಸಿ, ಟಾಪ್ ಸೇರಿದಂತೆ ಹಲವು ಜೆಮೆಟ್ರಿಕಲ್ ಡಿಸೈನವು ದೊರೆಯುತ್ತವೆ, ಅವುಗಳನ್ನೇ ಆಯ್ಕೆ ಮಾಡಿ. ಯಾವುದೇ ಕಾರಣಕ್ಕೂ ಹಾರಿಝಾಂಟಲ್ ಸ್ಟ್ರೈಪ್ಸ್ ಇರುವ ಉಡುಪಿನ ಆಯ್ಕೆ ಬೇಡ. ಇದು ನಿಮ್ಮನ್ನು ಪ್ಲಂಪಿಯಾಗಿ ಬಿಂಬಿಸುತ್ತದೆ ಎಂಬುದು ನೆನಪಿನಲ್ಲಿಡಿ.
ಹೈ ವೇಸ್ಟ್ ಪ್ಯಾಂಟ್ ಆಯ್ಕೆ
ಹೈ ವೇಸ್ಟ್ ಪ್ಯಾಂಟ್ಗಳು ಟಮ್ಮಿಯ ಭಾಗದ ಮೇಲೆ ಕೂರುವುದರಿಂದ ನೋಡಲು ನಿಮ್ಮ ಕಾಲುಗಳು ಉದ್ದನಾಗಿ ಕಾಣುತ್ತವೆ. ಇದಕ್ಕೆ ಕ್ರಾಪ್ ಟಾಪ್ ಧರಿಸುವುದರಿಂದ ನೀವು ಉದ್ದನಾಗಿ ಕಾಣುತ್ತೀರಿ. ಹಾಗೆಂದು ತೀರಾ ಲಾಂಗ್ ಟಾಪ್ ಧರಿಸಿದಲ್ಲಿ ಯಾವುದೇ ಬದಲಾವಣೆ ಕಾಣದು.
ದೊಗಲೆ ಡ್ರೆಸ್ಗಳನ್ನು ಅವಾಯ್ಡ್ ಮಾಡಿ
ಆದಷ್ಟೂ ಸ್ಲಿಮ್ ಫಿಟ್ ಡ್ರೆಸ್ಗಳನ್ನು ಆಯ್ಕೆ ಮಾಡಿ. ಲೂಸಾದ ಅಥವಾ ದೊಗಲೆಯಾದ ಡ್ರೆಸ್ಗಳು ನಿಮ್ಮನ್ನು ಮತ್ತಷ್ಟು ಪ್ಲಂಪಿಯಾಗಿರುವಂತೆ ಬಿಂಬಿಸಬಹುದು. ಇಲ್ಲವೇ ಕುಳ್ಳಗೆ ಕಾಣುವಂತೆ ಮಾಡಬಹುದು. ಹಾಗಾಗಿ ದೊಗಲೆ ಹಾಗೂ ಫಿಟ್ಟಿಂಗ್ ಇರದ ಉಡುಪುಗಳನ್ನು ಧರಿಸದಿರುವುದು ಉತ್ತಮ.
ಮಾನೋಕ್ರೋಮ್ ಶೇಡ್ಸ್
ನೀವು ಮಾನೋಕ್ರೋಮ್ ಶೇಡ್ನ ಉಡುಪುಗಳನ್ನು ಆಯ್ಕೆ ಮಾಡಿದಲ್ಲಿ ಟಾಲ್ಲುಕ್ನ ಇಲ್ಯೂಷನ್ ಕ್ರಿಯೇಟ್ ಮಾಡಬಹುದು. ಒಂದೇ ಕಲರ್ನ ಡಿಫರೆಂಟ್ ಶೇಡ್ ಆದರೂ ಓಕೆ. ಇವು ನೋಡಲು ಒಂದೇ ತರಹದ್ದಾಗಿ ಕಾಣುವುದರಿಂದ ಉದ್ದನಾಗಿ ಕಾಣುವಂತೆ ಬಿಂಬಿಸುತ್ತವೆ. ಸಾಲಿಡ್ ಕಲರ್ಸ್ ಆಯ್ಕೆ ಕೂಡ ಉತ್ತಮ.
ಫ್ರಿಲ್ ಉಡುಪು ಬೇಡ
ಹೆಚ್ಚು ಫ್ರಿಲ್ ಹಾಗೂ ನೆರಿಗೆಗಳಿರುವ ಟಾಪ್ ಹಾಗೂ ಫ್ರಾಕ್ಗಳನ್ನು ಧರಿಸಬೇಡಿ. ಇವು ದೇಹದ ಭಾಗವನ್ನು ಅಗಲ ಕಾಣುವಂತೆ ಮಾಡಿ ಕುಳ್ಳಗೆ ಕಾಣುವಂತೆ ಬಿಂಬಿಸುತ್ತವೆ. ಇನ್ನು ಅಗಲವಾದ ನೆಕ್ಲೈನ್ ಹಾಗೂ ವಿ ನೆಕ್ಲೈನ್ ಇರುವಂತಹ ಡ್ರೆಸ್ಗಳು ಟಾಲ್ ಇಲ್ಯೂಷನ್ ಕ್ರಿಯೆಟ್ ಮಾಡುತ್ತವೆ.