Ugadi-Ramzan Fashion 2026: ಯುಗಾದಿ-ರಂಜಾನ್ ಸೀಸನ್ನಲ್ಲಿ ಬ್ಯಾಂಗಲ್ಸ್ ಕಲರವ!
ರಂಜಾನ್ ಮತ್ತು ಯುಗಾದಿ ಫೆಸ್ಟೀವ್ ಸೀಸನ್ನಲ್ಲಿ ಇದೀಗ ನಾನಾ ಬಗೆಯ ವಿನ್ಯಾಸದ ಬ್ಯಾಂಗಲ್ಸ್ ಲಗ್ಗೆ ಇಟ್ಟಿವೆ. ನಾನಾ ಕಲರ್ಗಳಲ್ಲಿ ಡಿಸೈನ್ಗಳಲ್ಲಿ ಲಭ್ಯ. ಲೆಹೆಂಗಾ, ಸೀರೆ, ಲಂಗ-ದಾವಣಿಗೆ ಮ್ಯಾಚ್ ಆಗುವಂತಹ, ಸೈಡ್ನಲ್ಲಿ, ಕಡದಂತಹ ಡಿಸೈನ್ ಹೊಂದಿರುವ ಬಳೆಗಳು ಇವುಗಳೊಂದಿಗೆ ಬಂದಿವೆ. ಇವನ್ನು ಮಿಕ್ಸ್ ಮಾಡಿ ಕೂಡ ಧರಿಸಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್ಸ್. ಈ ಕುರಿತ ವರದಿ ಇಲ್ಲಿದೆ.
ವಿವಿಧ ವಿನ್ಯಾಸದ ಬಳೆಗಳು (ಚಿತ್ರಕೃಪೆ: ಪಿಕ್ಸೆಲ್) -
ಯುಗಾದಿ ಮತ್ತು ರಂಜಾನ್ ಫೆಸ್ಟೀವ್ ಸೀಸನ್ಗೆ ಬಗೆಬಗೆಯ ವಿನ್ಯಾಸದ ಬ್ಯಾಂಗಲ್ಗಳು ಬಿಡುಗಡೆಗೊಂಡಿವೆ. ಎರಡೆರಡು ಹಬ್ಬಗಳಲ್ಲಿ ಮಾನಿನಿಯರ ಕೈಗಳನ್ನು ಸಿಂಗರಿಸಲು ಸಜ್ಜಾಗಿವೆ.
ಯುಗಾದಿಗೆ ಬಂತು ಕಲರ್ಫುಲ್ ಸೆಟ್ ಬ್ಯಾಂಗಲ್ಸ್
ಯುಗಾದಿ ಹಬ್ಬಕ್ಕೆ ನಾನಾ ಬಗೆಯ ಗ್ರ್ಯಾಂಡ್ ಶೇಡ್ನ ಕಲರ್ಫುಲ್ ಸೆಟ್ ಬಳೆಗಳು ಆಗಮಿಸಿವೆ. ನಾನಾ ಕಲರ್ಗಳಲ್ಲಿ ಡಿಸೈನ್ಗಳಲ್ಲಿ ಲಭ್ಯ. ಲೆಹೆಂಗಾ, ಸೀರೆ, ಲಂಗ-ದಾವಣಿಗೆ ಮ್ಯಾಚ್ ಆಗುವಂತಹ, ಸೈಡ್ನಲ್ಲಿ, ಕಡದಂತಹ ಡಿಸೈನ್ ಹೊಂದಿರುವ ಬಳೆಗಳು ಇವುಗಳೊಂದಿಗೆ ಬಂದಿವೆ. ಇವನ್ನು ಮಿಕ್ಸ್ ಮಾಡಿ ಕೂಡ ಧರಿಸಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್ಸ್.
ರಂಜಾನ್ಗೆ ಮಿರಮಿರ ಮಿನುಗುವ ಬ್ಯಾಂಗಲ್ಸ್
ಇನ್ನು, ರಂಜಾನ್ ಹಬ್ಬಕ್ಕೆ ಮಿನುಗುವ ಗೋಲ್ಡನ್ ಹಾಗೂ ಸಿಲ್ವರ್ ಶೇಡ್ನ ಸೆಟ್ ಬ್ಯಾಂಗಲ್ಗಳು ಬಂದಿವೆ. ಮೆಟಲ್, ಫೈಬರ್ ಹಾಗೂ ಗಾಜಿನಲ್ಲೂ ಈ ಸೆಟ್ ಬ್ಯಾಂಗಲ್ಸ್ ದೊರೆಯುತ್ತಿವೆ. ಒಂದಕ್ಕಿಂತ ಒಂದು ಶೈಲಿಯ ಸೆಟ್ ಗ್ರ್ಯಾಂಡ್ ವಿನ್ಯಾಸದಲ್ಲಿ ದೊರೆಯುತ್ತಿವೆ. ಶೈನಿಂಗ್ ಶೇಡ್ಗಳಲ್ಲಿ ಅದರಲ್ಲೂ ಗೋಲ್ಡನ್ ಹಾಗೂ ಸಿಲ್ವರ್ ಕಲರ್ನವು ಅತಿ ಹೆಚ್ಚು ಬೇಡಿಕೆ ಹೆಚ್ಚಿಸಿಕೊಂಡಿವೆ. ಈ ಸೆಟ್ ಬ್ಯಾಂಗಲ್ಸ್ ಮಧ್ಯೆ ಬಿಗ್ ಬ್ಯಾಂಗಲ್ಗಳು ಸೇರಿಕೊಂಡಿವೆ. ಇವು ಸೈಡ್ ಬ್ಯಾಂಗಲ್ಗಳ ಅಂದ ಹೆಚ್ಚಿಸುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್ಗಳು.
ಹಬ್ಬದ ಬ್ಯಾಂಗಲ್ಸ್ ಖರೀದಿಗೆ 5 ಟಿಪ್ಸ್
- ಹಬ್ಬದ ಡಿಸೈನರ್ವೇರ್ಗೆ ಮ್ಯಾಚ್ ಆಗುವ ಸೆಟ್ ಬ್ಯಾಂಗಲ್ಸ್ ಖರೀದಿಸಿ.
- ಮಿಕ್ಸ್ ಮ್ಯಾಚ್ ಮಾಡಿ ಧರಿಸಬಹುದಾದ ಮೂರ್ನಾಲ್ಕು ಡಿಸೈನ್ನ ಸೆಟ್ ಬ್ಯಾಂಗಲ್ಸ್ ಕೊಳ್ಳಿ.
- ಗೋಲ್ಡ್-ಸಿಲ್ವರ್ ಸೆಟ್ ಬ್ಯಾಂಗಲ್ಸ್ ಎಲ್ಲವಕ್ಕೂ ಹೊಂದುತ್ತವೆ.
- ಡಜನ್ಗಟ್ಟಲೆ ಸಿಗುವ ಸೆಟ್ ಬ್ಯಾಂಗಲ್ಸ್ ಆಯ್ಕೆ ಮಾಡಿ.
- ಆದಷ್ಟೂ ಬಾಳಿಕೆ ಬರುವಂತಹ ಬಳೆಗಳನ್ನು ಕೊಳ್ಳಿ.
