Leena Chandavarkar: ಸಿಎಂ ಮಗನ ಜೊತೆ ಮದ್ವೆ.... 11ನೇ ದಿನಕ್ಕೆ ವಿಧವೆ- ಈ ಖ್ಯಾತ ನಟಿ ಬಾಳಲ್ಲಿ ನಡೆದಿದ್ದು ಅದೆಂಥಾ ದುರಂತ?
ಭಾರತೀಯ ಚಲನಚಿತ್ರೋದ್ಯಮದಲ್ಲಿ ಮಿಂಚಿದ್ದ ಅನೇಕ ಸೆಲೆಬ್ರಿಟಿಗಳು ವೈಯಕ್ತಿಕ ಜೀವನದಲ್ಲಿ ಸಾಕಷ್ಟು ಕಷ್ಟಗಳನ್ನು ಅನುಭವಿಸಿದ್ದ ವಿಚಾರಗಳು ಈಗಾಗಲೇ ನಮಗೆ ತಿಳಿದಿದೆ. ಕೆಲವು ಸಿನಿಮಾ ತಾರೆಯರು ಸಿನಿ ಕೆರಿಯರ್ ನಲ್ಲಿ ಎಡವಿದರೆ ಇನ್ನು ಕೆಲವರು ತಮ್ಮ ವೈಯಕ್ತಿಕ ವಿಚಾರದಿಂದ ಕಷ್ಟ ಅನುಭವಿಸಿದ್ದಾರೆ. ಅಂತೆಯೇ ಹಲವು ಪ್ರಸಿದ್ಧ ನಟ-ನಟಿಯರ ವೈಯಕ್ತಿಕ ಜೀವನವು ದುರಂತ ಅಂತ್ಯ ಕಂಡಿದ್ದು ಇದೆ. ಅಂತಹ ನಟಿಯರಲ್ಲಿ ಲೀನಾ ಚಂದಾವರ್ಕರ್ ಕೂಡ ಒಬ್ಬರು. ಮುಖ್ಯ ಮಂತ್ರಿಯ ಮಗ ನನ್ನು ಮದುವೆಯಾಗಿ ಸುಖ ಜೀವನದ ಕನಸು ಕಾಣಬೇಕಿದ್ದ ಇವರ ಬಾಳು ದುಃಖದ ಮಡುವಲ್ಲಿ ದುರಂತ ಅಂತ್ಯ ಕಾಣುವಂತಾಯ್ತು.
Leena Chandavarkar
Pushpa Kumari
Jun 19, 2025 5:03 PM
ಲೀನಾ ಚಂದಾವರ್ಕರ್ ಅವರು ಕರ್ನಾಟಕದ ಮಿಲಿಟರಿ ಸಿಬ್ಬಂದಿಯ ಕುಟುಂಬದಲ್ಲಿ ಜನಿಸಿದರು. 1968ರಲ್ಲಿ ವಿನೋದ್ ಖನ್ನಾ ಅವರ ಜೊತೆಯಲ್ಲಿ ಮಾ ಕಾ ಮೀತ್ ಎಂಬ ಸಿನಿಮಾ ಮೂಲಕ ಬಾಲಿವುಡ್ ನಟನಾ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿದರು. ಅನಂತರ ಅವರ ಅಭಿನಯದ ಅನೇಕ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಸೂಪರ್‌ಹಿಟ್ ಆಗಿತ್ತು. 1970-80ರ ದಶಕಗಳಲ್ಲಿ ಬಾಲಿವುಡ್‌ನಲ್ಲಿ ಖ್ಯಾತ ಸೂಪರ್ ಸ್ಟಾರ್ ನಟಿಯರಲ್ಲಿ ನಟಿ ಲೀನಾ ಚಂದಾವರ್ಕರ್ ಕೂಡ ಜನಪ್ರಿಯರಾದರು.
ಕೇವಲ 24ವರ್ಷ ವಯಸ್ಸಿನಲ್ಲಿಯೇ ಇವರು ಬಾಲಿವುಡ್ ಖ್ಯಾತ ನಟ ರಾಜೇಶ್ ಖನ್ನಾ ಮತ್ತು ದಿಲೀಪ್ ಕುಮಾರ್ ಅವ ರಂತಹ ಮೇರು ನಟರ ಜೊತೆಗೂ ಕೂಡ ನಟಿಸಿ ಖ್ಯಾತಿ ಪಡೆದಿದ್ದರು. ಅವರ ವೃತ್ತಿಜೀವನ ಉತ್ತುಂಗದಲ್ಲಿದ್ದಾಗ ರಾಜಕೀಯ ಕುಟುಂಬದಿಂದ ಹಿನ್ನೆಲೆ ಇರುವ ಸಿದ್ಧಾರ್ಥ್ ಬಂಡೋಡ್ಕರ್ ಅವರ ಪರಿಚಯವಾಯಿತು. ಆರಂಭದ ಪರಿಚಯ ಸ್ನೇಹವಾಗಿ ಬಳಿಕ ಇಬ್ಬರು ಪ್ರೀತಿಯ ಬಲೆಯಲ್ಲಿ ಸಿಲುಕಿದರು.
ಗೋವಾದ ಮೊದಲ ಮುಖ್ಯಮಂತ್ರಿ ದಯಾನಂದ ಬಂಡೋಡ್ಕರ್ ಅವರ ಮಗ ಸಿದ್ಧಾರ್ಥ್ ಬಂಡೋಡ್ಕರ್ ಅವರು ರಾಜಕೀಯ ಮತ್ತು ಸಿನಿಮಾ ಸೆಲೆಬ್ರಿಟಿಗಳ ಸಾಕಷ್ಟು ಪರಿಚಯ ಹೊಂದಿದ್ದರು. ಲೀನಾ ಚಂದಾವರ್ಕರ್ ಅವರನ್ನು ಪ್ರೀತಿಸಿ ಬಳಿಕ ಕುಟುಂಬದ ಸಮ್ಮತಿಯೊಂದಿಗೆ ವಿವಾಹವಾಗಿದ್ದಾರೆ. ಆದರೆ ಅದು ಅಂದುಕೊಂಡ ಮಟ್ಟಕ್ಕೆ ಜೀವನ ಸುಖಮಯವಾಗಿರಲಿಲ್ಲ.
ಮದುವೆಯಾಗಿ ಕೇವಲ 11 ದಿನಗಳಲ್ಲಿ ಸಿದ್ಧಾರ್ಥ್ ಬಂಡೋಡ್ಕರ್ ದುರಂತವಾಗಿ ಸಾವನ್ನಪ್ಪಿದರು. ಬಂದೂಕನ್ನು ಸ್ವಚ್ಛ ಗೊಳಿಸುತ್ತಿದ್ದಾಗ ಅದು ಆಕಸ್ಮಿಕವಾಗಿ ಸ್ಫೋಟವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದರು. ಲೀನಾ ಚಂದಾವರ್ಕರ್ ಅವರು ಮದು ವೆಯಾಗಿ ಕೇವಲ 11 ದಿನಕ್ಕೆ ವಿಧವೆಯಾಗಿದ್ದರು. ಹೀಗಾಗಿ ಪತಿಯ ಮನೆಯಿಂದ ತಮ್ಮ ತವರು ಮನೆಗೆ ವಾಪಾಸಾಗಬೇಕಾಯಿತು.
ವೈಯಕ್ತಿಕ ಜೀವನದಲ್ಲಿ ಸಾಕಷ್ಟು ನೊಂದ ಬಳಿಕ ಅವರು ಸಿನಿ ಕ್ಷೇತ್ರಕ್ಕೆ ಮರಳಿದ್ದಾರೆ. ಆದರೆ ಅಂದುಕೊಂಡ ಮಟ್ಟಕ್ಕೆ ಸಿನಿಮಾ ಕ್ಷೇತ್ರದಲ್ಲಿ ಅವಕಾಶಗಳು ಅವರಿಗೆ ಸಿಗಲಿಲ್ಲ. ಬಳಿಕ ಅವರು ಪ್ರಸಿದ್ಧ ಗಾಯಕ ಮತ್ತು ನಟ ಕಿಶೋರ್ ಕುಮಾರ್ ಅವರನ್ನು ಮರುವಿವಾಹವಾಗಿದ್ದಾರೆ. ಕಿಶೋರ್ ಕುಮಾರ್ ಅವರು ಈಗಾಗಲೇ ಮೂರು ಬಾರಿ ಮದುವೆಯಾಗಿ ವಿಚ್ಛೇದನ ಪಡೆದಿದ್ದರು. ಹಾಗಾಗಿ ಈ ವಿವಾಹವನ್ನು ಅವರ ಕುಟುಂಬದವರು ತೀವ್ರವಾಗಿ ವಿರೋಧಿಸಿದರು. ಹಾಗಿದ್ದರೂ ಜೀವನದಲ್ಲಿ ಎಲ್ಲಾ ಏರಿ ಳಿತಗಳ ಹೊರತಾಗಿಯೂ ಬದುಕನ್ನು ಅತ್ಯಂತ ದೃಢವಾಗಿ ನಿಭಾಯಿಸಿದ್ದು, ಬಹುತೇಕರಿಗೆ ಸ್ಫೂರ್ತಿ ಎನ್ನಬಹುದು