Varamahalaxmi Festival 2025: ವರಮಹಾಲಕ್ಷ್ಮಿ ಹಬ್ಬದ ಸಂಭ್ರಮಕ್ಕೆ ಟ್ರೆಂಡಿಯಾದ ರೇಷ್ಮೆ ಸೀರೆಗಳಿವು
Varamahalaxmi Festival 2025: ವರಮಹಾಲಕ್ಷ್ಮಿ ಹಬ್ಬದ ಸಂಭ್ರಮಕ್ಕೆ ಈಗಾಗಲೇ ಲೆಕ್ಕವಿಲ್ಲದಷ್ಟು ರೇಷ್ಮೆ ಸೀರೆಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಈ ಬಾರಿ ಶ್ರಾವಣ ಮಾಸಕ್ಕೂ ಮುನ್ನವೇ ರೇಷ್ಮೆ ಸೀರೆಗಳ ಮಹಾಪೂರವೇ ಸೀರೆ ಸೆಂಟರ್‌ಗಳಿಗೆ ಹರಿದು ಬಂದಿದ್ದು, ಒಂದಕ್ಕಿಂತ ಒಂದು ಮನಮೋಹಕ ವಿನ್ಯಾಸದ ರೇಷ್ಮೆ ಸೀರೆಗಳು ಈ ಫೆಸ್ಟಿವ್ ಸೀಸನ್‌ನಲ್ಲಿ ಸ್ತ್ರೀಯರನ್ನು ಸೆಳೆಯುತ್ತಿವೆ. ಅವು ಯಾವುವು? ಯಾವ ಡಿಸೈನ್‌ನವು ಹೆಚ್ಚು ಪ್ರಚಲಿತದಲ್ಲಿವೆ? ಎಂಬುದರ ಬಗ್ಗೆ ಇಲ್ಲಿದೆ ವರದಿ.
ಚಿತ್ರಗಳು: ಶಿಲ್ಪಾ ಪೂಜಾರಿ, ದೇವಿಕಾ, ಪವಿತ್ರಾ, ಲಾವಣ್ಯ ಶೆಟ್ಟಿ.
ಶೀಲಾ ಸಿ ಶೆಟ್ಟಿ
Aug 1, 2025 6:00 AM
ವರಮಹಾಲಕ್ಷ್ಮಿ ಹಬ್ಬದ ಸಂಭ್ರಮಕ್ಕೆ ವೆರೈಟಿ ರೇಷ್ಮೆ ಸೀರೆಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಈ ಬಾರಿ ಶ್ರಾವಣ ಮಾಸಕ್ಕೂ ಮುನ್ನವೇ ರೇಷ್ಮೆ ಸೀರೆಗಳ ಮಹಾಪೂರವೇ ಸೀರೆ ಸೆಂಟರ್‌ಗಳಿಗೆ ಹರಿದು ಬಂದಿದ್ದು, ಒಂದಕ್ಕಿಂತ ಒಂದು ಮನಮೋಹಕ ವಿನ್ಯಾಸದ ರೇಷ್ಮೆ ಸೀರೆಗಳು ಈ ಫೆಸ್ಟಿವ್ ಸೀಸನ್‌ನಲ್ಲಿ ಸ್ತ್ರೀಯರನ್ನು ಸೆಳೆಯುತ್ತಿವೆ. ಹಬ್ಬದ ಹೆಸರಲ್ಲಿ ಸೀರೆ ಖರೀದಿಯನ್ನು ಮೊದಲಿಗಿಂತ ಹೆಚ್ಚಿಸಿಕೊಂಡಿವೆ.
ಟ್ರೆಡಿಷನಲ್ ಲುಕ್ ನೀಡುವ ರೇಷ್ಮೆ ಸೀರೆಗಳಿಗೆ ಹೆಚ್ಚಾದ ಆದ್ಯತೆ
ವರಮಹಾಲಕ್ಷ್ಮಿ ಹಬ್ಬಕ್ಕೆ ಟ್ರೆಡಿಷನಲ್ ಲುಕ್ ನೀಡುವ ನಾನಾ ಬಗೆಯ ರೇಷ್ಮೆ ಸೀರೆಗಳು ಎಂಟ್ರಿ ನೀಡಿದ್ದು. ಅದರಲ್ಲೂ ಕಲಾತ್ಮಕವಾಗಿರುವ ಹಾಗೂ ಗ್ರ್ಯಾಂಡ್ ಲುಕ್ ನೀಡುವ ಸೀರೆಗಳು ಹೆಚ್ಚು ಮಹಿಳೆಯರನ್ನು ಸೆಳೆದಿವೆ. ಅದರಲ್ಲೂ ಲಕ್ಷ್ಮಿ ದೇವಿಗೆ ಉಡಿಸಲು ಮಾತ್ರವಲ್ಲ, ಮಹಿಳೆಯರು ಟ್ರೆಡಿಷನಲ್ ಆಗಿ ಕಾಣಿಸಬಹುದಾದ ಸೀರೆಗಳು ಈ ಬಾರಿ ಎಲ್ಲಾ ವರ್ಗದ ಮಹಿಳೆಯರನ್ನು ಆಕರ್ಷಿಸುತ್ತಿವೆ ಎನ್ನುತ್ತಾರೆ ಮಾಡೆಲ್ ದೇವಿಕಾ, ಪವಿತ್ರಾ, ಲಾವಣ್ಯ ಹಾಗೂ ಡಿಸೈನರ್ ಶಿಲ್ಪಾ. ಇನ್ನು ಇವರೆಲ್ಲರ ಅವರ ಪ್ರಕಾರ, ರೇಷ್ಮೆ ಸೀರೆಗಳು ಸೀರೆಗಳು ಮಹಿಳೆಯರ ಸೌಂದರ್ಯದ ಪ್ರತೀಕವಂತೆ.
2ಡಿ-3ಡಿ ಸೆಮಿ ಕ್ರೇಪ್ ಸಿಲ್ಕ್ ಸೀರೆಗಳ ಮಾರಾಟ ಹೆಚ್ಚಳ
ಅವರ ಪ್ರಕಾರ, ಸಾದಾ ಹಾಗೂ ಲೈನ್ಸ್ ಹಾಗೂ ಫ್ಲೋರಲ್ ಪ್ರಿಂಟ್ಸ್ ಇರುವಂತಹ ಸೆಮಿ ಕ್ರೇಪ್ ಸಿಲ್ಕ್ ಸೀರೆಗಳು ವೈವಿಧ್ಯಮಯ ಡಿಸೈನ್‌ಗಳಲ್ಲಿ ಆಗಮಿಸಿದ್ದು, ಎಲ್ಲಾ ವಯಸ್ಸಿನ ಮಹಿಳೆಯರನ್ನು ಸೆಳೆಯುತ್ತಿವೆ.
ಆಕರ್ಷಕ ಪ್ರಿಂಟೆಡ್ ಸಿಲ್ಕ್ ಸೀರೆಗಳು
ಇನ್ನು, ಇಡೀ ಸೀರೆ ತುಂಬೆಲ್ಲಾ ಕಲಾಂಕಾರಿ, ಬೂಟಾ, ಗಾರ್ಡನ್ ಪ್ರಿಂಟ್ಸ್ ಇರುವಂತಹ ಸಾಫ್ಟ್ ಹಾಗೂ ಸೆಮಿ ಸಾಫ್ಟ್ ಸಿಲ್ಕ್ ಸೀರೆಗಳು, ಗ್ರ್ಯಾಂಡ್ ಗೋಲ್ಡನ್ ಹಾಗೂ ಸಿಲ್ವರ್ ಬಾರ್ಡರ್ ಹೊಂದಿರುವಂತವು ಎಂಟ್ರಿ ನೀಡಿವೆ.
ಬಾರ್ಡರ್ ಸಿಲ್ಕ್ ಸೀರೆಗಳು
ಬಗೆಬಗೆಯ ಬಾರ್ಡರ್ ಸಿಲ್ಕ್ ಸೀರೆಗಳು, ಮತ್ತೊಮ್ಮೆ ಹಬ್ಬದ ಸೀಸನ್‌ನಲ್ಲಿ ಹೊಸ ರೂಪದಲ್ಲಿ ಆಗಮಿಸಿದ್ದು, ಇವುಗಳ ಅಗಲವಾದ ಟ್ರೆಡಿಷನಲ್ ಬಾರ್ಡರ್ ಉಟ್ಟಾಗ ನೋಡಲು ಮನ ಸೆಳೆಯುತ್ತವೆ. ಇವುಗಳ ಕಾಂಟ್ರಾಸ್ಟ್ ಶೇಡ್‌ಗಳವು ಈ ಫೆಸ್ಟೀವ್ ಸೀಸನ್‌ನಲ್ಲಿ ಅತಿ ಹೆಚ್ಚು ಪ್ರಚಲಿತದಲ್ಲಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
