Winter Fashion 2026: ಯುವತಿಯರನ್ನು ಅಪ್ಪಿದ ಕೊರಿಯನ್ ಶಾರ್ಟ್ ಸ್ವೆಟರ್ಸ್
ಈ ಬಾರಿಯ ವಿಂಟರ್ ಸೀಸನ್ನಲ್ಲಿ ಕೊರಿಯನ್ ಫ್ಯಾಷನ್ನಲ್ಲಿರುವ ಶಾರ್ಟ್ ಸ್ವೆಟರ್ಗಳು ಯುವತಿಯರ ಅಂದ ಹೆಚ್ಚಿಸಿವೆ. ಇನ್ನು, ಇದಕ್ಕೆ ಪೂರಕ ಎಂಬಂತೆ, ಇತ್ತೀಚೆಗೆ ನಟಿ ಸಮೈರಾ ರಾವ್ ಧರಿಸಿದ್ದ, ಬಟರ್ ಫ್ಲೈ ಡಿಸೈನ್ನ ಸ್ವೆಟರ್ ಟಾಪ್ ಅಂತೂ ಈಗಾಗಲೇ ಫ್ಯಾಷನ್ ಲೋಕದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿವೆ. ಈ ಕುರಿತ ಡಿಟೇಲ್ಸ್ ಇಲ್ಲಿದೆ.
ಚಿತ್ರಗಳು: ಸಮೈರಾ ರಾವ್, ನಟಿ -
ಕೊರಿಯನ್ ಫ್ಯಾಷನ್ ಸ್ವೆಟರ್ಗಳು ಟ್ರೆಂಡಿಯಾಗಿವೆ. ಹೌದು, ಕೊರಿಯನ್ ಫ್ಯಾಷನ್ನಲ್ಲಿ ಸೂಪರ್ ಹಿಟ್ ಆಗಿರುವಂತಹ ಗ್ರಾಫಿಕ್ ಪ್ರಿಂಟ್ಸ್ನ ಶಾರ್ಟ್ ಅಥವಾ ಕ್ರಾಪ್ಡ್ ಸ್ವೆಟರ್ಗಳು ಈಗಾಗಲೇ ಯುವತಿಯರನ್ನು ಸವಾರಿ ಮಾಡತೊಡಗಿವೆ.
ಟ್ರೆಂಡಿಯಾದ ಸಮೈರಾ ಧರಿಸಿದ ಸ್ವೆಟರ್
ಇನ್ನು, ಇದಕ್ಕೆ ಪೂರಕ ಎಂಬಂತೆ, ಇತ್ತೀಚೆಗೆ ನಟಿ ಸಮೈರಾ ರಾವ್ ಧರಿಸಿದ್ದ, ಬಟರ್ ಫ್ಲೈ ಡಿಸೈನ್ನ ಸ್ವೆಟರ್ ಟಾಪ್ ಅಂತೂ ಈಗಾಗಲೇ ಫ್ಯಾಷನ್ ಲೋಕದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿವೆ.
ಕೊರಿಯನ್ ಸ್ವೆಟರ್ಸ್ಗೆ ಹೆಚ್ಚಾದ ಬೇಡಿಕೆ
ಪ್ರತಿ ಬಾರಿಯಂತೆ ಈ ಬಾರಿಯು ವಿಂಟರ್ ಸೀಸನ್ನಲ್ಲಿ, ಸಾಕಷ್ಟು ಬಗೆಯ ಸ್ವೆಟರ್ಗಳು ಬಂದಿವೆ. ಆದರೆ, ಅವುಗಳಲ್ಲಿ ಉಲ್ಲಾಸ ಹೆಚ್ಚಿಸುವಂತಹ ಕೊರಿಯನ್ ಫ್ಯಾಷನ್ ಕೆಟಗರಿಗೆ ಸೇರುವ ಕ್ರಾಪ್ಡ್ ಅಥವಾ ಶಾರ್ಟ್ ಸ್ವೆಟರ್ಗಳು ಮಾತ್ರ ಹುಡುಗಿಯರನ್ನು ಬರಸೆಳೆದಿವೆ. ಮೊದಲಿಗಿಂತ ಬೇಡಿಕೆ ಹೆಚ್ಚಿಸಿಕೊಂಡಿವೆ ಎನ್ನುತ್ತಾರೆ ಮಾರಾಟಗಾರರಾದ ಸುಮಂತ್.
ಕೊರಿಯನ್ ಡ್ರಾಮಾ ಎಫೆಕ್ಟ್
ಎಲ್ಲರಿಗೂ ಗೊತ್ತಿರುವಂತೆ, ಕೊರಿಯನ್ ಡ್ರಾಮಾಗಳು ಹಾಗೂ ವೆಬ್ಸೀರೀಸ್ಗಳು ಈ ಶೈಲಿಯ ಸ್ವೆಟರ್ ಇಷ್ಟಪಡಲು ಕಾರಣ. ಅದರಲ್ಲೂ ಕೆ ಡ್ರಾಮಾದ ನಟ-ನಟಿಯರು ಧರಿಸುವಂತಹ ಸೀಸನ್ವೇರ್ಗಳು ಇತ್ತೀಚೆಗೆ ಯುವತಿಯರನ್ನು ಹೆಚ್ಚು ಆಕರ್ಷಿಸುತ್ತಿವೆ. ಪರಿಣಾಮ ಈ ಕ್ರಾಪ್ಡ್ ಸ್ವೆಟರ್ಗಳು ಟ್ರೆಂಡಿಯಾಗುತ್ತಿವೆ ಎನ್ನುತ್ತಾರೆ ಫ್ಯಾಷನ್ ಎಕ್ಸ್ಪರ್ಟ್ ರಾಜ್.
ಟ್ರೆಂಡಿಯಾಗಿರುವ ಬಟರ್ ಫ್ಲೈ/ಬರ್ಡ್ಸ್ ಶಾರ್ಟ್ ಸ್ವೆಟರ್ಸ್
ಸದ್ಯ ಕೊರಿಯನ್ ವಿಂಟರ್ ಫ್ಯಾಷನ್ವೇರ್ಸ್ನಲ್ಲಿ ಗ್ರಾಫಿಕ್ ಬಟರ್ ಫ್ಲೈ ಹಾಗೂ ಬರ್ಡ್ಸ್ ಪ್ರಿಂಟ್ಸ್ನವು ಚಾಲ್ತಿಯಲ್ಲಿವೆ. ಅವುಗಳಲ್ಲಿ ಬೆಲ್ಲಿ ಕಾಣುವಂತಹ ನೆವಲ್ ಡಿಸೈನ್ನವು ಈ ಜನರೇಷನ್ ಹುಡುಗಿಯರನ್ನು ಹೆಚ್ಚು ಸೆಳೆದಿವೆ ಎನ್ನುತ್ತಾರೆ ಫ್ಯಾಷನಿಸ್ಟಾ ರಿಚಾ ಹಾಗೂ ಸಾಧ್ವಿ.