ಬೆಂಗಳೂರು FC ಜೊತೆ ಪಾಲುದಾರಿಕೆ ಘೋಷಣೆ; ಫುಟ್‌ಬಾಲ್ ಕ್ಷೇತ್ರಕ್ಕೂ ತನ್ನ ಕ್ರೀಡಾ ನಂಟನ್ನು ವಿಸ್ತರಿಸಿದ ಸಂಸ್ಥೆ

ಬೆಂಗಳೂರು: ಹೊಸ ತಲೆಮಾರಿನ, ವಿನ್ಯಾಸ ಮತ್ತು ಎಂಜಿನಿಯರಿಂಗ್ ಆಧಾರಿತ ಎಲೆಕ್ಟ್ರಿಕ್ ಮೊಬಿಲಿಟಿ ಬ್ರ್ಯಾಂಡ್ ಆಗಿರುವ BGauss, ಭಾರತದ ಕ್ರೀಡಾಭಿಮಾನಿಗಳೊಂದಿಗೆ ತನ್ನ ನಂಟನ್ನು ಫುಟ್‌ಬಾಲ್(Football) ಕ್ಷೇತ್ರಕ್ಕೂ ವಿಸ್ತರಿಸುತ್ತಿದೆ. 2026-27ನೇ ಸಾಲಿನ ಇಂಡಿಯನ್ ಸೂಪರ್ ಲೀಗ್ (ISL) ಋತುವಿಗಾಗಿ ಬೆಂಗಳೂರು FC ತಂಡದೊಂದಿಗೆ ಅಸೋಸಿಯೇಟ್ ಪಾಲುದಾರರಾಗಿ ಕೈಜೋಡಿಸಿ ರುವುದಾಗಿ ಸಂಸ್ಥೆ ಘೋಷಿಸಿದೆ.

ಭಾರತದ ಹೊಸ ತಲೆಮಾರಿನ ಗ್ರಾಹಕರ ಆಸಕ್ತಿಗಳು, ಗುರುತುಗಳು ಮತ್ತು ಜೀವನಶೈಲಿಗಳೊಂದಿಗೆ ಎಲೆಕ್ಟ್ರಿಕ್ ಮೊಬಿಲಿಟಿಯನ್ನು ಬೆಸೆಯುವ ಉದ್ದೇಶದಿಂದ ಸಂಸ್ಥೆ ಕೈಗೊಂಡಿರುವ ಮೂರನೇ ಪ್ರಮುಖ ಕ್ರೀಡಾ ಪಾಲುದಾರಿಕೆ ಇದಾಗಿದೆ.

ಬೆಂಗಳೂರು FC ಜೊತೆಗಿನ ಈ ಪಾಲುದಾರಿಕೆಯ ಮೂಲಕ, BGauss ಪಂದ್ಯದ ದಿನದ ಬ್ರ್ಯಾಂಡಿಂಗ್ ಮತ್ತು ಅಭಿಮಾನಿಗಳೊಂದಿಗೆ ತೊಡಗಿಸಿಕೊಳ್ಳುವ ಚಟುವಟಿಕೆಗಳ ಮೇಲೆ ಗಮನಹರಿಸಲಿದೆ. ಇದರೊಂದಿಗೆ ಡಿಜಿಟಲ್ ಅಭಿಯಾನಗಳು, ಕಂಟೆಂಟ್ ಸಹಯೋಗಗಳು ಮತ್ತು ವಿವಿಧ ಚಟುವಟಿಕೆ ಗಳನ್ನೂ ಹಮ್ಮಿಕೊಳ್ಳಲಿದೆ. ಅಲ್ಲದೆ, ಬೆಂಗಳೂರು ಮತ್ತು ಕರ್ನಾಟಕದಾದ್ಯಂತ ತನ್ನ ಡೀಲರ್‌ಶಿಪ್‌ ಗಳ ಮೂಲಕ ಅಭಿಮಾನಿಗಳೊಂದಿಗೆ ನೇರ ಸಂಪರ್ಕ ಸಾಧಿಸುವ ಉಪಕ್ರಮಗಳನ್ನೂ ಸಂಸ್ಥೆ ಅನ್ವೇಷಿಸಲಿದೆ. ಈ ಮೂಲಕ ಕ್ರೀಡಾಂಗಣದಾಚೆಗೂ ತನ್ನ ಪಾಲುದಾರಿಕೆಯನ್ನು ವಿಸ್ತರಿಸಲಿದೆ.

ಇದನ್ನೂ ಓದಿ: LIC All-India Sports : ಬೆಂಗಳೂರಿನಲ್ಲಿ ಎಲ್‌ಐಸಿ ಅಖಿಲ ಭಾರತ ಕ್ರೀಡಾಕೂಟಕ್ಕೆ ಚಾಲನೆ

ಈ ಚಿಲ್ಲರೆ ವ್ಯಾಪಾರ ಆಧಾರಿತ ಉಪಕ್ರಮವು ಡೀಲರ್‌ಶಿಪ್‌ಗಳನ್ನು ಗ್ರಾಹಕರೊಂದಿಗೆ ಸಂಪರ್ಕ ಸಾಧಿಸುವ ಕೇಂದ್ರಗಳನ್ನಾಗಿ ರೂಪಿಸುವ BGauss‌ನ ಕಾರ್ಯತಂತ್ರದ ಮುಂದುವರಿದ ಭಾಗವಾಗಿದೆ. ಅಭಿಮಾನಿಗಳೊಂದಿಗಿನ ಸಂವಹನವನ್ನು ಉತ್ಪನ್ನಗಳ ಪರಿಚಯದೊಂದಿಗೆ ಬೆಸೆಯುವ ಮೂಲಕ, ಗ್ರಾಹಕರು BGauss ಉತ್ಪನ್ನಗಳನ್ನು ಅನುಭವಿಸಲು ಮತ್ತು ಪರಿಚಿತ ವಾತಾವರಣದಲ್ಲಿ ಎಲೆಕ್ಟ್ರಿಕ್ ಮೊಬಿಲಿಟಿಯೊಂದಿಗೆ ತೊಡಗಿಸಿಕೊಳ್ಳಲು ಹೆಚ್ಚಿನ ಅವಕಾಶಗಳನ್ನು ಸೃಷ್ಟಿಸುವ ಗುರಿಯನ್ನು ಸಂಸ್ಥೆ ಹೊಂದಿದೆ.

BGauss ಪಾಲಿಗೆ, ಫುಟ್‌ಬಾಲ್ ಕ್ಷೇತ್ರಕ್ಕೆ ಪ್ರವೇಶಿಸುವುದು ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ವಿಭಾಗವನ್ನು ಮೀರಿ ಬ್ರ್ಯಾಂಡ್‌ನ ಪ್ರಸ್ತುತತೆಯನ್ನು ಹೆಚ್ಚಿಸುವ ವಿಶಾಲ ಕಾರ್ಯತಂತ್ರದ ಭಾಗವಾಗಿದೆ. ಯುವ ಗ್ರಾಹಕರು ತಮ್ಮ ವಾಹನ ಆಯ್ಕೆಗಳಲ್ಲಿ ವಿನ್ಯಾಸ, ತಂತ್ರಜ್ಞಾನ, ವೈಯಕ್ತಿಕ ಅಭಿವ್ಯಕ್ತಿ ಮತ್ತು ದೈನಂದಿನ ಬಳಕೆಯ ಅನುಕೂಲತೆಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿರುವ ಸಂದರ್ಭದಲ್ಲಿ, ಕ್ರೀಡೆಯು ಅವರ ಆಸಕ್ತಿಗಳು ಮತ್ತು ಅನುಭವಗಳ ಮೂಲಕ ಸಂಪರ್ಕ ಸಾಧಿಸಲು ಬ್ರ್ಯಾಂಡ್‌ಗೆ ಸೂಕ್ತ ವೇದಿಕೆಯನ್ನು ಒದಗಿಸುತ್ತದೆ. ಈ ಪಾಲುದಾರಿಕೆಯು ಫುಟ್‌ಬಾಲ್‌ನ ಉತ್ಸಾಹ ಮತ್ತು ಚುರುಕುತನವನ್ನು BGauss‌ನ ಸ್ಪಂದನಶೀಲ ಎಂಜಿನಿಯರಿಂಗ್, ಬುದ್ಧಿವಂತ ತಂತ್ರಜ್ಞಾನ ಮತ್ತು ಆಕರ್ಷಕ ವಿನ್ಯಾಸದ ಬದ್ಧತೆಯೊಂದಿಗೆ ಬೆಸೆಯುತ್ತದೆ.

ಈ ಪಾಲುದಾರಿಕೆಯ ಕುರಿತು ಮಾತನಾಡಿದ BGauss‌ನ ಬ್ರ್ಯಾಂಡ್ ನಿರ್ದೇಶಕಿ ಪ್ರಿಯಾಂಕ ಕಬ್ರಾ ಅವರು, “ನಮ್ಮ ಕ್ರೀಡಾ ಪಾಲುದಾರಿಕೆಗಳ ಹಿಂದಿನ ನಂಬಿಕೆ ಸರಳವಾಗಿದೆ. ಗ್ರಾಹಕರಿಗೆ ಮುಖ್ಯ ವಾದ ಆಸಕ್ತಿಗಳು ಮತ್ತು ಸಮುದಾಯಗಳಲ್ಲಿ ಬ್ರ್ಯಾಂಡ್‌ಗಳು ಸಕ್ರಿಯವಾಗಿ ಭಾಗವಹಿಸಿ ದಾಗ ಅವು ಹೆಚ್ಚು ಪ್ರಸ್ತುತವಾಗುತ್ತವೆ.

ನಮ್ಮ ಪಯಣ ಪ್ರೊ ಕಬಡ್ಡಿ (ತಮಿಳ್ ತಲೈವಾಸ್) ಮೂಲಕ ಆರಂಭವಾಗಿ, ರಾಜಸ್ಥಾನ್ ರಾಯಲ್ಸ್ ಜೊತೆಗಿನ ಪಾಲುದಾರಿಕೆಯ ಮೂಲಕ ಕ್ರಿಕೆಟ್‌ಗೆ ವಿಸ್ತರಿಸಿತು. ಇದೀಗ ಬೆಂಗಳೂರು FC ಜೊತೆಗಿನ ಸಹಯೋಗದ ಮೂಲಕ ಫುಟ್‌ಬಾಲ್ ಕ್ಷೇತ್ರಕ್ಕೂ ಪ್ರವೇಶಿಸುತ್ತಿದ್ದೇವೆ. ಪ್ರತಿಯೊಂದು ಪಾಲುದಾರಿಕೆ ಯೂ ವಿಭಿನ್ನ ಕ್ರೀಡಾ ಮತ್ತು ಸಾಂಸ್ಕೃತಿಕ ಸನ್ನಿವೇಶಗಳಲ್ಲಿ ಪ್ರೇಕ್ಷಕರೊಂದಿಗೆ ಸಂಪರ್ಕ ಸಾಧಿಸಲು ನಮಗೆ ಅವಕಾಶ ಕಲ್ಪಿಸುತ್ತದೆ.

“ಭಾರತೀಯ ಎಲೆಕ್ಟ್ರಿಕ್ ಮೊಬಿಲಿಟಿ ಬ್ರ್ಯಾಂಡ್ ಆಗಿ, ಆಕರ್ಷಕ ವಿನ್ಯಾಸ ಮತ್ತು ಬುದ್ಧಿವಂತ ತಂತ್ರಜ್ಞಾನ ಒಟ್ಟುಗೂಡಿಸುವ ಉತ್ಪನ್ನಗಳನ್ನು ನಾವು ಅಭಿವೃದ್ಧಿಪಡಿಸುತ್ತಿದ್ದೇವೆ. Oowah Max Plus ಮತ್ತು C12 MaxR ಉತ್ಪನ್ನಗಳ ಇತ್ತೀಚಿನ ಬಿಡುಗಡೆಗಳೊಂದಿಗೆ, ದೈನಂದಿನ ಪ್ರಯಾಣ ದಿಂದ ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿರುವ ಗ್ರಾಹಕರ ಬದಲಾಗುತ್ತಿರುವ ಅಗತ್ಯಗಳನ್ನು ಪೂರೈಸಲು ನಾವು ಮುಂದಾಗಿದ್ದೇವೆ.

“ಕ್ರೀಡೆಯು ಉತ್ಪನ್ನಗಳ ಕುರಿತಾದ ಸಂಭಾಷಣೆಯನ್ನು ಮೀರಿ, ಗ್ರಾಹಕರು ಸಂಪರ್ಕ ಸಾಧಿಸುವ, ಭಾಗವಹಿಸುವ ಮತ್ತು ತಮ್ಮ ವ್ಯಕ್ತಿತ್ವವನ್ನು ಅಭಿವ್ಯಕ್ತಿಪಡಿಸುವ ಸಮುದಾಯಗಳೊಂದಿಗೆ ತೊಡಗಿಸಿಕೊಳ್ಳಲು ನಮಗೆ ಒಂದು ಉತ್ತಮ ಅವಕಾಶವಾಗಿದೆ. ಬೆಂಗಳೂರು FC ಜೊತೆಗೂಡಿ ಅಭಿಮಾನಿಗಳಿಗೆ ಆಕರ್ಷಕ ಅನುಭವಗಳನ್ನು ಸೃಷ್ಟಿಸಲು ಮತ್ತು ನಗರದ ಫುಟ್‌ಬಾಲ್ ಸಮುದಾಯದೊಂದಿಗೆ BGauss ಬ್ರ್ಯಾಂಡ್‌ನ ನಂಟನ್ನು ಮತ್ತಷ್ಟು ಬಲಪಡಿಸಲು ನಾವು ಎದುರು ನೋಡುತ್ತಿದ್ದೇವೆ,” ಎಂದು ಹೇಳಿದರು.

ಈ ಪಾಲುದಾರಿಕೆಯ ಕುರಿತು ಮಾತನಾಡಿದ ಬೆಂಗಳೂರು FCಯ ಫುಟ್‌ಬಾಲ್ ನಿರ್ದೇಶಕ ಡ್ಯಾರೆನ್ ಕಾಲ್ಡೈರಾ ಅವರು, “2026-27ನೇ ಸಾಲಿನ ಋತುವಿಗಾಗಿ BGauss ಅನ್ನು ನಮ್ಮ ಅಸೋಸಿಯೇಟ್ ಪಾಲುದಾರರಾಗಿ ಸ್ವಾಗತಿಸಲು ನಮಗೆ ಸಂತೋಷವಾಗಿದೆ. ಫುಟ್‌ಬಾಲ್ ಸಮುದಾಯಗಳನ್ನು ಒಗ್ಗೂಡಿಸುವ ಶಕ್ತಿಯನ್ನು ಹೊಂದಿದೆ ಎಂಬುದು ಬೆಂಗಳೂರು FCಯ ನಂಬಿಕೆ. ಈ ಪಾಲುದಾರಿಕೆ ಯು ನಮ್ಮ ಅಭಿಮಾನಿಗಳಿಗೆ ಅರ್ಥಪೂರ್ಣ ಅನುಭವಗಳನ್ನು ಒದಗಿಸುವುದರ ಜೊತೆಗೆ, ನಾವೀನ್ಯತೆ, ತಂತ್ರಜ್ಞಾನ ಮತ್ತು ಭವಿಷ್ಯದ ಮೊಬಿಲಿಟಿಗೆ ಆದ್ಯತೆ ನೀಡುವ ಬ್ರ್ಯಾಂಡ್‌ನೊಂದಿಗೆ ಅವರನ್ನು ಸಂಪರ್ಕಿಸಲು ಅವಕಾಶ ಕಲ್ಪಿಸುತ್ತದೆ,” ಎಂದು ಹೇಳಿದರು.

2013ರಲ್ಲಿ ಸ್ಥಾಪನೆಯಾದ ಬೆಂಗಳೂರು FC, ಭಾರತೀಯ ಫುಟ್‌ಬಾಲ್‌ನಲ್ಲಿ ಪ್ರಮುಖ ಕ್ಲಬ್ ಆಗಿ ಗುರುತಿಸಿಕೊಂಡಿದೆ. 2018-19ರ ಋತುವಿನಲ್ಲಿ ಇಂಡಿಯನ್ ಸೂಪರ್ ಲೀಗ್ ಪ್ರಶಸ್ತಿಯನ್ನು ಗೆದ್ದಿರುವುದರ ಜೊತೆಗೆ, ಎರಡು I-League ಪ್ರಶಸ್ತಿಗಳು ಮತ್ತು ಎರಡು ಫೆಡರೇಷನ್ ಕಪ್ ಪ್ರಶಸ್ತಿ ಗಳನ್ನು ತನ್ನದಾಗಿಸಿಕೊಂಡಿದೆ.

ಭಾರತೀಯ ಫುಟ್‌ಬಾಲ್‌ನ ಪ್ರಮುಖ ಆಟಗಾರರಾದ ಸುನಿಲ್ ಛೆಟ್ರಿ ಮತ್ತು ಗುರುಪ್ರೀತ್ ಸಿಂಗ್ ಸಂಧು ಅವರನ್ನೂ ಒಳಗೊಂಡಿರುವ ಈ ಕ್ಲಬ್, ವೆಸ್ಟ್ ಬ್ಲಾಕ್ ಬ್ಲೂಸ್ ಸೇರಿದಂತೆ ತನ್ನ ಉತ್ಸಾಹ ಭರಿತ ಅಭಿಮಾನಿಗಳ ಸಮುದಾಯದ ಬಲವಾದ ಬೆಂಬಲವನ್ನು ಹೊಂದಿದೆ.

ಈ ಪಾಲುದಾರಿಕೆಯು BGauss‌ನ ವಿಸ್ತರಿಸುತ್ತಿರುವ ಕ್ರೀಡಾ ತೊಡಗಿಸಿಕೊಳ್ಳುವಿಕೆಯ ಕಾರ್ಯ ತಂತ್ರಕ್ಕೆ ಮತ್ತೊಂದು ಸೇರ್ಪಡೆಯಾಗಿದೆ. ಪ್ರೊ ಕಬಡ್ಡಿ ಲೀಗ್‌ನಲ್ಲಿ ತಮಿಳ್ ತಲೈವಾಸ್ ಜೊತೆಗಿನ ಹಿಂದಿನ ಪಾಲುದಾರಿಕೆಯು ಕಬಡ್ಡಿಯ ಬಲವಾದ ಪ್ರಾದೇಶಿಕ ಮತ್ತು ತಳಮಟ್ಟದ ಅಭಿಮಾನಿ ಗಳೊಂದಿಗೆ ಸಂಪರ್ಕ ಸಾಧಿಸಲು ನೆರವಾಗಿತ್ತು.

ಅದೇ ರೀತಿ, ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ಜೊತೆಗಿನ ಪಾಲುದಾರಿಕೆ ಯು ಯುವಜನತೆ ಮತ್ತು ಸಾಂಸ್ಕೃತಿಕ ತೊಡಗಿಸಿಕೊಳ್ಳುವಿಕೆಗೆ ವಿಶಾಲವಾದ ಕ್ರಿಕೆಟ್ ಆಧಾರಿತ ವೇದಿಕೆಯನ್ನು ಒದಗಿಸಿತ್ತು. ಇದೀಗ ಬೆಂಗಳೂರು FC ಜೊತೆಗಿನ ಸಹಯೋಗವು ಈ ಕಾರ್ಯತಂತ್ರ ವನ್ನು ಫುಟ್‌ಬಾಲ್ ಕ್ಷೇತ್ರಕ್ಕೂ ವಿಸ್ತರಿಸಲಿದ್ದು, ವಿಭಿನ್ನ ಕ್ರೀಡಾ ಸಮುದಾಯಗಳಲ್ಲಿ ಭಾಗವಹಿಸುವ ಮತ್ತು ವಿಶಿಷ್ಟ ಸಾಂಸ್ಕೃತಿಕ ಸನ್ನಿವೇಶಗಳ ಮೂಲಕ ಪ್ರೇಕ್ಷಕರೊಂದಿಗೆ ಸಂಪರ್ಕ ಸಾಧಿಸುವ ಅವಕಾಶವನ್ನು BGauss‌ಗೆ ಒದಗಿಸಲಿದೆ.

ಮುಂದಿನ ದಿನಗಳಲ್ಲಿ, ತನ್ನ ಉತ್ಪನ್ನ ಮತ್ತು ಚಿಲ್ಲರೆ ವ್ಯಾಪಾರ ಉಪಕ್ರಮಗಳಿಗೆ ಪೂರಕವಾಗು ವಂತಹ ಸಮಗ್ರ ಕ್ರೀಡಾ, ಯುವಜನತೆ ಮತ್ತು ಸಂಸ್ಕೃತಿ ಆಧಾರಿತ ವೇದಿಕೆಗಳನ್ನು BGauss ಅನ್ವೇಷಿಸುವುದನ್ನು ಮುಂದುವರಿಸಲಿದೆ. ಈ ಪಾಲುದಾರಿಕೆಗಳ ಮೂಲಕ ನಿರಂತರ ಗ್ರಾಹಕ ತೊಡಗಿಸಿಕೊಳ್ಳುವಿಕೆಯನ್ನು ಬೆಳೆಸುವುದರ ಜೊತೆಗೆ, ಸಮಕಾಲೀನ ಭಾರತೀಯ ಜೀವನಶೈಲಿಯ ಭಾಗವಾಗಿ ಎಲೆಕ್ಟ್ರಿಕ್ ಮೊಬಿಲಿಟಿಯನ್ನು ಇನ್ನಷ್ಟು ಪರಿಚಿತಗೊಳಿಸುವ ಗುರಿಯನ್ನು ಸಂಸ್ಥೆ ಹೊಂದಿದೆ.