INDU19 vs AUSU19: ಆಸ್ಟ್ರೇಲಿಯಾ ಎದುರು ಭಾರತದ ಕಿರಿಯರಿಗೆ 7 ವಿಕೆಟ್‌ ಜಯ!

ಬ್ರಿಸ್ಬೇನ್: ಭಾರತದ ಅಂಡರ್-19 ಕ್ರಿಕೆಟ್ ತಂಡ (INDU19 vs AUSU19) ಆಸ್ಟ್ರೇಲಿಯಾ ಪ್ರವಾಸದಲ್ಲಿದೆ. ಉಭಯ ತಂಡಗಳ ನಡುವಿನ ಮೂರು ಪಂದ್ಯಗಳ ಯುವ ಏಕದಿನ ಸರಣಿ (Youth ODI Series) ಸೆಪ್ಟಂಬರ್‌ 21 ರಂದು ಭಾನುವಾರ ಆರಂಭವಾಯಿತು. ಮೊದಲ ಪಂದ್ಯವನ್ನು ಭಾರತ ಏಳು ವಿಕೆಟ್‌ಗಳಿಂದ ಸುಲಭವಾಗಿ ಗೆದ್ದುಕೊಂಡಿದೆ. ಮೊದಲು ಬ್ಯಾಟ್‌ ಮಾಡಿದ ಅಂಡರ್-19 ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ತನ್ನ ಪಾಲಿನ 50 ಓವರ್‌ಗಳಲ್ಲಿ ಕೇವಲ 225 ರನ್ ಗಳಿಸಿತು. ಬಳಿಕ ಗುರಿ ಹಿಂಬಾಲಿಸಿದ ಭಾರತ ಕಿರಿಯರ ತಂಡ, ಅಭಿಜ್ಞಾನ್‌ ಕುಂಡು (Abhigyan Kundu) ಅವರ ಸ್ಪೋಟಕ ಬ್ಯಾಟಿಂಗ್‌ ಬಲದಿಂದ 31ನೇ ಓವರ್‌ನಲ್ಲಿ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡು ಗುರಿಯನ್ನು ತಲುಪಿತು. ಈ ಪಂದ್ಯದ ಗೆಲುವಿನ ಮೂಲಕ ಪ್ರವಾಸಿ ಭಾರತ ಆಸ್ಟ್ರೇಲಿಯಾ ಪ್ರವಾಸವನ್ನು ಭರ್ಜರಿಯಾಗಿ ಆರಂಭಿಸಿದೆ.

ಗುರಿ ಹಿಂಬಾಲಿಸಿದ ಭಾರತ ತಂಡಕ್ಕೆ ವೈಭವ್ ಸೂರ್ಯವಂಶಿ ಮತ್ತೊಮ್ಮೆ ಸ್ಫೋಟಕ ಆರಂಭವನ್ನು ನೀಡಿದರು. ನಾಯಕ ಆಯುಷ್ ಮ್ಹಾತ್ರೆ ಸ್ವಲ್ಪ ಬ್ಯಾಟಿಂಗ್‌ನಲ್ಲಿ ಹಿನ್ನಡೆ ಅನುಭವಿಸಿದ್ದರು. ಆದರೆ ಸೂರ್ಯವಂಶಿ ಆರಂಭದಿಂದಲೇ ಆಸ್ಟ್ರೇಲಿಯಾದ ಬೌಲರ್‌ಗಳ ಮೇಲೆ ದಾಳಿ ಮಾಡಿದರು. ಅವರು ಇಚ್ಛೆಯಂತೆ ಬೌಂಡರಿಗಳನ್ನು ಹೊಡೆದರು. ಅವರು ಕೇವಲ 22 ಎಸೆತಗಳಲ್ಲಿ ಏಳು ಬೌಂಡರಿಗಳು ಮತ್ತು ಒಂದು ಸಿಕ್ಸ್ ಸೇರಿದಂತೆ 38 ರನ್ ಗಳಿಸಿದರು. ಹೇಡನ್ ಶಿಲ್ಲರ್ ಅವರ ಮೂರನೇ ಓವರ್‌ನಲ್ಲಿ ಯುವ ಆಟಗಾರ ಮೂರು ಬೌಂಡರಿಗಳನ್ನು ಬಾರಿಸಿದರು. ನಂತರ, ಮುಂದಿನ ಓವರ್‌ನಲ್ಲಿ, ಅವರು ಚಾರ್ಲ್ಸ್ ಲೆಚ್ಮಂಡ್ ವಿರುದ್ಧ ಎರಡು ಬೌಂಡರಿ ಮತ್ತು ಒಂದು ಸಿಕ್ಸ್ ಬಾರಿಸಿದರು. 5ನೇ ಓವರ್‌ನ ಕೊನೆಯ ಎಸೆತದಲ್ಲಿ ವೈಭವ್ ಔಟಾದಾಗ ಭಾರತದ ಸ್ಕೋರ್ 50 ಆಗಿತ್ತು. ಆಯುಷ್ ಮಾತ್ರೆ ಕೇವಲ 6 ರನ್ ಗಳಿಸಿ ವಿಕೆಟ್‌ ಒಪ್ಪಿಸಿದರು.

IND vs PAK: ʻಆಂಡಿ ಪೈಕ್ರಾಫ್ಟ್‌ ಸ್ಕೂಲ್‌ ಟೀಚರ್‌ ಅಲ್ಲʼ-ಪಾಕಿಸ್ತಾನವನ್ನು ಟೀಕಿಸಿದ ಆರ್‌ ಅಶ್ವಿನ್‌!

ವೇದಾಂತ್-ಅಭಿಜ್ಞಾನ್‌ ಮಿಂಚಿನ ಬ್ಯಾಟಿಂಗ್‌

ವೈಭವ್ ಸೂರ್ಯವಂಶಿ ಟೀಮ್ ಇಂಡಿಯಾಕ್ಕೆ ಸ್ಫೋಟಕ ಆರಂಭ ನೀಡಿರಬಹುದು, ಆದರೆ 10ನೇ ಓವರ್‌ನ ವೇಳೆಗೆ ಮೂರು ವಿಕೆಟ್‌ಗಳು ಪತನಗೊಂಡಿದ್ದವು. ಇದಾದ ನಂತರ, ವೇದಾಂತ್ ತ್ರಿವೇದಿ ಮತ್ತು ವಿಕೆಟ್ ಕೀಪರ್ ಅಭಿಗ್ಯಾನ್ ಕುಂಡು ಜೋಡಿ ಕ್ರೀಸ್‌ನಲ್ಲಿಯೇ ಇತ್ತು. ಆಸ್ಟ್ರೇಲಿಯಾದ ಬೌಲರ್‌ಗಳು ಈ ಜೋಡಿಯನ್ನು ಬೇರ್ಪಡಿಸಲು ಸಾಕಷ್ಟು ಕಷ್ಟಪಟ್ಟರು. ಇಬ್ಬರೂ 123 ಎಸೆತಗಳಲ್ಲಿ 152 ರನ್‌ಗಳ ಅಜೇಯ ಪಾಲುದಾರಿಕೆಯನ್ನುಆಡಿದರು. ಭಾರತ ತಂಡ ಗುರಿಯನ್ನು ತಲುಪಲು ಈ ಜೋಡಿ ನೆರವು ನೀಡಿತು. ವೇದಾಂತ್ 69 ಎಸೆತಗಳಲ್ಲಿ 8 ಬೌಂಡರಿಗಳ ಸಹಾಯದಿಂದ 61 ರನ್ ಗಳಿಸಿದರೆ, ಅಭಿಜ್ಞಾನ್‌ ಬೇಗನೆ ರನ್ ಗಳಿಸಿದರು, ಅವರು 74 ಎಸೆತಗಳಲ್ಲಿ 8 ಬೌಂಡರಿ ಮತ್ತು 5 ಸಿಕ್ಸರ್‌ಗಳೊಂದಿಗೆ 87 ರನ್ ಗಳಿಸಿದರು.

225 ರನ್‌ ಕಲೆ ಹಾಕಿದ್ದ ಆಸ್ಟ್ರೇಲಿಯಾ

ಇದಕ್ಕೂ ಮುನ್ನ ಮೊದಲು ಬ್ಯಾಟ್‌ ಮಾಡಿದ್ದ ಆತಿಥೇಯ ಆಸ್ಟ್ರೇಲಿಯಾ ಕಳಪೆ ಆರಂಭವನ್ನು ಪಡೆದಿತ್ತು. ಆರಂಭಿಕ ಆಟಗಾರ ಅಲೆಕ್ಸ್ ಟರ್ನರ್ ಅವರನ್ನು ಕಿಶನ್ ಕುಮಾರ್ ಮೊದಲ ಎಸೆತದಲ್ಲೇ ಔಟ್ ಮಾಡಿದರು. ಮತ್ತೊಬ್ಬ ಆರಂಭಿಕ ಆಟಗಾರ ಸೈಮನ್ ಬಡ್ಜ್ ಕೂಡ ಮೊದಲ ಓವರ್‌ನಲ್ಲೇ ರನ್ ಗಳಿಸಲು ವಿಫಲರಾದರು. ಮೂರನೇ ಸ್ಥಾನದಲ್ಲಿ ಬ್ಯಾಟ್‌ ಮಾಡಿದ ಸ್ಟೀವ್ ಹೊಗನ್ 82 ಎಸೆತಗಳನ್ನು ಎದುರಿಸಿ 39 ರನ್ ಗಳಿಸಿದರು. ಆದಾಗ್ಯೂ, ಎಂಟನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿದ ಜಾನ್ ಜೇಮ್ಸ್ 68 ಎಸೆತಗಳಲ್ಲಿ ಅಜೇಯ 77 ರನ್ ಗಳಿಸಿ ತಂಡವನ್ನು 225 ರನ್ ತಲುಪಲು ಸಹಾಯ ಮಾಡಿದರು.

IND vs PAK: ಪಾಕಿಸ್ತಾನ ವಿರುದ್ಧದ ಸೂಪರ್‌-4ರ ಪಂದ್ಯಕ್ಕೆ ಭಾರತ ತಂಡದಲ್ಲಿ 2 ಬದಲಾವಣೆ ಸಾಧ್ಯತೆ!

ಭಾರತದ ಪರ ಅತ್ಯುತ್ತಮವಾಗಿ ಬೌಲ್‌ ಮಾಡಿದ ಹೆನಿಲ್‌ ಪಟೇಲ್‌ ಮೂರು ವಿಕೆಟ್‌ ಪಡೆದರೆ, ಕಿಶನ್‌ ಕುಮಾರ್‌ ಹಾಗೂ ಕಾನಿಷ್ಕಾ ಚೌವ್ಹಾಣ್‌ ತಲಾ ಎರಡೆರಡು ವಿಕೆಟ್‌ಗಳನ್ನು ಪಡೆದರು. ಇನ್ನು ಎರಡನೇ ಯುವ ಏಕದಿನ ಪಂದ್ಯ ಸೆಪ್ಟಂಬರ್‌ 24 ರಂದು ಬ್ರಿಸ್ಬೇನ್‌ನ ಇಯಾನ್ ಹೀಲಿ ಓವಲ್‌ ಅಂಗಣದಲ್ಲಿ ನಡೆಯಲಿದೆ.